രാത്രി റൂമിൽ ലൈറ്റുമിട്ടിരുന്നു പഠിയ്ക്കുന്നതിനിടയിൽ കയറിച്ചെന്ന എന്നെക്കണ്ടതും പഠിത്തംനിർത്തണോ വേണ്ടയോന്നുള്ള ആശയക്കുഴപ്പത്തിലായി മീനാക്ഷി…
എന്നാലൽപ്പം ടയേഡായിപ്പോയിരുന്ന എനിയ്ക്ക് മറ്റൊരു തല്ലുപിടുത്തത്തിനുള്ള മൂഡില്ലായിരുന്നതിൽ തിരിഞ്ഞുകിടന്നുറങ്ങുകയായിരുന്നു…
നല്ലുറക്കത്തിലെപ്പോഴോ കോളിങ്ബെൽ മുഴങ്ങിയപ്പോഴാണ് ഞാൻ ഞെട്ടിയുണർന്നത്…
എന്നിട്ടുമെഴുന്നേൽക്കാൻ മടിച്ചുകിടന്നപ്പോൾ ചെറിയമ്മേടെ കോളുവന്നു;
“”…ഡാ… ഞങ്ങളുവന്നു… വാ… വന്നു കതകുതുറക്ക്..!!”””_ എന്നുമ്പറഞ്ഞ്…
സമയംനോക്കുമ്പോൾ ആറുമണിയാകുന്നതേയുള്ളൂ…
മൈര്.! ഇവറ്റോൾക്കൊക്കെ നേരംവെളുത്തിട്ടു കെട്ടിയെഴുന്നള്ളിയാൽപ്പോരേ..?? മനുഷ്യന്റുറക്കം കളയാനായ്ട്ട്…
പ്രാകിക്കൊണ്ടു കട്ടിലീന്നെഴുന്നേൽക്കാനായി തുടങ്ങുമ്പോൾ അപ്പോഴുമൊരു ബോധോമില്ലാണ്ടു പുതപ്പിനുള്ളിൽ നൂണ്ടുകിടന്നൊന്നുമറിയാതുള്ള ഉറക്കത്തിലായിരുന്നു മീനാക്ഷി…
പെട്ടെന്നുതന്നെ അടുത്ത കോളിങ്ബെൽ ശബ്ദംമുഴങ്ങീതും ഞാനവളെയൊറ്റ ചവിട്ട്…
തൊഴികിട്ടീതും ഉറക്കത്തിൽനിന്നു ഞെട്ടിപ്പിടഞ്ഞെഴുന്നേറ്റ മീനാക്ഷിയ്ക്കു വെളിവു വരുന്നതിനുമുന്നേ;
“”…പോയ്‌ ഡോറുതുറക്കെടീ..!!”””_ ന്നൊരലർച്ചയായിരുന്നു ഞാൻ…
“”…പോടാ… എനിയ്ക്കൊറങ്ങണം… വേണേ നീ പോയ്‌ തൊറക്ക്..!!”””_ ഉറക്കച്ചടവിൽ പറഞ്ഞുകൊണ്ട് വീണ്ടും ചെരിഞ്ഞുകിടക്കാനായി തുടങ്ങിയപ്പോൾ ഒരുതൊഴികൂടെ കൊടുത്തുകൊണ്ടു ഞാനൊച്ചയിട്ടു;
“”…പോയ്‌ ഡോറ് തുറന്നുകൊടുക്കാതെ നീയിവടെക്കെടന്നുറങ്ങൂല… മര്യാദയ്ക്കു പോടീ..!!”””_ അതുപറഞ്ഞു കഴിയുമ്പോഴേയ്ക്കും വീണ്ടും കോളിങ്ബെൽ കേട്ടതും
മീനാക്ഷി പ്രാകിക്കൊണ്ടെഴുന്നേറ്റു…
“”…നാശംപിടിയ്ക്കാനായ്ട്ട്..!!”””
ഡോറുതുറക്കാനായി റൂമിന്റെ പുറത്തേയ്ക്കിറങ്ങുമ്പോഴും ഉറക്കം പൂർണ്ണമാകാത്തതിനാൽ മീനാക്ഷിയുടെ കാലുകളുറയ്ക്കുന്നുണ്ടായിരുന്നില്ല…
സ്റ്റെയറിറങ്ങുമ്പോഴുള്ള അവൾടെയാ പാദസരത്തിന്റെ കിലുക്കവുംകേട്ട് ഞാൻവീണ്ടും പുതച്ചുമൂടി…
എന്നാൽചെറിയൊരു മയക്കത്തിലേയ്ക്കു വീണ്ടുംവീഴുമ്പോഴാണ്;
“”…ഡാ… സിത്തൂ… എഴുന്നേക്കടാ..!!”””_ ന്നുള്ള ചെറിയമ്മേടെ അലറിച്ച കേൾക്കുന്നത്…
ശബ്ദംകേട്ടതും ഞാൻ ചാടിപ്പിടഞ്ഞെഴുന്നേറ്റു…
അപ്പോൾകാണുന്നത് കലിപൂണ്ടുനിൽക്കുന്ന ചെറിയമ്മയെയാണ്…
…ഇതെന്താപ്പൊണ്ടായേ..?? പോയവഴിവല്ലതും അവള് വീണുചത്തോ..??
ഈശ്വരാ… ഇനിയിപ്പതുമെന്റെ തലേത്തന്നെവരുവോ..??
“”…നീയാരെയാടാ നോക്കിപ്പേടിപ്പിയ്ക്കുന്നേ..?? ഇങ്ങോട്ടെറങ്ങിവാടാ… നിന്നോടൊന്നും മര്യാദയ്ക്കുപറഞ്ഞാൽ നീയൊന്നുംകേൾക്കില്ലല്ലേ…?? വായിങ്ങട്..!!”””_ കൈയ്യേൽപ്പിടിച്ചു വലിച്ചുകൊണ്ടു ചെറിയമ്മവീണ്ടും സ്വരമുയർത്തിയപ്പോൾ കാര്യമെന്തെന്നറിയാതുള്ള അങ്കലാപ്പിൽ ഞാനെഴുന്നേൽക്കുവായിരുന്നു…
അവരെന്നേയുംകൂട്ടി സ്റ്റെയറിറങ്ങി ഡൈനിങ്ഹോളിലെത്തിയപ്പോൾ അടുക്കളയിൽനിന്നും അമ്മയുടെയൊച്ച കേൾക്കുന്നുണ്ടായിരുന്നു;
“”…നിന്നോടു ചോദിച്ചകേട്ടില്ലേ..?? ആരോടു ചോദിച്ചിട്ടാടീ ഇതൊക്കിവടെ മേടിച്ചേന്ന്..??”””
…എന്തുമേടിച്ചെന്ന്..?? കല്യാണംകൂടിയിട്ടു വന്നപ്പോൾ ഇതിനൊക്കെന്താ ബാധകേറിയോ..?? സ്വയം ചോദിയ്ക്കുമ്പോഴേയ്ക്കും ചെറിയമ്മ എന്നേയുംതള്ളി അടുക്കളയിലേയ്ക്കു കയറ്റി…
ഫ്രിഡ്ജിൽ ബാക്കിയുണ്ടായിരുന്ന കടുകുവറുത്ത ബീഫ്റോസ്റ്റുവെച്ച ബൗളെടുത്തുകൈയിൽ പിടിച്ച്, ഫ്രീസറിൽകയറ്റിയ കടുകുവറുക്കാത്ത ബീഫിലേക്കും നോക്കിയാണമ്മയുടെ ചോദ്യം…
…ഇതു ബീഫല്ലേ..?? ഇതുമേടിയ്ക്കാൻ ഇവരുടൊക്കെ സമ്മതംവേണമായിരുന്നോ..?? ഇതൊക്കെയെന്നാ കോണാത്തിലെ വർത്താനമാണോ ആവോ..??
“”…ആരോടും ചോദിച്ചിട്ടൊന്നുവല്ല… ഇവടെ… ഇവടെ കറിയൊന്നുമില്ലാത്തകൊണ്ട്…”””_ മീനാക്ഷിനിന്നു വിക്കി…
“”…മ്മ്മ്.! ആരാ മേടിച്ചേ..??”””_ അമ്മയുടെ അടുത്തചോദ്യം…
“”…സി.. സിദ്ധു…!!”””
“”…അതിന് അവന്റേലതിനൊക്കെള്ള കാശുണ്ടാരുന്നോ..??”””_ അമ്മ ചോദ്യമാവർത്തിച്ചപ്പോൾ, അതെന്താ എന്റെകൈയില് കാശിരുന്നാലതു പെറോ..?? എന്നഭാവത്തിൽ ഞാൻ ചെറിയമ്മയെയൊന്നു രൂക്ഷമായിനോക്കി…
“”…ക്യാഷ്… ക്യാഷുഞാനാ കൊടുത്തേ..!!”””_ മീനാക്ഷിവീണ്ടും മടിച്ചുമടിച്ചു പറഞ്ഞപ്പോൾ ചെറിയമ്മ തിരിച്ചെന്നേയും തുറിച്ചുനോക്കി…
ആ നോട്ടംവീണപ്പോഴേ ഞാൻ ചമ്മിയില്ലാണ്ടായ അവസ്ഥയിലെത്തി…
അവൾക്കു കഞ്ഞിയ്ക്കൊരുനേരത്തെ അരിയിട്ടുകൊടുക്കണേൽ സിദ്ധു ചാവാണോന്നൊക്കെ തള്ളിമറിച്ചിട്ട് ബീഫും ചിക്കനുമൊക്കെയുണ്ടാക്കി കൊടുത്തെന്നവർക്കു മനസ്സിലായാൽ ചമ്മാതെപിന്നെ..??
“”…നിന്നോടാരാ പറഞ്ഞേ ഇതൊക്കിവിടെ മേടിയ്ക്കാൻ..?? പറേടീ നിന്നോടാരാ പറഞ്ഞേന്ന്..??”””_ സീരിയലുകളിൽ കണ്ടുവെറുത്ത സ്ഥിരം അലവലാതിയമ്മായിയമ്മമാരെ പോലെ അമ്മവീണ്ടും നിന്നു ചിതറിയപ്പോൾ എന്റെ കൺട്രോളുപോയി…
“”…പിന്നെ ഞങ്ങളെന്തു തിന്നോന്നാ നിങ്ങളു വിചാരിച്ചു വെച്ചിരിയ്ക്കുന്നേ..?? രണ്ടൊണക്ക പൂരീമൊണ്ടാക്കിവെച്ചിട്ടുപോയാൽ അതുംതിന്നിട്ടു രണ്ടുദിവസം കിടക്കണോന്നോ..??”””_ എന്റെയെടുത്തടിച്ച മട്ടിലുള്ള ശബ്ദംകേട്ടതും അമ്മയും മീനാക്ഷിയുമൊരുമിച്ചു ഞെട്ടി…
ഉടുത്തിരുന്ന തുണിപോലും അഴിച്ചുമാറ്റാതെ ഫ്രിഡ്ജിലും പാത്രങ്ങളിലുമായി അരിച്ചുപെറുക്കിനടന്ന കീത്തുവും എന്റെയാ ശബ്ദംകേട്ടൊന്നു വെട്ടിത്തിരിഞ്ഞപ്പോൾ ഞാൻതുടർന്നു;
“”…രണ്ടുദെവസം കല്യാണത്തിനുപോയി മൂക്കുമുട്ടേ മൂഞ്ചുമ്പോൾ വീട്ടിൽക്കിടക്കുന്ന രണ്ടുജെന്തുക്കളെന്തേലും തിന്നോന്നന്വേഷിയ്ക്കാൻ തോന്നീലല്ലോ… എന്നിട്ടിപ്പൊ വന്നേക്കുന്നു, ആരോടുചോദിച്ചിട്ടാ മേടിച്ചെപോലും… ഉളുപ്പില്ലല്ലോ..??!!”””_ എന്റെയാ വാക്കുകൾക്കു മറുപടിപറയാതെ ചെറിയമ്മയും അമ്മയും മുഖത്തോടുമുഖം നോക്കുമ്പോൾ എന്നെനോക്കി മിഴിച്ചുനിൽക്കുവായിരുന്നൂ മീനാക്ഷി…
“”…അല്ലാ… നിങ്ങളെന്താ കരുതിയേ..?? നിങ്ങളവിടെക്കിടന്നു തിന്നുമലയ്ക്കുമ്പോൾ ഞങ്ങളു വെറുങ്കഞ്ഞിയുംകുടിച്ചു കിടക്കോന്നോ..?? കടിയ്ക്കുന്നെനിയ്ക്ക്..!!”””_ എന്നുകൂടി ഞാനപ്പോൾ കൂട്ടിച്ചേർത്തതും അമ്മയും ചെറിയമ്മയും മുഖത്തോടുമുഖംനോക്കി ഒറ്റച്ചിരിയായിരുന്നു…
ആ കൊലച്ചിരികണ്ടതും എന്റെ കിളിപോയി… അതിനിത്രയ്ക്കു ചിരിയ്ക്കാമ്മേണ്ടിമാത്രം എന്താണ്ടായേ..??
“”…അപ്പൊ… അപ്പൊ കാര്യങ്ങളൊക്കെ അറിഞ്ഞു ചെയ്യാനുമറിയാം… അല്ലേ..?? ഈ കുട്ടിക്കളിമാത്രമേയുള്ളോ അതോ കാര്യവിവരം രണ്ടിനുമുണ്ടോന്നറിയാനായാണ് ഞങ്ങളൊന്നുമുണ്ടാക്കി വെയ്ക്കാതെപോയത്..!!”””_ ചിരിയമർത്താനായി കഷ്ടപ്പെട്ടുകൊണ്ടമ്മയതു പറയുമ്പോഴാണ് ഞാൻ നൈസിനൊന്നു പ്ലിങ്ങിയവിവരമറിയുന്നത്…
അപ്പോളെന്നെ ഊക്കിയതാണല്ലേന്ന മട്ടിലവരെ നോക്കിനിൽക്കുമ്പോൾ,