: എത്ര വന്നതാ… നീ മൈന്റാക്കാഞ്ഞിട്ടല്ലേ..
നമുക്ക് നിന്റെ ശത്രുവിനെ തന്നെ വളച്ചാലോ…. എന്ന ലുക്കാ പുള്ളീടെ. ആ മസിലൊക്കെ
വിരിഞ്ഞിറങ്ങിയത് കണ്ടാ മതിയല്ലോ. പറഞ്ഞുകേട്ടിടത്തോളം നല്ല ചങ്കൂറ്റവും ഉണ്ട്..
: നീ ഒന്ന് പോയേടി… അയാളുടെ കയ്യീന്ന് രണ്ട് കിട്ടാതെ നോക്കട്ടെ. അപ്പോഴാ അവളുടെ ഓഞ്ഞ പ്രേമം.
: ഡീ … അല്ലേലും നീ നോക്കിയിട്ട് കാര്യമൊന്നും ഇല്ല. ദേണ്ടെ ഒരു കിടിലൻ ഐറ്റം വരുന്നുണ്ട്…അങ്ങോട്ട് നോക്കിയേ
ലെച്ചു നടന്ന് വരുന്നത് കണ്ടപ്പോഴേക്കും ചെറുക്കൻ കിടന്ന് വിറയ്ക്കാൻ തുടങ്ങിയല്ലോ. അവളെയും പുറകിൽ ഇരുത്തി വണ്ടി എടുക്കാൻ നേരം അറിയാതെ കണ്ണൊന്ന് തുഷാരയിലേക്ക് പോയോന്നൊരു സംശയം. ആ പുന്നാരമോളുടെ മോന്ത കണ്ടതും ചോര വീണ്ടും തിളച്ചുതുടങ്ങിയല്ലോ. പെണ്ണിനാണെങ്കിൽ ഒടുക്കത്തെ ഗ്ലാമറും, പക്ഷെ കിട്ടിയ നാണക്കേട് ഓർക്കുമ്പോ അവളുടെ മൂഡ് പിടിച്ച് നിലത്ത് ഉരയ്ക്കാനും തോനുന്നു. അവസരം വരും നിനക്ക് കാണിച്ചു താരാട്ടാ…
വീട്ടിൽ എത്തിയിട്ടും ഗ്രൗണ്ടിൽ പോയിട്ടും ഒന്നും മനസിലെ കലിപ്പ് അടങ്ങുന്നില്ല. അവളുടെ വാക്കുകളും മുഖവും തന്നെ വീണ്ടും വീണ്ടും തികട്ടി വരുവാണല്ലോ. കഴിക്കാൻ ഇരുന്നിട്ടും ശരിക്കൊന്ന് സ്കോർ ചെയ്യാൻ പറ്റുന്നില്ല…
: ശ്രീകുട്ടാ… എന്താ അമ്മേടെ മുത്തിന് പറ്റിയേ… സുഖമില്ലേ, ഒന്നും കഴിച്ചില്ലല്ലോ
: എന്ത് സൂക്കേട്, അവൻ പുറത്തുനിന്നും കാര്യമായിട്ട് എന്തോ തട്ടിയിട്ട് വന്നതായിരിക്കും
: എനിക്ക് വേണ്ട. നിങ്ങൾ കഴിക്ക്. ഞാൻ ഉറങ്ങാൻ പോകുവാ…
: അങ്ങനെ പോയാലോ… അമ്മയോട് പറയെടാ.. എന്താ മോന്റെ വിഷമം
: ഒന്നുമില്ലമ്മേ.. ഒരുത്തി നൈസായിട്ട് എല്ലാവരുടെയും മുന്നിൽ വച്ച്, നിർത്തി അപമാനിച്ചു.
: നീ വല്ല പ്രപ്പോസലും കൊണ്ടുപോയിക്കാണും…
: ദേ ലെച്ചു… കിട്ടും എന്റെ കയ്യീന്ന്. ഞാൻ അന്നേ പറഞ്ഞതല്ലേ പ്രേമിക്കാനൊന്നും എന്നെ കിട്ടില്ലെന്ന്
നടന്ന കാര്യങ്ങൾ മുഴുവൻ അവരോട് വിവരിച്ചപ്പോഴേക്കും അമ്മയും ലെച്ചുവും ഇരുന്ന് ചിരിക്കുന്നുണ്ട്. നല്ല ടീമിനോടാ ഞാൻ പറഞ്ഞത്. ഇതിലും ബേധം ആ ക്ലാസിലെ പിള്ളേരായിരുന്നു. അവരുടെ ചിരിക്ക് ഒരു മയമുണ്ടായിരുന്നു.
: എന്റെ ശ്രീ… അവള് പൊരിച്ചു. അല്ലാതെ നീയൊക്കെ എന്താ വിചാരിച്ചേ നിങ്ങൾ ആണുങ്ങൾക്ക് മാത്രമേ പഞ്ച് ഡയലോഗ് അടിച്ച് കൈയ്യടി വാങ്ങാൻ പറ്റൂന്നാ
: ഇതിനാണോ എന്റെ മോൻ ചോറുണ്ണാതിരിക്കുന്നെ… എടുത്ത് കഴിക്കെടാ. നിന്റെ കലിപ്പ് ഒട്ടും കുറയുന്നില്ലേൽ എന്റെ മോൻ അവളെ കെട്ടിക്കൊണ്ട് വാ. അമ്മ ശരിയാക്കികൊടുക്കാം
: കെട്ടാൻ പറ്റിയ സാധനം… ഒന്ന് പോയെ. എനിക്ക് മതി. ഞാൻ കിടക്കുവാ
: ഹാ… നിക്കെടാ.. പിണങ്ങല്ലേ..
കിടക്കാൻ നേരം ചുമ്മാ ഫേസ്ബുക്കിൽ ഒന്ന് തപ്പിനോക്കിയെങ്കിലും കിട്ടിയില്ല. അവസാനം ഇൻസ്റ്റയിൽ ഒന്ന് പരതിയപ്പോൾ ദേ കിടക്കുന്നു പല പോസിൽ പല വർണത്തിൽ പല വേഷത്തിൽ… അഹങ്കാരിയാണെന്ന് പ്രൊഫൈൽ കണ്ടാൽ അറിയാം. ആകെ പത്തുപേരെ ഫോളോ ചെയ്തിട്ടുണ്ട്. എന്ന ഫോള്ളോവേർസ് നോക്കിയാലോ രണ്ടായിരത്തിന് മുകളിലും ഉണ്ട്. അല്ലേലും ഈ തൊലിവെളുപ്പുള്ള കുറേ എണ്ണത്തിന്റെ സ്ഥിരം പരിപാടിയാണ് ഇത്. ആളെ കൊതിപ്പിക്കുന്ന ഫോട്ടോ ഒക്കെ ഇടും നമ്മളെങ്ങാൻ ഒരു മെസ്സേജ് അയച്ചാലോ തിരിഞ്ഞുനോക്കില്ല… പോട്ടെ ഒന്ന് തിരിച്ച് ഫോളോ ചെയ്യുകയെങ്കിലും ആയിക്കൂടെ…
എവിടെ..ഈ നാട് നന്നാവൂലാ…
മൊബൈലിൽ തുഷാരയുടെ ഓരോ ഫോട്ടോ നോക്കികൊണ്ടിരിക്കുമ്പോഴാണ് കയ്യിലൊരു ഗ്ലാസ്സുമായി ലെച്ചു കയറിവന്നത്. കൊള്ളാം, നല്ല മിൽക്ക് ഷെയ്ക്കും ആയിട്ടാണല്ലോ പെണ്ണിന്റെ വരവ്. ഗ്ലാസ് എനിക്ക് നേരെ നീട്ടി എന്റെ കയ്യിൽ നിന്നും മൊബൈൽ അവൾ പിടിച്ചുവാങ്ങി.
: ഇതേതാടാ ഈ പെണ്ണ്… എന്നാ ക്യൂട്ടാ അല്ലേ
: അത് ഏതോ വല്യ മോഡൽ ആണ്..
: അത് ഫോട്ടോ കണ്ടപ്പോ മനസിലായി… കാണാൻ നല്ല ചന്തമുണ്ട്. ഒക്കെ ഫിൽറ്റർ ആയിരിക്കും.
: ഹേ… അതൊക്കെ ഒറിജിനൽ ആണ്…
: നിനക്കറിയുന്ന പെണ്ണാണോ..
: എടി പോത്തേ … ഇതാണ് ഞാൻ നേരത്തെ പറഞ്ഞ പെണ്ണ്
: ഓഹ്… തുഷാര… അത് പറ. ഇപ്പോഴല്ലേ കാര്യങ്ങളുടെ കിടപ്പ് മനസിലായത്. ഉം… ഇത് കലിപ്പൊന്നും അല്ല മോനേ. പ്രേമമല്ലേ, അത് അനുരാഗമായി വയറിൽ ഉരുണ്ടുകൂടിയതുകൊണ്ടല്ലേ എന്റെ കാട്ടുപോത്തിന് ചോറ് കേറാത്തത്…
: മൈര്… നല്ലൊരവസരം വരും. അന്ന് ഞാൻ അവളുടെ നാക്കിന്റെ നീളം കുറയ്ക്കും.. നീ നോക്കിക്കോ.
: നീ മൈര് പറിക്കും.. ഒന്ന് പോടാ. കേട്ടെടുത്തോളം അവൾ പുലിയാണ്. പെണ്ണിന്റെ കയ്യീന്ന് കിട്ടാതെ നോക്കിക്കോ.. അവസാനം ലച്ചൂന്നും വിളിച്ചോണ്ട് മോങ്ങരുത്.
: ഒന്ന് പോടി… അവൾക്ക് ശരിക്കും അറിയില്ല ശ്രീലാലിനെ…
: എടാ പൊട്ടാ… അവള് പറഞ്ഞ ഉടനെ നീ ഒന്ന് പൊട്ടിച്ചിരുന്നെങ്കിൽ പെണ്ണ് ഒന്ന് പേടിച്ചേനെ. ഇതിപ്പോ അവൾക്ക് 500 രൂപയും കൊടുത്തിട്ട് ചിരിച്ചോണ്ട് ഇറങ്ങിവന്നിരിക്കുന്നു. ഇനി നീ എത്ര മസിലും പെരുപ്പിച്ച് പോയാലും പെണ്ണ് കട്ടയ്ക്ക് നിൽക്കും. അതുകൊണ്ട് വേറെ വഴിയൊന്നും ഇല്ല. ആന്റി പറഞ്ഞപോലെ മോൻ അവളെ കെട്ടിക്കോ…നല്ല സുന്ദരി മോളാടാ. ഈ ഫോട്ടോ നോക്കിയേ. പെണ്ണിനെ സാരിയിൽ കാണാനാ കിടു.
: കാണാൻ ഒക്കെ കൊള്ളാം… നീ വെറുതേ ഓരോന്ന് കാണിച്ച് എന്നെ കുഴപ്പിക്കല്ലേ മോളെ ലെച്ചു
: അപ്പൊ നിന്റെ ജാഡയൊക്കെ വെറും അഭിനയം ആണല്ലേ … മനസ്സിൽ എന്തോ ഉണ്ടല്ലോ മോനെ കുട്ടാ
: ഒരു മൈരും ഇല്ല… നീ വന്നേ…
വിശക്കുന്നു മുത്തേ… എന്തെങ്കിലും തിന്നാൻ താടി പെണ്ണേ
: നല്ല വരിക്ക ചക്കേടെ ചുള തരട്ടെ….
**************
ഇതേസമയം തുഷാരയുടെ വീട്ടിൽ……
: ഇന്ദിരേ… അവളെപ്പോയി വിളിക്കെടി..
: എനിക്കെങ്ങും വയ്യ, നിങ്ങൾ അവളെ എന്തെങ്കിലും പറഞ്ഞുകാണും, അല്ലാതെ എന്റെമോള് ഇങ്ങനെ ദേഷ്യംപിടിച്ചിരിക്കില്ല…
: ഞാൻ എന്ത് പറയാൻ… അവള് കോളേജീന്ന് വന്നതേ മുഖവും വീർപ്പിച്ചോണ്ടാ.
: ഭാഗ്യം വയറ് വീർപ്പിച്ചില്ലല്ലോ…(ഇതും പറഞ്ഞ് ഇന്ദിരയൊന്ന് ചിരിച്ചു)
: ഒറ്റ അടികിട്ടിയാലുണ്ടല്ലോ… ഡി അത് നമ്മുടെ മോളാ..
: എന്റെ മനുഷ്യാ… എനിക്കറിയാം എന്റെ മോളെ. എന്തായാലും നിങ്ങളെപ്പോലെ പൊട്ടനല്ല.
: അല്ലേലും അമ്മേം മോളും ഒരു കൂട്ടാ. ഞാനാണല്ലോ വില്ലൻ. നീ പോയി വിളിച്ചേ. കാര്യം ഞാനും അവളും അടികൂടുമെങ്കിലും അവള് കഴിക്കാതിരിക്കുമ്പോ എനിക്കെന്തോ വിഷമാ..
: എന്റെ മനുഷ്യാ അവള് നേരത്തെ അടുക്കളയിൽ വന്ന് കുറച്ച് കഴിച്ചിട്ടാ പോയത്. പക്ഷെ എന്തോ വിഷമം ഉണ്ട്. അല്ലെങ്കിൽ ചാടിച്ചാടി നിക്കുന്ന പെണ്ണാ. ഇന്നെന്തോ കാര്യമായ അടികിട്ടിയിട്ടുണ്ട്
: നീയല്ലേ അവളുടെ ബെസ്ററ് ഫ്രണ്ട്, പോയി ചോദിക്ക്
