🌸പാരിജാതം – 1🌸 27അടിപൊളി  

അബൂബക്കറിൻ്റെ വീട്ടിൽ നടന്ന ഇടി നിമിഷ നേരം കൊണ്ട് നാട്ടിൽ പ്രചരിച്ചു കഴിഞ്ഞു.. ഇത്രയും ക്രൂരമായി ഒരുത്തൻ്റെ മുഖം ഇടിച്ചു പൊളിച്ചു കൊന്നു കളഞ്ഞ ജാസറ്നേ എതിർക്കാൻ ആർക്കും ധൈര്യം വന്നില്ല..

 

ചടങ്ങുകൾ കഴിഞ്ഞു വീട്ടിലേക്ക് വരുന്ന വഴിയിൽ ഒരു ചെറിയ ഹോട്ടലിൽ കയറി അഞ്ച് പേർക്കുള്ള ഭക്ഷണവും വാങ്ങി ജാസിർ വീട്ടിലെത്തി.. അവിടവിടെയായി നിന്ന ആളുകൾ ഭയഭക്തി ബഹുമാനത്തോടെ ജാസിർ നേ നോക്കി നിന്നു…

ജാസിർ ആരെയും മൈൻഡ് ചെയ്യാതെ നേരെ നടന്നു വീട്ടിലേക്ക് ചെന്നു..

കരഞ്ഞു തളർന്ന മൂന്ന് പെണ്ണുങ്ങളും ഹാളിലെ തറയിൽ ഇരിക്കുന്നു.. കാൽപ്പെരുമ്മാറ്റം കേട്ട് നോക്കിയ റസിയയോട് ജാസിർ ചോദിച്ചു..

 

” പാത്തുമ്മ മാമി എവിടെ..! ”

 

” അവിടെ അടുക്കളയിൽ ഉണ്ട്,, ”

പതിഞ്ഞ സ്വരത്തിൽ മറുപടി പറഞ്ഞത് മൂത്ത മകളായിരുന്നു..

ജാസിർ വന്നത് അറിഞ്ഞ പാത്തുമ്മ അടുക്കളയിൽ നിന്നും ഹാളിലേക്ക് വന്നു..

ജാസിർ കയ്യിൽ ഇരുന്ന ഭക്ഷണപ്പൊതികൾ പാത്തുമ്മയുടെ കയ്യിലേക്ക് കൊടുത്തു കൊണ്ട് പറഞ്ഞു..

 

” ഞാൻ ഇന്നലെ രാത്രിയും ഒന്നും കഴിച്ചില്ല, രാവിലെയും ഒന്നും കഴിച്ചില്ല… നല്ല വിശപ്പുണ്ട്, ഇവരും ഒന്നും കഴിച്ചിട്ടില്ലല്ലോ.. ഈ ഊണ് കഴിച്ചിട്ട് നമുക്ക് ബാക്കി സംസാരിക്കാം..”

 

” വേണ്ട വിശപ്പില്ല.. ”

ഇളയ കൊച്ചാണ് പറഞ്ഞത്… അവളുടെ ശബ്ദത്തിൽ കലർന്ന തളർച്ച എത്ര മറച്ചു പിടിച്ചാലും എനിക്ക് മനസ്സിലാകും.. ഇവരുടെ ഈ അവസ്ഥയിൽ വിശപ്പ് കടിച്ചു പിടിച്ചു വിശക്കുന്നില്ല എന്ന് പറഞ്ഞ ഒരു കാലം എനിക്കും ഉണ്ടായിരുന്നു… വേറെ ആർക്ക് മനസ്സിലായില്ലെങ്കിലും എനിക്ക് മനസ്സിലാവും…

 

ജാസിർ അവളുടെ അടുത്ത് ചെന്ന് തലയിൽ തലോടി കൊണ്ട് ചോദിച്ചു..

 

” എന്താ മോളുടെ പേര്,, ”

 

” ആലിയ…”

“മോള് എന്തിനാ പഠിക്കുന്നെ..”

 

” പ്ലസ്ടു കഴിഞ്ഞു, ഡിഗ്രിക്ക് ചേരാൻ നിക്കുവായിരുന്നു…”

 

” ഇയാളുടെ പേര് എന്താ..”

റസിയയുടെ ഇടതു വശം ചേർന്നിരുന്ന മൂത്ത മകളോട് ചോദിച്ചു..

ചത്ത സ്വരത്തിൽ അവള് പേര് പറഞ്ഞു..

 

“ആസിയ ”

 

എത്ര മധുര മനോഹരമായ സ്വരം.. അവളുടെ അഴകിനോത്ത സ്വരം തന്നെ..

 

തൊട്ടടുത്തുള്ള കസേരയിൽ ഇരുന്നു കൊണ്ട് ജാസിർ പറഞ്ഞു..

 

” നിങ്ങള് മൂന്നുപേരും കൂടി ഇപ്പോള് അനുഭവിക്കുന്നത് വർഷങ്ങൾക്ക് മുമ്പ് ഒറ്റക്ക് അനുഭവിച്ചവൻ ആണ് ഞാൻ.. തോൽവി സമ്മതിക്കാത്ത കാലം വരേയ്ക്കും നമ്മൾ തോൽക്കില്ല,, സംഭവിച്ചത് ഒക്കെ സംഭവിച്ചു.. ഇനിയും ജീവിതം മുന്നോട്ടു കൊണ്ട് പോയെ പറ്റു.. ഈ ഭക്ഷണവും കഴിച്ച് അത്യാവശ്യം എടുക്കാൻ ഉള്ളതും എടുത്ത് എൻ്റെ കൂടെ വന്നോളൂ… എൻ്റെ നാട്ടിൽ ഒരു വീട് വാടകയ്ക്ക് എടുത്ത് തൽക്കാലം അവിടെ കൂടാം.. ബാക്കിയൊക്കെ പിന്നെ..”

 

ജാസിർ പറഞ്ഞു കൊണ്ടിരിക്കുന്നതിനിടയിൽ തന്നെ പാത്തുമ്മ അടുക്കളയിൽ നിന്നും സ്റ്റീൽ പ്ലേറ്റുകൾ കൊണ്ട് വന്നു ആഹാരം വിളമ്പി എല്ലാവരുടെയും കയ്യിൽ വെച്ച് കൊടുത്തിരുന്നു.. ജാസിറും പിന്നെയൊന്നും പറയാതെ തൻ്റെ മുന്നിലിരുന്ന പാത്രത്തിൽ നിന്നും ചോറ് വാരി കഴിച്ചു.. ഇടക്ക് തിരിഞ്ഞു നോക്കുമ്പോൾ എല്ലാവരും ആഹാരം കൊറേശ്ശേ വാരി കഴിക്കുന്നുണ്ട്… റസിയക്ക് പാത്തുമ്മ ചോറ് വാരി കൊടുത്തു നിർബന്ധിപ്പിച്ച് കഴിക്കുന്നുണ്ട്..

യാഥാർത്ഥ്യവുമായി അവർ പൊരുത്തപ്പെട്ടു കഴിഞ്ഞിരിക്കുന്നു..

 

ഭക്ഷണം കഴിച്ച് കൈയ്യും കഴുകി പാത്തുമ്മ മാമിയോടു എടുക്കാൻ ഉള്ളതൊക്കെ എടുത്തു അവരെയും കൊണ്ട് വരാൻ പറഞ്ഞിട്ട് ജാസിർ പുറത്തിറങ്ങി… റോഡിലേക്ക് പോയി ജീപ്പിൽ ചാരി നിന്ന് ഒരു സിഗരറ്റും കത്തിച്ച് ഫോൺ എടുത്തു തൻ്റെ സുഹൃത്തുക്കളെ വിളിച്ച് കാര്യം പറഞ്ഞു…

അവിടെ ഏതെങ്കിലും നല്ല ഒരു വീട് വാടകയ്ക്ക് പെട്ടെന്ന് റെഡിയാക്കി വെക്കണം എന്നും പറഞ്ഞ് ജാസിർ ഫോൺ വെച്ചു…

 

ഇതേ സമയം കുറച്ചു ദൂരെ മാറി, കോരത് മാപ്പിളയുടെ ഗോഡൗണിൽ…..