🌸പാരിജാതം – 1🌸 27അടിപൊളി  

 

മക്കളുടെ സംഭാഷണത്തിൽ ശ്രധിച്ചിരുന്ന റസിയ ഹാളിലേക്ക് കടന്നു വന്നു കൊണ്ട് സംഭാഷണത്തിൽ പങ്കു ചേർന്നു..

 

റസിയ : എൻ്റെയൊരു തയ്യൽ മെഷീനും, പിന്നെ പിള്ളേരുടെ കുറച്ചു സാധനങ്ങളും എടുത്തു വീട് പൂട്ടി താക്കോൽ കൊടുത്താൽ മതിയാരുന്നു..

പക്ഷേ എങ്ങനെയാ അങ്ങോട്ട് പോകുന്നതെന്നൊരു പേടി..

 

ജാസർ ; നിങ്ങളുടെ സാധനം എടുക്കാൻ പോകുന്നതിനു എന്തിനാ പേടികുന്നെ.. അതിങ് പോയി എടുത്തിട്ട് വന്നാൽ പോരെ..

 

റസിയ : അതല്ല മോനെ, അവിടെ ആ ‘ കോരത് ‘ അയ്യാൾ വീണ്ടും ഒരു പ്രശ്നത്തിന് വന്നാൽ….

 

അവരത് പറഞ്ഞു നിർത്തുമ്പോഴേക്കും റസിയയുടെ ഉള്ളിൽ പോലും പേടിയുടെ ഒരു നടുക്കം സൃഷ്ടിച്ചു.. ജാസർ അത് മനസ്സിലാക്കിയെന്നോണം പറഞ്ഞു..

 

ജാസർ ; അത്രയേ ഉള്ള പ്രശ്നം, നമ്മക്ക് നാളെ തന്നെ പോകാം.. അല്ല എല്ലാവരും വരുന്നുണ്ടോ..!

 

മക്കളെ വീണ്ടും ആ നശിച്ച സ്ഥലത്തേക്ക് കൊണ്ട് പോകാൻ റസിയയുടെ മനസ്സ് അനുവദിച്ചില്ല..

അങ്ങനെ റസിയയും ജാസറും മാത്രം പോകാമെന്ന് തീരുമാനിച്ചു..

പക്ഷേ ആസിയയുടെ മനസിൽ അതെന്തോ ഒരു സങ്കടം നിറച്ചു..

 

ജാസറിൻെറ കൂടെ കുറച്ചു സമയം ചിലവഴിക്കാൻ അവസരം ഒത്തു വന്നത് നഷ്ടപ്പെട്ടല്ലോ എന്ന വിഷമം ആയിരുന്നത്..

രാത്രി കിടക്കുമ്പോൾ ഉമ്മയുടെ കണ്ണിൽ ഉറക്കം പിടിച്ചെന്നു കണ്ടപ്പോൾ ആലിയ പതിയെ ആസിയുടെ അടുത്തേക്ക് ചൊതുങ്ങി കിടന്നു…

 

ആലിയ : എന്താണ്, ആസിത്താക്കൊരു വെപ്രാളവും അസ്വസ്ഥതയുമൊക്കെ,

 

ആസിയ : അത് നിനക്ക് തോന്നുന്നതാ, നീ കിടന്ന് ഉറങ്ങാൻ നോക്ക്…

 

ആലിയ : എൻ്റെ പൊന്നിത്ത, നീ കിടന്ന് ഉരുളാതെ കാര്യം പറയുന്നുണ്ടോ..

 

പണ്ടേ തൻ്റെ രഹസ്യം സൂക്ഷിപ്പ് കാരിയാണ് അനിയത്തി.. തൻ്റെ എല്ലാ കാര്യങ്ങളും അവൾക്കറിയാം, തൻ്റെ ഇഷ്ടങ്ങളും താൽപര്യങ്ങളും എല്ലാം അവൾക്കറിയാം.. അവളോട് ഒന്നും മറച്ചു വെച്ചിട്ട് കാര്യമില്ലെന്ന് ആസിയക്ക് വ്യക്തമായി തന്നെ അറിയാം..

” അത്… അത് പിന്നെ… ഞാനൊരു കാര്യം പറയട്ടെ ”

ആസിയ ഒരു നാണത്തോടെ ആലിയയോട് സ്വകാര്യതയിൽ പറഞ്ഞു…

ആലിയ അത് കേൾക്കാനെന്ന മട്ടിൽ ആസിയയോട് ചേർന്ന് കിടന്നു…

 

” എനിക്ക് എന്താണെന്ന് അറിയില്ലടി, ജാസറിക്കായെ കാണുമ്പോൾ എനിക്കെന്തോ പറഞ്ഞറിയിക്കാൻ കഴിയാത്ത ഒരു ഫീലിംഗ്…”

 

നാണത്താൽ കാതരയായി ആസിയ ആലിയയെ ചേർത്തുപിടിച്ചു..

 

“അത് ശരി അപ്പോൾ അതാണ് കോഴി മുട്ടയിടാൻ കയറിയത് പോലെ ഒരു തപ്പലും തടയലും വെപ്രാളവും ഒക്കെ..”

 

ആലിയ ഇത്തയുടെ ഇടുപ്പിൽ കൈവട്ടം ചുറ്റി കെട്ടിപ്പിടിച്ചുകൊണ്ട് കാതിൽ സ്വകാര്യമായി ചോദിച്ചു,,

 

“പ്രേമം ആണോ എൻ്റെ ഇത്താക്ക്..”

 

“അറിയില്ലെടി, ജാസർ ഇക്കയെ കാണുമ്പോൾ എനിക്ക് എന്തോ മനസ്സിലൊക്കെ ഒരു മഴ പെയ്യുന്ന പോലെ ഒരു ഫീലാ…”

 

“എൻ്റെ പൊന്ന് ആസിത്താ അതിനെയാണ് പ്രേമം, ഇഷ്ടം, കാതൽ, പ്യാർ എന്നൊക്കെ പറയുന്നത്..”

ആസിയയും ആലിയയും കുണുങ്ങി ചിരിച്ചുകൊണ്ട് ആ മഹാ സത്യത്തിന്റെ വാതിൽ തള്ളിത്തുറന്നെടുത്തു, അതെ കാലൻ ജാസറിനോട് ആസിയാക്ക് പ്രണയം തോന്നിയിരിക്കുന്നു..

 

“എന്നിട്ട് ഇത്ത ഇത് ജാസർ ഇക്കായെ അറിയിക്കാൻ എന്തെങ്കിലും നീക്കം നടത്തിയോ..?”

 

“അയ്യോ, ഒന്ന് പോ പെണ്ണേ അവിടുന്ന്. ജാസർ ഇക്കയോട് ഞാൻ എങ്ങനെയാ ഇതൊക്കെ പോയി പറയുന്നത്, ഇക്കാക്ക് അങ്ങനെ ഒന്നും മനസ്സിൽ ഉണ്ടാകില്ല”

 

“എൻറെ ഇത്തയെപ്പോലെ ഒരു സുന്ദരിയെ ജാസറിക്ക ഒരിക്കലും വേണ്ടെന്നു പറയില്ല, ഇത്ത ധൈര്യമായി ഇക്കയോട് പോയി ഇഷ്ടമാണെന്നു പറ..”

 

“നീയൊന്നു മിണ്ടാതിരുന്നെ ആലിയ, ആരോരുമില്ലാത്ത നമ്മൾക്ക് അഭയം തന്ന മനുഷ്യനാണത്, നമ്മൾ ഒരിക്കലും അവസരം മുതലെടുക്കാനോ, ഇക്കയെ ബുദ്ധിമുട്ടിക്കുവാനോ പാടില്ല..”

 

” ഓഹോ ഇത്താക്ക് ഇത്രയ്ക്ക് ആദർശ ശുദ്ധി ഒക്കെ ഉള്ള സ്ഥിതിക്ക് ജാസർ ഇക്കായെ ഞാൻ പ്രേമിച്ചോട്ടെ..”

 

ആലിയയെ കെട്ടിപ്പിടിച്ചിരുന്ന കൈ കൊണ്ട് തന്നെ അവരുടെ ഇടുപ്പിന്റെ മാംസളതയിൽ പിച്ചി വലിച്ചുകൊണ്ട് ആസിയ പറഞ്ഞു,