“”…ഞങ്ങളിത്രേന്നേരം
പറഞ്ഞിട്ടും നിങ്ങക്കിതൊന്നും മനസ്സിലായില്ലേ..??”””
“”…ഇല്ലെന്നേ… അതല്ലേ ചോദിച്ചേ..??”””
“”…ദേ ചേച്ചീ… കൂടുതലഭിനയ്ക്കല്ലേ… ഞങ്ങൾക്ക് മനസ്സിലായി നിങ്ങൾക്കെല്ലാം മനസ്സിലായ്ട്ടാ പിന്നേമ്പിന്നേമിതൊക്കെ ചോദിയ്ക്കുന്നേന്ന്… ഞങ്ങളെ കൺഫ്യൂസ് ചെയ്യിപ്പിയ്ക്കാൻ..!!”””_ ഞാൻ പരമാവധി കടിച്ചുപിടിച്ചു…
“”…അങ്ങനേങ്കിലങ്ങനെ… എന്നാലുംപറാ… എന്താ നിങ്ങൾക്കൊരുമിച്ചു
ജീവിയ്ക്കാനിത്ര തടസ്സം..??”””
“”…അറിയാമ്പാടില്ലാഞ്ഞിട്ടു ചോദിയ്ക്കുവാ,
ഇത്രേന്നേരമിതൊക്കെ പറഞ്ഞപ്പോൾ നിങ്ങടെ ചെവിയിലെന്തായ്രുന്നു..??
…എന്നെച്ചതിച്ചു കല്യാണങ്കഴിച്ച ഇവൾടൂടെ ജീവിയ്ക്കാനെനിയ്ക്കു പറ്റില്ല… അത്രതന്നെ…
അതിലുംഭേദം പോയിചാവുന്നതാ..!!
…ഇവളേ… ഇവളഹങ്കാരത്തിന്റെ കൂടാ… എന്നെങ്ങനേങ്കിലും കൊല്ലണമെന്നും നാണങ്കെടുത്തണമെന്നുംമാത്രവാ ഇവൾടെ മനസ്സിലിരിപ്പ്… എന്നെ തളത്തിക്കിടത്താൻവരെ
പ്ളാനിട്ടവളാ ഇവള്… അങ്ങനൊരുത്തീടൂടെ ജീവിയ്ക്കുന്നേലുംമെച്ചം കാലന്റെകയ്യിൽ കയറൊണ്ടോയി കൊടുക്കുന്നതാ..!!”””_ ആസമയം മുന്നിലുനിന്നത് ആരതിയേച്ചിയല്ലായ്രുന്നേൽ ഈ സംസാരത്തിന്റൊന്നും ആവശ്യമുണ്ടാകുമായ്രുന്നില്ല…
“”…അപ്പൊ നിന്റെയോ..??”””_ പറഞ്ഞതത്രയുംകേട്ടിട്ടും ഒരു കുലുക്കവുമില്ലാതെയായ്രുന്നൂ ചേച്ചിയുടെചോദ്യം…
അതിന്,
“”…എന്റയോ..??”””_ ന്ന് തിരിച്ചുചോദിച്ചതും,
“”…ആ നിന്റെ മനസ്സിലിരിപ്പെന്താന്ന്..?? ഇവളെ നാണങ്കെടുത്താനല്ലേ
നീയും നോക്കീട്ടുള്ളൂ..?? ഇവളെ കോളേജിക്കൊണ്ടോയി നാണങ്കെടുത്തീല്ലേ..?? നാട്ടിലുംവീട്ടിലും
നാണങ്കെടുത്തീല്ലേ..?? എന്തിന്..?? ഇവിടെവന്നിട്ടുപോലും തീറ്റേടെ കാര്യമ്പറഞ്ഞിവളെ നാണങ്കെടുത്താനല്ലേ നീ നോക്കീത്..??”””_ പെണ്ണുമ്പിള്ളയും
നിന്നുതറച്ചു…
“”…എങ്കിലേ, അതിൽക്കൂടുതൽ
ഇവളെന്നെ അവിടെവെച്ചു നാണങ്കെടുത്തീട്ടുണ്ട്..!!”””
“”…അവിടെവെച്ചു
നീയുമങ്ങനെ ചെയ്തിട്ടില്ലേ..??”””
“”…ചെയ്തെങ്കിത്തന്നെ
അതിനുള്ള കാരണമുണ്ടാക്കീതും ഇവളുതന്നല്ലേ..?? അതെന്താ ചേച്ചി വിഴുങ്ങിക്കളയുന്നേ..??”””
“”…ഇവളോ..?? നീയാദ്യമിവൾടെ ഹോസ്റ്റലിൽക്കേറീതല്ലേ
എല്ലാത്തിന്റേം തുടക്കം..??”””
“”…പിന്നേ… കോപ്പാണ്…
നിങ്ങളൊരുമാതിരി പക്ഷംപിടിയ്ക്കരുത്…
ചേച്ചിയെന്തിനാ
എല്ലാത്തിനുമിവൾടെ സൈഡുനിൽക്കുന്നേ..??
ഹോസ്റ്റലിക്കേറീതൊന്നുവല്ല, ഇവളാദ്യമെന്നെ ബാസ്റ്റോപ്പിവെച്ചു നാണങ്കെടുത്തീതുതന്നാ
എല്ലാറ്റിനുംകാരണം..!!”””_ കലിയടക്കാനാവാതെ
ഞാൻപല്ലുകടിച്ചതും ചേച്ചിയൊരുനിമിഷം മൗനംപൂണ്ടു…
ഉടനെ അത്രയുംനേരം
നോക്കുകുത്തിയായിനിന്ന
മീനാക്ഷി കേസുപിടിച്ചു;
“”…അതിന്റെ കാരണമെന്താന്നും ഞാനിവനോടുപറഞ്ഞതാ ചേച്ചീ… ഇവനേന്റെ അനിയനായികണ്ടുമാത്രാ അങ്ങനെചെയ്തേ… ആ സ്വാതന്ത്ര്യമുള്ളോണ്ട്മാത്രം… എന്നിട്ടുമതു ശെരിയായില്ലെന്നു തോന്നീപ്പൊ എത്രപ്രാവശ്യം സോറിപറഞ്ഞൂന്നോ..??”””
അതിനു രണ്ടുതെറിപറയാനായി ഞാൻ വാതുറന്നതും ചേച്ചി കയ്യുയർത്തിതടഞ്ഞു…
ശേഷം,
“”…വിട്… വിട്… വിട്…
ആ പ്രശ്നംവിട്…
നമ്മൾ സംസാരിച്ചുവന്നത് ഇതൊന്നുമല്ലല്ലോ… ഇതൊക്കെ കഴിഞ്ഞുപോയ കാര്യങ്ങളല്ലേ..?? അതൊക്കെ കഴിയുവേംചെയ്തു … കല്യാണോംകഴിഞ്ഞു… ഇത്രേം ദിവസോങ്കഴിഞ്ഞു… ഇപ്പഴെന്താ നിങ്ങടെ പ്രശ്നംന്നാ ഞാൻ ചോദിയ്ക്കുന്നേ..??”””_ ചേച്ചിചോദിച്ചതിന് മീനാക്ഷിയെന്തോ പറയാനായി തുടങ്ങിയെങ്കിലും അവരുസമ്മതിച്ചില്ല…
പകരം പുള്ളിക്കാരിതന്നെ തുടർന്നു;
“”…എന്റെപിള്ളേരേ… നിങ്ങക്കുതമ്മിതമ്മി
ആകൊരേയൊരു പ്രശ്നമേയുള്ളൂ…
ഈഗോ… വെറും ഈഗോ…
ഞാനൊന്നു താഴ്ന്നുകൊടുത്താൽ മറ്റേയാളുടെമുന്നിൽ തോറ്റുപോകുമോന്ന പേടി…
അതല്ലാതെ വേറെന്തുപ്രശ്നമാ
നിങ്ങൾ തമ്മിലുള്ളേ..??
സ്നേഹമില്ലാഞ്ഞിട്ടാണോ..?? ഇഷ്ടമില്ലാഞ്ഞിട്ടാണോ..?? പരസ്പരം മനസ്സിലാവാഞ്ഞിട്ടാണോ..?? ഒന്നുമല്ല… വെറുമീഗോപ്രശ്നമാ നിങ്ങടേത്…
പൊന്നുകുഞ്ഞുങ്ങളേ, നിങ്ങൾടെയീ ഈഗോകാരണം നശിയ്ക്കുന്നത് നിങ്ങടെ ജീവിതമാന്നോർക്കണം..!!”””_ അവര് വാക്കുകൾമുറിച്ചു…