“”…ഞാനപ്പോഴേ പറഞ്ഞില്ലേടീ, അവനൊണ്ടാക്കിക്കൊടുക്കോന്ന്… അല്ലേലും നിന്നെപ്പോലൊന്നുവല്ല, സ്നേഹവൊള്ളോനാ ന്റെ കോച്ച്..!!”””_ എന്നുംപറഞ്ഞു ചെറിയമ്മയെന്നെയൊന്നു പുകഴ്ത്തുകയുംചെയ്തു…
എന്നാലാ പുകഴ്ത്തൽ, എന്റെ കല്ലറയിലെ അവസാനത്തെ ആണിയായാണ് എനിയ്ക്കുതോന്നീത്…
ഞാൻ സ്നേഹംമൂത്തിട്ടാണു മീനാക്ഷിയ്ക്കു ഭക്ഷണമുണ്ടാക്കിക്കൊടുത്തതെന്നാ അമ്മയും ചെറിയമ്മയുമൊക്കെ കരുതീരിയ്ക്കുന്നേ… എന്നാൽ, മാന്യമായവളെ പൊളന്നുതിന്നാമ്മേണ്ടിയാണ് ഇതൊക്കെചെയ്തതെന്നു പറയാമ്പറ്റോ…??!!
“”…നീയതിനവനെമാത്രം പുകഴ്ത്തുവൊന്നുമ്മേണ്ട… എല്ലാകാര്യങ്ങളും കണ്ടറിഞ്ഞുചെയ്യാൻ മീനുമോൾക്കറിയാം… അതുകൊണ്ടല്ലേ, ഇവനെക്കൊണ്ടീ സാധനങ്ങളൊക്കെ മേടിപ്പിച്ചതും ഇതൊക്കെയുണ്ടാക്കിച്ചതും…!!”””_ ശേഷമമ്മ മീനാക്ഷിയുടെനേരേ തിരിഞ്ഞു;
“”…ഞാൻ വിചാരിച്ചപോലൊന്നുവല്ല, മിടുക്കിയാട്ടോ..!!”””_ എന്നുകൂടി കൂട്ടിച്ചേർത്തുകൊണ്ടമ്മ അവൾടെ കവിളിൽതലോടി…
…അതേ മിടുക്കിയാ… മിടുക്കി കഴിഞ്ഞദിവസമിവിടെ തുണിയുംപൊക്കിപ്പിടിച്ചു കാട്ടിക്കൂട്ടിയതൊന്നും നിങ്ങളുകണ്ടില്ലല്ലോ..??
അമ്മയവളെ പുകഴ്ത്തീതിഷ്ടമാകാതെ മനസ്സിൽപറയുമ്പോൾ,
“”…വിശന്നപ്പോൾ സാധനമ്മേടിച്ച് വെച്ചുണ്ടാക്കിക്കഴിച്ചു… അതിനിത്രയൊക്കെ പറയാനെന്തിരിയ്ക്കുന്നു..??”””_ കീത്തുവിന്റസൂയയും മുളപൊട്ടി…
“”…നിനക്കല്ലേലുമസൂയയാ… നീയാരുന്നേലിതെങ്കിലും ചെയ്യുവാരുന്നോ..??”””_ ഉടനെ ചെറിയമ്മ ചോദിച്ചതിന്,
“”…പിന്നേ… ഇവളു മലമറിച്ചേനേ… ഞങ്ങളു തിരിച്ചുവരുന്നവരെ പട്ടിണികിടക്കും… അത്രന്നെ… മടിച്ചി..!!”””_ എന്നുപറഞ്ഞമ്മകൂടി തളിച്ചപ്പോൾ കക്ഷിയൊന്നുചൂളി…
അതുകേട്ടു ഞാനൊന്നറിയാതെ ചിരിച്ചതും കീത്തുവിന്റെവകയൊരു ദഹിപ്പിയ്ക്കുന്ന നോട്ടമായിരുന്നു…
എന്നിട്ടു കൈയിലിരുന്ന ബീഫ്റോസ്റ്റിന്റെ ബൌളിലേയ്ക്കുനോക്കി,
“”…ഇവടല്ലാണ്ടു വെച്ചുണ്ടാക്കുമ്പോൾ തേങ്ങാക്കൊത്തൊന്നുവിടത്തില്ല…
പെണ്ണുമ്പിള്ളയ്ക്കുണ്ടാക്കി കൊടുത്തപ്പോൾ കണ്ടില്ലേ തേങ്ങാക്കൊത്തൊക്കെയിട്ടത്..!!””‘_ എന്നൊരു ഡയലോഗുകൂടിവിട്ടതും ഞാൻവീണ്ടും നശിച്ചു…
അവളുടെ മുമ്പിൽ ആളാവാമ്മേണ്ടി കറിയിൽ തേങ്ങാക്കൊത്തിടാൻ തോന്നിയ നിമിഷത്തെ ഞാനറിയാതെ ശപിച്ചുപോയി…
അതിനെല്ലാംകൂടി ബൌളിലേയ്ക്കുനോക്കി കീത്തുപറഞ്ഞതിലെ വാസ്തവമളക്കുമ്പോൾ ഏതേലുംവഴിയിറങ്ങി ഓടിയാൽ
മതിയെന്നായിരുന്നു എനിയ്ക്ക്…
“”…അതല്ലേലുമങ്ങനാ സ്നേഹമുള്ള ഭർത്താക്കന്മാര്… അല്ലേടാ മോനേ..??””‘_ ചെറിയമ്മ സാഹചര്യംപരമാവധി ഉപയോഗപ്പെടുത്തിയെന്നെ വീണ്ടുമൊന്നു പുകഴ്ത്തിയപ്പോൾ, പട്ടിത്തീട്ടത്തിൽ ചവിട്ടിയഭാവത്തോടെ ഞാൻ മീനാക്ഷിയെനോക്കി…
അവളപ്പോൾ പൊട്ടിവന്ന ചിരിയടക്കാനുള്ള കഠിന പ്രയത്നത്തിലായിരുന്നു…
“”…ആഹ.! നിങ്ങളു സംസാരിയ്ക്ക്… ഞാനീ സാരിമാറ്റീട്ടു വന്നിട്ടരിയിടാം..!!”””_ പറഞ്ഞുകൊണ്ടമ്മ തിരിഞ്ഞതും,
“”…അതുസാരമില്ലമ്മേ… അരി ഞാനിട്ടോളാം..!!”””_ എന്നുംപറഞ്ഞുകൊണ്ടു മീനാക്ഷി ചാടിവീണു…
അതിൽക്കൂടുതലെന്തേലും അമ്മയ്ക്കോ ചെറിയമ്മയ്ക്കോ വേണോ..??
“”…കണ്ടോടീ… കണ്ടോ..?? കൊച്ചിനെ കണ്ടുപഠിയ്ക്കടീ… അടുത്തമാസം കെട്ടി മറ്റൊരു വീട്ടിലേയ്ക്കുപോകേണ്ട പെണ്ണാ… അവൾക്ക് അരിയ്ക്കലമെവിടെയാ ഇരിയ്ക്കുന്നതെന്നുകൂടി അറിയില്ല… അതെങ്ങനാ, അച്ഛനിട്ടു പുന്നാരിച്ചു പുന്നാരിച്ചിപ്പോൾ തിന്നാൻമാത്രമേ കൊള്ളൂ..!!”””_ അമ്മയൊരിയ്ക്കൽക്കൂടി കീത്തൂനെ ചവിട്ടിത്താഴ്ത്തിയപ്പോൾ, നീയൊക്കിത്രേയുള്ളൂ എന്നമട്ടിലൊരു പുച്ഛത്തോടെ മീനാക്ഷിയവളെ നോക്കുന്നുമുണ്ടായിരുന്നു…
അമ്മയടുക്കളയിൽ നിന്നുമിറങ്ങിയതിനു പിന്നാലെയായി ഞാനുമെന്റെ റൂമിലേയ്ക്കു കയറി…
സമയമാറരയേ ആയിട്ടുള്ളൂ…
അപ്പോളൊന്നൂടെ കിടക്കാമെന്നചിന്തയിൽ ഒന്നുകൂടി മൂടിപ്പുതച്ചു കിടന്നു…
പിന്നെ എഴുന്നേൽക്കുന്നത് മീനാക്ഷി തട്ടിവിളിയ്ക്കുമ്പോഴാണ്…
“”…സിദ്ധൂ… എഴുന്നേൽക്ക്… കോളേജിപ്പോണില്ലേ..??”””_ അവൾ വീണ്ടുമാവർത്തിച്ചപ്പോൾ ഞാൻ ഉറക്കച്ചടവോടെതന്നെ എഴുന്നേറ്റു…
കുളിച്ചൊരുങ്ങി കോളേജിലേയ്ക്കു പോകാനായി റെഡിയായിനിന്ന മീനാക്ഷിയപ്പോൾ പ്ലെയ്ൻപിങ്ക് കുർത്തിയും വെള്ളലെഗ്ഗിൻസുമായിരുന്നു ധരിച്ചിരുന്നത്…
കുർത്തിയിൽനിന്നും തള്ളിത്തെറിച്ചുനിന്ന മുലക്കുന്നുകളിലേയ്ക്കു കണ്ണൊന്നുപാളിയെങ്കിലും അതിനുകൂടുതൽ ശ്രെദ്ധകൊടുക്കാതെ ഞാനെഴുന്നേറ്റു ബാത്ത്റൂമിലേയ്ക്കുവിട്ടു…
കുളികഴിഞ്ഞ് ഡ്രെസ്സുംമാറി പുറത്തുവന്നപ്പോൾ മീനാക്ഷി വണ്ടിയ്ക്കടുത്തായി നിൽപ്പുണ്ടായിരുന്നു…
ഒന്നുംമിണ്ടാതെപോയി വണ്ടിയെടുത്തു തിരിച്ചതും
അവള് പിന്നിലേയ്ക്കു കയറി…
അപ്പോഴേയ്ക്കും പുറത്തേയ്ക്കിറങ്ങിവന്ന ചെറിയമ്മയോടു തലകുലുക്കി പോണെന്നാംഗ്യം കാട്ടുമ്പോഴേയ്ക്കും ഞാൻ വണ്ടിയെടുത്തിരുന്നു…
പോണപോക്കിലൊക്കെ എന്നോടെന്തോപറയാനായി മീനാക്ഷി ശ്രെമിയ്ക്കുന്നതുപോലെ തോന്നിയെങ്കിലും ഞാനതുകാര്യമാക്കിയില്ല…
ഒടുവിൽ,
“”…അമ്മയ്ക്കും ചെറീമ്മയ്ക്കുമൊക്കെ ബീഫൊത്തിരിയിഷ്ടായി… ഞാങ്കുറച്ചേ മാറ്റിവെച്ചുള്ളൂന്നുപറഞ്ഞെന്നെ വഴക്കുമ്പറഞ്ഞു..!!”””_ ഹോസ്പിറ്റലിനടുത്തെത്താറായപ്പോഴാണ് അവളതുപറയുന്നത്…
അല്ലേലിനി ഞാൻ വണ്ടീന്നു ചാടിച്ചുവിടുമെന്നു കരുതീട്ടാണോ ആവോ..??
“”…അതിനിപ്പെന്താ പ്രത്യേകത..?? ഞാനുണ്ടാക്കുന്നതവര് ആദ്യായ്ട്ടൊന്നുവല്ല കഴിയ്ക്കുന്നേ… നിന്റെ കാശിനു മേടിച്ചതാണെന്നുമ്മെച്ച് അതും കൊട്ടിഘോഷിച്ചോണ്ടു വരണ്ട..!!”‘””_ ചെറിയമ്മയുടേം കീത്തുവിന്റേംമുന്നിൽ തനിപെണ്ണാളനായിപ്പോയതിന്റെ കലിപ്പിലാണു ഞാനതുപറഞ്ഞത്…
“”…അതല്ല… തേങ്ങാക്കൊത്തിട്ടതവർക്ക് ഒത്തിരിയിഷ്ടായി… സാധാരണ തേങ്ങാക്കൊത്തിടാണ്ടാ ചെയ്യുന്നേന്നു കീത്തുപറഞ്ഞല്ലോ..!!”””
“”…തേങ്ങകൊത്തിയല്ലാതെ പിന്നെ മുഴുവൻതേങ്ങയിടണോ..??”””_ എന്റെയാ ചോദ്യംകേട്ടതും മീനാക്ഷി പിന്നിലിരുന്നു പല്ലുകടിയ്ക്കുന്നതുകണ്ടു…
എന്നിട്ടുമവൾ വിട്ടില്ല;
“”…കുഞ്ഞുള്ളിയ്ക്കുപകരം സവോളയിട്ടതെന്തിനാന്നും ചെറീമ്മചോദിച്ചു… ഞാനെന്തോ പറയാനാ..?? അല്ല, എന്തിനാ സവോളയിട്ടേ..??”””
“”…ചെറിയുള്ളിയിട്ടാലേ മൂഞ്ചൂന്നുണ്ടേൽ മൂഞ്ചണ്ടെന്നുപറ..!!”””
“”…അയ്യോ… അവരു മോശായ്ട്ടു പറഞ്ഞതല്ല… നന്നായിട്ടുണ്ടെന്നു പറഞ്ഞതാ..!!”””_ ഒന്നുനിർത്തിയ ശേഷം,
“”…പിന്നെ… പിന്നെയാ ഗരംമസാലയുടെ മണവും നന്നായിട്ടുണ്ടായിരുന്നാ അമ്മപറഞ്ഞേ..!!”””_ അവൾ കൂട്ടിച്ചേർത്തു…
അതിന്,
“”…ഗരംമസാലയിട്ടാൽപ്പിന്നെ ഗരംമസാലയുടെ മണമല്ലാതെ തീട്ടത്തിന്റെ മണംകിട്ടോ..??”””_ എന്നൊന്നു തിരിച്ചുചോദിയ്ക്കേണ്ട താമസമേ ഉണ്ടായിരുന്നുള്ളൂ,
മീനാക്ഷി വായടയ്ക്കാൻ…