കയറി വരൂ ഇക്ക
വരുന്നു മോളെ
ഉപ്പച്ചി ഇതാരാണ് നോകിയെ
താത്താ ഇതെന്താ ഒന്നും പറയാതെ
അകത്തെ ശബ്ദം ഷംസിയുടെ ആണെന്ന് എനിക്ക് മനസ്സിലായി .ഇക്കയുടെ ശബ്ദമൊന്നും ഞാൻ കേട്ടില്ല
മോൾക്കൊപ്പം ഷംസിയും പുറത്തേക്കു വന്നു .
ഇതാരാ ഇത്ത
നിനക്ക് മനസിലായില്ലേ
നല്ല പരിജയം തോന്നുന്നു
ഫാസി ഇക്കയാണ്
അവളുടെ കണ്ണുകൾ വിടരുന്നതും ആശ്ചര്യ ഭാവം നിറയുന്നതും ഞാൻ കണ്ടു അവളെ നോക്കി ഞാൻ പുഞ്ചിരിച്ചു കയ്യിലെ പൊതികെട്ടുകൾ ഞാൻ അവൾക്കു നേരെ നീട്ടി .അതുവാങ്ങി അവൾ എന്നെ നോക്കി പുഞ്ചിരിച്ചു
ഇക്ക ഇരിക്ക് ഉപ്പച്ചി ബാത്റൂമിലാ ഇപ്പൊ വരും
ഹമ്
ഇക്കാക്ക് കുടിക്കാൻ എന്താ വേണ്ടേ
ഒന്നും വേണ്ട മോളെ
അതൊന്നും പറ്റില്ല ആദ്യമായി ഇവിടെ വന്നിട്ട് ഒന്നും വേണ്ടന്നോ ഷംസി നീ ചായ ഉണ്ടാക്ക്
ഹമ് …
അവൾ അകത്തേക്ക് പോയി അല്പം കഴിഞ്ഞു അവൾ മോളെ വിളിച്ചു
ഇക്ക ഇപ്പൊ വരാം ഇക്ക ഇരിക്ക്
ഹമ്
ആരോ ചുമക്കുന്ന കേട്ടാണ് ഞാൻ നോക്കിയത് ഇക്കയെ പിടിച്ചു കൊണ്ട് മോൾ പുറത്തേക്കു വരുന്നു .ഞാൻ പോലുമറിയാതെ ഞാൻ എഴുനേറ്റു ഇക്കയുടെ രൂപം കണ്ട ഞാൻ ഞെട്ടി പോയി .വെളുത്തു തുടുത്തു സിനിമ നടനെപോലെ ഉണ്ടായിരുന്ന ഇക്ക മോളുടെ തോളിൽ പിടിച്ചു പതുക്കെ കാലുകൾ വച്ച് നടന്നു വരുന്ന കാഴ്ച എനിക്ക് സഹിക്കാവുന്നതിലും അപ്പുറമായിരുന്നു .ശരീരമാകെ ക്ഷീണിച്ചു മുഖത്തെ പ്രസരിപ്പും തുടിപ്പും എല്ലാം നഷ്ടമായിരിക്കുന്നു .ഇക്കയുടെ രൂപമേ അല്ലാതായിരിക്കുന്നു എനിക്ക് പരിചയമല്ലാത്ത ആരോ ആണിത് .ഞാൻ തേടിയ ഇക്ക ഇതല്ല .ഒന്നും പറയാൻ കഴിയാതെ ഇക്കയെത്തന്നെ നോക്കി ഞാൻ നിന്നു ആ മുഖത്തൊരു ചിരി വിടരുന്നത് ഞാൻ കണ്ടു കണ്ണുനീരിനെ ഒളിപ്പിക്കാൻ ഞാൻ പ്രയാസപ്പെട്ടു ഹൃദയം നുറുങ്ങുന്ന വേദനയോടെ ഇക്കയെ നോക്കി ഞാൻ പുഞ്ചിരിച്ചു .എന്റെ ഹൃദയത്തിൽ നിന്നുമുള്ള
പുഞ്ചിരി അല്ലായിരുന്നു അത് മനസുതുറന്നു ചിരിക്കാൻ എനിക്കാവിലായിരുന്നു .ഒരുമിനുട്ടു പോലും സമയമില്ലാതെ ഓടി നടന്നിരുന്ന ഇക്ക ..ആ ഇക്കയാണ് എന്റെ മുന്നിൽ മെലിഞ്ഞുണങ്ങിയ പരുവത്തിൽ ക്ഷീണിതനായി എന്റെ വേദന ഞാൻ കടിച്ചമർത്തി ഇക്കയുടെ മുന്നിൽ അത് കാണിക്കാതിരിക്കാൻ പരമാവധി ഞാൻ ശ്രമിച്ചു ഉറക്കെ കരയാൻ ഞാൻ കൊതിച്ചു പോയി
ഫാസി …സ്നേഹം തുളുമ്പുന്ന വിറയുള്ള ഇക്കയുടെ സ്വരം
ഇക്കയെ പിടിച്ചു ഞാൻ ചാരുകസേരയിൽ ഇരുത്തി
ഇക്കയുടെ മുഖത്തേക്കു തന്നെ ഞാൻ നോക്കി നിന്നു
ഇരിക്ക് ഫാസി ..കസേരയിലേക്ക് കയ്യ് ചൂണ്ടി ഇക്ക എന്നോട് ഇരിക്കാൻ പറഞ്ഞു
സത്യത്തിൽ ഞാനതൊന്നും കേട്ടില്ല .ശൂന്യമായ മനസ്സുമായാണ് ഞാൻ ഇക്കയെ നോക്കിയത് ഒന്നും ഓർക്കാനോ ഒന്നും പറയാനോ ഒന്ന് ചിരിക്കാൻ പോലും കഴിയാതെ ആ മുഖത്തേക്ക് ഉറ്റു നോക്കി ഞാൻ അവിടെത്തന്നെ നിന്നു .
ഫാസി ..ഇരിക്ക്
ഇക്കയുടെ സ്വരം എന്നെ സ്വബോധത്തിലേക്ക് തിരിച്ചെത്തിച്ചു
വേണ്ടിക്കാ ഞാൻ ഇവിടെ നിന്നോളം
സൗകര്യങ്ങൾ കുറവാണ് തത്കാലം നീ ഇവിടിരിക്ക്
ഇക്കയുടെ മുന്നിൽ ഇരിക്കാൻ പണ്ടും എനിക്ക് മടിയാണ് .ഇക്ക പറയാതെ ഞാൻ ഇരിക്കാറില്ല
മടിച്ചു മടിച്ചു ഞാൻ ഇരുന്നു ..
സുഖാണോ ..
ഹമ് ..
ചായയുമായി മോളും ഷംസിയും ഞങ്ങൾക്കരികിലേക്കു വന്നു .പാത്രത്തിൽ ഞാൻ വാങ്ങിയ ബേക്കറികളിൽ ചിലതുമുണ്ട് …
ചായ കുടിക്ക് ഫാസി
ആവിപറക്കുന്ന ചായ ഞാൻ ഊതി കുടിച്ചു ..
ഉമ്മാക്ക് സുഖല്ലേ
ഹമ് ..
നീയെന്താ ഒന്നും പറയാതിരിക്കുന്നത് എന്നോട് ദേഷ്യം വല്ലതുമുണ്ടോ
എന്റെ കണ്ണുകൾ നിറഞ്ഞു എത്ര ശ്രമിച്ചിട്ടും എന്നെ നിയന്ധ്രിക്കാൻ എനിക്കായില്ല .വേദന കടിച്ചമർത്തുന്തോറും കൂടുതൽ തീവ്രത യോടെ അതെന്നിൽ പൊങ്ങി വന്നു .ഒന്നും പറയാൻ കഴിയാതെ ഞാൻ തല താഴ്ത്തി ഇരുന്നു ..
നിനക്ക് എന്നോട് പുച്ഛം തോന്നുന്നില്ലേ ഫാസി
വിതുമ്പി വിതുമ്പി ഞാൻ കരഞ്ഞു ഒന്നും പറയാതെ ഒന്നും മിണ്ടാതെ ഉള്ളിലെ സങ്കണ്ടം തീരുവോളം ഞാൻ കരഞ്ഞു ആരെങ്കിലും കാണുമെന്നോ ഇക്ക കാണുന്നുണ്ടെന്നോ ഞാൻ ഓർത്തില്ല എങ്ങനെയെങ്കിലും മനസ്സിൽ കെട്ടിനിർത്തിയ വേദന ഒഴുക്കി കളയണം എന്ന് മാത്രമേ ഞാൻ കരുതിയുള്ളൂ …
എന്താ ഫാസി ഇത് നീ എന്തിനാ കരയുന്നത്
അല്പം നേരം കൂടി ഞാൻ മൗനമായിരുന്നു പതിയെ ഞാൻ എന്റെ കയ്യ് ഇക്കയുടെ
കയ്യിൽ വച്ച് പതുകെ തഴുകി .എന്റെ ചുമലിൽ തട്ടി ഇക്ക എന്നെ ആശ്വസിപ്പിച്ചു .ഇക്കയുടെ മനസിന്റെ ബലം പോലും എനിക്കിലെന്നു ഞാൻ തിരിച്ചറിഞ്ഞു .ഇക്കയെ ആശ്വസിപ്പിക്കേണ്ട ഞാൻ ഇക്കയെ വേദനിപ്പിക്കുകയാണ് ചെയ്തത് ..
സാരമില്ലടാ ..എന്നും നല്ല സമയം ആവില്ലല്ലോ
ഇക്ക ഒരുവിവരം എന്നെ അറിയിക്കായിരുന്നില്ലേ ..അത്രക്കും അന്യനാണോ ഞാൻ നിങ്ങൾ തന്ന ജീവിതമാണ് എന്റേത് .എല്ലാ സൗഭാഗ്യങ്ങളും നിങ്ങളാണ് ഇക്ക എനിക്ക് തന്നത് .ഒന്നറിയിക്കാൻ പോലും തോന്നാത്തവിധം അകൽച്ച വന്നോ നമുക്കിടയിൽ ..
ആരെയും ബുദ്ധിമുട്ടിക്കാൻ തോന്നിയില്ല …
എല്ലാവരെയും പോലെയാണോ ഞാൻ
എനിക്കറിയാം ..ഞാൻ എപ്പോഴും പറയാറുണ്ട് ഒരിക്കൽ നീ വരുമെന്ന്
ഞാനുണ്ട് ഇക്ക ..ഇക്കയെ എന്റെ പഴയ ഇക്കയായി എനിക്ക് കാണണം ,ഇക്കയാണ് എനിക്ക് ജീവിതം ഉണ്ടാക്കി തന്നത് .എന്റെ എല്ലാ സമ്പാദ്യങ്ങളും ഇക്കാക്ക് വേണ്ടി ചിലവാക്കാൻ എനിക്ക് സന്തോഷമേയുള്ളൂ ഇനിയും കഷ്ടപ്പെടാൻ ഞാൻ അനുവദിക്കില്ല ..
വലിയൊരു മനസ്സ് നിനക്കുണ്ടെന്ന് എനിക്കറിയാം ..പറ നിന്റെ വിശേഷങ്ങൾ പറ കേൾക്കട്ടെ ..
സുഖമാണ് ഇക്ക
കല്യാണം കഴിഞ്ഞോ
ഇല്ല ഇക്ക
അതെന്തേ ഇത്രയും കാലമായി
നോക്കണം
എത്രയും പെട്ടന് പ്രായം കൂടി വരുകയാണ് നിനക്ക്
ഹമ്
ജോലി എങ്ങനെ
ആ ജോലി ഞാൻ ഒഴിവാക്കി ഇപ്പൊ സ്വന്തമായി കുറച്ചു ബിസിനസ് ഉണ്ട്
നന്നായി …നീ നന്നായി കണ്ടാൽ മതി ഒരുപാടു കഷ്ടപെട്ടതല്ലേ വീട് നന്നാക്കിയോ
അത് പൊളിച്ചു വേറെ വച്ചു
സന്തോഷം …..നല്ലനിലയിലായി എന്ന് കേൾക്കുമ്പോൾ മനസ്സിന് വല്ലാത്ത സന്തോഷം
ഇത്ത വരാറായോ
അവൾ വരേണ്ട സമയം കഴിഞ്ഞു എന്റെ മരുന്ന് വാങ്ങാൻ പോയതായിരിക്കും ഇന്നത്തേക്ക് കൂടിയേ ഉണ്ടായിരുന്നുള്ളു
ഇനി ഇത്തയും മോളും ജോലിക്കു പോകേണ്ടി വരില്ല ഞാനുണ്ട് ഇക്ക എത്രയും പെട്ടന്ന് സർജറി നടത്തണം
അതൊന്നും വേണ്ടടാ വെറുതെ കാശുനശിപ്പിച്ചു എന്നെ പോലെ ആകരുത് നിയും
അങ്ങനെ പറയല്ലേ ഇക്ക .ഇക്ക പറഞ്ഞത് മുഴുവൻ അനുസരിച്ചേ ശീലമുള്ളൂ ഇത് മാത്രം ഇക്ക എന്നോട് ആവശ്യപ്പെടരുത് ഒരുപാടു എന്നെ ഇക്ക സഹായിച്ചിട്ടുണ്ട് തിരിച്ചു ചെയ്യാൻ അന്നെനിക്ക് കഴിവിലായിരുന്നു ഇക്കയുടെ കാരുണ്യം കൊണ്ട് ഇന്നെനിക്കു അതിനു കഴിയും എന്നെ തടയരുത് പ്രതിഫലം ആയല്ല എന്റെ കടമ നിർവഹിക്കാൻ ഇക്ക എന്നെ അനുവദിക്കണം ..
ഫാസി നീ ..
ഒന്നും പറയരുത് എന്നെ തടയരുത് എന്റെ സ്വന്തം ഇക്കയെപോലെയെ ഞാൻ കണ്ടിട്ടുള്ളു എന്നെ അന്യനായി കാണരുത് എന്റെ അപേക്ഷയാണ് ..
