“… എന്താ മാഷേ വണ്ടിയെ നോക്കി പേടിപ്പിക്കാണോ…” ഒരു polo GT ഉറ്റു നോക്കിക്കൊണ്ട് ഇരുന്ന എന്റെ പിന്നിൽ നിന്നും ദേവു വിളിച്ചതാണ്.
“… ഏയ്യ് ഒന്നും ഇല്ലടി. ഇതിന്റെ പെയിന്റ് ഫൈഡ് ആയപോലെ. പണി എടുത്തവൻ ഉടായിപ്പ് കാണിച്ചെന്ന തോന്നുന്നേ…”
“… അമ്പോ വർക്ക്ഷോപ്പ് പണിക്കാരൻ ഉണർന്നല്ലോ…” കൈയിൽ ഉണ്ടായിരുന്ന പെപ്സി എനിക്ക് തന്നോണ്ട് അവൾ പറഞ്ഞു.
“… അല്ല ചേട്ട എനിക്ക് ഒരു സംശയം. ഇത്ര ഡീറ്റൈൽ ആയിട്ട് കാര്യങ്ങൾ അറിയാമെങ്കിൽ ചേട്ടനും ഈ പരിപാടി സ്വന്തമായി തുടങ്ങിക്കൂടെ…”
“… ഇത് തന്നെ അല്ലേടി എന്റെ പരിപാടി…” അവൾ പറഞ്ഞതിനെ ഞാൻ ചിരിച്ചു തള്ളി.
“… അതല്ല. ചേട്ടൻ ഇപ്പൊ ചെയ്യുന്നത് സാദാ വണ്ടികൾ തട്ടലും മുട്ടലുമായി വരുന്ന വർക്കും പിന്നെ ടെസ്റ്റ് വണ്ടികളുടെ വർക്കും അല്ലെ. അതിനു പകരം ഇതുപോലെ മോഡിഫൈഡ് കാർ പെയിന്റിംങ്ങും ദേ ഇതുപോലെ ഡിസൈൻ വർക്ക് ഒക്കെ ചെയ്തൂടെ…” അവിടെ ഒരു കാറിന്റെ ബൊണറ്റിന് ഉള്ളിൽ വരച്ചു വച്ചേക്കുന്ന വർക്ക് ചൂണ്ടി അവൾ ചോദിച്ചു.
ദേവു പറയുമ്പോഴാണ് ഞാനും അങ്ങനെ ഒരു സാധ്യതയെ പറ്റി ചിന്തിക്കുന്നത്. അപ്പോഴേക്കും അവളുടെ കൂട്ടുകാർ വിളിച്ചപ്പോ ദേവു പോയി. ഞാൻ അവിടത്തെ വണ്ടികൾ എല്ലാം സൂക്ഷ്മമായി വീക്ഷിച്ചു. വീഡിയോസും ഫോട്ടോസും എടുത്ത ശേഷം കിച്ചു വന്നതും ഞാൻ അവനെയും കൂട്ടി അവിടെന്ന് ഇറങ്ങി. രാത്രി ഉറങ്ങാൻ കിടക്കുമ്പോഴും എന്റെ ചിന്ത മുഴുവൻ ദേവു പറഞ്ഞ കാര്യങ്ങളിൽ ആയിരുന്നു. പിന്നെ രണ്ട് മൂന്നു ദിവസം അതേപറ്റി ഞാൻ റിസർച്ച് ചെയ്തു. എല്ലാ ദിവസത്തെയും പോലെ വർഷോപ്പിൽ ഉച്ചക്ക് ചോർ കഴിക്കാൻ ഇരിക്കവേ ഞാൻ ഈ കാര്യം അവതരിപ്പിച്ചു.
“… സൂപ്പർ ഐഡിയ ആശാനേ. ഇപ്പോഴാണെകിൽ ഇങ്ങനത്തെ ഡീറ്റെയിൽഡ് വർക്ക്ഷോപ്പ് ഒക്കെ കുറവാ…”
“… പിന്നെ ഒരു സൂപ്പർ ഐഡിയ. ആദ്യം കിട്ടുന്ന വർക്ക് ചെയ്യാൻ നോക്ക് എന്നിട്ടല്ലേ പുതിയ ഐഡിയ😏…” എല്ലായിടത്തും ഒരു നെഗറ്റീവോളി ഉണ്ടാവുമല്ലോ ഇവിടെ അത് മാമന്റെ കൈക്കാരൻ ആണ്.
“… നിനക്ക് ഉറപ്പ് ഉണ്ടോ സംഭവം കത്തുമെന്ന്…” മാമൻ പ്രതീക്ഷയോടെ ചോദിച്ചു.
“… ഉറപ്പ് ഉണ്ട് മാമ…”
“…നല്ല ഉറപ്പാ. ഇങ്ങനെ ആണെങ്കിൽ ഈ വർഷോപ്പ് ഇവൻ പൂട്ടിക്കും…”
“… ടാ നീ ഒന്ന് മിണ്ടാതിരുന്നേ…” മാമൻ മാമന്റെ കൈക്കാരനെ ചട്ടം കെട്ടി.
“… അല്ലെങ്കിലും ഞാൻ ഒന്നും പറയുന്നില്ലേ. നിങ്ങൾ മാമനും മരുമകനും എന്താന്ന് വെച്ച കാണിക്ക്…” അതും പറഞ്ഞ് കഴിച്ച പത്രവുമായി പുള്ളി എഴുനേറ്റ് പോയി. ഞാൻ മാമനെ വിശദമായി കാര്യങ്ങൾ പറഞ്ഞു ധരിപ്പിച്ചു.
“… നീ പറയുന്നത് ഒക്കെ ശെരി തന്നെ. എന്തായാലും നമുക്ക് ഇവിടെ വർക്ക് ഉണ്ട് അതിന്റെ കൂടെ ഇങ്ങനെ ഒരു പണികൂടി നടന്നു പോകും പക്ഷെ ആദ്യം ഒരു കസ്റ്റമറേ എങ്കിലും കിട്ടണ്ടേ…” സംശയത്തോടെ മാമൻ ചോദിച്ചു.
“…കസ്റ്റമറേ ഓർത്ത് മാമൻ ടെൻഷൻ അടിക്കേണ്ട. എന്റെ ഒരു ഫ്രണ്ട് ഉണ്ട് അവന്റെ ഒരു i20 മോഡിഫൈഡ് ചെയ്യണം എന്ന് ഒരുപാട് നാളായിട്ട് എന്നോട് പറയുന്നു. നമുക്ക് ആദ്യം അവന്റെ വണ്ടി എടുത്താലോ…” കിച്ചു അവന്റെ അഭിപ്രായം മുന്നോട്ട് വച്ചു.
“… എന്നാൽ അങ്ങനെ ചെയ്യാം. നീ എന്ത് പറയുന്നു…” മാമൻ എന്നെ നോക്കി. ഞാൻ അതിന് സമ്മതം അറിയിച്ചു.
കിച്ചു ആ പയ്യനെ വിളിച്ചു കാര്യങ്ങൾ ഒക്കെ തിരക്കി ഞങ്ങളുടെ വർക്ക്ഷോപ്പിൽ വണ്ടി കേറ്റി. അവന് എന്താണ് ചെയ്യേണ്ടത് എന്ന് വ്യക്തമായ ഒരു പ്ലാൻ ഉണ്ടായിരുന്നു. ഞങ്ങൾ അതിൻ പ്രകാരം വർക്ക് തുടങ്ങി. എന്റെയും മാമന്റെയും എക്സ്പീരിയൻസ് വെച്ച് ചില നിർദേശങ്ങൾ മുന്നോട്ട് വെച്ചു അത് അവന് ഇഷ്ട്ടായി പിന്നെ കലാപരമായ എന്റെ ചില കഴിവുകളും ഇമ്പ്ലിമെന്റ് ചെയ്ത് ഞങ്ങൾ പറഞ്ഞതിലും ഒരു ദിവസം മുന്നേ വണ്ടി ഇറക്കി. ഞങ്ങളുടെ ആദ്യ വർക്ക് ആയതിനാൽ ഞാനും മാമനും കിച്ചുവും കട്ടക്ക് നിന്ന് ഒരു പിഴവും വരുത്താതെയാണ് പണി പൂർത്തിയാക്കിയത് അതിന്റെ ഗുണം വണ്ടിയിൽ കാണാനും ഉണ്ടായിരുന്നു. എന്നാൽ ഞങ്ങളുടെ ഈ പണിയൊന്നും മാമന്റെ കൈക്കാരന് ഇഷ്ട്ടപെടുന്നുണ്ടായിരുന്നില്ല. ഒളിഞ്ഞു തെളിഞ്ഞു ഞങ്ങളെ തളർത്താൻ ശ്രെമിച്ചെങ്കിലും അത് ഞങ്ങൾക്ക് കൂടുതൽ വാശിയാണ് തന്നത്. നമ്മളെ കൊണ്ട് ഒരു കാര്യം ചെയ്യാൻ പറ്റില്ല എന്ന് ആരെങ്കിലും പറഞ്ഞാൽ അവരുടെ മുന്നിൽ അത് ചെയ്ത് കാണിക്കുന്ന ചെറിയൊരു ഈഗോ അത്രെ ഉള്ളു.