“ദേവാ നീ പറഞ്ഞതുപോലെ ഈ സ്ഥലം ശരിക്കും കൊള്ളാം ട്ടോ. പ്രത്യേകിച്ച് ഇവിടുത്തെ പെണ്ണുങ്ങൾ എല്ലാവരും നല്ല കിടിലൻ ചരക്കുകൾ..”
അവൾ പുറത്തേ കാഴ്ചകൾക്ക് കണ്ണും നട്ടുക്കൊണ്ട് പറഞ്ഞു…..
ഇഞ്ചിഞ്ചായി കൊല്ലുന്നതിനു പകരം ഇവൾക്കെന്നേ ഒറ്റയടിക്കങ്ങ് കൊന്നൂടെ… 🥲
ഞാൻ മിററിലൂടെ ബാക്കിലേക്കൊന്ന് നോക്കി….. റോസ് ചിരിയടക്കാൻ പാടുപെടുന്നുണ്ടെങ്കിൽ ആമിയും നിധിയും എന്നേ തന്നേ നോക്കിയിരിക്കുകയായിരുന്നു…
അവരുടെ നോട്ടം ഉടക്കിയതും ഞാൻ കണ്ണുകൾ മെല്ലേ പിൻവലിച്ചു…
ആമിയേക്കുറിച്ചും നിധിയേക്കുറിച്ചും കൂടുതലൊന്നും എനിക്കറിയില്ലെങ്കിലും. ഇന്നലെ മുതൽ എന്നോടുള്ള അവരുടെ പെരുമാറ്റം എന്റെ മനസ്സിനേ ആവശ്യത്തിലധികം അലോസര പെടുത്തുന്നുണ്ട്.
ആദ്യം ഞങ്ങൾ പോയത് ആമിയുടെ വീട്ടിലേക്കായിരുന്നു.അവളുടെ വീടെത്തിയതും ഒന്നും പറയാതെ കാറിന്റെ ഡോറും തള്ളി തുറന്ന് അവൾ വീട്ടിലേക്ക് പോയി…
അവൾ പോവുന്നത് നോക്കി കാണാനേ ഞങ്ങൾക്ക് സാധിച്ചുള്ളൂ…
പിന്നേ നിധിയുടെ വീട്ടിലേക്കായിരുന്നു യാത്ര…
വീടെത്തിയതും ഞാനും നിധിയും ഇറങ്ങി…
ഞാൻ ഇറങ്ങിയത് കണ്ടിട്ടാവണം കൃതിക എന്റൊപ്പം ഇറങ്ങി…
ഓ പറഞ്ഞതുപോലെ റോസിന്റെ വീട്ടിലാണ് ഇവളെ നിർത്താൻ ഉദ്ദേശിച്ചത് എന്ന് ഞാൻ ഇവളോട് പറഞ്ഞിട്ടില്ലല്ലോ…
ഞാൻ കൃതികയുടെ അടുത്തേക്ക് പോയി അവളേ കുറച്ചു മാറ്റി നിർത്തി…..
“നീ റോസിന്റെ കൂടേ പോക്കൊ അവിടേയാണ് നിനക്ക് സ്റ്റേ ശരിയാക്കിയിട്ടുള്ളത്…”
മടിച്ചു മടിച്ചാണെങ്കിലും ഞാൻ എങ്ങനൊക്കെയോ അവളോട് പറഞ്ഞൊപ്പിച്ചു….
“എടാ പരനാറി അവളുടെ കൂടേ നിക്കാനാണെൽ എനിക്ക് ഇങ്ങോട്ട് വരേണ്ട ആവശ്യമുണ്ടായിരുന്നോ…”
കൃതിക കലിപ്പ് മോഡ് ഓൺ ആക്കി..
“കൃതി പ്ലീസ് നീ പറയുന്നതൊന്ന് മനസ്സിലാക്ക്. ഈ സ്ഥലം മൊത്തത്തിൽ പ്രശ്നമാ. അതൊക്കെ ഒന്ന് പരിഹരിച്ചിട്ട് ഞാൻ നിന്നേ കൂട്ടി കൊണ്ട് വരാം പ്രോമിസ്…”
“പറ്റില്ല… പറ്റില്ല… പറ്റില്ല…. അങ്ങനെയാണെങ്കിൽ ഞാൻ പുറത്ത് എവിടെയെങ്കിലും റൂം എടുത്തോണ്ട്…”
അവൾ അമ്പിനും വില്ലിനും അടുക്കുന്ന ലക്ഷണമില്ല…
ഞാൻ വീണ്ടും അവളുടെ കാല് പിടിക്കാൻ ചെന്നു…
സമയം മുന്നോട്ട് നീങ്ങി…..ചില രാത്രികളിൽ അവളേ കാണാൻ വരണം എന്ന നിബന്ധനയിൽ അവൾ റോസിന്റെ കൂടേ പോവാം എന്ന് തീരുമാനിച്ചു..
ഞങ്ങൾ രണ്ട് പേരും അവരുടെ അടുത്തേക്ക് പോയി…
നിധിയും റോസും എന്തോ സംസാരിച്ചുകൊണ്ടിരിക്കുകയായിരുന്നു…
നിധിയുടെ മുഖത്ത് ചിരിയുണ്ട്. ഇവൾ ചിരിക്കാനും മാത്രം എന്ത് കോമഡിയാണോ റോസ് ഇവളോട് പറഞ്ഞത്…
ഞങ്ങളെ കണ്ടതും അവരുടെ ശ്രദ്ധ പിന്നേ ഞങ്ങളിലേക്കായി..
കൃതിക ഒന്നും പറയാതെ കാറിൽ കയറി ഇരുന്നു..
ഞാൻ റോസിനേ നോക്കി…
നോട്ടത്തിന്റെ അർത്ഥം മനസ്സിലായെന്ന പോലേ അവൾ തലയാട്ടി കാറിൽ കയറി വണ്ടി സ്റ്റാർട്ട് ചെയ്തു…
“ദേവാ… ”
കാറെടുക്കുംമുമ്പ് കൃതികയുടെ വിളി.
കൂടുതലൊന്നും പറയാതെ, അവൾ ബാഗിൽനിന്ന് ഒരു ബോക്സ് എടുത്ത് എൻ്റെ നേർക്ക് നീട്ടി.
അത് കണ്ടതും മനസ്സിൽ എന്തോ ഒരു വിങ്ങലുണ്ടായി.
അതൊരു ഐഫോൺ ആയിരുന്നു, ഏറ്റവും പുതിയ മോഡൽ. എൻ്റെ ഫോൺ കേടായെന്ന് പറഞ്ഞപ്പോൾ അവൾ എനിക്ക് വേണ്ടി വാങ്ങിക്കൊണ്ടുവന്ന സമ്മാനം.
അവളെ ഇഷ്ടമില്ലാഞ്ഞിട്ട് പോലും മാറ്റിനിർത്താൻ കാരണമായി നിധിയുടെ മുഖം കണ്ടപ്പോൾ എനിക്കെന്തോ അവളോട് ദേഷ്യം തോന്നി.ചിലപ്പോൾ ഇതിനു മുൻപ് കൃതികയും നിധിയും തമ്മിൽ എന്തെങ്കിലും തരത്തിൽ പ്രശ്നമുണ്ടായിരിക്കും. അതുകൊണ്ടായിരിക്കും നിധി ഇവിടേ നിന്നും കൃതികയേ മാറ്റിയത്…
കാർ കണ്ണിൽ നിന്നും മായുന്നത് വരെ പുറത്ത് ഗേറ്റിന് മുന്നിലായി ഞാൻ അതേ നിൽപ്പ് തുടർന്നു…..
“അവൾ നിന്റെ ഫ്രണ്ട് ആണോ അതോ കാമുകിയാണോ…? ”