“… എല്ലാത്തിനും കൂടെ ഉണ്ട് അല്ലെ…” അതിനും ഞാൻ മൂളി.
“… എന്നാ പിന്നെ അതിനെ അങ്ങ് കെട്ടരുതോ…” അത് കേട്ടതും എന്റെ മുഖം ഒന്ന് ചുളുങ്ങി.
ഇത്രയും നേരം മനസ് മൈരൻ ആണ് സംസാരിച്ചത് എന്ന് ഓർത്ത് എല്ലാം മൂളികേട്ട എനിക്ക് തെറ്റി. ഇത്രയും നേരം എന്നോട് ഇതെല്ലാം മൊഴിഞ്ഞത് കിച്ചു ആയിരുന്നു.
“… ഞാൻ കാര്യം ആയിട്ട് പറഞ്ഞത് ആണ് ആശാനേ ഇത്രയും നല്ല കൊച്ചിനെ ഈ ജന്മത്തിൽ കിട്ടൂല. അതുകൊണ്ട് കണ്ണും പൂട്ടി ദേവു ചേച്ചീനെ കേട്ട് ആശാനേ…” കൈയിൽ കിട്ടിയത് എടുത്ത് കിച്ചുവിനെ എറിയാനായി ഓങ്ങിയതും എറിയല്ലേ എന്നപോലെ കൈയ്യും ആംഗ്യം കാണിച്ച് എന്നെ നോക്കി പിന്നിലേക്ക് നടന്നുകൊണ്ട് കിച്ചു ഇത്രം പറഞ്ഞ് തിരിഞ്ഞ് ഒറ്റ ഓട്ടം.
ഇതെല്ലാം നോക്കി ദേവു നിൽപ്പുണ്ടായിരുന്നു. ഭാഗ്യം ഇച്ചിരി ദൂരത്ത് ആയത് കൊണ്ട് അവൾ ഒന്നും കേട്ടില്ല. പക്ഷെ ഞങ്ങളുടെ കോപ്രായങ്ങൾ കണ്ട് എന്താന്ന് അവൾ മുഖം അനക്കി ചോദിച്ചു. ഞാൻ ഒന്നുമില്ലെന്ന് തോളനക്കി പറഞ്ഞു. അതിന് ഒരു നിറപുഞ്ചിരി തന്ന് അമ്മയുടെ അടുത്തേക്ക് ദേവു പോയി. കുറച്ചു ദിവസങ്ങൾക്ക് ശേഷം പണി കഴിഞ്ഞ് വൈകിട്ട് വീട്ടിലേക്ക് പോകവേയാണ് ദേവൻ വിളിക്കുന്നത്.
“… അളിയാ നീ ഇപ്പൊ എവിടാ. ഫ്രീ ആണോ…” ഫോൺ എടുത്തപാടെ ദേവൻ ചോദിച്ചു.
“… ഞാൻ പണി കഴിഞ്ഞ് വീട്ടിലേക്ക് പോകാട. എന്താ കാര്യം…”
“… എടാ ദേവു അവളുടെ സ്കൂളിൽ പഠിച്ച ഏതോ കൂട്ടുകാരിയുടെ കല്യാണത്തിന് പോയതാ. കല്യാണം കഴിഞ്ഞപ്പോ അവളുടെ ഫ്രണ്ട്സ് എല്ലാരും റിസെപ്ഷനിൽ പോണെന്ന് പറഞ്ഞ് കല്യാണ മണ്ഡപത്തിൽ നിന്നും ഇവളെയും കൂട്ടികൊണ്ട് പോയി. ഇപ്പൊ അവിടെന്ന് തിരിച്ച് വരാൻ ഒരു മാർഗ്ഗവും ഇല്ല. നീ ഫ്രീ ആണെങ്കിൽ ഒന്ന് അങ്ങോട്ട് ചെല്ലോടാ…”
“…കുഴപ്പം ഇല്ലടാ ഞാൻ പൊയ്ക്കോളാം. വീട്ടിൽ ചെന്ന് ഒന്ന് കുളിച്ചു നേരെ അങ്ങോട്ട് ഇറങ്ങാം…”
“… താങ്ക്സ് അളിയാ…”
“… താങ്ക്സ് ഒക്കെ അവിടെ നിക്കട്ടെ. എന്റെ ഷോപ്പിന്റെ ഇന്നാഗുറേഷന് നീ വന്നില്ല. എന്നാ നമുക്ക് ഒന്ന് നേരിൽ കാണാൻ പറ്റുന്നെ…”
“… എന്ത് പറയാൻ അളിയാ ഇവിടെ ഞാനും കുറച്ചു കൂട്ടുകാരും ചേർന്ന് ഒരു startup തുടങ്ങി. ഇപ്പൊ അതിന്റെ നെട്ടോട്ടത്തില. ഞാൻ ഇന്ന് രാത്രി നാട്ടിൽ വരും നമുക്ക് നാളെ കാണാം…”
“… എടാ നായിന്റെമോനെ ഇന്ന് വരോന്ന് എന്താടാ നേരത്തെ പറയാഞ്ഞേ…”
“… നിനക്ക് ഒരു സർപ്രൈസ് തരാന്നു കരുതിയതാ 😁. എടാ ഞാൻ വയ്ക്കുവാണേ ഇവിടെ ഇച്ചിരി പരിപാടി ഉണ്ട്. Location ഒകെ ദേവുവിനെ വിളിച്ചു ചോദിച്ചാൽ മതി…” അതും പറഞ്ഞ് ദേവൻ ഫോൺ വച്ചു.
ഞാൻ ദേവുവിനെ വിളിച്ചു location ചോദിച്ച് വീട്ടിൽ പോയി കുളിച്ച് എന്റെ ബുള്ളറ്റുമായി ഇറങ്ങി. കുറച്ചു ദൂരെയുള്ള ഒരു ഓഡിറ്റോറിയത്തിൽ വച്ചായിരുന്നു റിസെപ്ഷൻ. അവിടെ എത്തി ഹാളിലേക്ക് കടക്കാവേ സ്റ്റേജിൽ ഗ്രൂപ്പ് ഡാൻസ് എന്തോ നടക്കുവായിരുന്നു. ഡാൻസേഴ്സിന്റെ മുൻനിരയിൽ തന്നെ ദേവു നിന്ന് കളിക്കുന്നുണ്ടായിരുന്നു. സാരിയിൽ ദേവുവിനെ കാണാൻ പ്രേത്യേക ഭംഗി ആയിരുന്നു ( പിന്നെ സാരി എന്റെ വീക്നെസ് ആണെന്ന് നിങ്ങൾക്ക് അറിയാലോ 🫣). ദേവുവിനെ സാരിയിൽ ആദ്യമായിട്ട് കാണുന്നത് കൊണ്ടാണെന്നു തോന്നുന്നു ഞാൻ അവളെത്തന്നെ നോക്കി അവിടെ ഒരു ചെയറിൽ ഇരുന്നു. ഡാൻസിന്റെ ഇടക്ക് അവൾ എന്നെ കണ്ടതും അവളുടെ മുഖം കൂടുതൽ പൂത്തുലഞ്ഞോ എന്നൊരു സംശയം. പിന്നെ ഡാൻസ് കഴിയും വരെ ഇടക്ക് ഇടക്ക് ഒളിക്കണ്ണിട്ട് എന്നെ നോക്കി പുഞ്ചിരിക്കും.
“… ചേട്ടൻ വന്നിട്ട് ഒരുപാട് സമയം ആയോ…” ഡാൻസ് കഴിഞ്ഞതും കിതച്ചോണ്ട് ഓടി വന്ന് എന്നോട് ചോദിച്ചു.
“… ഇല്ല കുറച്ചു സമയം ആയതേ ഉള്ളു. പിന്നെ ഡാൻസ് സൂപ്പർ ആയിരുന്നു കേട്ടോ…” അതിന് അവൾ ഒന്ന് പുഞ്ചിരിച്ചു.
“.. വാ ചേട്ട നമുക്ക് ഫോട്ടോ എടുക്കാൻ പോകാം…” എന്റെ കൈയിൽ പിടിച്ചു വലിച്ച ദേവൂനെ ഞാൻ തടഞ്ഞു.
“… എന്റെ പൊന്ന് ദേവു എനിക്ക് ഇവിടെ ആരെയും അറിയില്ല. ആരുടെ കല്യാണം ആണെന്ന് പോലും എനിക്ക് അറിയില്ല അതുകൊണ്ട് ഫോട്ടോ എടുക്കാൻ ഒന്നും ഞാൻ ഇല്ല…” ദേവുവിന്റെ ആ ശ്രമത്തെ ഞാൻ തടയാൻ നോക്കി.