“”…എന്നാ ഞാനരിയടുപ്പത്തിട്ടോളാം..!!”””_ എന്നുപറഞ്ഞു തിരിഞ്ഞു…
എന്നിട്ടുമവൾടെ സംശയംബാക്കിനിന്നു…
“”…അല്ലാ… അരിയടുപ്പത്തിട്ടാലും ഒത്തിരിനേരം പിടിയ്ക്കൂലേ വേവുവരാൻ… അതിനുന്നല്ലത് കപ്പയുണ്ടാക്കുന്നതല്ലേ..??”””_ ചോദിച്ചതിനൊപ്പമെന്റെ മുഖത്തേയ്ക്കു നോക്കിയ കക്ഷീടെ സംശയമപ്പോൾത്തന്നെ മാറി…
ക്ഷണനേരത്തിൽത്തന്നെ അവളുചാടി അരിക്കലമെടുക്കുവേം ചെയ്തു…
എന്നിട്ടു കലത്തിന്റെ മൂടിമാറ്റിയശേഷം താടിയ്ക്കു വിരൽചേർത്തുകൊണ്ടവൾ സ്വയംചോദിച്ചു;
“”…എന്നാലുമാ ഗ്ലാസ്സെവിടെയാ കൊണ്ടോയിവെച്ചേ..??”””_ ചോദ്യത്തിനൊപ്പമെന്നെയൊന്നു പാളിനോക്കുകകൂടി ചെയ്തപ്പോൾ എനിയ്ക്കൊരുകാര്യം തീർച്ചയായി, അവൾക്കു കപ്പയിറങ്ങാതെ സ്വസ്തതകിട്ടില്ല…
അത് എന്നെക്കൊണ്ടുണ്ടാക്കിയ്ക്കാനുള്ള കോപ്രായങ്ങളാണീ കാണിച്ചുകൂട്ടുന്നത്…
“”…മതി നീയെന്നെയിട്ടൂക്കീത്… വായിങ്ങട് ശവമേ..!!”””_ വീണ്ടും കലിപൂണ്ടഞാൻ അവൾടെ കയ്യിലിരുന്ന അരിക്കലവും പിടിച്ചുമാറ്റി വലിച്ചുകൊണ്ടുവന്ന് വാഷ്ബേസിന്റെ മുന്നിൽനിർത്തി…
എന്നിട്ട് കയ്യിലൊരു കത്തിയെടുത്തു കൊടുത്തു… ആ കത്തി കയ്യിൽവാങ്ങിയശേഷം എന്റെ മുഖത്തേയ്ക്കു നോക്കി;
“”…എന്തിനായിത്..??”””_ എന്നവൾ തിരിച്ചുചോദിച്ചതും,
“”…നിന്റെതന്തയ്ക്കു പല്ലുതേയ്‌ക്കാൻ… മര്യാദയ്ക്കതിന്റെ തോലുകളേടീ കോപ്പേ… അവളു വയറും വാടകയ്ക്കെടുത്തിറങ്ങിയേക്കുവാ… മനുഷ്യനെ മെനക്കെടുത്താൻ..!!”””_ എന്നു മറുപടിയുംപറഞ്ഞു ഞാൻ സ്ലാബിനുമേലേയ്ക്കു കയറിയിയിരുന്നു…
ജോലിചെയ്യാൻ പറഞ്ഞതിന്റെ ദേഷ്യത്തിലാവണം എന്റെ മുഖത്തേയ്ക്കുനോക്കി കപ്പയിലേയ്ക്ക് ആഞ്ഞൊരുവെട്ട്…
ആ വെട്ടുകണ്ടപ്പോഴേ എന്റെ കിളിപോയി…
ഉടനെ, സ്ലാബിനുമേലിരുന്ന ഞാൻ ചാടിനിലത്തിറങ്ങി…
“”…അതേ… ഇതെറച്ചിവെട്ടല്ല… കത്തിയിങ്ങടു താ… അല്ലേ നീ ചെലപ്പോൾ വെരലൊക്കെ വെട്ടിക്കണ്ടിച്ച് കപ്പയുടെ കൂട്ടത്തിലിടും… എന്നിട്ടു നാളെ അവരുവരുമ്പോൾ ഞാൻ കണ്ടിച്ചു കളഞ്ഞതാന്നു പറകേംചെയ്യും..!!”””_ പറഞ്ഞുകൊണ്ടു മീനാക്ഷിയുടെ കയ്യിൽനിന്നും കത്തിപിടിച്ചുവാങ്ങിയ ഞാൻ മറ്റൊരുകപ്പയെടുത്ത് അതിന്റെ തോലുകളയാൻ തുടങ്ങി…
അപ്പോഴേയ്ക്കും മീനാക്ഷിയുടെ മുഖത്തൊരു പുഞ്ചിരിനീണ്ടു…
എന്നാലതു ഞാൻ കാണാതിരിയ്ക്കാനായി പെട്ടെന്നുതന്നെ മറയ്ക്കുവേംചെയ്തു…
ഞാനപ്പോഴേയ്ക്കും തോലുകളഞ്ഞ കപ്പകഴുകിയെടുത്ത് കുഞ്ഞൊരു കലത്തിലേയ്ക്കു കഷ്ണംകഷ്ണമായി നുറുക്കാനാരംഭിച്ചു…
അന്നേരമത്രയും അതുംനോക്കിനിന്നവൾ കാലുകടഞ്ഞിട്ടാവണം പിന്നിലേയ്ക്കു കയ്യെത്തിച്ചുകുത്തി സ്ലാബിനു മേലേയ്ക്കൊരുവിധം കയറിയിരിയ്ക്കുവേം ചെയ്തു…
എന്നാൽ കക്ഷീടെ നോട്ടംമുഴുവൻ എന്നെയാണെന്നറിഞ്ഞിട്ടും അതുമൈൻഡാക്കാതെ കഷ്ണമാക്കിയ കപ്പയിലേയ്ക്കു വെള്ളംകൂടിച്ചേർത്ത് ഞാനടുപ്പത്തേയ്ക്കു വെച്ചപ്പോൾ,
“”…അയ്യേ… ഇങ്ങനാണോ ചെയ്യണേ..?? അതിമ്മേലരപ്പൊന്നും ചേർക്കണ്ടേ..??”””_ എന്നും ചോദിച്ചുകൊണ്ടു മീനാക്ഷി കലത്തിനുള്ളിലേയ്ക്കു തലയെത്തിച്ചുനോക്കി…
എന്നാലുടനേതന്നെ മൂടിയെടുത്തു ഞാനാ കലമടച്ചുവെച്ചു…
എന്നിട്ട്,
“”…അരപ്പല്ല… ഇതിനകത്തേയ്ക്കു നിന്നെയാണു വെട്ടിക്കണ്ടിച്ചിടേണ്ടത്… വെറുതേയെന്നെക്കൊണ്ടതു ചെയ്യിയ്ക്കരുത്..!!”””_ എന്നങ്ങോട്ടു കാച്ചീതും,
“”…ഞാനങ്ങനെ പറഞ്ഞേന്നുവല്ല, സാധാരണ മമ്മി വീട്ടിലുണ്ടാക്കുമ്പം അരപ്പൊക്കെ ചേർക്കും… അതോണ്ടുചോദിച്ചയാ..!!”””_ എന്നായി പുള്ളിക്കാരത്തി…
“”…എന്നാപ്പോയ് നിന്റെ തള്ളേ വിളിച്ചിട്ടുവാ… വന്നൊണ്ടാക്കി തൊള്ളേത്തിരികിത്തരാൻ
പറ… മനുഷ്യനിവടെ വെശന്നണ്ഡംകീറി നിയ്ക്കുമ്പോഴാണവൾടെ… നീ അരപ്പൊണ്ടാക്കാണ്ട് മൂഞ്ചിയാമതി..!!”””_ ഞാൻ കലിപൂണ്ടതും മീനാക്ഷി പിന്നൊന്നുംമിണ്ടിയില്ല…
കപ്പയുമൂറ്റി രണ്ടുപ്ളേറ്റിലേയ്ക്കുമാറ്റി ബീഫ്റോസ്റ്റും രണ്ടുബൌളിലായെടുത്തപ്പോൾ അവളുടെപങ്കു മീനാക്ഷിയങ്ങു കയ്യോടെവാങ്ങി…
“”… ഹൊ.! എന്റപൊന്നോ… തരാം ചാവണ്ട..!!”””_ അവൾക്കുള്ളതങ്ങു കൊടുത്തേച്ച് ഡൈനിങ്ഹോളിലേയ്ക്കു വന്നിരുന്ന ഞാൻ കഴിയ്ക്കാൻ തുടങ്ങിയശേഷം പിന്നവളോടൊന്നും മിണ്ടാൻനിന്നില്ല…
എന്നാൽ, കുറച്ചുകപ്പയെടുത്ത് ബീഫ്റോസ്റ്റിൽനിന്നും കുറച്ചുചാറും കഷ്ണവുംചേർത്തു വായിലേയ്ക്കുവെച്ച മീനാക്ഷിയറിയാതെ കണ്ണുകളടച്ചുപോയി…
ശേഷം;
“”…ശ്രീക്കുട്ടി പറഞ്ഞതു സത്യവാട്ടോ… ഒരു രക്ഷേമില്ല..!!”””_ തള്ളവിരലും ചൂണ്ടുവിരലും കൂട്ടിപ്പിടിച്ച് മറ്റു മൂന്നുവിരലുകളുയർത്തി നന്നായിട്ടുണ്ടെന്നവൾ പറയുമ്പോൾ തെല്ലൊരഭിമാനമെനിയ്ക്കും തോന്നാതിരുന്നില്ല…
അല്ലേലും ആജന്മശത്രുതന്നെ നമ്മളെ പുകഴ്ത്തുന്നതു കേൾക്കുന്നതേ ഒരുസുഖവാണല്ലോ..??!!
എന്നാലാ സന്തോഷം പരമാവധി ഞാൻ പുറത്തുകാണിയ്ക്കാൻ ശ്രെമിച്ചില്ല, പകരമാ വിഷയം മാറ്റുകയായിരുന്നെന്റെ ഉദ്ദേശം…
അതിൻപ്രകാരമാണ്,
“”…ഞാൻ കളിച്ചോണ്ടുനിന്നപ്പോൾ നീയെന്തിനാ ആവശ്യമില്ലാണ്ടെന്നെ വിളിച്ചേ..?? ഒരുകാര്യം ഞാമ്പറഞ്ഞേക്കാം, ഇനിമേലിൽ… എന്തുമൈരുണ്ടാക്കീന്നു പറഞ്ഞാലുമെന്നെ വിളിച്ചുപോകരുത്..!!”””_ എന്നുംപറഞ്ഞു കഴിയ്ക്കുന്നതിനിടയിൽ ഞാനവളെ നോക്കീത്,
“”…നിന്നെപ്പോലൊരു ചളുക്കെന്നെവിളിയ്ക്കുന്നത് എനിയ്ക്കു നാണക്കേടാ… നിന്നെപ്പോലല്ല, എനിയ്ക്കുകുറച്ചു മാനാഭിമാനോക്കെയുള്ളതാ..!!”””_ എന്നുകൂടി കൂട്ടിച്ചേർപ്പോൾ,
“”…ഞാമ്മനഃപൂർവ്വം നാണങ്കെടുത്താനായി വിളിച്ചേന്നുവല്ല, നേരമിരുട്ടിത്തുടങ്ങീപ്പോൾ… ചെറിയ… ചെറിയൊരുപേടി..!!”””_ മീനാക്ഷി നേർത്ത ശബ്ദത്തോടെ മൊഴിഞ്ഞു…
“”…മ്മ്മ്.! നല്ലകൊണം.! ഇങ്ങനാണേ പ്രസവമെടുത്തോണ്ടുനിയ്ക്കുമ്പോൾ കറന്റാണംപോയാൽ നീയാദ്യമിറങ്ങിയോടുവല്ലോ..??!! കഷ്ടം..! ഇത്രേംധൈര്യമുള്ള ഡോക്ടർമാരെയൊന്നും ഒരു പേഷ്യന്റ്സിനും കൊടുക്കല്ലേയീശ്വരാ..!!”””_ വാക്കുകളിൽ പരമാവധി പുച്ഛംകലർത്തിയങ്ങനെ പറയുമ്പോൾ മീനാക്ഷിയുടെ മുഖത്തേയ്ക്കു ദേഷ്യമിരച്ചു കയറുന്നുണ്ടായിരുന്നു…
എന്നാൽ തിരിച്ചെന്തേലുംപറഞ്ഞാൽ കഴിച്ചോണ്ടിരിയ്ക്കുന്നതു പിടിച്ചുമേടിച്ചാലോന്നുള്ള പേടികൊണ്ടാവണം,
“”…അതിനു ഹോസ്പിറ്റലിലങ്ങനൊന്നും കറന്റുപോകില്ല… ജനറേറ്ററൊക്കെണ്ട്… പോരാത്തേനടുത്തു നേഴ്സുമാരുംകാണും..!!”””_ എന്നൊരയഞ്ഞ മറുപടിയാക്കീത്…
“”…ഹൊ.! അന്നേരമെങ്ങാനമാ നേഴ്സിനുമുള്ളാമ്മുട്ടി ബാത്ത്റൂമിലേയ്ക്കുപോയാൽ ഡോക്ടറോപ്പറേഷൻ തീയേറ്ററിൽ പെടുക്കും..!!”””_ ഒടുവിലെ കപ്പകഷ്ണവും വായിലേയ്ക്കു കുത്തിക്കയറ്റിക്കൊണ്ടു
ഞാനെഴുന്നേറ്റപ്പോൾ അവളെന്നെ രൂക്ഷമായി നോക്കുന്നുണ്ടായിരുന്നു…
അതിൽപ്പിന്നെ അന്നത്തെദിവസം മറ്റുപറയത്തക്ക വിശേഷങ്ങളൊന്നുമുണ്ടായില്ല…