🌸പാരിജാതം – 1🌸 27അടിപൊളി  

 

അവസാനം എല്ലാവരുടെയും നിർബന്ദത്തിൽ വഴങ്ങി ജാസിർ അവിടെ തന്നെ കൂടാൻ തീരുമാനിച്ചു..

വളരെ പെട്ടെന്ന് തന്നെ ജാസറും ആലിയയും നല്ല ചങ്ങാത്തത്തിൽ ആയി കഴിഞ്ഞു… ഒരു കുഞ്ഞനിയത്തിയോടുള്ള വാത്സല്യം ജാസർന് ആലിയയോട് ഉണ്ടായിരുന്നു… അവളുടെ കളിയും തമാശയും കുസൃതകളും റസിയയുടെ മാനസിക നിലകളിലും വെത്യാസം വരുത്തി, എല്ലാവരും സ്വാഭാവിക ജീവിത നിലയിലേക്ക് തിരികെ വന്നു..

ആസിയ മാത്രം ജാസറിനോട് അധികമൊന്നും മിണ്ടാതെ അത്യാവശ്യത്തിന് മാത്രം സംസാരിക്കുകയും മറ്റും ചെയ്തു..

 

ഒരുമിച്ചിരുന്ന് ആഹാരം കഴിക്കുമ്പോഴും തമാശകൾ പറയുമ്പോഴും ജാസറും ഒരു കുടുംബ ജീവിതത്തിൻ്റെ സമാധാന അന്തരീക്ഷത്തിൽ ലയിച്ചു ചേർന്നു തുടങ്ങി..

 

വീട്ടിൽ മൂന്ന് പെണ്ണുങ്ങൾ ഉണ്ടെന്ന വീണ്ടു വിചാരം കാരണം ജാസർ സിഗരറ്റ് വലി പോലും ടെറസിലേക്ക് മാറ്റി, അങ്ങനൊരു ദിവസം ടെറസ്സിൽ സിഗരറ്റ് വലിച്ച് നിൽക്കുമ്പോഴാണ് ആസിയ കുളി കഴിഞ്ഞ് കഴുകിയ ഡ്രസ്സ് ഉണക്കാനായി ടെറസ്സിലേക്ക് വന്നത്..

ഓരോ തുണികളായി പിഴിഞ്ഞ് അശയിലേക്ക് വിരിച്ചു കൊണ്ടിരുന്ന ആസിയയെ ജാസർ നോക്കി.. സായാഹ്ന സൂര്യൻ്റെ മഞ്ഞ വെളിച്ചം അവളുടെ മുടിയിലൂടെ ഊർന്നിറങ്ങുന്ന ജല കണികളിൽ തട്ടി മിന്നി തിളങ്ങി..

ജാസിർ പലപ്പോഴായി അവളിലെ സൗന്ദര്യം ഒളി കണ്ണ് കൊണ്ട് ആസ്വദിച്ചിട്ടുണ്ടെങ്കിലും കുളിച്ചു കയറി വന്ന അവളുടെ സൗന്ദര്യത്തിൽ പരിസരം മറന്ന് അവളെ തന്നെ നോക്കി നിന്നു പോയി..

ജാസിർ നോക്കുന്നത് ആസിയയും കണ്ടു, അവളിലും എന്തെന്നില്ലാത്ത ഒരു വെപ്രാളവും നാണവും ഉടലെടുത്തു.. അവളും ഒളി കണ്ണ് കൊണ്ട് അവനെ ശ്രദ്ധിച്ചു…

പെട്ടെന്ന് തന്നെ തുണികൾ മുറുക്കി പിഴിഞ്ഞ് ആശയിൽ വിരിച്ചിട്ടു ആസിയ താഴേക്ക് പോകാൻ തുടങ്ങി..

സ്റ്റെയറിലേക്ക് ഇറങ്ങും മുമ്പേ ആസിയ ഒന്ന് തിരിഞ്ഞ് നോക്കി ജാസറിൻ്റെ കണ്ണുകളും ആസിയയുടെ കണ്ണുകളും തമ്മിൽ ഉടക്കി നിന്നു, നാണം തുളുമ്പിയ അവളുടെ കണ്ണുകൾ ജാസറിൻറെ ഹൃദയത്തിൽ മിന്നലലകൾ പായിച്ചു..

ജാസിർ പെട്ടെന്ന് തിരിഞ്ഞു നിന്നു, ആസിയ താഴേക്ക് ഓടി, കട്ടിലിൽ പോയി കമിഴ്ന്നു കിടന്ന് കൊണ്ട് അവള് ചിന്തിച്ചു…

സ്കൂളിലും കോളേജിലും നാട്ടിലും പല ആണുങ്ങളെയും കണ്ടിട്ടുണ്ട് അവരുടെ കൊത്തി വലിക്കുന്ന നോട്ടങ്ങളെ നേരിടുകയും ചെയ്തിട്ടുണ്ട്, പക്ഷേ ഇപ്പോള് അനുഭവിച്ചത് പോലൊരു ഫീലിംഗ്സ് ഇത് വരെ അറിഞ്ഞിട്ടില്ല… അവള് നെഞ്ചിൽ കൈ വെച്ച് നോക്കി, നെഞ്ച് കിടന്ന് പട പട ക്രമാതീതമായി മിടിക്കുന്നു…

ടെറസിൽ നിന്ന ജാസറിൻെറ മാനസിക നിലയും ചിന്തകളും ഏകദേശം ഇത് പോലെ തന്നായിരുന്നു…

വൈകിട്ട് എല്ലാവരും ഒരുമിച്ചിരുന്ന് ചായ കുടിക്കുമ്പോഴും ഇടക്കിടക്ക് ജാസറിൻ്റെ കണ്ണും ആസിയയുടെ കണ്ണുകളും തമ്മിൽ കൂട്ടി മുട്ടി..

ഓരോ നോട്ടവും ആസിയക്കും ജാസറിനും പുതുമായുള്ളതായിരുന്നു…

ആസിയയുടെ കണ്ണുകളിലെ തിളക്കം കൂടി വരുന്നതും അവളിലെ മറ്റൊരാളാൽ ശ്രധിക്കപ്പെടുമ്പോൾ ഉണ്ടാകുന്ന വെപ്രാളവും ജാസർ ആസ്വദിച്ചു..

അതിനിടയിൽ ആസിയ അനിയത്തിയോട് കണ്ണുകൾ കൊണ്ട് എന്തോ ആംഗ്യം കാണിക്കുന്നത് ജാസർ ശ്രദ്ധിച്ചു..

 

ആലിയ ; ജാസറിക്ക ഇത്താക്ക് എന്തോ പറയണമെന്ന്..

 

ആസിയ അനിയത്തിയെ ചുണ്ട് കൂർപ്പിച്ചു ഒരു ദേശ്യ ഭാവത്തിൽ നോക്കി, രണ്ടു പേരുടെയും ആംഗ്യഭാഷയിലെ സംസാരവും ദേഷ്യ ഭാവങ്ങളും കണ്ട ജാസർ തന്നെ കാര്യം തിരക്കി..

 

ജാസർ ; എന്താ സംഭവമെന്ന് പറഞ്ഞാല് നന്നായിരുന്നു.,

 

ആസിയ ; ആര്യങ്കാവിലെ വീട്ടിൽ നിന്നും ബാക്കി ആവശ്യമുള്ള സാധങ്ങൾ എടുത്തു മാറ്റിയാൽ വേറെ വാടകക്ക് കൊടുക്കാമെന്ന് പറഞ്ഞു ഹൗസ് ഓണർ വിളിച്ചിരുന്നു.. എന്ത് ചെയ്യണമെന്ന് അറിയാനായിട്ടു…

 

പറഞ്ഞു നിർത്തിയിട്ട് ജാസറിൻ്റെ കണ്ണിലേക്ക് അറച്ചറച്ചു ആസിയ നോക്കുമ്പോൾ അവൻ അവളുടെ കണ്ണിലെ പതർച്ചയും ചുണ്ടിലെ വിറയലും ആസ്വദിക്കുകയായിരുന്നു..

 

ജാസർ; അവിടന്നെന്താ അത്യവശ്യമായിട്ടു എടുക്കാനുള്ളത് അതിനു..