ഫാസി ..നിന്നെ ഞാൻ മകനായി കാണുന്നു എന്ന് വെറുതെ പറഞ്ഞതല്ല
എനിക്കറിയാം ഇക്ക
മോളോട് നീ ഒരാഗ്രഹം പറഞ്ഞിരുന്നില്ലേ
ഇക്ക അങ്ങനെ ഒരബദ്ധം ഞാൻ പറഞ്ഞു ഇക്ക ക്ഷമിക്കണം
അബദ്ധമോ …ഒരു പെൺകുട്ടിയെ ഇഷ്ട്ടപെടുന്നത് അബദ്ധമാണോ
ഇക്ക ഞാൻ വെറുമൊരു ഡ്രൈവർ ആണ് ..മോളെ ഞാനൊരിക്കലും അങ്ങനെ കണ്ടിട്ടില്ല കാണാൻ പാടില്ല ആളറിയാതെ ഞാൻ പറഞ്ഞു പോയതാണ്
ഇഷ്ടം തോന്നിയിട്ടല്ലേ നീ അങ്ങനെ പറഞ്ഞത്
അതെ ഇക്ക പക്ഷെ എനിക്കറിയില്ലായിരുന്നു അത് മോളാണെന്ന്
ഫാസി ഇഷ്ട്ടപെട്ട പെണ്ണിന്റെ കൂടെയാണ് ജീവിക്കേണ്ടത് …ഇഷ്ടപ്പെടുന്നവർ തമ്മിലാണ് ജീവിക്കേണ്ടത്
എന്നാലും ഇക്ക അത്രക്കും നന്ദികേട് ഞാൻ ചെയ്യില്ല
ഇപ്പോഴാണ് നീ നന്ദികേട് കാണിക്കുന്നത്
എന്താണ് ഇക്ക പറയുന്നത്
അതെ ഫാസി മോൾക്കും നിന്നെ ഇഷ്ടമാണ് …അവൾ ജീവിതത്തിൽ എടുത്ത ഏറ്റവും നല്ല തീരുമാനം,നിന്നെപ്പോലെ ഒരാളെ ഭർത്താവായി ലഭിക്കാൻ അവൾ മുന്ജന്മത്തിൽ എന്തെങ്കിലും സുകൃതം ചെയ്തിട്ടുണ്ടാവും .മനസ്സിന്റെ നന്മ കൊണ്ടാണ് മോനെ നീ വലിയവനാകുന്നത് .അവളുടെ ആഗ്രഹം നീ നിറവേറ്റണം .അവളുടെ മാത്രമല്ല ഞങ്ങൾ എല്ലാവരുടെയും ആഗ്രഹം ഇതുതന്നെയാണ് . മോൾ ഈ വിവരം പറഞ്ഞപ്പോൾ മുതൽ
വല്ലാത്തൊരു സന്തോഷം തോന്നി എനിക്ക് .ശരിക്കും അർഹനാണ് നീ .ഒരുപാടു ജീവിത ലക്ഷ്യങ്ങൾ ഉള്ളവളാണ് മോൾ നീ അവളുമായി സംസാരിക്കണം പൊരുത്തപ്പെടാൻ നിനക്ക് കഴിയുമെങ്കിൽ അവളെ സ്വീകരിക്കണം .ഒരിക്കലൂം ഞാൻ നിന്നെ നിര്ബന്ധിക്കില്ല പക്ഷെ എന്റെ ആകെയുള്ള ആഗ്രഹം ഇതുമാത്രമാണ് .നാളെ സർജറി കഴിഞ്ഞു ഞാൻ ജീവിച്ചിരിക്കുമോ എന്നുപോലും എനിക്കറിയില്ല എന്റെ അന്ത്യാഭിലാഷം ആയി നീ ഇത് കാണണം .ഇനി വേറെ ആശകൾ ഒന്നും എനിക്കില്ല മോനെ.
അങ്ങനെ ഒന്നും പറയാതെ ഇക്ക ധൈര്യമായി ഇരിക്ക് ഒന്നും സംഭവിക്കില്ല .
എനിക്ക് പേടിയില്ല ഫാസി എനിക്കെന്തു സംഭവിച്ചാലും നീ ഉണ്ടാവും എന്നറിയാം
ഒന്നുമില്ല ഇക്ക മനസ്സിന്റെ ധൈര്യമാണ് ആദ്യം വേണ്ടത് ഇക്ക വിഷമിക്കാതെ ഇക്കയുടെ ഒരാഗ്രഹത്തിനും ഞാൻ എതിര് നിൽക്കില്ല
അത് മതി മോനെ അത് മതി എനിക്ക് സമാധാനമായി
ഇക്ക ഉറങ്ങിക്കോളൂ ഓരോന്നാലോചിച്ചു വെറുതെ മനസമാധാനം കളയണ്ട
എനിക്കൊരു മനഃസമാധാനക്കേടുമില്ല ഫാസി
ഇക്ക ഉറങ്ങിക്കോ
ഹമ്
പിറ്റേന്ന് രാവിലെ തന്നെ ഇത്തയും മക്കളും ആശുപത്രിയിൽ വന്നു .ഫോർമാലിറ്റീസ് എല്ലാം കഴിഞ്ഞു ഇക്കയെ
സർജറിക്ക് കൊണ്ടുപോയി .എല്ലാ മുഖത്തും ആശങ്ക തളം കെട്ടിയിരുന്നു .എന്ത് പറഞ്ഞു അവരെ ആശ്വസിപ്പിക്കണം എനിക്കറിയില്ലായിരുന്നു .സർജറി നടക്കുന്നിടത്തേക്കു പ്രവേശനം നിഷേധിച്ചിരുന്നു ഞങ്ങൾ കാത്തിരുപ്പു സ്ഥലത്തു ഇരുന്നു .ഓരോ നിമിഷവും ഓരോ യുഗം പോലെ തോന്നി .എന്റെ അടുത്തിരുന്ന മോൾ എന്റെ കയ്യിൽ മുറുക്കെ പിടിച്ചു .അവളുടെ ഭയത്തിന്റെ തിവ്രത ആ പിടിയിൽ നിന്നും എനിക്ക് മനസ്സിലായി .അത്രയും മുറുക്കെ ആണ് അവൾ എന്റെ കയ്യിൽ പിടിച്ചത് .ഞാനെന്റെ കയ്യ് അവളുടെ കയ്യുടെ മുകളിൽ വച്ച് പതുക്കെ തഴുകി .എന്റെ മുഖത്തേക്ക് അവൾ നോക്കി .ദൈര്യമായിരിക്കാൻ ഞാൻ അവളോട് കണ്ണുകളാൽ പറഞ്ഞു .
ഇക്ക ഉപ്പച്ചിയെ എപ്പോ കാണാൻ കഴിയും
സർജറി കഴിയട്ടെ മോളെ
എനിക്ക് പേടിയാവുന്നു ഇക്ക
എന്തിനാ മോളെ പേടിക്കുന്നത് ഞാനില്ലേ കൂടെ
എന്നും ഉണ്ടാവുമോ
ഹമ്
എന്താണെന്നു അറിയില്ല ഇക്കയുടെ അടുത്തിരിക്കുമ്പോൾ വല്ലാത്തൊരു ആശ്വാസം തോനുന്നു ഒരുധൈര്യം വരുന്നപോലെ
മോൾ പേടിക്കാതിരിക്കു ഉപ്പച്ചി ഉടൻ വരും
ഹമ്
ഇത്ത പ്രാർത്ഥനയിൽ മുഴുകിയിരിക്കയായിരുന്നു ഷംസിയുടെ മുഖത്തും ആശങ്ക കളിയാടുന്നത് ഞാൻ കണ്ടു .പതിയെ മോൾ എന്നിലേക്ക് ചാഞ്ഞു .അവൾക്ക് സുരക്ഷിതത്വം എന്റെ സാമീപ്യത്തിൽ നിന്നും ലഭിക്കുന്നുണ്ടെന്ന് എനിക്ക് മനസ്സിലായി .എന്നാൽ കഴിയുന്ന വിധം ഞാൻ അവളെ സ്വാന്തനിപ്പിച്ചു .ഏറെ നേരെത്തെ കാത്തിരിപ്പിനൊടുവിൽ ആ സന്തോഷ വാർത്ത ഞങ്ങളെ തേടിയെത്തി സർജറി കഴിഞ്ഞു പേടിക്കാനൊന്നുമില്ല .ഒന്ന് കാണാൻ ഞങ്ങൾക്കേവർക്കും അതിയായി കൊതിയുണ്ടായിരുന്നു എന്ത് ചെയ്യാൻ അതിനു വീണ്ടും കാത്തിരിക്കേണ്ടി വന്നു .ഒടുവിൽ ഒരാൾക്ക് കാണാമെന്നായി .ഇത്ത icu യിൽ കയറി ഇക്കയെ കണ്ടു .ഒന്നും സംസാരിക്കാൻ കഴിഞ്ഞില്ലെങ്കിലും ഇക്കയെ കണ്ട തൃപ്തി ആ മുഖത്തു പ്രകടമായിരുന്നു .ഞങ്ങൾ എല്ലാവരും ഇക്കയെ കണ്ടു .മയക്കത്തിൽ നിന്നും ഇക്ക ഉണർന്നു .ഒന്നും പേടിക്കാനില്ലെന്നു ഡോക്ടർ ഞങ്ങൾക്ക് ഉറപ്പു നൽകി .പതിയെ പതിയെ ഇക്ക ജീവിതത്തിലേക്ക് തിരികെ എത്തി തുടങ്ങി .പൂർണ വിശ്രമം പറഞ്ഞിരുന്ന കാരണം ഇക്കാക്ക് കുറച്ചു ദിവസം കൂടി ആശുപത്രിയിൽ കഴിയേണ്ടി വന്നു .ആ വീട്ടിലേക്ക് ഇക്കയെ കൊണ്ടുപോകാൻ എനിക്ക് മനസ്സ് വന്നില്ല .ഞാനത് ഇക്കയോട് പറയുകയും ചെയ്തു .പക്ഷെ അതിനു മാത്രം ഇക്ക സമ്മതിച്ചില്ല .എങ്ങനെയും ഇക്കയെകൊണ്ട് സമ്മതിപ്പിക്കാമെന്ന് ഞാൻ കരുതി .ആ കാലയളവിൽ മോൾ ഞാനുമായി കൂടുതൽ അടുത്തു .എന്റെ മനസിലും മോളോട് ഇഷ്ടം തോന്നിത്തുടങ്ങിയിരുന്നു .അവളുമായി ഞാനും കൂടുതൽ അടുത്തിടപഴകി .പരസ്പരം മനസ്സ് പങ്കുവെച്ചു .
മോളെ എനിക്കൊരു കാര്യം പറയാനുണ്ട്
എന്താണിക്ക
ഉപ്പച്ചിയെ ഇനിയും ആ വീട്ടിലേക്കു കൊണ്ടുപോണോ
വേറെ എങ്ങോട്ടു പോണമെന്ന ഇക്ക പറയുന്നത്
നിങ്ങളുടെ നാട്ടിലെ വീട്ടിലേക്ക് മാറിക്കൂടെ
അതൊക്കെ പോയില്ലേ പിന്നെങ്ങനെ
പോയത് തിരികെ വീണ്ടെടുക്കാലോ
എന്നാലും വേണ്ടിക്കാ
അതെന്താ മോളെ
വലിയ വീടും പഴയ ജീവിതവും ഒന്നും ഞങ്ങൾക്കാർക്കും ഇപ്പൊ താല്പര്യമില്ല
പഴയ ജീവിതം വേണമെന്ന് പറയുന്നില്ല അങ്ങോട്ട് മാറിക്കൂടെ
എന്തോ മനസ്സിൽ അങ്ങനെ ഒരു ആഗ്രഹം ഇല്ല
വീട്ടിലെത്തിയാലും ഇക്കാക്ക് കുറച്ചു നാൾ കൂടി വിശ്രമം ആവശ്യമായി വരും ഇങ്ങനെ ഒരു ചുറ്റുപാടിൽ അത് സുരക്ഷിതമായി എനിക്ക് തോന്നിയില്ല
ഇക്ക പറയുന്നത് എനിക്ക് മനസ്സിലാകുന്നുണ്ട് പക്ഷെ ഞാൻ മാത്രം സമ്മതിച്ചിട്ട് കാര്യമില്ലല്ലോ
മോൾക്ക് സമ്മതമാണോ
ഇക്കയുടെ ആഗ്രഹങ്ങൾക്ക് ഞാൻ ഒരിക്കലും എതിര് നിൽക്കില്ല .ഇക്ക ഞാൻ എന്റെ ഒരു ആഗ്രഹം പറയട്ടെ
പറഞ്ഞോ മോൾക്ക് എന്താഗ്രഹം ഉണ്ടെങ്കിലും പറഞ്ഞോ എന്നെകൊണ്ട് കഴിയുന്നതാണെങ്കിൽ ഞാൻ സാധിപ്പിച്ചു തരും
ഈ ജന്മം ഒരു കല്യാണം കുടുംബ ജീവിതം ഒന്നും വേണ്ടാന്ന് വച്ചതാണ് ഞാൻ .ജീവിതാനുഭവങ്ങൾ എന്നെകൊണ്ട് എടുപ്പിച്ച തീരുമാനമാണ് .സമൂഹത്തിൽ കഷ്ടത അനുഭവിക്കുന്ന കുറെ അധികം ജീവിതങ്ങളുണ്ട് ഒരുനേരത്തെ ഭക്ഷണത്തിന് വകയില്ലാത്തവർ .മക്കൾക്ക് വേണ്ടാതെ സ്നേഹം നിഷേധിച്ചു തെരുവിലേക്ക് വലിച്ചെറിയപെട്ടവർ .വീടില്ലാത്തവർ അങ്ങനെ നിരവധി ജീവിതങ്ങൾ .അവർക്കൊരാശ്രയം നൽകാൻ അവരോടൊപ്പം കഴിയാൻ ഞാൻ ആഗ്രഹിച്ചിരുന്നു .ഇക്കയെ കണ്ടതോടെ ഈ സ്നേഹം അനുഭവിച്ചതോടെ ഇക്കയോടൊപ്പമുള്ള ജീവിതം ഞാൻ ആഗ്രഹിക്കുന്നു .ഞാൻ കണ്ടതിൽ വച്ച് ഏറ്റവും നല്ല വ്യക്തിയാണ് ഇക്ക ഇന്നും മരിക്കാത്ത മനുഷ്യത്വമുള്ള മനസ്സിന്റെ ഉടമ .സ്നേഹിക്കാൻ മാത്രമേ ഇക്കാക്ക് അറിയൂ .ഇക്കയുടെ വ്യക്തിത്വമാണ് എനിക്കേറ്റവും ഇഷ്ടം .സൗന്ധര്യമോ പണമോ ഞാൻ ആഗ്രഹിച്ചിട്ടില്ല മനസ്സിന്റെ നന്മ അതുമാത്രമേ ഞാൻ ആഗ്രഹിക്കുന്നുള്ളു .ഒരുപാടു പണം ഇക്കയുടെ കയ്യിലുണ്ട് എന്ന് എനിക്കറിയാം അതിനോടൊന്നും എനിക്ക് താല്പര്യവുമില്ല .ഇക്കയോടൊപ്പം ജീവിക്കാൻ എനിക്ക് ഇഷ്ടമാണ് ചിലപ്പോൾ ഞാൻ പറയുന്നത് കേൾക്കുമ്പോൾ ഇക്ക എന്നെ വേണ്ടാന്ന് വച്ചേക്കാം എന്നാലും സാരമില്ല .കുമിഞ്ഞു കൂടുന്ന പണം ബാങ്കിൽ നിക്ഷേപിച്ചു വസ്തുക്കൾ വാങ്ങിക്കൂട്ടി ആഡംബര ജീവിതം നയിച്ച് …ആ ജീവിതത്തോട് എനിക്കെന്തോ അല്പം പോലും താല്പര്യമില്ല .പടച്ചവൻ തരുന്ന സമ്പാദ്യം അതിന്റെ ഒരുപങ്ക് ആരോരുമില്ലാത്തവർക്കു കഷ്ടത അനുഭവിക്കുന്നവർക്ക് നൽകിക്കൂടെ .ഏറ്റവും വലിയ സന്തോഷം നമുക്ക് ലഭിക്കുന്നത് അതിൽനിന്നാണ് .ഞാൻ പറയുന്നത് ഇക്കാക്ക് ഉൾക്കൊള്ളാനാവുമോ എന്ന് എനിക്കറിയില്ല എന്റെ ആഗ്രഹമാണ് ..
