🌸പാരിജാതം – 1🌸 27അടിപൊളി  

 

മാമിയുടെ മടിയിൽ കിടന്ന അബൂബക്കറിന്റെ ഭാര്യ ഞെട്ടി എണീറ്റു ഒന്നും ചെയ്യരുതെ എന്ന് കരഞ്ഞു കൊണ്ട് മക്കളെ ചേര്ത്ത് പിടിച്ചു പിന്നിലേക്ക് നീങ്ങി..

” പേടിക്കല്ലേ മക്കളെ… ഇത് എൻ്റെ കൂടെ വന്ന മോന.. ഞാൻ ഇന്നാള് വന്നപ്പോ പറഞ്ഞില്ലേ ജാസിർ… ”

മാമിയും കരഞ്ഞു കൊണ്ടാണ് പറഞ്ഞത്..

 

മൂന്ന് പേരും ഭയന്ന് പോയിരിക്കുന്നു.. കോരത് മാപ്പിളയുടെ ആൾ ആയിരിക്കുമെന്ന് തോന്നിക്കാണും.. മാമി പറഞ്ഞത് കേട്ട് കരഞ്ഞു കൊണ്ട് തന്നെ പെൺകുട്ടികളുടെ ഉമ്മ കട്ടിലിൽ ഇരുന്നു പൊട്ടി കരഞ്ഞു..

മൂന്ന് പേരും ഒന്നിനൊന്നു സുന്ദരികൾ.. മാമി പറഞ്ഞത് വെച്ച് നോക്കിയാൽ അബൂബക്കറിൻ്റെ ഭാര്യ റസിയ നാൽപ്പത് വയസ്സ്.. പക്ഷെ കാഴ്ചയിൽ മുപ്പത്തിയഞ്ച് വയസ്സുകാരിയായ സുന്ദരി, ഉമ്മയുടെ നിറവും സൗന്ദര്യവും മക്കൾക്കും അതേപടി കിട്ടിയിട്ടുണ്ട്.. വെറുതെ അല്ല കോരത് മാപ്പിള താറുടുത്ത് ഇറങ്ങിയത്..

മൂത്ത മകൾ മാത്രം ആയിരിക്കില്ല മൂന്ന് പെണ്ണുങ്ങളെയും വരുതിയിൽ വരുത്താൻ ഉള്ള സ്ഥിതിയില് ആണല്ലോ.. ചോദിക്കാനും പറയാനും ആരുമില്ലാത്ത മൂന്ന് പെണ്ണുങ്ങൾ,, ആയുഷ്കാലം മുഴുവൻ പണിയെടുത്താലും തീരാത്തത്ര കടം,, കോരതിൻ്റെ മുന്നിൽ എച്ചിൽ തിന്ന് കിടക്കുന്ന നിയമപാലകർ,, ഭയന്ന് വീടിൻ്റെ പരിസരത്ത് പോലും വരാത്ത നാട്ടുകാർ… എല്ലാം കൊണ്ടും കാലാവസ്ഥ കോരത് മാപ്പിളക്ക് അനുകൂലം..

പക്ഷെ കാലം റസിയക്കായ് ഒരു പിടിവള്ളി കാത്ത് സൂക്ഷിച്ചു, പാത്തുമ്മ മാമി.. അവരിലൂടെ ഇവിടെയെത്തിയ കാലൻ ജാസിർ..

റൂമിൻ്റെ മൂലയിൽ കിടന്ന പ്ലാസ്റ്റിക്ക് കസേര വലിച്ചിട്ട് ജാസിർ ഇരുന്നു..

” ഇനി നിങ്ങളെ ആരും ഒന്നും ചെയ്യില്ല,, ഇത് ജാസിർൻ്റെ ഉറപ്പാണ്.. നല്ല നയൻ വൺ സിക്സ് ഹോൾമാർക്ക് ഉറപ്പ്.. കോരത് മാപ്പിളയേയും ഗുണ്ടകളെയും പേടിച്ച് ഇനി നിങ്ങള് കരയണ്ട നിങ്ങളുടെ വാപ്പാക്ക് വേണ്ടി മാത്രം കരഞ്ഞാൽ മതി..”

അവൻ്റെ ഉറച്ച സ്വരം അടച്ചു മൂടിയ മുറിയിൽ മുഴങ്ങി കേട്ടു.. ജാസറിൻ്റെ സ്വഭാവ ഗുണങ്ങള് കഴിഞ്ഞ തവണ വന്നപ്പോൾ പാത്തുമ്മ മാമിയില് നിന്നും കേട്ട് പരിചയമുള്ള മൂന്ന് സ്ത്രീകളുടെയും കണ്ണിൽ ഒരു രക്ഷകനായി ജാസിർ നിലകൊണ്ടു.. പാത്തുമ്മ മാമിയിൽ സന്തോഷത്തിൻ്റെയും ധൈര്യത്തെയും ഭാവ മാറ്റങ്ങൾ പ്രകടമായിരുന്നു..

ജാസിർ ഒരു കാര്യത്തിൽ ഉറപ്പ് കൊടുത്താൽ പിന്നെ ജീവൻ പോയാലും മാറ്റി ചിന്തിക്കില്ല എന്ന് അവർക്ക് പൂർണ്ണ ബോധ്യം ഉണ്ട്..

 

” ഞാൻ പള്ളിയിൽ പോയി ഖബർ അടക്കാൻ ഉള്ള കാര്യങ്ങൾ ശരിയാക്കട്ടെ.. എന്തെങ്കിലും ഉണ്ടെങ്കിൽ മാമി എന്നെ വിളിച്ചാൽ മതി..”

 

ഇത്രയും പറഞ്ഞ് ജാസിർ എഴുന്നേറ്റു പുറത്തേക്ക് ഇറങ്ങിയപ്പോൾ നേരത്തെ ഇന്നോവ കാറിൽ ചാരി നിന്നിരുന്ന നാലു പേരും മുറ്റത്ത് നിൽക്കുന്നു..

 

” നീയേതാടാ നായിൻ്റെ മോനെ… നിനക്കെന്താ ഇവിടെ കാര്യം.. മുഴുപ്പ് കൂടിയത് നോക്കി എടുക്കാൻ വന്നത് ആണെങ്കിൽ ഇവിടെ ഉള്ള എല്ലാ മുതലും കോരത് മുതലാളിക്ക് ഉള്ളതാ..”

കൂട്ടത്തിൽ നേതാവ് എന്ന് തോന്നിക്കുന്ന ഒരുത്തൻ വഷളൻ ചിരിയുമായി പറഞ്ഞു.. ഇവന്മാരുടെ സംസാര ശൈലി വെച്ച് നോക്കുമ്പോൾ എന്തിനും തയ്യാറായി തന്നെയാണ് അവന്മാർ നിൽക്കുന്നത് എന്ന് ജാസർ ന് ഉറപ്പായി..

ജാസിർ ഒന്നും മിണ്ടാതെ സ്റ്റെപ്പിൽ ഇരുന്നു ഷൂസ് ഇട്ടു ഷൂ ലേസ് മുറുക്കി കെട്ടി..

 

” ആ കോരത് കഴുവേറിയോട് പറഞ്ഞേക്കു, ഇനി ഒരുത്തനെ കൂടെ കൊന്നാലേ ഇവിടെ കയറി മേയാൻ പറ്റൂ എന്ന്”

ഷർട്ടിൻ്റെ പോക്കറ്റിൽ കിടന്ന മൊബൈൽ ഫോൺ ജീൻസിൻ്റെ പോക്കറ്റിൽ തിരുകി കൊണ്ട് ജാസിർ പറഞ്ഞു..

നാട്ടുകാരും ഗുണ്ടകളും ഒന്ന് ഞെട്ടി.. ആദ്യമായിട്ടാണ് ഇവിടെ ഒരാള് കോരത് മാപ്പിളക്കു എതിരെ ശബ്ദം ഉയർത്തിയത്..

അവരെ കടന്നു പോകാൻ തുനിഞ്ഞ ജാസറിൻ്റെ തോളിൽ കൂട്ടത്തിലെ ഒരു ഗുണ്ട കയറി പിടിച്ചു…

” അങ്ങനെയങ്ങ് പോയാലോ..”

ഞൊടിയിടയിൽ ഗുണ്ടയുടെ കയ്യിൽ ജാസറിൻറെ ഇടം കൈ കയറ്റി പിടിച്ചു വലിച്ച് അടുപ്പിച്ചതിനു ഒപ്പം വലതു കൈ മുട്ട് കൊണ്ട് താടിയുടെ അടിയിൽ ശക്തമായി ഇടിച്ചു ഉയർത്തി.. നിലത്ത് നിന്നും കാലുകൾ പൊങ്ങിയ നിമിഷം തന്നെ കൈ വിട്ട് അടിവയറ് ലക്ഷ്യമാക്കി ഒരു ചവിട്ടു കൂടി കൊടുത്തു.. അവൻ തെറിച്ചു ദൂരേക്ക് മാറി വീഴുന്നത് റസിയയും മക്കളും നാട്ടുകാരും കൂട്ട് ഗുണ്ടകളും കണ്ട് ഞെട്ടി..