വേറെയാരുമായിരുന്നില്ല സച്ചിനും രാഹുലുമായിരുന്നു വന്നത്…
ഇവന്മാര് ഇന്ന് നേരത്തേ വന്നോ…
ഞാൻ അവരേ തന്നേ ശ്രദ്ധിച്ചു കിടന്നു..
”എടാ ദേവാ… നീ ഇതിനകത്തുണ്ടോ..? വാതിൽ തുറക്കെടാ…”
രാഹുൽ അതും പറഞ്ഞുകൊണ്ട് ചാരി കിടന്ന എന്റെ റൂമിന്റെ ഡോറും തള്ളി തുറന്ന് അകത്തേക്ക് കയറി. ഒപ്പം സച്ചിനും
പക്ഷേ മണ്ടന്മാർക്കറിയില്ലല്ലോ ഞാൻ ഇവിടെ നിധിയുടെ മുറിയിൽ തറയിൽ നക്ഷത്രവും എണ്ണി കിടക്കുകയാണെന്ന്.
അതിനുള്ളിൽ നിന്നും ആരെയും കാണാത്തതുകൊണ്ട് കുറച്ചു കഴിഞ്ഞതും അവന്മാർ രണ്ടു പേരും പുറത്തേക്ക് വന്നു..
തിരിച്ചു പോവാനായി തുനിഞ്ഞപ്പോഴാണ് തുറന്നു കിടക്കുന്ന നിധിയുടെ മുറി അവരുടെ ശ്രദ്ധയിൽ പെട്ടത്..
വാതിൽ തുറന്നു കിടക്കുന്നത് കൊണ്ട് തന്നെ അവർക്ക് അകത്തേക്ക് കയറാൻ തടസ്സമൊന്നും ഉണ്ടായിരുന്നില്ല.
”ഇവൻ ഇത് എവിടെ പോയി കിടക്കുവാ…”
എന്നും പറഞ്ഞ് സച്ചിനും തൊട്ടുപിന്നാലെ
രാഹുലും നിധിയുടെ മുറിയിലേക്ക് തലയിട്ടു.
അകത്തേക്ക് കയറിയതും അവർ ആദ്യം കണ്ടത് കട്ടിലിന് അരികിൽ നിൽക്കുന്ന നിധിയെയാണ്. പെട്ടെന്ന് അവളെ അവിടെ പ്രതീക്ഷിക്കാത്തതുകൊണ്ട് രണ്ടുപേരും ഒന്ന് പകച്ചു.
”ആഹാ… നിധി നീ ഇവിടേ ഉണ്ടായിരുന്നോ? ഞങ്ങൾ ദേവയെ നോക്കി വന്നതാ…”
സച്ചിൻ അത് പറയുന്നതിനിടയിലാണ് രാഹുലിന്റെ നോട്ടം തറയിലേക്ക് പതിഞ്ഞത്.
അവന്റെ കണ്ണ് തള്ളുന്നതും വായ പൊളിയുന്നതും കണ്ടിട്ടാവണം സച്ചിനും താഴേക്ക് നോക്കി.
വെട്ടിയിട്ട ബാഴ തണ്ട് പോലേ കിടക്കുന്ന എന്നേ കണ്ടതും അവന്റെ കണ്ണുകളും വിടർന്നു വന്നു…
എന്റെ കിടപ്പും, തൊട്ടടുത്ത് നിധിയുടെ നിൽപ്പും, മുറിയിലെ സാഹചര്യവും എല്ലാം കൂടെ കണ്ടപ്പോൾ അവരുടെ കിളി പോയെന്ന് ആ മുഖഭാവം കണ്ടാൽ തന്നെ അറിയാം.
രാഹുൽ എന്നെയും നിധിയെയും മാറി മാറി നോക്കുന്നുണ്ട്.
ആരുമില്ലാത്ത നേരത്ത് പെണ്ണിനേ പീഡിപ്പിക്കാൻ നോക്കിയപ്പോൾ അവൾ തൂക്കിയെറിഞ് തറയിലിട്ടതാണെന്ന് വല്ലോം മൈരൻ വിചാരിക്കുമോ…😐
”അളിയാ… നിനക്ക് ഇതെന്തുപറ്റി? ഫിറ്റായി വീണതാണോ?”
എവിടെനിന്നോ വന്ന സച്ചിന്റെ ചോദ്യം…
“ഫിറ്റായി വീഴാൻ ഞാൻ നിന്റെ തന്തയല്ല മൈരേ… ”
ദേഹമനങ്ങിയില്ലെങ്കിലും എന്റെ നാവനങ്ങി..
കിട്ടിയപ്പോൾ അവനും ഹാപ്പി കൊടുത്തപ്പോൾ ഞാനും ഹാപ്പി…
“നോക്കി നിൽക്കാതെ എന്നേ ഒന്ന് പൊന്തിച്ച് നേരേ നിർത്തടാ… ”
ദയനീയമായി ഞാൻ പറഞ്ഞതും ചിരിച്ചിട്ടാണെങ്കിലും മൈരന്മാർ എന്നേ നിലത്ത് നിന്നും പൊന്തിച്ചു നേരേ നിർത്തി…
“ഇവനിതെന്ത് പറ്റി….?”
രാഹുലിന്റെ അടുത്ത ചോദ്യം നിധിയോടായിരുന്നു….
“ഏയ് അതൊന്നുമില്ല ഞങ്ങൾ ഒരു കളി കളിച്ചതാ അതിൽ അവൻ തോറ്റു പോയി….”
അവളുടെ മറുപടി അവന്മാരോടായിരുന്നെങ്കിലും നോട്ടം എന്റെ നേർക്കായിരുന്നു….
ഞാൻ അവന്മാരെയൊന്ന് നോക്കി. ഇനി കളി എന്ന് പറഞ്ഞത് തെറ്റിദ്ധരിച്ചോ ആവോ…
വിചാരിച്ചപോലെ അവളുടെ മറുപടി അവൻമ്മാർക്കങ് ദഹിച്ചിട്ടില്ല….
“നിങ്ങൾ താഴേക്ക് വാ ഫുഡ് കഴിക്കാം… ”
എല്ലാം എന്റെ തലയിലേക്കിട്ടുകൊണ്ടവൾ റൂമിൽ നിന്നും പുറത്തിറങ്ങി താഴോട്ട് പോയി…😐
“ദേവാ…. ”
രാഹുലിന്റെ വിളി…
“എന്നോടൊന്നും ചോദിക്കല്ലേ എല്ലാം പറഞ്ഞു തരാം. എന്തായാലും നീ വിചാരിക്കുന്ന പോലെയൊന്നുമല്ല കാര്യങ്ങൾ…”
നിധിയുടെ പോലേ മനസ്സ് വായിക്കാൻ കഴിവൊന്നുമില്ലെങ്കിലും അവൻ ഇപ്പോൾ ചിന്തിക്കുന്നതെന്താണെന്ന് എനിക്ക് മറ്റാരേക്കാളും നന്നായറിയാം…
അതുകൊണ്ട് അത്രയും പറഞ്ഞ് ഞാനും താഴോട്ട് ചെന്നു…
- പിന്നീട് അതിനേ പറ്റി ആരും ഒന്നും സംസാരിച്ചില്ല…
ഡൈനിങ് ടേബിളിൽ ഇരുന്നുകൊണ്ട് ഓരോന്ന് സംസാരിച്ചു.പ്രധാന ചർച്ചാ വിഷയം എന്നേ കൂട്ടാതെ പോയ ക്രിക്കറ്റ് മാച്ചിനേ കുറിച്ചായിരുന്നു….