“… ആശാനേ പോപ്കോൺ വാങ്ങാൻ പൈസ തന്നെ…” കിച്ചു ചാടി എഴുനേറ്റ് എന്റടുത്തു പൈസ ചോദിച്ചു. അത് കേട്ടതും ദേവൂവും കൂടെ കൂടി.
“… എന്നാ ഞങ്ങൾക്കും വേണം പോപ്കോൺ…”
“… ഡെയ് എന്റെ കൈയിൽ പൈസ ഒന്നും ഇല്ല…” ഞാൻ കൈയൊഴിയാൻ നോക്കി.
“… ദേ ഏട്ടാ കളിക്കാതെ പൈസ എടുത്തെ…” എന്റെ ഷർട്ടിന്റെ പോക്കറ്റിൽ കൈയിട്ട് ദേവു പൈസ എടുത്തു കഷ്ടകാലത്തിന് അവളുടെ കൈയിൽ കിട്ടിയത് 500 റിന്റെ നോട്ട്.
“… ഇതാടാ കിച്ചു നീ പോയി വാങ്ങീട്ട് വാ…”
“… അയ്യടാ നിങ്ങൾക്ക് എല്ലാർക്കും ഞാൻ ഒറ്റക്ക് വാങ്ങിക്കൊണ്ട് വരണോ. ആരെങ്കിലും എന്റൊപ്പം വന്നാലേ ഞാൻ പോയി വാങ്ങു…” കിച്ചു കട്ടായം പറഞ്ഞു.
“… എന്നാ ഞാൻ വരാം…” ദേവു അവന്റൊപ്പം ചെല്ലാൻ ചാടി എഴുൽക്കാൻ നോക്കിയതും കിച്ചു അവളെ തടഞ്ഞു.
“…ഈ ചെറിയ കാര്യങ്ങൾക്ക് എന്തിനാ ചേച്ചി വെറുതെ ബുദ്ധിമുട്ടുന്നത്. ഇവരെ ആരെയെങ്കിലും എന്റൊപ്പം പറഞ്ഞ് വിട്ടാൽ മതി…”
“… മോനെ കിച്ചു… ചേച്ചിയോട് ഇത്രക്ക് സ്നേഹം വേണോടാ…”ദേവു കളിയാക്കി ചോദിച്ചതും അതിന് കിച്ചു ഒന്ന് ഇളിച്ചു കാണിച്ചു.
ദേവൂന്റെ ഒപ്പം ഉണ്ടായിരുന്നവരെയും കൂട്ടി കിച്ചു പോപ്കോൺ വാങ്ങാൻ പോയി. ഞാനും ദേവൂവും ആ കസേരയിൽ ചാരിയിരുന്ന് ഓരോ കഥകളും കൊച്ചു കൊച്ചു തമാശകളും പറഞ്ഞിരുന്നു. കുറച്ചു കഴിഞ്ഞപ്പോ ഒരു പെട്ടിക്കട ഞങ്ങളുടെ അടുത്തേക്ക് വരുന്നപോലെ തോന്നി. നോക്കുമ്പോൾ കിച്ചു ആ കട മുഴുവൻ വാങ്ങിയ മട്ടുണ്ട്.
“… ആശാനേ അപ്പുറത്തെ സീറ്റിലേക്ക് മാറി ഇരുന്നേ…” വന്നപാടെ അവൻ എന്നോട് പറഞ്ഞു.
“…ഞാൻ എന്തിനാ മാറുന്നെ അത് നിന്റെ സീറ്റ് അല്ലെ…”
“… ആശാനേ ഇവർക്ക് ഒരേ നിർബന്ധം ഞാൻ അവർക്ക് ഒപ്പം ഇരിക്കണം എന്ന്. ഹൊറർ പടം അല്ലെ അപ്പൊ ഇവര് വെറുതെ പേടിക്കണ്ടല്ലൊ…” ഞാൻ അവനെ ഇരുത്തി ഒന്ന് നോക്കിയതും അവന് കണ്ണുകൊണ്ട് എന്നോട് യാചിച്ചു. അവസാനം ഞാൻ അവന്റെ സീറ്റിൽ ഇരുന്നു എന്റെ സീറ്റിൽ ദേവൂവും. കിച്ചു ആണെങ്കിൽ അവരുടെ അടുത്തും. പടം തുടങ്ങിയതും ദേവു പിന്നെയും എന്റെ തോളിൽ തന്നെ. ഇടക്ക് ദേവു നാമം ജപിക്കുന്നത് ഒക്കെ കേൾക്കാം. അവസാനം എങ്ങനെയോ പടം കണ്ട് ഇറങ്ങി.
“… സൂപ്പർ പടം ആയിരുന്നു അല്ലെ ചേച്ചി…” ദേവൂനോട് കിച്ചു ചോദിച്ചതും അവൾ അതിന് മൂളി.
“… ഏറെ നാൾക്ക് ശേഷ നല്ലൊരു ഹൊറർ മൂവി കാണുന്നത്. ചില സീൻ ഒക്കെ കണ്ട് ഞാൻ തന്നെ പേടിച്ചുപോയി…” കിച്ചു സിനിമയെക്കുറിച്ചു പറഞ്ഞു തുടങ്ങി.
“… ഓ അത്രക്ക് പേടിക്കാൻ ഒന്നും ഇല്ല…” ദേവു സാധാരണമട്ടിൽ പറഞ്ഞു.
“…ചേച്ചിക്ക് പേടിയൊന്നും തോന്നിയില്ലേ…” അതിശയത്തോടെ കിച്ചു ചോദിച്ചതും ദേവു ഇതൊക്കെ എന്ത് എന്ന മട്ടിൽ പുച്ഛിച്ചു.
“…ഈ ധൈര്യശാലി അവിടെ എന്തൊക്കെയാ കാട്ടി കൂട്ടിയത് എന്ന് ഞാൻ അവരോട് പറയട്ടെ…” ആരും കേൾക്കാതെ ദേവൂന്റെ ചെവിയിൽ ഞാൻ ചോദിച്ചു.
“… എന്റെ പൊന്ന് ചേട്ട ചതിക്കല്ലേ. ഞാൻ എന്തോ വലിയ സംഭവം ആണെന്ന അവന്റെ വിചാരം. ഇതെങ്ങാനും അവൻ അറിഞ്ഞാൽ എന്നെ കളിയാക്കി കൊല്ലും…” ദേവു എന്റെ കൈയിൽ ചുറ്റിപിടിച്ച് കെഞ്ചി. ഞാൻ അതിന് പുഞ്ചിരിച്ചു.
“.. നിങ്ങൾ ഇനി എങ്ങോട്ടാ…” ദേവു ഞങ്ങളോട് ചോദിച്ചു.
“…എനിക്ക് സ്വർണക്കടയിൽ പോണം. കിച്ചുന് ആണെങ്കിൽ അവന്റെ അനിയത്തിയെ പിക്ക് ചെയ്യാൻ പോണം…”
“… ആണോ എന്നാ ചേട്ടന്റെ കൂടെ ഞാനും വരട്ടെ…” ദേവു എന്നെ നോക്കി ചോദിച്ചു.
“… നീ എന്തിനാ വരുന്നേ. മര്യതിക്ക് വീട്ടിൽ പോകാൻ നോക്ക്…” ഞാൻ അവളെ ശാസിച്ചു.
“… ഇപ്പോഴേ വീട്ടിൽ പോയാൽ ശെരിയാവില്ല. ഞാനും ഏട്ടന്റെ ഒപ്പം വരാം എനിക്കാണെങ്കിൽ എന്റെ മാല മാറ്റി വാങ്ങണം…” അവസാനം അവളെയും കൊണ്ടാണ് ഞാൻ സ്വർണക്കടയിലേക്ക് പോയത്. എന്നാൽ ഞങ്ങളുടെ നീക്കങ്ങൾ വീക്ഷിച്ചുകൊണ്ട് രണ്ട് കഴുകൻ കണ്ണുകൾ പിന്നാലെ ഉണ്ടായിരുന്നു.
“… അങ്കിളേ…” ഷോപ്പിൽ ചെന്നതും ദേവു ഓടി ഓണറുടെ അടുത്തേക്ക് ചെന്നു.