🌸പാരിജാതം – 1🌸 27അടിപൊളി  

അബൂബക്കർ ഇവിടെ ഒരു റബ്ബർ എസ്റ്റേറ്റിൽ വാച്ചറായി ജോലി ചെയ്യുകയായിരുന്നു.. പഴയ റബ്ബർ മുറിച്ചു പുതിയ റബ്ബർ നട്ടപ്പോൾ അതിൻ്റെ ഇടയിൽ പൈനാപ്പിൾ നടുന്ന കൊട്ടേഷൻ അബൂബക്കർ പിടിച്ചു.. പുള്ളിക്കാരൻ്റെ ഇത്ര നാള് വരെയുള്ള സമ്പാദ്യങ്ങളും വീട്ടിലെ പെണ്ണുങ്ങളുടെ കഴുത്തിലും കാതിലും കിടന്നതും എല്ലാം നുള്ളി പറക്കി പരിപാടി തുടങ്ങി.. ഇരുപത് ഏക്കർ തോട്ടത്തിൻ്റെ പകുതി ഭാഗ്ഗത്തെ പണി തീർന്നപ്പോൾ അബൂബക്കറിൻ്റെ കയ്യിലെ പൈസ തീർന്നു.. അങ്ങനെ ആര്യങ്കാവിലെ ഒരു പണക്കാരൻ കോരത് മാപ്പിള പാർട്ണർ ആയിട്ട് കൂടെ കൂടി പണി തീർത്തു.. പൈനാപ്പിൾ എല്ലാം മൊത്തമായി കയറ്റി വിട്ടതൊക്കെ കൂടെ കൂടിയ കോരത് മാപ്പിള കൊണ്ട് വന്ന ഇടനിലക്കാരൻ ആയിരുന്നു.. ഇടനിലക്കാരൻ വിറ്റ് കിട്ടിയ പൈസയും കൊണ്ട് മുങ്ങി..

അബൂബക്കറും ഇടനിലക്കാരനും കൂടിയുള്ള ഒത്ത് കളിയാണെന്നും പറഞ്ഞു കോരത് നേരെ കൊണ്ടങ്ങ് തിരിഞ്ഞു.. ഒന്നുകിൽ കോരത് മുടക്കിയ പൈസ അബൂബക്കർ തിരികെ കൊടുക്കണം അല്ലെങ്കിൽ അബൂബക്കറിൻ്റെ മൂത്ത മകളെ കോരതിൻ്റെ വേപ്പാട്ടിയാക്കണം എന്നും പറഞ്ഞു ഗുണ്ടകളെയും കൊണ്ട് വന്ന് വീട്ടിൽ കയറിയിറങ്ങി പ്രശ്നം ആയിരുന്നു.. ഇന്നലെ രാവിലെ അബൂബക്കർ പോലീസ് സ്റ്റേഷനിൽ പോയി ഒരു കേസ് എഴുതി കൊടുത്തു, കോരത് മാപ്പിളയുടെ എച്ചിൽ തീനികളായ പോലീസ് പരാതി കീറിയെറിഞ്ഞു അബൂബക്കറിനെ സ്റ്റേഷനിൽ ഇട്ടു ചവിട്ടി കൂട്ടി.. തിരിച്ചു വന്നപ്പോൾ ഗുണ്ടകളുടെ വക വീട്ടിൽ കയറിയും തല്ലി ചതച്ചു..

കോരത് മാപ്പിളയുടെ ആൾബലത്തിന് മുന്നിൽ നോക്കുകുത്തിയായി നിൽക്കാനേ നാട്ടുകാർക്ക് കഴിഞ്ഞോളൂ.. ഇപ്പോള് അഴിച്ചിറക്കി പോസ്റ്റുമോർട്ടം കഴിഞ്ഞ് ബോഡി ഹോസ്പിറ്റലിൽ കിടക്കുവാ.. കോരത്ൻ്റെ കടം വീട്ടാതെ ജമാഅത് പള്ളിയിൽ അടക്കാൻ പറ്റില്ലെന്ന് പള്ളി കമ്മറ്റിക്കാരെ കൊണ്ട് കോരത് പറയിച്ചു..

നെടുവീർപ്പിട്ടു കൊണ്ട് അപ്പൂപ്പൻ ഷർട്ടിൻ്റെ പാക്കറ്റിൽ നിന്നും ഒരു ബീഡിയെടുത്ത് കത്തിച്ചു കൊണ്ട് പറഞ്ഞു…

” എന്തായാലും ബക്കർ ഈ ചെകുതാന്മാരുടെ മുന്നിൽ ഈ മൂന്നു പെണ്ണുങ്ങളെയും ഇട്ട് കൊടുത്തിട്ട് ഇങ്ങനെ കയറി തൂങ്ങില്ല.. ഇതെനിക്ക് ഉറപ്പാ… കൊന്നു കെട്ടി തൂക്കിയതാ കഴുവേറി മക്കൾ..”

ഇത് കേട്ട ജാസിർ അക്ഷരാർത്ഥത്തിൽ കാലൻ ജാസിർ ആയി മാറിയിരുന്നു.. കണ്ണുകൾ ചുവന്നു തുടുത്തു ഞരമ്പുകൾ വലിഞ്ഞു മുറുകി.. വിശപ്പ് പോലും ജാസറിൻ്റെ ആളികത്തുന്ന അമർഷത്തിൽ കെട്ടു പോയി..

ജാസിർ ഒന്നും ഒന്നും മിണ്ടാതെ പൊട്ടി കരച്ചിലിൽ നിന്നും എങ്ങലുകളുടെ ഓളം വെട്ടുന്ന വീട് ലാക്കാക്കി നടന്നു..

ജാസിർ ചിലതൊക്കെ തീരുമാനിച്ചു ഉറപ്പിച്ചിരുന്നു..

കാലിൽ കിടന്ന ഷൂസ് അഴിച്ചു വെച്ച് ഉള്ളിലേക്ക് കയറി ഒരു ചെറിയ ഹാൾ.. തറ സിമ്മൻ്റ് കൊണ്ട് ഫിനിഷ് ചെയ്തിട്ടുണ്ട്.. ഒരു കുഞ്ഞ് ശോക്കേഴ്‌സ് നിറച്ച് കൊറേ ട്രോഫികളും സർട്ടിഫിക്കറ്റുകളും ഒക്കെ ഫ്രെയിം ചെയ്ത് വെച്ചിരുന്നു.. മക്കളുടേത് ആവും, ഇതിൽ നിന്നും വ്യക്തമാണ് അബൂബക്കർ എത്രത്തോളം മക്കളെ വിദ്യ സമ്പന്നരായി വളർത്തിയെന്നു..

ഏങ്ങൽ കേട്ട റൂമിലേക്ക് ജാസിർ നടന്നു ചെന്നു.. കട്ടിലിൽ ഇരിക്കുന്ന പാത്തുമ്മ മാമിയുടെ മടിയിൽ കിടക്കുന്ന പത്ത് മുപ്പതഞ്ച് വയസ്സ് പ്രായം തോന്നിക്കുന്ന ഒരു സ്ത്രീ.. മാമിയുടെ തോളിൽ ചാരി കിടക്കുന്ന ഒരു പത്തൊമ്പത് വയസ്സ് കാരി, കട്ടിലിൻ്റെ താഴെ തറയിൽ മുട്ടും കെട്ടിപ്പിടിച്ചു തലയും കുമ്പിട്ട് ഇരിക്കുന്ന ഒരു പെൺകുട്ടി.. കാൽപ്പെരുമാറ്റം കേട്ട് അവള് തല ഉയർത്തി നോക്കി, വെളുത്തു തുടുത്ത അവളുടെ കവിളുകളിൽ തിണർത്തു കിടക്കുന്ന കൈ വിരൽ പാടുകൾ.. കരഞ്ഞ് കലങ്ങിയ കണ്ണുകൾ, അലക്ഷ്യമായി വാരി കെട്ടി വെച്ച മുടികളിൽ നിന്നും അങ്ങിങ്ങായി മുടിയിഴകൾ നെറ്റിയിലേക്കു വീണ് കിടക്കുന്നു..

ജാസറിനെ കണ്ട അവളുടെ കണ്ണുകളിൽ ഭയം ഇരച്ചു കയറി..

ഉമ്മാ.. എന്ന് വിളിച്ചു കൊണ്ടവൾ ചാടി എണീറ്റു അനിയത്തിയെ ചുറ്റി പിടിച്ചു കൊണ്ട് പാത്തുമ്മ മാമി യെ ചേർന്ന് നിന്ന് കൈകൾ കൂപ്പി കരഞ്ഞു തുടങ്ങി…