“… നിനക്ക് ഇഷ്ട്ടപെട്ട ഇടത്തിന്ന് തുടങ്ങിക്കോ.പിന്നെ എന്നെ ആശാൻ എന്നൊന്നും വിളിക്കണ്ട ചേട്ടാന്ന് വിളിച്ചാൽ മതി കേട്ടല്ലോ…”
“…പണി പറഞ്ഞു തരുന്നവരെ ബഹുമാനിക്കണ്ടേ. പോരാത്തതിന് ചേട്ട എന്നൊന്നും വിളിക്കാൻ ഒരു രസം ഇല്ല…”
“… നീ ഇഷ്ട്ടം ഉള്ളത് വിളിച്ചോ. തത്കാലം പറഞ്ഞ പണി ചെയ്യ്…”
“…ശെരി ആശാനേ…”
ഇവനെക്കൊണ്ട് തോറ്റല്ലോ. ആളൊരു ശുദ്ധത്മാവ് ആണെന്ന് തോന്നുന്നു. കുറച്ചു കഴിഞ്ഞപ്പോ മാമനും മാമന്റെ കൈക്കാരനും വന്നു. മാമനെ സംസാരം കൊണ്ട് കിച്ചു കുപ്പിയിൽ ആക്കി. മോശം പറയരുതല്ലോ പറയുന്നത് എല്ലാം അവനെ കൊണ്ട് കഴിയും വിധം കുറഞ്ഞ സമയം കൊണ്ട് വൃത്തിയായി ചെയ്യും.
“…ആശാനേ ഉച്ച ആയി വാ ചോർ കഴിക്കാം…” ഉച്ച ആയപ്പോഴേക്കും കൈയിൽ ചോറുപൊതിയുമായി കിച്ചു വിളിച്ചു.
“…നീ കഴിച്ചോടാ ഞാൻ ഇത് തീർത്തിട്ട് വരാം…”
“…ഇത്ര പെട്ടെന്ന് നീ ആശാൻ ഒക്കെ ആയോടാ…” മാമന്റെ കൈക്കാരൻ കിച്ചുവിന്റെ വിളി കേട്ട് എന്നെ കളിയാക്കി ചിരിച്ചു.
“…നല്ല ബെസ്റ്റ് ആശാനാ. ഇവന്റെയൊക്കെ ശിഷ്യൻ ആയ നിന്നെ സമ്മതിക്കണം…” ഞാൻ അത് കേട്ടില്ല എന്ന മട്ടിൽ എന്റെ പണി തുടർന്നു.
“… എന്താ അവിടെ. ടാ തേജസേ നിന്റെ പണി കഴിഞ്ഞില്ലേ…” അപ്പോഴേക്കും മാമൻ അങ്ങോട്ടേക്ക് വന്നു. മാമൻ ചോദിച്ചതിന് ഞാൻ ഇല്ലെന്നു പറഞ്ഞു.
“… ആഹ് മതിയാക്ക്. ബാക്കി കഴിച്ചിട്ട് ചെയ്യാം…” മാമൻ നിർബന്ധിച്ച് എന്നെ കഴിക്കാൻ വിളിച്ചു. പിന്നെ എല്ലാരും ഒരുമിച്ച് വീട്ടിൽ നിന്നും കൊണ്ട് വന്ന പൊതിച്ചോർ കഴിക്കാൻ തുടങ്ങി.
“…ഹെലോ… ഹെലോ… എങ്ങോട്ടാ ഈ ചാടി തുള്ളി…” രണ്ട് ദിവസം കഴിഞ്ഞപ്പോ ദേവു തേജസിനെ തിരക്കി വർക്ക്ഷോപ്പിൽ വന്നതാ. ആൾ അറിയാതെ കിച്ചു ദേവുവിന്റെ വഴി തടഞ്ഞു.
“…അത് ചോദിക്കാൻ നീ ഏതാടാ ചെക്കാ…” ദേവു തിരിച്ചു ചോദിച്ചു.
“… ഞാൻ ഇവിടത്തെ പുതിയ സ്റ്റാഫ് ആണ്. നിങ്ങൾ ആരാ…” കിച്ചുവിന്റെ ആ ചോദ്യം അവൾക്ക് അത്ര പിടിച്ചില്ല.
“… നീ ഇവിടത്തെ സ്റ്റാഫ് അല്ലെ. അല്ലാതെ മുതലാളി ഒന്നും അല്ലല്ലോ😏…” അത് പറഞ്ഞ് ദേവു അവനെയും തട്ടിമറ്റി മുന്നോട്ട് നടക്കാൻ തുടങ്ങി.
“… കണ്ണി കണ്ടവർക്ക് കേറി ഇറങ്ങാൻ പറ്റിയ ഇടം ഒന്നും അല്ല ഇത്. വണ്ടിയുടെ പണി വല്ലതും ആണെങ്കിൽ എന്നോട് പറഞ്ഞാൽ മതി അല്ലാതെ അകത്തേക്കൊന്നും പോകാൻ പറ്റില്ല 😡…” കിച്ചു പിന്നെയും ദേവുവിനെ തടഞ്ഞു.
“…ടാ കിച്ചു എന്താടാ അവിടെ ഒരു ബഹളം…” പുറത്തെ കലപില ശബ്ദം കേട്ട് തേജസ് അകത്ത് നിന്ന് വിളിച്ചു ചോദിച്ചു.
“… ആശാനേ ഒരു പെണ്ണ് വന്ന് കച്ചറ ആക്കുന്ന…” കിച്ചു അകത്തേക്ക് വിളിച്ചു പറഞ്ഞു.
“…പെണ്ണോ? വർക്ക് വല്ലതും ആണെങ്കിൽ മാമൻ വരുന്ന വരെ വെയിറ്റ് ചെയ്യാൻ പറയ്. ഇല്ലെങ്കിൽ പറഞ്ഞു വിടാൻ നോക്ക്…”
“… കേട്ടല്ലോ. വണ്ടി പണി ഒന്നും അല്ലെങ്കിൽ സ്ഥലം കാലിയാക്ക്.. പൊ.. പൊ…” അത് കേട്ടതും ദേവൂന് ദേഷ്യവും സങ്കടവും വന്നു.
“… ഏട്ടാ ഇത് ഞാനാ ദേവു…” ദേവു അകത്തേക്ക് വിളിച്ചു പറഞ്ഞു. അത് കേട്ടതും തേജസ് ഓടി അങ്ങോട്ടേക്ക് വന്നു.
“…ദേവു നീ ആയിരുന്നോ. വന്നിട്ട് എന്താ പുറത്ത് നിന്നത് അകത്തേക്ക് കേറി വന്നൂടായിരുന്നോ…” തേജസിന്റെ മുഖത്ത് അത്രക്കും സന്തോഷവും സ്നേഹവും ഉണ്ടായിരുന്നു.
“… അതിന് ഈ മരങ്ങോടൻ എന്നെ ഉള്ളിലേക്ക് കേറ്റി വിടണ്ടേ…” ദേവു പറഞ്ഞതും തേജസ് കിച്ചൂനെ രൂക്ഷമായി ഒന്ന് നോക്കി.
“… അത് ആശാനേ. ആശാൻ ഉള്ളിൽ നല്ല പണി തിരക്കിൽ ആയിരുന്നല്ലോ. അപ്പൊ വല്ല ഉടായിപ്പ് പാർട്ടി ആണെങ്കിൽ ആശാനേ ബുദ്ധിമുട്ടിക്കാതെ ഞാൻ തന്നെ ഡീൽ ചെയ്യാന്ന് വിചാരിച്ചതാ…”
“…ആരാടാ നിന്റെ ഉടായിപ്പ് പാർട്ടി 😡…” കിച്ചു പറഞ്ഞത് ഇഷ്ടപ്പെടാതെ അവൾ അവനോട് ചൂടാകാൻ തുടങ്ങി.
“… എന്റെ പൊന്ന് ദേവു നീ പ്രശ്നം ഒന്നും ഉണ്ടാക്കാതെ ഒന്ന് വന്നേ…” കിച്ചുവിനോട് മല്ലിടാൻ പോയവളുടെ കയും പിടിച്ച് ഞാൻ ഉള്ളിലേക്ക് കൂട്ടികൊണ്ട് വന്നു.