“…നിൽക്കടി അവിടെ.നീ എവിടെ പോണ്…” വീട്ടിലേക്ക് കയറാൻ ഒരുങ്ങിയ ദേവുവിനെ ദേവൻ തടഞ്ഞു.
“…അച്ഛൻ…” വിങ്ങിക്കൊണ്ട് ദേവു പറഞ്ഞു.
“…ഓഹോ ഇപ്പോഴാണോ ആ കിടക്കുന്നത് നിന്റെ അച്ഛൻ ആണെന്ന ബോധം നിനക്ക് വന്നത്😡…” അകത്തായി കിടത്തിയിരിക്കുന്ന അച്ഛന്റെ മൃത്ദേഹത്തെ ചൂണ്ടി ദേവൻ ചോദിച്ചു.
“… ആ മനുഷ്യൻ അവസാനമായി നിന്നെ ഒന്ന് കാണണം എന്ന് അറിയിച്ചപ്പോൾ വരാത്ത നീ ഇപ്പൊ എന്തിനാ വന്നേ…” മരണ വീട്ടിൽ ദേവന്റെ ശബ്ദം ഉയർന്നതും ചുറ്റും ഉണ്ടായിരുന്ന ആൾക്കാർ അവിടേക്ക് കൂടി.
“… പണ്ടേക്ക് പണ്ടേ നീ ഈ വീടുമായുള്ള എല്ലാ ബന്ധവും അറുത്ത് മുറിച്ചു കളഞ്ഞത് അല്ലെ. അങ്ങനെ ഉള്ള നിനക്ക് ഇ വീട്ടിൽ കാലുകുത്താനുള്ള അർഹതപോലും ഇല്ല…” ദേവൻ ദേഷ്യത്തിൽ ഉറഞ്ഞു തുള്ളി.
“… ഏട്ടാ… ഞാൻ അച്ഛനെ ഒന്ന് കണ്ടോട്ടെ…” കരച്ചിലിന്റെ ഇടക്ക് ദൈനീയമായി ദേവു ചോദിച്ചു.
“… ച്ചി നിർത്തടി. ആരാടി നിന്റെ ചേട്ടൻ അതൊക്കെ പണ്ട്. ജീവിച്ചിരിക്കുമ്പോൾ അച്ഛനെയും അമ്മയെയും തിരിഞ്ഞു നോക്കാത്തവൾ മരിച്ചു കഴിഞ്ഞപ്പോ വന്നേക്ക…” അറപ്പ് എന്ന പോലെ മുറ്റത്തേക്ക് കർക്കിച്ച് തുപ്പിക്കൊണ്ട് ദേവൻ പറഞ്ഞു.
“… ഏട്ടാ…”
“…. എന്നെ നീ അങ്ങനെ വിളിച്ചു പോകരുത്. എനിക്ക് അറപ്പാ നിന്നോട്. ഇങ്ങനെയും സ്ത്രീകൾ ഉണ്ടവോ…” ദേവൂനോടുള്ള ദേഷ്യവും വെറുപ്പും എല്ലാം ആ വാക്കുകളിൽ പ്രകടമായിരുന്നു.
സംഭവം വഷളാവുനെന്ന് കണ്ടതും നാട്ടുകാർ ഇടപ്പെട്ട് ദേവനെ സമാധാനിപ്പിക്കാൻ ശ്രമിച്ചു. അച്ഛന്റെ ശരീരം ദേവുവിനെ കാണിക്കില്ല എന്ന വാശിയിൽ ആയിരുന്നു ദേവൻ. എല്ലാരും ഒരു വിധം അവനെ പറഞ്ഞ് അനുനയിപ്പിച്ച് ദേവുവിനെ വീട്ടിലേക്ക് കയറ്റി. വെള്ളയിൽ പുതപ്പിച്ചു കിടത്തിയിരിക്കുന്ന അച്ഛനെ കണ്ടതും ആ ശരീരത്തിൽ കെട്ടിപിടിച്ച് ദേവു പൊട്ടി കരഞ്ഞു. ദേവന് ഇതൊന്നും ഇഷ്ട്ടപെടാതെ പുറത്തേക്ക് മാറി നിന്നും. തേജസും കിച്ചുവും ഇതൊന്നും അറിയാതെ പിന്നാപ്പുറത്തെ പറമ്പിൽ ദേവന്റെ അമ്മക്ക് അടുത്തായി അച്ഛന്റെ ചിത ഒരുക്കുന്നവരെ സഹായിക്കുന്ന തിരക്കിൽ ആയിരുന്നു.
മരണം കഴിഞ്ഞ് ഒന്നര മാസം കഴിയുന്നു നിരഞ്ജന്റെ വീട്ടിൽ നിന്നും വന്ന ദേവു ഇതുവരെ തിരിച്ചു പോയില്ല. ദേവു ദേവനോട് സംസാരിക്കാൻ ചെന്നെങ്കിലും അവൻ അവളോട് അടുക്കാൻ ശ്രമിച്ചില്ല. മരണാനന്തര ചടങ്ങുകൾക്ക് ഇടക്ക് തേജസ് ദേവുവിനെ ഫേസ് ചെയ്യാനുള്ള മടി കാരണം അവളിൽ നിന്നും മാറി നടന്നു.
“…ആശാനേ ഇത് എങ്ങനെ ഉണ്ട്…” പെങ്ങൾക്ക് birthday gift വാങ്ങാൻ തുണികടയിൽ തേജസിനെയും കൂട്ടി വന്നതാ കിച്ചു.
“… എടാ നിനക്ക് ഇഷ്ട്ടപെടുന്ന ഒന്ന് എടുത്താൽ പോരെ. എന്തിനാടാ എന്നെയും കൂട്ടി വന്നേ…”
“…ഓ പിന്നെ ആശാന് അവിടെ എന്താ പണി. വീട് വിട്ടാ ഷോപ്പ്… ഷോപ്പ് വിട്ടാ വീട് എന്നും ഈ രണ്ട് ഇടത്ത് മാത്രം അല്ലെ ആശൻ പോണേ ഇടക്ക് ഒക്കെ പുറലോകം ഒക്കെ കാണ്…” കിച്ചു തേജസിനെ കളിയാക്കികൊണ്ട് സംസാരിച്ചതും സെയിൽ ഗേൾ പുറത്തേക്ക് വന്ന ചിരി അടക്കി പിടിച്ചു. പിന്നെ കിച്ചു ആ പെണ്ണിന്റെ കൂടെ പോയി.
“…എടാ ഇത് അവൾക്ക് നന്നായി ചേരും…” കിച്ചു സെയിൽസ് ഗേളിനോട് കത്തി വെച്ച സമയം കൊണ്ട് തേജസ് അവന് ഇഷ്ട്ടപെട്ട ഒന്ന് എടുത്തു.
“…ഇത് കൊള്ളാലോ. അപ്പൊ ഇത് ഫിക്സ്…” ഞാൻ എടുത്ത ഡ്രസ്സ് എടുത്ത് തിരിച്ചും മറിച്ചും നോക്കി കിച്ചു ബില്ല് അടിക്കാൻ പറഞ്ഞു.
എടുത്ത ഡ്രെസ്സ് പാക്ക് ചെയ്യാൻ പോയ സമയത്ത് ഞാനും കിച്ചുവും ബില്ല് അടക്കാനായി കൗണ്ടറിലേക്ക് നടന്നു. ഈ പ്രദേശത്തെ അത്യാവിശ്യം വലിയൊരു തുണികടയായിരുന്നു ഇത്. അതുകൊണ്ട് തന്നെ നല്ല തിരക്കും ഉണ്ട്. ബില്ല് അടക്കാനായി ഞാനും കിച്ചുവും ക്യു നിന്നും. ഓരോ തമാശയും കാര്യങ്ങളും പറഞ്ഞ് ക്യു പതിയെ ചലിച്ചു തുടങ്ങി. ഞങ്ങളുടെ ഊഴം എത്തിയാപ്പോ കൈയിലെ ബില്ല് കൗണ്ടറിലെ പെൺകുട്ടിക്ക് നേരെ നീട്ടുമ്പോഴാണ് ആ മുഖം ഞാൻ ശ്രെദ്ധിക്കുന്നത്.