എന്റെ മാവും പൂക്കുമ്പോൾ 9
Ente Maavum pookkumbol Part 9 | Author : RK
[ Previous Part ]
രാവിലെ അമ്മയുടെ ചീത്തവിളി കേട്ടാണ് കണ്ണ് തുറന്നത്
അമ്മ : മണി ഒൻപതായി കോളേജിൽ പോവണ്ടേ നിനക്ക് ?
കണ്ണ് തിരുമ്മി ചാർജ് ചെയ്യാനിട്ട ഫോൺ എടുത്ത് സ്വിച്ച് ഓണാക്കി ഒൻപതേകാല് കഴിഞ്ഞു ഇന്നത്തെ കോളേജ് പോക്ക് തീർന്നു അമ്മ കൊണ്ടുവന്നുവെച്ച ചായ കുടിച്ചു കൊണ്ട് ഫേസ്ബുക്കിൽ കയറി, ‘സോറി’ പറഞ്ഞ് കൊണ്ടുള്ള മിസ്സിന്റെ ഒരുപാട് മെസ്സേജ് വന്നു കിടപ്പുണ്ട്. ഇന്നലെ അഭിരാമി പറഞ്ഞ കാര്യങ്ങൾ ഓർമ്മ വന്നപ്പോൾ വേഗം മിസ്സിനെ ഫോൺ ചെയ്തു
ഞാൻ : ഹലോ മിസ്സേ…
പരിചയമില്ലാത്ത ഒരു ശബ്ദം
ആനന്ദ് : ഹലോ അർജുനല്ലേ ?
ഞാൻ : ആ.. അതെ
ആനന്ദ് : ഞാൻ അശ്വതിയുടെ അങ്കിളാണ് ആനന്ദ്, അർജുൻ ഒന്ന് സിറ്റി ഹോസ്പിറ്റൽ വരെ വരണം
പേര് കേട്ടതും എന്റെ ഞെഞ്ച് പട പടാന് ഇടിക്കാൻ തുടങ്ങി ‘സർക്കിൾ ഇൻസ്പെക്ടർ ആനന്ദ്’ മിസ്സിന്റെ അമ്മാവൻ, ഇടറുന്ന ശബ്ദത്തിൽ
ഞാൻ : എന്താ കാര്യം സർ ?
ആനന്ദ് : അതൊക്കെ വന്നിട്ട് പറയാം അർജുൻ വേഗം വരാൻ നോക്ക്
എന്ന് പറഞ്ഞ് ആനന്ദ് ഫോൺ കട്ടാക്കി, ആ പറഞ്ഞതിൽ ഒരു ഭീഷണി പോലെ എനിക്ക് തോന്നി, പേടിച്ചിട്ടാണെങ്കിൽ കൈകാലുകൾ അനങ്ങാതെയായി മിസ്സ് എന്തോ അവിവേകം കാണിച്ചട്ടുണ്ട് അതാവും കാര്യം, ഓരോന്ന് ആലോചിച്ച് നാട് വിട്ടാലോന്ന് പോലും ഞാൻ ചിന്തിച്ചു പോയി, എന്തായാലും വരുന്നിടത്തുവെച്ച് കാണാം ഞാൻ തെറ്റൊന്നും ചെയ്തിട്ടില്ലല്ലോ പിന്നെ എന്തിനാണ് പേടിക്കുന്നത് എന്നൊക്കെ പറഞ്ഞ് ഞാൻ എന്നെത്തന്നെ ആശ്വസിപ്പിച്ച് വേഗം റെഡിയായി ഹോസ്പിറ്റലിലേക്ക് ഇറങ്ങി. ഹോസ്പിറ്റലിന്റെ മുന്നിൽ കിടക്കുന്ന പോലീസ് വണ്ടി കണ്ടതും അത്ര നേരം സംഭരിച്ചുവെച്ച ധൈര്യമെല്ലാം ചോർന്നു പോവാൻ തുടങ്ങി എൻക്വയറിയിൽ ചെന്ന് അന്വേഷിച്ചപ്പോൾ ഐ സി യൂവിൽ ആണെന്ന് കേട്ടതും ഭയം വീണ്ടും ഇരട്ടിച്ചു, പതിയെ അങ്ങോട്ടേക്ക് നടന്നു ഐ സി യൂവിന്റെ മുന്നിൽ സങ്കടപ്പെട്ടിരിക്കുന്ന മിസ്സിന്റെ അച്ഛന്റെ തോളിൽ കരഞ്ഞു തളർന്നു കിടക്കുന്ന മിസ്സിന്റെ അമ്മയും അടുത്ത് മിസ്സിന്റെ ഫോണും പിടിച്ചിരിക്കുന്ന അങ്കിളും, എന്നെ കണ്ടതും എന്റെ അടുത്തേക്ക് വന്ന
ആനന്ദ് : അർജുനല്ലേ ?
ഞാൻ : അതെ സർ
ആനന്ദ് : മം വാ…
എന്നെയും കൂട്ടി അങ്കിൾ ഹോസ്പിറ്റലിന്റെ കാന്റീനിലേക്ക് നടന്നു, അവിടെ ഒരു ടേബിളിനു അടുത്ത് ഇരുന്ന്
ആനന്ദ് : ഇരിക്ക്
പേടിയോടെ ഞാൻ അവിടെ ഇരുന്നു, ഒന്നും ചോദിക്കാനുള്ള ധൈര്യം എനിക്ക് വന്നില്ല
ആനന്ദ് : ടീ
ഞാൻ : ആ..
വെയ്റ്ററോട് ചായ ഓർഡർ ചെയ്ത്
ആനന്ദ് : അർജുൻ അശ്വതിയുടെ സ്റ്റുഡന്റാണല്ലേ ?
ഞാൻ : ആ അതെ സർ
ആനന്ദ് : മം..
ഞാൻ : മിസ്സിന് എന്ത്…..
പറഞ്ഞു മുഴുവിക്കുന്നതിന് മുന്നേ വെയ്റ്റർ ചായ കൊണ്ടുവന്നു
ആനന്ദ് : കുടിക്ക്
വെട്ടാൻ കൊണ്ടുവന്ന പോത്തിന് അവസാനതുള്ളി വെള്ളം കൊടുക്കുന്നത് പോലെ ചായ എടുത്ത് ഒരു കവിൾ കുടിക്കുമ്പോ
ആനന്ദ് : അർജുൻ എന്താ ചോദിക്കാൻ വന്നത് ?
വേഗം ചായ ടേബിളിൽ വെച്ച്, ഭയത്തിൽ
ഞാൻ : മിസ്സിന് എന്താ പറ്റിയത് സർ ?
ഗൗരവത്തിലുള്ള ശബ്ദത്തിൽ
ആനന്ദ് : അത് പറയാം അതിനു മുന്നേ എനിക്ക് കുറച്ചു കാര്യങ്ങൾ അറിയണം
ഞാൻ : എന്താ സർ ?
ആനന്ദ് : അശ്വതിയുമായി എങ്ങനെയാ നല്ല കൂട്ടാണോ
ഞാൻ : അതെ സർ
ആനന്ദ് : മം.. ക്ലാസ്സ് തുടങ്ങിയിട്ട് കുറച്ചല്ലേ ആയിട്ടുള്ളു..?
ഞാൻ : മിസ്സിനെ എനിക്ക് നേരത്തേ അറിയാം
ആനന്ദ് : എങ്ങനെ ? എവിടെവെച്ച് ?
ഞാൻ : പ്ലസ്സ് ടുവിൽ മിസ്സ് എന്നെ പഠിപ്പിച്ചിട്ടുണ്ട്
ആനന്ദ് : ഓ.. അപ്പൊ മുന്നേ പരിചയം ഉണ്ട് ?
ഞാൻ : അതെ
ആനന്ദ് : മം..ഈ അടുത്ത് അശ്വതിയുമായി എന്തെങ്കിലും പ്രശ്നങ്ങളുണ്ടായോ ?
ഞാൻ : ഏയ് ഇല്ല, എന്താ സർ ?
ആനന്ദ് : പ്രശ്നങ്ങൾ എന്ന് പറയുമ്പോ അർജുൻ വിചാരിക്കുന്നത് പോലെ വലിയ കാര്യങ്ങൾ ഒന്നുമല്ല ചെറിയ വല്ല വഴക്കോ മറ്റോ ഉണ്ടായോന്ന ചോദിക്കുന്നത്
ചെറിയ പരിഭ്രമത്തിൽ
ഞാൻ : ഇന്നലെ കോളേജ് കഴിഞ്ഞിറങ്ങുമ്പോ മിസ്സായിട്ടൊന്ന് ഉടക്കിയിരുന്നു
ആനന്ദ് : എന്താ കാര്യം ?
ഞാൻ : പ്രതേകിച്ചൊന്നുമില്ല സർ
ആനന്ദ് : മം.. അപ്പൊ അതാണ് കാര്യം
ഞാൻ : എന്താ സർ ? മിസ്സിനെന്താ പറ്റിയത് ?
ആനന്ദ് : അശ്വതി ഇന്നലെ സ്ലീപ്പിങ് പിൽസ്സ് ഹൈ ഡോസ്സിൽ കഴിച്ചു
ഭയത്തോടെ
ഞാൻ : ഏ… എന്നിട്ട് ഇപ്പൊ എങ്ങനുണ്ട് മിസ്സിന് ?
ആനന്ദ് : പേടിക്കാൻ ഒന്നുമില്ല കുറച്ചു കഴിയുമ്പോ റൂമിലേക്ക് ഷിഫ്റ്റ് ചെയ്യാന്ന് ഡോക്ടർ പറഞ്ഞു
ഞാൻ : പെട്ടെനെന്താ മിസ്സ് ഇങ്ങനെ ചെയ്തേ ?
ആനന്ദ് : എനിക്ക് അർജുനോട് കുറച്ചു കാര്യങ്ങൾ പറയാനുണ്ട് ഒരു പോലീസുകാരൻ എന്നുള്ള നിലയില്ലല്ല അശ്വതിയുടെ അങ്കിൾ എന്ന നിലയിൽ
ഞാൻ : മം..
ആനന്ദ് : ഒരുപാട് ലാളിച്ചു വളർത്തിയത് കൊണ്ടാവും വല്ലാത്ത പിടിവാശിയാണ് അശ്വതിക്ക് ഞങ്ങളുടെ തെറ്റുകൊണ്ട് തന്നെ സംഭവിച്ചതാണ് അതുകൊണ്ട് തന്നെ ഞങ്ങൾക്കെല്ലാവർക്കും അശ്വതിയുടെ കാര്യത്തിൽ വലിയ പേടിയാണ്, ഇതിപ്പോ രണ്ടാമത്തെ പ്രാവശ്യമാണ് ഇങ്ങനെ സംഭവിക്കുന്നത് നിങ്ങള് തമ്മിൽ എന്താണെന്നോ എന്താ പ്രശ്നമെന്നോ പോലും ഞാൻ കൂടുതൽ ചോദിക്കുന്നില്ല മയക്കത്തിൽ അർജുന്റെ പേര് പറയുന്നുണ്ടെന്ന് ഡോക്ടർ പറഞ്ഞപ്പോഴാണ് ഞാൻ അർജുനെ വിളിപ്പിച്ചത്
ഞാൻ : ഞാൻ… അതിന്..
ആനന്ദ് : ഞാൻ അർജുനെ കുറ്റപ്പെടുത്തുവാൻ വിളിച്ചതല്ല, അർജുൻ ഞങ്ങൾക്ക് ഒരു ഹെല്പ് ചെയ്യണം
ഞാൻ : എന്താ സർ ?
ആനന്ദ് : യു കെ യിൽ അശ്വതിയുടെ ആന്റിയുണ്ട് അശ്വതിയെ അങ്ങോട്ടേക്ക് പറഞ്ഞു വിടാൻ അർജുന്റെ സഹായം വേണം
ഞാൻ : ഞാൻ എങ്ങനെ ?
ആനന്ദ് : ഞങ്ങൾ പറഞ്ഞാൽ അശ്വതി അനുസരിക്കില്ല അർജുൻ വേണം പറഞ്ഞു സമ്മതിപ്പിക്കാൻ
ഞാൻ : മം..
ആനന്ദ് : പിന്നെ ഒരു കാര്യം ഞങ്ങളാണ് ഇത് പറഞ്ഞതെന്ന് അശ്വതി അറിയരുത് എത്രയും വേഗം പറഞ്ഞു വിടാൻ പറ്റിയാൽ അത്രയും നല്ലത്
മലപോലെ വന്നത് എലിപോലെ പോയപ്പോൾ മനസ്സിനൊരു ആശ്വാസം വന്നു, കുറച്ചു അഹങ്കാരത്തിൽ
ഞാൻ : ഞാൻ നോക്കാം സർ
ചായ കുടി കഴിഞ്ഞ് ഐ സി യൂവിന്റെ അടുത്ത് ചെന്നതും നേഴ്സ് പറഞ്ഞു മിസ്സിനെ റൂമിലേക്ക് ഷിഫ്റ്റ് ചെയ്തെന്ന്, നേരേ അങ്ങോട്ടേക്ക് നടന്നു റൂമിന് പുറത്തെത്തിയതും മിസ്സിന്റെ അച്ഛനും അമ്മയും റൂമിന് പുറത്തേക്ക് വന്നു
ആനന്ദ് : എങ്ങനുണ്ട് ഡോക്ടർ എന്ത് പറഞ്ഞു ?
അരവിന്ദൻ : നാളെ ഡിസ്ചാർജ് ചെയ്യാമെന്ന്
ലതിക : അച്ചു ഫോൺ അന്വേഷിക്കുന്നുണ്ട്
ആനന്ദ് : ആ..നിങ്ങളെന്നാൽ വീട്ടിൽ ചെന്ന് ഫ്രഷായിട്ട് വാ അതുവരെ അർജുൻ ഇവിടെ നിന്നോളും
ലതിക അടുത്തേക്ക് വന്ന് എന്റെ രണ്ടു കൈയും ചേർത്ത് പിടിച്ച് ഒന്നും പറയാതെ നടന്നു പോയി, എന്താ കാര്യം എന്ന് മനസ്സിലാവാതെ നിന്ന എന്നോട്