🌸പാരിജാതം – 1🌸 27അടിപൊളി  

 

” ആഹ്, ആരാ ഇത് രമ ചേച്ചിയോ… ഇതെൻ്റെ പരിച്ചയക്കാരാ ചേച്ചി, കുറച്ചു ദിവസം ഇവിടൊക്കെ ഉണ്ടാവും…”

ഇത്രയും പറഞ്ഞു കൊണ്ട് ജാസർ വീട് തുറന്നു അകത്തേക്ക് കയറി…

 

” അല്ല നിങ്ങളെന്താ അവിടെ തന്നെ നിക്കുന്നെ കയറി വാ.. “

ചുറ്റുപാടും നോക്കി നിന്ന റസിയയോടും മക്കളോടുമായി ജാസർ പറഞ്ഞു..

റസിയയും ഇളയ മകൾ ആലിയയും അകത്തേക്ക് കയറി… പിന്നാലെ നടന്ന ആസിയ പരിസരം ആകെ ഒന്ന് കണ്ണോടിച്ചു നോക്കി..

ഒറ്റക്കൊരുത്തൻ താമസിക്കുന്ന ഒരു വീടിൻ്റേതായ എല്ലാ ഗുണങ്ങളും ഒത്തിണങ്ങിയ വീട്.. അപ്പുറവും ഇപ്പുറവും ഒന്നും വീടുകൾ ഇല്ല.. ഹാളിലേക്ക് കയറുമ്പോൾ ഒരു ഡൈനിങ് ടേബിളിൽ നിറച്ച് മദ്ധ്യ കുപ്പികൾ നിരന്നിരിക്കുന്നു..

 

ശരിക്കും ഒരു ബാച്ചിലർ താമസിക്കുന്ന വീട് തന്നെ…

ടേബിളിൽ ഇരിക്കുന്ന കുപ്പികൾ കണ്ട് അന്തം വിട്ടു നിൽക്കുന്ന ഉമ്മയുടെയും മക്കളുടെയും അവസ്ഥ കണ്ട് ജാസർ പറഞ്ഞു…

 

” അത് ഫ്രണ്ട്സ് എല്ലാവരും കൂടിയൊക്കെ ഇവിടെയ ഒത്ത് കൂടുന്നത്, ഇത് നമുക്ക് നാളെ തന്നെ ഒന്ന് ക്ലീൻ ആക്കിയെടുക്കാം കേട്ടോ..,”

 

റസിയ മറുപടിയായി ഒന്ന് പുഞ്ചിരിക്കുക മാത്രം ചെയ്തു…

 

“ദാ ഈ റൂമിൽ കിടന്നോളൂ കേട്ടോ, ഷെൽഫിൽ ബെഡ് ഷീറ്റ് ഉണ്ട്, അതാ അവിടെയാണ് അടുക്കള അത്യാവശ്യം സാധങ്ങൾ ഒക്കെ ഉണ്ട് കേട്ടോ, രാത്രി ഫുഡ് ഇവിടെ എത്തിക്കാൻ പറയാം, നിങ്ങള് റെസ്റ്റ് എടുക്കു, ഞാൻ ഇറങ്ങട്ടെ നാളെ വരാം കേട്ടോ…”

 

ഇത്രയും പറഞ്ഞു കൊണ്ട് ജാസിർ ഇറങ്ങി ജീപ്പിൽ കയറി അങ്ങ് പോയി…

റസിയ യൂം മക്കളും അക്ഷരാർത്ഥത്തിൽ ഒരു സ്വപനലോകത്ത് തന്നെയായിരുന്നു…

എല്ലാം നഷ്ടപ്പെട്ടിടത്ത് നിന്നും പെട്ടെന്നൊരു പറിച്ചു നടൽ സംഭവിച്ചിരിക്കുന്നു, എല്ലാം വളരെ പെട്ടെന്ന്…

 

ആലിയ ഉമ്മാടെ തോളിൽ തല ചായ്ച്ചു കൊണ്ട് ജാസിർ പോയ വഴിയിലേക്ക് നോക്കി നിന്നു…

 

ആ കാഴ്ചയെ മറച്ചു കൊണ്ട് ആസിയ ഡോറ് അടച്ചു കുറ്റി ഇട്ടു,

 

” ഉമ്മച്ചി, ആലിയാ… വാ ഒന്ന് ഫ്രഷ് ആയിട്ട് ഒന്ന് കയറി കിടക്കു..”

 

റസിയ ഈറനണിഞ്ഞു വന്ന കണ്ണ് തുടച്ചു കൊണ്ട് റൂമിലേക്ക് കയറി പിന്നാലെ രണ്ടു മക്കളും….

 

കുളിച്ചു മുഷിഞ്ഞ വസ്ത്രങ്ങൾ മാറി ഡബിൾ കോട്ട് ബെഡ്ഡിൽ കിടക്കുന്നതിനിടയിൽ ആണ് ആലിയ പറഞ്ഞു തുടങ്ങുന്നത്….

 

” ഉമ്മാ, ജാസറിക്ക ഒരു സംഭവം തന്ന ല്ലെ,,”

മറുപടിയെന്നോണം റസിയ ഒന്ന് മൂളുക മാത്രം ചെയ്തു…

റസിയയുടെ മനസ്സിലും ജാസിർ ആയിരുന്നു ചിന്താ വിഷയം…

എത്ര പെട്ടെന്നാണ് ആ ചെറുപ്പക്കാരൻ ഓരോ തീരുമാനങ്ങളും എടുക്കുന്നത്, നല്ല ചുറു ചുറുക്കും തൻ്റേടവും,, പാത്തുമ്മ മാമി വല്ലപ്പോഴും വീട്ടിൽ വരുമ്പോൾ ജാസിർ നെ കുറിച്ച് ഓരോന്നു പറയുമ്പോൾ എൻ്റെ രണ്ടു മക്കളും കളിയാക്കി പറയുമായിരുന്നു സൂപ്പർ മാൻ കഥകൾ തുടങ്ങിയിട്ടുണ്ട് എന്നൊക്കെ,,

 

” ഉമ്മാ,, കോരത് മുതലാളി നമ്മളെ ഇനിയും ഉപദ്രവിക്കാൻ വരുവോ..”

 

ആസിയയുടെ ചിന്തയിൽ കോരത് മാപ്പിളയെന്ന രാക്ഷസൻ പടർത്തിയ ഭീതി വിട്ടൊഴിഞ്ഞിട്ടില്ല… തൻ്റെ കുടുംബത്തിനെ തച്ചുടച്ചു കളഞ്ഞ രാക്ഷസനാണ് അയ്യാള്…

ഓരോന്ന് ചിന്തിച്ച് കൊണ്ട് ആസിയ തന്നെ അതിന് മറുപടി പറഞ്ഞു…

 

” വരില്ലായിരിക്കും, ചോദിക്കാനും പറയാനും ആരുമില്ലാത്ത പെണ്ണുങ്ങൾ അല്ല നമ്മൾ എന്ന് അയ്യാക്ക് മനസ്സിലായിട്ടുണ്ട്,, ”

 

ഹോട്ടലിൽ നിന്ന് ഭക്ഷണം വരികയും മൂവരും അത് കഴിച്ചു കിടക്കുകയും ചെയ്തു…

ദുഃഖ ഭാരവും ശാരീരിക അസ്വസ്ഥതകളും അവരുടെ കണ്ണിൽ നിദ്രയുടെ കരിങ്കല്ല് പാകി…

 

ദിവസങ്ങൾ കടന്നു പോയി,, ജാസിർ ഒരു വീട്ടിലേക്ക് വേണ്ടുന്ന എല്ലാ സാധനങ്ങളും എത്തിച്ചു കൊടുത്തിരുന്നു, എന്തെങ്കിലും ആവശ്യമുണ്ടെങ്കിൽ മാത്രമാണ് ജാസിർ വീട്ടിലേക്ക് വന്നിരുന്നത്, അപ്പോള് തന്നെ തിരിച്ചു പോവുകയും ചെയ്യും… അതിനൊരു തടസ്സം വെച്ച് കൊണ്ട് പാത്തുമ്മ മാമി ഇടപെട്ട് ജാസിർ നേ ഈ വീട്ടിൽ തന്നെ നിൽക്കാൻ നിർബന്ധിച്ചു..