അവർ പോയി കഴിഞ്ഞതും നിധിയുടെ ചോദ്യം.
അവൾ എന്റെ അടുത്ത് തന്നെയുണ്ട്. പക്ഷേ അവളുടെ ചോദ്യത്തിന് മറുപടി പറയാതെ ഞാൻ വീട്ടിലേക്ക് നടന്നു..
അല്ലെങ്കിൽ തന്നേ ഞാൻ എന്തിനു മറുപടി പറയണം. മനസ്സ് വായിക്കാനുള്ള കഴിവല്ലേ കയ്യിൽ ഇരിക്കുന്നത്. അതും പോരാഞ്ഞിട്ട് എന്നേ കുറിച്ച് എനിക്ക് പോലും അറിയാത്ത കാര്യങ്ങളും… 😤
ഞാൻ അവളേ നോക്കി ഒന്ന് പുച്ഛിച്ചു…
“നീ ദേഷ്യപ്പെട്ടിട്ടൊന്നും കാര്യമില്ല ദേവാ. ആദ്യമായിട്ട് കാണുന്ന ആളേ ഞാൻ എങ്ങനെ വിശ്വസിക്കും…”
അവളുടെ ആ മറുപടി കേട്ടതും കാലുകൾ നിശ്ചലമായി..
ആദ്യമായി കാണുന്നതോ…
ഞാൻ നിധിയേ തിരിഞ്ഞു നോക്കി….
“നോക്കണ്ട അവൾ ഇതിനു മുൻപ് ഇവിടേ വന്നിട്ടില്ല…..ഇതിനൊക്കെ കാരണം നീ തന്നെയാ…”
അതും പറഞ്ഞ് അവൾ വീടിനകത്തേക്ക് കയറി…
ഒന്ന് സ്റ്റക്ക് ആയി നിന്ന ശേഷം ഞാൻ അവളുടെ പിന്നാലേ വീട്ടിലേക്കോടി…
അവളുടെ അടുത്തെത്തിയതും എന്റെ പിടി അവളുടെ കയ്യിൽ വീണു….
“അങ്ങനങ്ങ് പോയാൽ എങ്ങനാ. നീയല്ലേ പറഞ്ഞത് ഇതൊരു ലൂപ്പാണെന്നും അതങ്ങനെ സംഭവിച്ചുകൊണ്ടിരിക്കുകയാണെന്നും എന്നൊക്കെ. പിന്നേ കൃതികയേ ആദ്യമായിട്ടാ കാണുന്നതെന്ന് പറഞ്ഞാൽ അതിന്റെ അർത്ഥം എന്താ.ഞാൻ കാരണം എന്ത് സംഭവിച്ചു എന്നാ നീ പറയുന്നേ…”
ഞാൻ അവളുടെ കണ്ണിലേക്ക് നോക്കി ചോദിച്ചു…
കുറച്ചു നേരം എന്നേ നോക്കി നിന്ന ശേഷം എന്റെ കൈകളെ തട്ടി തെറിപ്പിച്ചുകൊണ്ട് അവൾ മുകളിലേക്ക് സ്റ്റെപ് കയറി നടന്നു…
ഇവളാര് അന്യന്റെ പെങ്ങളോ. 😤
ഇന്നലെ രാത്രിയും ഇന്ന് രാവിലെയും എന്തായിരുന്നു സ്നേഹം..
സ്നേഹത്തിന്റെ കാര്യമോർത്തപ്പോഴാണ് രാവിലേ കിട്ടിയ അടിയുടെ കാര്യം ഓർമ്മ വന്നത്….
ഹോ ഓർക്കാൻ കൂടേ വയ്യാ… 😐
ഞാൻ വീണ്ടും അവളുടെ പിറകേ ഓടി
അവളുടെ അടുത്ത് എത്തിയപ്പോൾ അവൾ വാതിലടക്കാൻ ശ്രമിക്കുകയായിരുന്നു…
“ഡീ….. നിക്കടി അവിടേ…. ”
അടക്കാൻ ശ്രമിച്ച വാതിലിൽ തള്ളി തുറന്നുകൊണ്ട് ഞാൻ പറഞ്ഞു….
പേടിപ്പിച്ചാൽ പേടിക്കുന്ന സാധനമല്ല എന്നറിയാമെങ്കിലും വെറുതേ ഒരു ശ്രമം…
ഞാൻ അകത്തേക്ക് കയറി
മൈൻഡ് ചെയ്തില്ല എന്ന് മാത്രമല്ല ഒരു പട്ടിയുടെ വില പോലും തന്നില്ല….😤
അവൾ നേരെ പോയി കിടക്കയിൽ ഇരുന്നു. എന്റെ ദേഷ്യം കണ്ട് അവൾ മുഖത്ത് ഒരു പുഞ്ചിരി ഒളിപ്പിക്കുന്നതായി എനിക്ക് തോന്നി…
”വന്ന് ഇവിടെ ഇരിക്ക് ദേവാ,”
അവൾ ബെഡിൽ അവളുടെ അടുത്തായി ഇരിക്കാൻ എന്നോട് കണ്ണിറുക്കിക്കൊണ്ട് പറഞ്ഞു.
നിമിഷം നേരംകൊണ്ട് മിന്നി മറയുന്ന സ്വഭാവം കണ്ട് ചന്തി നോക്കി ഒരടി അടിക്കാനാണ് ആദ്യം തോന്നിയത്…
പിന്നേ ആവശ്യം എന്റെയായിപ്പോയില്ലേ… 😤
ഞാൻ മുഖം വീർപ്പിച്ച് അവളുടെ അടുത്തായി ചെന്നിരുന്നു.
”എന്താ ദേവാ, മുഖത്തൊരു വിഷമം?”
തൊട്ടടുത്ത നിമിഷം അവൾ എന്റെ മടിയിൽ കയറിയിരുന്നു….
അവളുടെ പെട്ടെന്നുള്ള ഈ നീക്കം എന്നെ വീണ്ടും ഞെട്ടിച്ചു.
ഒരു നിമിഷം ഞാൻ വാക്കുകൾ നഷ്ടപ്പെട്ടവനെപ്പോലെ ഇരുന്നുപോയി. എന്റെ മടിയിൽ, ആ മുറിയിലെ വായുവിൽ ഞങ്ങൾ മാത്രമായി.
നിധിയുടെ ശരീരത്തിന്റെ ചൂട് എൻ്റെ കാലുകളിലേക്ക് അരിച്ചു കയറാൻ തുടങ്ങി.
ഒരു പ്രത്യേക തരം ഗന്ധം എന്നെ പൊതിഞ്ഞു. അത് പൂക്കളുടെയോ സുഗന്ധദ്രവ്യങ്ങളുടെയോ ആയിരുന്നില്ല; അതെന്തോ അവളുടെ മാത്രം, വ്യതിരിക്തമായ ഒരു ചൂടും നേരിയ മധുരവുമുള്ള, എന്നെ അസ്വസ്ഥനാക്കുന്ന ഒരു വാസനയായിരുന്നു.
ശ്വാസം ഉള്ളിലേക്ക് എടുക്കുന്തോറും എന്നിൽ ലഹരിപോലെ ആ വാസന പടർന്നു കയറുന്നതായി തോന്നി.
ആ നിമിഷം എൻ്റെ ഹൃദയമിടിപ്പ് അസാധാരണമാംവിധം ഉയർന്നു.
അതിന്റെ ശബ്ദം എൻ്റെ നെഞ്ചിൽ ഒരു ഇടിമുഴക്കം പോലെ മുഴങ്ങി. അവളുടെ അടുപ്പം എന്നിലുണ്ടാക്കിയ ആവേശം കാരണം, ആ ശബ്ദം അവൾ കേൾക്കുമോ എന്ന് ഞാൻ ഭയന്നു.