“… ഹാ ഇത് ആര് ദേവു മോളോ. മോൾ എന്താ ഇവിടെ…” ഞങ്ങളെ കണ്ടപാടെ സന്തോഷത്തോടെ പുള്ളി ചോദിച്ചു.
“… അച്ഛൻ പറഞ്ഞില്ലായിരുന്നോ ഒരു മാല മാറ്റി വാങ്ങുന്ന കാര്യം…”
“… ഓ അവൻ പറഞ്ഞായിരുന്നു ഞാൻ മറന്നതാ. പക്ഷെ മോളാ വരുന്നത് എന്ന് വിചാരിച്ചില്ല. അല്ല ഇത് ആരാ…” കൂടെ നിന്ന എന്നെ നോക്കി ചോദിച്ചു.
“…ഇത് എന്റെ ഫ്രണ്ട് ആണ്…” ഞാൻ പുള്ളിയെ നോക്കി ചിരിച്ചു.
“… എന്നാ മോൾ പോയി മാല നോക്കിക്കോ…” അത് പറഞ്ഞ് ഒരു സെയിൽസ് ഗേളിന്റെ കൂടെ ഞങ്ങളെ പറഞ്ഞു വിട്ടു.
“… നീ എന്തിനാ നിന്റെ ഫ്രണ്ട് ആണെന്ന് പറഞ്ഞെ…”
“…അതിനെന്താ നമ്മൾ ഫ്രണ്ട്സ് അല്ലെ…” ചിരിച്ചോണ്ട് എന്റെ കൈക്ക് ഇടയിലൂടെ അവളുടെ കൈ കോർത്ത് അവരുടെ പിന്നാലെ പോയി. ആദ്യം പോയത് ദേവുന് മാല മാറ്റിയെടുക്കാൻ ആയിരുന്നു അവിടെന്ന് വളകളുടെ സെക്ഷനിലേക്ക് പോയി.
“… ഇത് ആർക്കാ ഏട്ടാ വളയൊക്കെ…”
“… അമ്മക്ക് ആ…” സന്തോഷത്തോടെ ഞാൻ പറഞ്ഞു.
“… ഞാൻ കരുതി കെട്ടാൻ പോകുന്ന പെണ്ണിന് വേണ്ടി ഇപ്പോഴേ വാങ്ങി വയ്ക്കുന്നത് ആണെന്ന്…” എന്നെ കളിയാക്കി കൊണ്ട് ദേവു പറഞ്ഞു.
“… ഒരുത്തി പോയതിന്റെ ക്ഷീണം ഇപ്പോഴും മാറിയിട്ടില്ല അപ്പോഴാ. അവൾ കാരണം ഞാൻ എന്റെ അമ്മയെ ഒരുപാട് വേദനിപ്പിച്ചു. അമ്മക്ക് വേണ്ടി എന്ത് ചെയ്താലും അതിന് പകരമാവില്ല എങ്കിലും എന്റോരു മനസമാധാനത്തിന് ഇതെങ്കിലും ചെയ്യണ്ടേ…”
“… എല്ലാ പെൺപിള്ളാരും അങ്ങനെ അല്ല കേട്ടോ. എന്നെപോലെ നല്ല മനസ്സുള്ളവരും ഉണ്ട്…” ഇമോഷണൽ ആയ എന്റെ മൂഡ്മാറ്റാൻ നോക്കി .
ദേവു അവൾക്ക് ഇഷ്ട്ടപെട്ട രണ്ട് വളകൾ സെലക്ട് ചെയ്തു അത് എനിക്കും ഇഷ്ട്ടപ്പെട്ടു. വളയുടെ ബില്ല് അടച്ച് ദേവുവിനെ വീട്ടിൽ ആക്കി ഞാൻ എന്റെ വീട്ടിൽ പോയി.
എന്നത്തേയും പോലെ രാത്രി അമ്മ എന്നെ മടിയിൽ ചരിച്ചു കിടത്തി തലയിൽ തലോടി കാര്യങ്ങൾ പറയായിരുന്നു. അമ്മ കാണാതെ പോക്കറ്റിൽ മറച്ചു വച്ച സ്വർണ വള ഞാൻ ആ കൈകളിൽ അണിയിച്ചു. അമ്മയുടെ കൈകൾ നിഛലമായി സംസാരം നിലച്ചു. ആ കണ്ണിൽ നിന്നും രണ്ടുത്തുള്ളി കണ്ണുനീർ എന്റെ കവിളിൽ പതിച്ചു. അമ്മയുടെ കണ്ണുകൾ നിറയുന്നത് എനിക്ക് ഇഷ്ട്ടല്ല പക്ഷെ ഈ കണ്ണുനീരിന്റെ അർത്ഥം എന്താണെന്ന് എനിക്ക് അറിയാം അതിനാൽ ഞാൻ ആ കൈകളിൽ മുത്തി. അതിൽ ഉണ്ടായിരുന്നു എന്റെ മറുപടി.
പോയതും ഞാൻ നഷ്ടപ്പെടുത്തിയതും എല്ലാം ഓരോന്നായി ഞാൻ തിരിച്ചു പിടിക്കയാണ്. അടുത്ത ആഴ്ച എന്റെ വർഷോപ് പുതുക്കിയതിന്റെ ഉദ്ഘാടനം ആണ്. വീട്ടുകാർ ഉണ്ടാക്കിയ പണത്തിന്റെ ഹുങ്കിൽ എന്നെ ഇട്ടിട്ടു പോയവൾക്ക് മുന്നിൽ ഞാൻ പഠിത്തുയർത്തിയ എന്റെ സാമ്രാജ്യം കാണിക്കണം. ഇത് എന്റെ വാശി ആണ്. കഴിഞ്ഞുപോയ ഓർമകളും വേദനകളും എന്റെ ഉള്ളിൽ വാശിയായി കത്തി ജ്വലിച്ചു.
ഒരാഴ്ച കഴിഞ്ഞതും പറഞ്ഞപോലെ എന്റെ കാർ ഡീറ്റെയിൽ ഷോപ്പ് ഓപ്പൺ ചെയ്തു. ഇപ്പൊ അതിനൊപ്പം ഒരു കാർ അക്സസറി ഷോപ്പും ഞാൻ തുടങ്ങി. അതിനു വേണ്ട സ്റ്റാഫിനെയും വച്ചു. ഇനാഗുറേഷൻ ആയതോണ്ട് ഞങ്ങൾ പണിത വണ്ടികൾ എല്ലാം വന്നു സത്യം പറഞ്ഞാൽ ചെറിയൊരു ഓട്ടോഷോ തന്നെ ഉണ്ടായിരുന്നു. പോരാത്തതിന് ഞങ്ങൾ പണിചെയ്ത പുതിയൊരു കാറിന്റെ ലോഞ്ച് കൂടി ആയിരുന്നു. ദേവു രാവിലെ തന്നെ വന്ന് എല്ലാത്തിനും കട്ടക്ക് കൂടെ ഉണ്ടായിരുന്നു. അമ്മയും മാമനും ആണ് തിരി തെളിച്ചു ഉദ്ഘാടനം ചെയ്തത്. ഈ ഷോപ്പ് ഉത്ഘടനം ചെയ്യാൻ ഇവരേക്കാൾ യോഗ്യന്മാർ വേറെ ഉണ്ടെന്ന് തോന്നിയില്ല. എല്ലാം മാഗളമായി നടന്നു എന്റെ ജീവിതത്തിലെ പുതിയ കാൽവെയിപ്പ്. ദേവു ആണെങ്കിൽ വാല് പോലെ അമ്മയുടെ പിന്നെലെ ഉണ്ട്. ദേവന് ചില തിരക്കുകൾ കാരണം ബാംഗ്ലൂരിൽ നിന്നും എത്താൻ പറ്റിയില്ല. കുറച്ചു കഴിഞ്ഞപ്പോ ദേവു ഓടി നടന്ന് എല്ലാർക്കും ലഡു കൊടുക്കുന്ന തിരക്കിൽ ആണ്. അതെല്ലാം കണ്ട് ആസ്വദിച്ചു ഞാൻ ഒരു മൂലയിൽ നിന്നു.
“… നല്ല കൊച്ച് അല്ലെ…” ഞാൻ അതിന് മൂളി.