അപ്പോഴേയ്ക്കുമതിലേ പോയ പിള്ളേരൊക്കെ ഞങ്ങളെനോക്കി തലകുലുക്കാനും ആക്കിച്ചിരിയ്ക്കാനുമൊക്കെ തുടങ്ങിയപ്പോൾ ഞാനവളോടു പോകാനായി കണ്ണുകൂർപ്പിച്ചു…
“”…വൈകിട്ടുപോവുമ്പം എന്നെക്കൂടി കൊണ്ടുപോണം..!!”””_ എന്നൊരാവശ്യവുമുന്നയിച്ച് എന്റെ മറുപടികേൾക്കാൻ നിൽക്കാതെ മീനാക്ഷി തിരിഞ്ഞുനടന്നു…
അവളെയിവടെ കളഞ്ഞിട്ടെങ്ങനെ പോകുമെന്ന അന്താരാഷ്ട്രചിന്തയോടെ ക്ലാസ്സിലേയ്ക്കു തിരിയുമ്പോഴാണ് പെട്ടെന്ന് ലെക്ഷ്മിയെന്റെ മുന്നിലേയ്ക്കു വന്നുചാടുന്നത്…
ഈ ലെക്ഷ്മിയാണ് എന്നെ ഫസ്റ്റിയറിലൊന്നൂമ്പിച്ചത്…
അന്നു കല്യാണങ്കഴിഞ്ഞ് വന്നദിവസവും എന്നെ കൂട്ടുകാരികൾക്കൊപ്പംവന്നു ഊക്കിവിടാൻ നോക്കിയെന്നു ഞാമ്പറഞ്ഞില്ലേ, ആ ടീമുതന്നെയാണ്…
പിന്നാലെവന്ന അവൾടെ കൂട്ടുകാരികളെക്കൂടി കണ്ടപ്പോൾ എനിയ്ക്കങ്ങോടു പൊളിഞ്ഞുകേറി…
എന്നാലെന്നെ കണ്ടുടനവൾ;
“”…അല്ല… നിന്റെ വൈഫിവടെ വന്നെന്നുകേട്ടു… എന്നിട്ടെവിടാ..?? “””_
ന്നൊരുചോദ്യം…
എന്നിട്ടു കൂടെനിന്ന കൂട്ടുകാരികളോടായി;
“”…ഭയങ്കരസുന്ദരിയാന്നാ എല്ലാരുമ്പറഞ്ഞുകേട്ടേ..!!”””_ എന്നുകൂടി കൂട്ടിച്ചേർത്തിട്ടെന്നെ നോക്കി ഒറ്റച്ചിരി…
ആ ചിരിയിൽ മറ്റവളുമാരൂടെ കൂട്ടുചേർന്നപ്പോൾ, ഇവനല്ലേ… ഇവനേതേലും ചടപരത്തിയെയാവും കിട്ടിയിട്ടുണ്ടാവ്ക… എന്നവളുമാർ പറയാതെപറഞ്ഞ തോന്നലാണെനിയ്ക്കുണ്ടായത്…
“”…എന്നിട്ടെവിടെയാ സുന്ദരി..??”””_ ചിരിച്ചുചാവുന്നതിനിടയ്‌ക്കൊരുത്തി ചോദിച്ചു…
അതുകൂടിയായതും പിന്നെ ഞാനൊന്നും ചിന്തിച്ചില്ല…
“”…മീനാക്ഷീ..!!”””_ ന്നു തിരിഞ്ഞൊരു വിളിയായ്രുന്നു…
കോർഡോറിന്റെമൂലയിലെ സ്റ്റെയറിറങ്ങാൻതുടങ്ങിയ മീനാക്ഷി, ആ വിളികേട്ടതുമൊന്നു മടിച്ചു…
ആദ്യമൊന്നു സംശയിച്ചയവൾ തിരിഞ്ഞുനോക്കീതും,
“”…ഒരുമിനിറ്റ്… ഒന്നിങ്ങട് വന്നേടീ..!!”””_ എന്നുകൂടി കൂട്ടിച്ചേർത്തപ്പോൾ കാര്യമെന്താണെന്നു മനസ്സിലായില്ലേലുമവൾ തിരികെവന്നു…
“”…ഇനി പരിചയപ്പെടുത്തീലാന്നു വേണ്ട… ഇതാണ് മീനാക്ഷി… എന്റെ ഭാര്യ..!!”””_ അവൾടെ തോളിൽകയ്യിട്ട് ചേർത്തുനിർത്തികൊണ്ട് ഞാനതുപറയുമ്പോൾ മീനാക്ഷിയൊന്നു ഞെട്ടാതിരുന്നില്ല…
കാരണം അങ്ങനവൾടെ പേരുവിളിയ്ക്കുന്നതുപോലും വെറുപ്പായ ഞാൻ ഭാര്യയെന്നുകൂടി പറയുമ്പോൾ കിളിപോവില്ലേ..??
എന്നാലതിലും കഷ്ടമായ്രുന്നു ലെക്ഷ്മിയുടേയും അവൾടെ കൂട്ടുകാരികൾടേമവസ്ഥ…
എന്റെ ഭാര്യയുടെസ്ഥാനത്ത് മീനാക്ഷിയെപ്പോലെ അഡാറ്ലുക്കുള്ള സാധനത്തിനെ അവൾമാർ സ്വപ്നത്തിൽപ്പോലും പ്രതീക്ഷിച്ചിട്ടുണ്ടായില്ല…
അതുകൊണ്ടാവണം ലെക്ഷ്മിയുടെമുഖത്ത് അസൂയകാരണമുണ്ടായ സങ്കടവും ദേഷ്യവുമൊക്കെ പാകമില്ലാതെ നുരഞ്ഞുപൊന്തീതും…
“”…ഹായ്..!!”””_ മീനാക്ഷി മൂന്നുപേരേയും നോക്കി…
“”…ആഹ്.! നിനക്കു പരിചയപ്പെടുത്തീലല്ലോ… ഇതാണ് ലെക്ഷ്മി… ഇവടെ ഫസ്റ്റിയറില് വന്നനാളില് കുറേയെന്നെ ഊമ്പിച്ചുതിന്നവളാ… പിന്നെന്നെക്കാളും നല്ലൊരുത്തനെക്കിട്ടീപ്പോൾ എന്നെ മൂഞ്ചിച്ച് അവന്റൊപ്പമ്പോയി..!!”””_ ഞാൻ ലെക്ഷ്മിയെ മീനാക്ഷിയ്ക്കു വിശദമായ്ത്തന്നെ പരിചയപ്പെടുത്തി…
അതുകേട്ട് കുറച്ചുനേരത്തേയ്ക്ക് എന്നെ നോക്കിനിന്ന ശേഷം;
“”…അയ്യേ.! ഇതാണോ നിന്നെ തേച്ചിട്ടുപോയെന്നു നീയന്നുപറഞ്ഞ ലെക്ഷ്മി..?? കഷ്ടം.! ഇവളൊക്കിട്ടേച്ചു പോയേനാണോ നീ സങ്കടപ്പെട്ടുനടന്നേ..??”””_ എന്നെ തിരിച്ചുഞെട്ടിച്ചുകൊണ്ട് മീനാക്ഷിതിരക്കി…
ഇവളെന്നെ കളിയാക്കുന്നതാണോ അതോ അവളുമാർക്കിട്ടൂതുന്നതോ എന്ന സംശയത്തിൽ നിൽക്കുമ്പോൾ മീനാക്ഷിതുടർന്നു;
“”…എന്റെ സിദ്ധൂ… നിന്നെത്തേച്ചിട്ടുപോയവളെ പരിചയപ്പെടണോന്ന് ഞാനുമൊന്നു കരുതീരുന്നതാ… പക്ഷേ, ഇപ്പൊത്തോന്നുന്നു വേണ്ടീരുന്നില്ലാന്ന്… ഇതുപോലുള്ളേന്റെയൊക്കെ പിന്നാലെ നടക്കാൻ നാണവില്ലേടാ നിനക്ക്..?? ഛെ..!!”””_ അവളു തലയിൽ കൈവെച്ചതു പറഞ്ഞപ്പോൾ സംഗതിയെനിയ്ക്കുമങ്ങട് ഹരംകേറി…
“”…ഇനീപ്പതു പറഞ്ഞിട്ടുകാര്യവില്ല… കഴിഞ്ഞതുകഴിഞ്ഞു..!!”””_ പോകുന്നിടംവരെ പോട്ടേന്നുകരുതി ഞാനുമവൾക്കു ബാക്അപ്പ്ചെയ്യാൻ തീരുമാനിച്ചതും,
“”…എടാ… എന്നാലുമിത്രേം ശോകംപിടിച്ചൊരു പെണ്ണിനെയൊക്കെ നിനക്കെങ്ങനെയാടാ ഇഷ്ടായേ..?? ഇച്ചിച്ചി ബേ..!!”””_ ലെക്ഷ്മിയെ ചൂണ്ടി അങ്ങനെപറഞ്ഞ് മീനാക്ഷി ഓക്കാനിച്ചപ്പോൾ, ലെക്ഷ്മിയാണോ അതോ അവൾടെശവമാണോ എന്റെമുന്നിൽ നിൽക്കുന്നത് എന്നെനിയ്ക്കു സംശയമില്ലാതില്ലായ്രുന്നു…
“”…ഓ.! നീയാര്..?? ഭൂലോകരംഭയോ..?? എന്തായാലും നിന്നെക്കാളും കൊള്ളാമിവള്..!!”””_ ലെക്ഷ്മിയ്ക്കു സപ്പോർട്ടായി കൂടെനിന്നവൾ പറഞ്ഞതും,
“”…എന്നിട്ടു കുട്ടീടെ സ്പെക്സെവിടാ..?? കണ്ണുപിടിയ്ക്കുന്നില്ലേൽ അതെടുത്തുവെയ്ക്ക് കുട്ടീ..!!”””_ എന്നതിനു റിപ്ലൈയുംകൊടുത്തു മീനാക്ഷിയെന്റെ നേരേതിരിഞ്ഞു…
എന്നിട്ട്;
“”…ഇതേതാടാ..??”””_ ന്ന് ആ പറഞ്ഞവളെ ചൂണ്ടിയൊരുചോദ്യം…
അതിന്;
“”…അതു കാര്യവാക്കണ്ട… കുരയ്ക്കത്തേയുള്ളൂ…
കടിയ്ക്കാനുള്ള പല്ല് പണയത്തിലാ..!!”””_ ഞാനും വിട്ടില്ല…
ഉടനെ മീനാക്ഷി നിന്നൊറ്റച്ചിരി…
എന്നിട്ടു ചോദിച്ചു;
“”…അതെന്താ സ്വർണ്ണംകെട്ടീതാണോ..??”””
“”…ഈ മഞ്ഞനിറത്തിലുള്ളതൊക്കെ സ്വർണ്ണമാവോ..??”””_ എന്റെ തിരിച്ചുള്ളയാ ചോദ്യംകൂടിയായപ്പോൾ മീനാക്ഷി വീണ്ടുംനിന്നു പൊട്ടിച്ചിരിയ്ക്കാൻ തുടങ്ങി…
“”…വാടീ… പോവാം..!!”””_ കേട്ടുമുഴുത്തപ്പോൾ ലെക്ഷ്മി കൂട്ടുകാരികളേയും വിളിച്ചിട്ടവിടെനിന്നും വലിയാനൊരുങ്ങി…
എന്നിട്ടും മീനാക്ഷിവിട്ടില്ല;
“”…ഇവന്റേന്ന് ഓസ്സിനു കുറേത്തിന്നില്ലേ… അതൊക്കെ റീഫണ്ട് ചെയ്തിട്ടു പോയാമതി..!!”””_ എന്നായി അവൾ…
…അയ്യേ.! ഇവളെന്നെക്കാളും കൂതറയായ്രുന്നോന്നു തോന്നിപ്പോയ നിമിഷം…
ഞാനവളെ തുറിച്ചുനോക്കുമ്പോൾ കക്ഷി കൈയുംനീട്ടി നിൽക്കുവായ്രുന്നു കാശുമേടിയ്ക്കാൻ…
“”…അതൊന്നുമ്മേണ്ടടീ… കഴിഞ്ഞില്ലേ… നീ തല്ക്കാലംപോകാൻ നോക്ക്..!!”””_ അവളെ പറഞ്ഞുവിടാനുള്ള ധൃതിയിൽ ഞാൻപറഞ്ഞു…
ഇനിയും അവളവിടെനിന്നാൽ അന്നുതിന്നതുവരെ വിരലിട്ടു കക്കിപ്പിയ്ക്കാനുമാ സാധനം മടിയ്ക്കില്ലല്ലോ…
“”…ഓ.! നെനക്കുവേണ്ടേ വേണ്ട… അപ്പൊ ഞാമ്പോണു… വൈകുന്നേരം കാത്തുനിയ്ക്കോലോ ല്ലേ..??”””_ തിരിഞ്ഞുപോകാനായി ചെരിഞ്ഞുകൊണ്ടവൾ ആക്കിയചിരിയോടെ ചോദിച്ചതും കോപ്പത്തി മുതലെടുക്കുവാന്നെനിയ്ക്കു ബോധ്യപ്പെട്ടു…
അവളുമാരുടെ മുന്നില്
എതിരുപറയത്തില്ലെന്നു മീനാക്ഷിയ്ക്കറിയാം…
അതാണാ ചിരിയുടെയർത്ഥം…
എന്നാലും;
“”…എനിയ്ക്കു നേരത്തേപോണം… നീ ബസ്സേലങ്ങു വാ..!!”””_ ന്നു പറഞ്ഞൊഴിവാകാൻ ശ്രെമിച്ചെങ്കിലും ഏറ്റില്ല…
“”…എനിയ്ക്കിവടന്നു ബസ്സേലു വരാനറിയില്ലടാ… അതോണ്ടല്ലേ… പ്ളീസ്സ്… ന്റെ ചക്കര നിയ്ക്കണേടാ..!!”””_ എന്നെനോക്കി പറഞ്ഞുകൊണ്ടവൾ റിവേഴ്സിൽ നടന്നപ്പോൾ, ഇതൊക്കെ ലെക്ഷ്മിയും മറ്റവളുമാരും കേൾക്കുന്നുണ്ടല്ലോന്നുള്ള കിരുകിരുപ്പ് എനിയ്ക്കുമുണ്ടായി….