“… അല്ല നീ എന്താ ഇവിടെ…” അവളെ അകത്തേക്ക് കൊണ്ടുപോയി ഞാൻ ചോദിച്ചു.
“… എന്റെ ചേട്ടൻ പോകുന്നതിന് മുന്നേ എനിക്ക് ഒരു വലിയ മിഷൻ തന്നിട്ടാ പോയത്…”
“… മിഷനോ എന്ത് മിഷൻ…” ഞാൻ എടുത്ത് ചോദിച്ചു.
“…അല്ല ചേട്ടന് ഒരു തെമ്മാടി കൂട്ടുകാരൻ ഉണ്ട്. പുള്ളി വഴിതെറ്റി പോവാതെ നോക്കാൻ ഏൽപ്പിച്ചേക്കുന്നത് എന്നെയാണ്…” ദേവു ഒളിക്കണ്ണിട്ട് എന്നെ നോക്കി പറഞ്ഞു. ആദ്യം എനിക്ക് കത്തിയില്ല പിന്നെയാ എനിക്ക് സംഭവം പിടികിട്ടിയത്.
“…ആാാഹ് വിട്… വിട്…. വിട്… ഏട്ടാ വേദനിക്കുന്നു…” എന്നെ കളിയാക്കിയതിന്റെ അമർഷത്തിൽ ദേവുവിന്റ ചെവി ഞാൻ പൊന്നാക്കി.
“… മനുഷ്യന്റെ നല്ല ജീവൻ അങ്ങ് പോയി…” ചെവി തിരുമിക്കൊണ്ട് അവൾ പറഞ്ഞു.
“… അല്ല മാഷേ ഇപ്പോഴും കള്ളുകുടി ഉണ്ടോ…” വേദന ഷമിച്ചതും അവൾ ചോദിച്ചു. ഞാൻ ഇല്ലെന്ന് മൂളി.
പിന്നെയും എന്നോട് കുറെ സമയം സംസാരിച്ചു നിന്നു. ഇടക്ക് കിച്ചുവിനെ വിട്ട് അവൾക്ക് വേണ്ടി വെള്ളം വാങ്ങിപ്പിച്ചു ശേഷം അതും കുടിച്ചാണ് ദേവു പോയത്.
“… നിങ്ങൾ അറിഞ്ഞോ ഇപ്പൊ ഇവിടെ പെൺപിള്ളാരും കേറി നിരങ്ങാൻ തുടങ്ങിയിട്ടുണ്ട്…” പിറ്റേന്ന് മാമനെ ഒറ്റക്ക് കിട്ടിയതും മാമന്റെ കൈക്കാരന്റെ സ്ഥിരം പരിപാടി തുടങ്ങി.
“…ആര് വന്നെന്ന താൻ പറയുന്നേ ദേവുവോ…” മാമൻ തിരിച്ചു ചോദിച്ചു.
“… ആഹ് പേരൊന്നും എനിക്ക് അറിയില്ല. അവൾ വന്നുകേറി തേജസിനോട് എന്ത് സൃങ്കരം ആയിരുന്നെന്നോ…”
“… നീ വെറുതെ കാര്യം അറിയാതെ സംസാരിക്കരുത്…” മാമൻ അങ്ങേരോട് ചൂടാവാൻ തുടങ്ങി.
“…എന്നോട് ചൂട് ആയിട്ട് എന്താ കാര്യം. പോയി അവനോട് ചോദിക്ക് പണി സമയത്ത് പണിയെടുക്കാതെ ഓരോ പെണ്ണിനേയും വിളിച്ചോണ്ട് വന്ന് അയ്യേ നാണക്കേട്. നാട്ടുകാർ അറിഞ്ഞാൽ എന്താ പറയാ…”
“… ടാ ദേവു അവന്റെ ഫ്രണ്ടിന്റെ പെങ്ങൾ ആണ്. എനിക്ക് അറിയാവുന്ന കൊച്ച്. എന്നോട് പറഞ്ഞത് പോലെ തേജസിന്റെ മുമ്പിൽ എങ്ങാനും പോയി വിളമ്പിയാൽ എല്ലാത്തവണത്തെയും പോലെ നീ പറയുന്നത് കേട്ട് അവൻ മിണ്ടാതിരിക്കില്ല. ദേഷ്യം വന്നാൽ അവനെ അറിയാലോ😡…”
മാമന്റെ മറുപടി അങ്ങേരുടെ വാ അടപ്പിച്ചെന്ന് വേണേ പറയാം. ഇത് തേജസ് അറിഞ്ഞാൽ പിടിച്ചു ചാമ്പും എന്ന് ഭയം ഉള്ളതിനാൽ ആയിരിക്കാം തേജസ് കേൾക്കെ ഇതുംപറഞ്ഞ് ചൊറിയാൻ പോയില്ല.ദിവസങ്ങൾ അങ്ങനെ കടന്നുപോയി ദേവു ഇടക്ക് ഇടക്കായി തേജസിനെ തേടി എത്തി. കിച്ചുവുമായി ദേവു നല്ല കമ്പനി ആയി അങ്ങനെ ഇരിക്കയാണ് ഒരു ദിവസം ദേവു തേജസിനെ വിളിക്കുന്നത്.
“…ഏട്ടാ ഇന്ന് ഉച്ചക്ക് ശേഷം ഫ്രീ ആണോ…” ഫോൺ എടുത്തപാടെ വെപ്രാളത്തോടെ ദേവു ചോദിച്ചു.
“…ഫ്രീ ആണല്ലോ…” ഒന്ന് ആലോചിച്ച ശേഷം അവൻ മറുപടി പറഞ്ഞു.
“… ചേട്ട ഉച്ചക്ക് നമ്മുടെ കോളേജിലേക്ക് ഒന്ന് വരാവോ…”
“… കോളേജിലോ എന്തിന്…”
“… ഏട്ടാ നാളെ കോളേജിൽ ഒരു ഓട്ടോ ഷോ ഉണ്ട്. അപ്പൊ ഒരു ലോഗോ വലിയൊരു ബോർഡിൽ വരക്കണം. വരയ്ക്കാം എന്ന് ഏറ്റവന് ചെറിയൊരു ആക്സിഡന്റ് പറ്റി കൈ ഒടിഞ്ഞു…” ഒന്ന് നിർത്തിയ ശേഷം അവൾ പിന്നെയും തുടർന്നു.
“… ഈ അവസാന നിമിഷം വേറെ ആരെയും കിട്ടിയില്ല അപ്പോഴാ ചേട്ടന്റെ കാര്യം ഓർമ വന്നത്. ചേട്ടൻ വന്നൊന്ന് വരച്ച് തരാവോ…” വളരെ പ്രതീക്ഷയോടെ അവൾ ചോദിച്ചു.
“…ഒന്ന് പൊ ദേവു എനിക്കൊന്നും വയ്യ. പോരാത്തതിന് കോളേജിൽ…” ഞാൻ പലതും പറഞ്ഞ് ഒഴിയാൻ നോക്കി.
“…പ്ലീസ് ചേട്ട അത്രക്ക് അത്യാവശ്യം ആയോണ്ട് അല്ലെ…” പിന്നെയും അവൾ കെഞ്ചിയപ്പോ വരാമെന്ന് സമ്മതിക്കേണ്ടി വന്നു.
“…എന്താ ആശാനേ ഒരു ടെൻഷൻ പോലെ…” എന്റെ ഭാവമാറ്റം കണ്ട് കിച്ചു ചോദിച്ചു. അവനോട് കാര്യങ്ങൾ എല്ലാം പറഞ്ഞു.
“…ആശാൻ എന്തിനാ പേടിക്കുന്നത് ആശാൻ പഠിച്ച കോളേജ് അല്ലെ. പറഞ്ഞത് നന്നായി ഞാൻ വേഗം ഡ്രസ്സ് ഒക്കെ മാറി റെഡി ആവട്ടെ…” കൈയിൽ ഉണ്ടായിരുന്ന പുട്ടി ഒക്കെ ഒതുക്കി കൈ കഴുകാനായി കിച്ചു ഓടി.