ഇല്ലേച്ചീ! അവൻ സ്വരം നിയന്ത്രിച്ചു. ഞാനുറങ്ങാൻ പോവാടാ. യൂ ടേക്ക് കെയർ! ആ മധുരമുള്ള സ്വരം.
സ്വീറ്റ് ഡ്രീംസ് ചേച്ചീ… അവൻ കോളു കട്ടു ചെയ്ത് മൊബൈൽ പോക്കറ്റിലിട്ടു. ബാൽക്കണിയുടെ അരമതിലിൽ പിടിച്ച് വെളിയിലേക്കു നോക്കി. ഇത്തിരി ദൂരെയുള്ള ഫ്ലാറ്റുകളിലെ ബാൽക്കണികളിൽ നിന്നുമുള്ള വെളിച്ചം അരിച്ചെത്തിയിരുന്നു. നേരിയ തണുപ്പവനെ തഴുകി… ചേച്ചി! എന്തിനാണ് എന്നോടിത്രേം സ്നേഹം!
ഇന്നാ പിടി! കിരൺ! ഒരു എരിയുന്ന ഹാഷു നിറച്ച ജോയിൻ്റ്! രാഹുൽ ആഞ്ഞൊരു പുകയെടുത്തു. ആഹ്! അവൻ്റെ കൈ രാഹുലിൻ്റെ തോളത്തു ചുറ്റി.
ഡാ! ദിയ! അവളെപ്പഴാണ് ഇവിടെ വന്നത്? ചേച്ചിയോടും ചേട്ടനോടും ഒന്നുമൊളിക്കണ്ട. ആരാടാ ഈ നദി?
രാഹുൽ ചിരിച്ചുപോയി. ഇപ്പോൾ നല്ല സുഖം. ചരസ്സിൻ്റെ പിടിത്തം. ഡീ! അത് യമുനേച്ചിയാണെടീ! ചേച്ചി ലൈബ്രറീലാണ്. ടീച്ചറു പറഞ്ഞേൽപ്പിച്ചതാണ്. എന്നെ ഹെൽപ്പു ചെയ്യാൻ!
നീയിങ്ങു വന്നേ! ദിയ അവനേം വലിച്ച് ഹോളിലേക്കുപോയി. കിരൺ ചിരിച്ചുകൊണ്ടു പിൻതുടർന്നു. നീ അനുഭവിച്ചോടാ! അവൻ മന്ത്രിച്ചു..
പറയടാ! ഞാൻ ചോദിക്കുന്നതിന് ഉത്തരം താ! അവൻ തലയാട്ടി. ഒരു യമുനേച്ചി! ആൺകുട്ടീ! അവൾക്കും നിനക്കും തമ്മിലെന്താടാ? ദിയ ചിരിച്ചു.
ഞാനും അവളും തമ്മിലെന്ത്? ഒരിട അവൻ്റെ മനസ്സ് ആ അഴകുള്ള രൂപത്തിനെ മനനം ചെയ്തു. എനിക്ക് യമുനേച്ചിയെ ഇഷ്ട്ടാണെടീ! അവൻ സരളചിത്തനായി പറഞ്ഞു. എന്തോ ചേച്ചി, ദേ ഇവിടെ കേറിപ്പറ്റിപ്പോയി. അവൻ നെഞ്ചിൽ കൈവെച്ചു കാട്ടി. പിന്നെ… ചേച്ചിക്ക് കല്ല്യാണം കഴിഞ്ഞ് ഒരു കുട്ടിയുള്ള മോളുണ്ടെടീ!
ദിയ മന്ദഹസിച്ചു. അതിനെന്നാടാ! നിനക്ക് നിൻ്റെ നദിയെ ഇഷ്ട്ടായല്ലോ! അതു മതീടാ! നീയൊണ്ടല്ലോ! അവളവനെ വാരിപ്പുണർന്നു. ഞാമ്പറഞ്ഞില്ലാരുന്നോ! യൂ വിൽ ഫോൾ ലൈക്ക് എ ടൺ ഓഫ് ബ്രിക്ക്സ്സ്!
ഡീ! ആ പാവത്തിനെ വിട്ടേ! രാഹുൽ! നിൻ്റെ ചേച്ചി സുന്ദരിയാണോടേ! കിരണവൻ്റെ തോളിൽ തട്ടി.
രാഹുൽ തിരിഞ്ഞപ്പഴേക്കും ദിയ ഒരു സിംഹിയെപ്പോലെ അവൻ്റെ നേർക്കു കുതിച്ചു ചാടി. ഡാ! സുന്ദരിയല്ലേല് എൻ്റെ ചെക്കൻ കമന്നടിച്ചു വീഴുവോടാ!
കണ്ണുകൾ നിറഞ്ഞുപോയി. മൈര് ഇമോഷൻസ്… ഇങ്ങനത്തെ സുഹൃത്തുക്കളുണ്ടേല് പിന്നെയെന്തു വേണം!
രാത്രിയിൽ പെയ്ത ചാറ്റൽമഴ അവരെയാകെ തണുപ്പിച്ചു… ബാക്കി മൂന്നു ബിയറും കാലിയാക്കി, ഓർഡർ ചെയ്ത കഞ്ഞീം പയറും ബീഫും മൂക്കുമുട്ടെ തട്ടിയിട്ട് രാഹുലിൻ്റെ വലിയ മെത്തയിൽ മൂന്നുപേരും വാരിപ്പുണർന്ന് സുഖമായുറങ്ങി.
കാലത്തെണീറ്റ് ഓടാൻ പോയപ്പോൾ ദിയ അവനോടൊപ്പം ചേർന്നു. വല്ലപ്പോഴും അവൾ അവൻ്റെയൊപ്പം ഓടാറുണ്ടായിരുന്നു.
അവളുണ്ടായിരുന്നതോണ്ട് രാഹുൽ ഓട്ടം മന്ദഗതിയിലാക്കി. മഴപെയ്തു തോർന്ന നിരത്തുകൾ വൃത്തിയായിരുന്നു. ഈർപ്പമവിടെ തങ്ങിനിന്നിരുന്നു. അവരുടെ ശ്വാസങ്ങൾ ഷൂസുകളുടെ താളങ്ങളോടു കലർന്ന് അവൻ്റെ ബോധമണ്ഡലത്തിൽ ഒരു ജുഗൽബന്ദി സൃഷ്ട്ടിച്ചു….
മോനേ! അവരൊരു തട്ടുകടയുടെ മുന്നിലിട്ട ബെഞ്ചിലിരുന്ന് കടുപ്പമുള്ള, ഇത്തിരി മാത്രം പാലുചേർത്ത ചായ മൊത്തിയപ്പോൾ അവളവൻ്റെ മുടിയിൽ തഴുകി.. ഞാനൊരു കാര്യം പറഞ്ഞോട്ടെ?
രാഹുൽ ഒരു കവിൾ ചായ കൂടി ഇറക്കി. ഇനിയിപ്പം ഞാൻ വേണ്ടാന്നു പറഞ്ഞാല് നീ കേക്കുവോടീ! നീ പറഞ്ഞു തൊലയ്ക്ക്. അവൻ ചിരിച്ചു.
ഡാ ചെക്കാ! അവളവനോടു ചേർന്നിരുന്നു. ആദ്യം നിൻ്റെ നദിയുടെ ഒരൗട്ട്ലൈൻ താടാ. ആരാണീ സ്ത്രീ? എന്താണവരുടെയൊരു ബാക്ക്ഗ്രൗണ്ട്?
ചേച്ചീടെ ഹസ്ബൻ്റ് മരിച്ചിട്ട് വർഷങ്ങളായി. ഒരു മോളൊണ്ട്. ഞാമ്പറഞ്ഞില്ലായിരുന്നോ! പ്രധാന കഥാപാത്രം ചേച്ചീടെ പഴയ കാമുകനാണെടീ. വല്ല്യ ഐഏഎസ് ഓഫീസറാണ്! അറിയാവുന്ന കാര്യങ്ങൾ അവൻ പങ്കിട്ടു.
അതേയ്… ഇത്രേം നാളു കഴിഞ്ഞിട്ട് നിൻ്റെ പുഴ തീരം കവിഞ്ഞൊഴുകാൻ റഡിയാണേല്… ഇതു വരെ അനുഭവിച്ചതിൽ നിന്നും വേറിട്ട എന്തേലുമാവണം നീ കൊടുക്കേണ്ടത്. നീയൊരു മണ്ണുണ്ണിയായതോണ്ടാ ചേച്ചി പറയണത്… അവൾ ചായ ഒരിറക്കു കൂടി അകത്താക്കി. യൂ ആർ എ യങ്ങ് മാൻ. ഇത്തിരി സ്വാതന്ത്ര്യമെടുത്ത്… ഇത്തിരി അധികാരത്തോടെ പെരുമാറണം… നിൻ്റെയീ അന്തർമുഖത്വമൊക്കെ വശത്തേക്കു വെച്ചോണം…