അന്നേരമവളെ നോക്കുകയല്ലാതെ ചെറിയമ്മയ്ക്കു മറ്റൊന്നുംമിണ്ടാനുള്ള വോയിസില്ലെന്നതാണ് സത്യം…
ചെറിയമ്മയുടെയാ നോട്ടംകണ്ടതും മീനാക്ഷി കണ്ണുനനച്ചുകൊണ്ട്;
“”…ഇനി സത്യായ്ട്ടും ഞാനങ്ങനൊന്നും ചെയ്യില്ലെന്നുപറ ചെറീമ്മേ… ഇപ്രാവശ്യങ്കൂടിയൊന്നു വരാമ്പറ..!!”””_ എന്നൊന്നു പറഞ്ഞുനോക്കി…
പക്ഷേ, എവിടെയേൽക്കാൻ..??
“”…ഇവരെയല്ല, ഇനി ദൈവന്തമ്പുരാനെക്കൊണ്ടു പറയിപ്പിച്ചാലും ശെരി… എന്റെ വാക്കിലുമാറ്റമില്ല..!!”””_ എന്നുഞാൻ തീർത്തങ്ങടു പറഞ്ഞു…
അതോടെ കണ്ണുംകലക്കിക്കൊണ്ടു ചെറിയമ്മയേയും നോക്കിയവൾ പുറത്തേയ്ക്കൊറ്റ പോക്കായിരുന്നു…
എന്നാൽ ഡോറിനടുത്തെത്തീതും ചെറിയമ്മയവളെ തടഞ്ഞു…
ശേഷം,
“”…വീട്ടീന്നാളുവരണംന്നു നിർബന്ധമുണ്ടോ മോളേ..?? വേറൊന്നുംകൊണ്ടല്ല,
നാളെയെനിയ്ക്കും അവൾക്കൂടി ബാങ്കിലൊന്നുപോണം… അല്ലായിരുന്നേൽ ഞാമ്മന്നേനേ… നാളെക്കഴിഞ്ഞാണേൽ കുഴപ്പോല്ല..!!”””_ എന്നും പറഞ്ഞവളെ ആശ്വസിപ്പിയ്ക്കാൻ ശ്രെമിച്ചെങ്കിലും,
“”…പറ്റത്തില്ല ചെറീമ്മേ… നാളെയാ പ്രോഗ്രാം… അതിന്റെകൂട്ടത്തി കഴിഞ്ഞ ഇന്റർകോളേജ് സെമിനാറിന് മെഡൽകിട്ടിയേന് ചെറിയൊരു അനുമോദന ചടങ്ങൂടിയുണ്ട്… അതിലെന്റെപേരുകൂടി ഉള്ളോണ്ടാ ഞാനിങ്ങനെ കാലുപിടിയ്ക്കുന്നെ… അല്ലേൽ എല്ലാരുടേമിടേൽ അനാഥപ്പെണ്ണിന്റെമാതിരി ഞാമ്പോയിരിയ്ക്കണം..!!”””_ അതുംപറഞ്ഞവൾ വീണ്ടും കണ്ണുതുടച്ചു…
“”…ശ്ശൊ.! ഇതിപ്പൊ കഷ്ടായല്ലോ..!!”””_ ചെറിയമ്മ വേവലാതിപൂണ്ട വാക്കുകളോടെ തുടർന്നു;
“”…നാളെയാണ് ബാങ്കില് പോകാനുള്ള ലാസ്റ്റ്ഡേറ്റ്… നാളെച്ചെന്നില്ലേൽ ലോണുകിട്ടൂല… ആ കാശുകണ്ടിട്ടാ കീത്തൂന്റെ ഓർണമെന്റ്സിനുള്ള ഓഡറ് കൊടുത്തേ..!!”””_ വാക്കുകൾമുറിച്ചശേഷം;
“”…ഇനി ചേട്ടനെപ്പറഞ്ഞു വിടാന്നുവെച്ചാൽ, നടന്നകാര്യം മുഴുവനും പറയേണ്ടിവരും… അതുപിന്നെന്തൊക്കെയാവോന്നു മോളോടു ഞാമ്പറയണ്ടല്ലോ..!!”‘”_ അതുകൂടി കൂട്ടിച്ചേർത്തപ്പോൾ മീനാക്ഷിയ്ക്കുപിന്നെ പറയാൻ വാക്കുകളുണ്ടായില്ല…
താല്പര്യമില്ലാത്തമട്ടിൽ തലകുലുക്കീതും, എന്നെയൊന്നു രൂക്ഷമായി നോക്കിക്കൊണ്ടു ചെറിയമ്മയവളേയുംകൂട്ടി പുറത്തേയ്ക്കിറങ്ങി…
അതോടെ ശല്യമൊഴിവാകുമെമെന്നു കരുതിയയെനിയ്ക്കു തെറ്റി…
പിറ്റേന്നുരാവിലെ ഉറക്കമുണർന്നപ്പോൾ കോളേജിലേയ്ക്കു പോകാനായി റെഡിയായി നിൽപ്പുണ്ടായിരുന്നു മീനാക്ഷി…
പിങ്ക്നിറത്തിലുള്ള ലോങ്ങ്സ്കെർട്ടും അരക്കെട്ടിനു കുറച്ചുതാഴെയായി നിൽക്കുന്ന വെള്ളടോപ്പുമായിരുന്നു അപ്പോഴത്തെയവൾടെ വേഷം…
വെള്ളടോപ്പായതിനാൽ അകത്തുള്ള വെള്ളഷിമ്മി വ്യക്തമായിത്തന്നെ നിഴലടിയ്ക്കുന്നുണ്ടായിരുന്നു…
“”…എടാ… എന്റൊപ്പമൊന്നു കോളേജിലേയ്ക്കു വരാവോടാ..?? പ്ളീസ്..!!”””_ അവൾടെ അപേക്ഷാഭാവത്തിലുള്ള ചോദ്യംകേൾക്കുമ്പോഴാണ് എന്റെ ശ്രെദ്ധപാളിയത്…
പെട്ടെന്നുള്ളയവൾടെ ചോദ്യംകേട്ടൊന്നു പകച്ചെങ്കിലും,
“”…ഇല്ല..!!”””_ എന്നുതന്നെയായിരുന്നു എന്റെ മറുപടി…
“”…എന്നാ നീ മീറ്റിങ്ങിനായ്ട്ടു വരണ്ട… എന്നെ കോളേജിക്കൊണ്ടാക്കാൻ വരൂലേ… എന്നിട്ടെല്ലാരേമൊന്നു വിഷ്ചെയ്തിട്ടു പോയാലുമ്മതി..!!”””_ ഉടനേ എനിയ്ക്കവൾ അടുത്തവസരവും തന്നു…
“”…അതിനു ഞാനിന്നു കോളേജിപ്പോണേലല്ലേ നിന്നെക്കൂടി കെട്ടിയെഴുന്നള്ളിയ്ക്കേണ്ടതുള്ളൂ..!!”””_ ഒന്നുനിർത്തിയശേഷം;
“”…ഞാനേ… ഞാനിന്നുമുഴുവനും ഇവടിരിയ്ക്കാമ്പോകുവാ..!!”””_ ബെഡ്ഡിൽനിന്നും തട്ടിത്തൂത്തെഴുന്നേറ്റ ഞാൻ വീണ്ടും ബെഡ്ഡിലേയ്ക്കു ചടഞ്ഞിരുന്നപ്പോൾ, അതുകണ്ട മീനാക്ഷിയുടെ മുഖത്തേയ്ക്ക് സങ്കടവും ദേഷ്യവുമെല്ലാം ഇടകലർന്നൊരു ഭാവം നുരഞ്ഞുപൊന്തി…
“”…അതെന്താ നീയിന്നു കോളേജിപ്പോവാത്തേ..??”””_ കുറച്ചുകലിപ്പോടെ തന്നവൾ ചോദിച്ചതും,
“”…അത് കുറച്ചുകഴിയുമ്പോളെനിയ്ക്കു തൂറ്റലുവരും… എന്തേ..?? ഞാനങ്ങു കോളേജിപ്പോയാൽ
നീവന്നെന്റെ ചന്തി കഴുകിത്തരോ..??”””_ പറഞ്ഞകാരണം ഉടായിപ്പാണെന്നു കൃത്യമായി മനസ്സിലായതും അവൾക്കു പിന്നെന്തുപറയണമെന്ന് അറിയാതെയായി…