പിറ്റേന്നു ക്ലാസിലെ സ്ഥിതി മറ്റൊന്നാരുന്നില്ല പാലെടുത്തുന്നും പരിഹാസം, പുച്ഛം, അപമാനം. അന്ന് ഞാൻ ഉച്ചക്ക് ഒറ്റക്ക് ക്യാന്റീനിൽ പോയിരുന്നു. ക്ലാസ്സിലെ പരിഹാസം അത്ര നേരം കേൾക്കണ്ടല്ലോ എന്നായിരുന്നു എന്റെ മനസിൽ. അവിടെയും ഒരൊത്തരും എന്നെ നോക്കുമ്പോ എനിക്ക് ആകെ പരിഭ്രമം, ഇനി വല്ലതും അറിഞ്ഞിട്ടാണോ?.
അൽപ്പം കഴിഞ്ഞു ആശ്വതി എന്റെ ഓപ്പോസിറ്റ് വന്നിരുന്നു, ഞാൻ ഒന്ന് ഞെട്ടിയെങ്കിലും ഒരു വരണ്ട ചിരി പാസാക്കി. അവളും ഒന്ന് ചിരിച്ചു, അർഥം മനസിലാവാത്ത ഒരു ചിരി. ചുണയുണ്ടോടാ നിനക്കെന്നോട് മുട്ടാൻ, അതാവും അതിനർത്ഥം. പിന്നെ അവൾ എന്നെ മൈന്റ് ചെയ്യാതെ എന്തൊക്കെയോ വാങ്ങി കഴിച്ചു. അവളുടെ ആ കഴിപ്പുകണ്ടാലേ ഓർക്കാനം വരും തീരെ സംസ്കാരം ഇല്ലാത്ത ജീവി. കോഴിക്കാൽലൊക്കെ രണ്ടു കൈകൊണ്ടും പിടിച്ചു കടിച്ചു വലിച്ചു കറുമുറാന്ന് യോ…!. അവസാനം ആ പൂതന ബാക്കി വന്ന എല്ലും കഷ്ണം എടുത്തു ഉറിഞ്ചിയപ്പോൾ ഉണ്ടാക്കിയ സഹ്ഹ്ഹ്ഹ്ഹ്ഹ്ഹ് ശബ്ദം ഹോ മേലാകെ പെരുത്തു കേറി. എനിക്ക് എന്റെ മുൻപിൽ ഇരിക്കുന്നത് പോലും അവിടെ ഇരുന്നു കഴിക്കാൻ തോന്നിയില്ല. ആ കോഴിക്കറിയിലെ കോഴിയോടുള്ള മല്പിടുത്തം കഴിഞ്ഞു അവൾ പോയപ്പോഴും തിന്നണോ വെണ്ടയോ എന്ന് ഞാൻ എന്റെ പൊതിച്ചോറിൽ നോക്കി ഇരുന്നുപോയി. അവസാനം ഞാൻ അത് കൊണ്ടുകളയുകയായിരുന്നു.
“പൈസ അവൻ തരും”
ക്യാഷിൽ ഇരുന്ന ആളോട് എന്നെ ചൂണ്ടി കാണിച്ച് പറഞ്ഞിട്ട് അവൾ പോയി. പിന്നെ എന്റെ പട്ടി കൊടുക്കും മനുഷ്യനെ ചോറ് പോലും തിന്നാൻ പറ്റാതെ വെറുപ്പിച്ചിട്ട് ഇപ്പൊ കൊടുക്കാം. പക്ഷേ അവൾ അവസാനം നോക്കിയ നോട്ടം അതിൽ ഒരു അപകടം എനിക്ക് തോന്നി. ബില്ല് കൊടുക്കാതെ പോയാൽ പണി അവൾ തരുമോ? അല്ലേ ചിലപ്പോൾ ഞാൻ വല്ലതും പ്രതികരിക്കുമോ എന്ന് നോക്കാനാവും, അവളോടു മുട്ടിനിക്കാൻ എനിക്കാവില്ല. അവളുടെ അന്നത്തെ മൊത്തം ബില്ല് കൊടുത്തത് ഞാനായിരുന്നു. പിന്നെ ഞാൻ എപ്പോഴേലും കാന്റീനിൽ ഉള്ളപ്പോൾ അവൾ വരും, ഒരു പരിഹാസ ചിരി ചിരിക്കും, പിന്നെ എന്തേലും വാങ്ങി വളരെ പ്രാകൃതമായി തന്നെ അവൾ അത് കഴിക്കും, പൈസ ഞാൻ കൊടുക്കും എന്ന് പറഞ്ഞു പൊകും. ആദ്യമൊക്കെ എന്റെ ഉള്ളിലെ പേടി ആ ബില്ല് കൊടുപ്പിച്ചു. അതുകൊണ്ട് തന്നെ അവളോട് എനിക്ക് പണ്ട് തോന്നിയ വെറുപ്പ്‌ കൂടിക്കൊണ്ടേ ഇരുന്നു. അവളുടെ ആ ടെറർറിസത്തിനു ഒരു അവസാനം കാണണമെന്ന് എനിക്കുണ്ടായിരുന്നു. സഹികെട്ട് ഒരു ദിവസം ഞാൻ അവളുടെ പൈസ കൊടുക്കാതെ ക്ലാസ്സിൽ പോയി. പക്ഷേ അന്നവൾ അവൾ എന്നെനോക്കി വീണ്ടും ചിരിച്ചതല്ലാതെ മറ്റൊന്നും പറഞ്ഞില്ല. എന്നാൽ എനിക്കുള്ള പണി അവിടെ ഒരുങ്ങുന്നതേ
ഉണ്ടായിരുന്നുള്ളു.
*************
ജീനയോടു ഇന്ന് ഞാൻ സംസാരിക്കും, പക്ഷേ എന്ത്, എങ്ങനെ അത് അറിയില്ല? പതിവുപോലെ എന്തൊക്കെയോ ചിന്തിച്ചു ഞാൻ അവളുടെ സ്റ്റാഫ് റൂമിന്റെ വാതിക്കലേക്കു പോയി, ഞങ്ങളുടെ ക്ലാസ്സ ക്രോസ് ചെയ്തപ്പോൾ അതോടു ചേർന്നുള്ള സ്റ്റെയറിന്റെ ചുവട്ടിൽ ആ പൂതന നിപ്പുണ്ട്.
“”ഹോ നാശം ഇന്നും അവിടെ തന്നെയുണ്ട്. “”
ഞാൻ പിറുപിറുത്തു അവളെ പാളി നോക്കികൊണ്ടു ആ സ്റ്റെയർ കയറി,
“തക്ക്“
പെട്ടെന്നെന്തോ എന്റെ മേത്തെക്കു പതിച്ചു. അതൊരു പെണ്ണാണ് അവൾ കൊട്ട് ഇട്ടിട്ടുണ്ട് അപ്പൊഏതോ മിസ്സാണ്. അവൾ ബാലൻസ് പോയി താഴേക്ക് പോകുവാണെന്ന് എനിക്ക് തോന്നി. പെട്ടെന്ന് ഞാൻ സ്വയം ബാലൻസ്ചെയ്തു എന്റെ മേത്ത് വീണ മിസ്സിനെ അരയിൽകൂടെ കയ്യിട്ട് പിടിച്ചു നിർത്തി. അവർ എന്താണ് നടക്കുന്നത് എന്ന് മനസിലാവാതെ ഞെട്ടി തരിച്ചു തിരിഞ്ഞ് എന്നെ നോക്കി. അപ്പഴാണ് ഞാനും ഒന്ന് ഞെട്ടിയത്
” ജീന…..”
ആ ഷോക്കിൽ അനങ്ങാൻ പറ്റാതെ ആ ഒരു നിൽപ്പ് ഞാൻ കുറച്ചുനേരം നിന്നു ഏത്!. അവൾ നന്നേ വിറക്കുന്നുണ്ട് എന്റയും അവസ്‌ഥയും അതുതന്നെ. അവൾ ബാലൻസ് വീണ്ടെടുത്തശേഷം എന്റെ കയ്യിൽ കിടന്നു ഒന്ന് പിടഞ്ഞു, വെപ്രാളത്തിൽ ഏറെക്കുറെ ബ്രാൽ തെറ്റുന്നപോലെ തെറ്റി അവൾ എന്റെ കയ്യിനിന്നും ചാടിപ്പൊയി.
ബാക്കി പടികൾ ഇറങ്ങിപോകുമ്പോൾ അവൾ എന്നെയൊന്ന് തിരിഞ്ഞു നോക്കി. സ്ഥിരം നിർവികരത തളംകെട്ടികിടന്നിരുന്ന മുഖത്ത് ആദ്യമായി ഒരു ചെറു നാണം ഞാൻ കണ്ടു. ഞാൻ പൊട്ടൻ ഇളിക്കണ പോലെ എന്തിനോ വേണ്ടി അവളെ നോക്കി ഇളിച്ചു. അത് കണ്ടാവും പിള്ളേർ എല്ലാം കോളടിച്ചല്ലോ മച്ചാനെ എന്ന രീതിൽ ആരവം അവിടെ മുഴക്കിയത്. അതുകൂടെ ആയപ്പോൾ അവൾ നാണം സഹിക്ക വയ്യാതെ ഓടിയാണ് പോയത്. അപ്പൊ അവൾ ഇത്രനാളും കാട്ടിയ അകൽച്ച വെറുതെ ആയിരുന്നോ?
ആ ഒരു നിമിഷം എനിക്ക് വിലപ്പെട്ടതായി, എന്റെ ഉള്ളിൽ എന്തൊക്കെ യൊ പോലെ. ഒരു ഡസൻ ബട്ടർഫ്ലൈ എനിക്ക് ചുറ്റും പറന്നു കളിക്കുന്നുണ്ട്. ഹോ എന്താ ഒരു ഫീൽ, ആ ഒരു നോട്ടത്തിന് വേണ്ടി ഞാൻ എത്ര കാലം അവളുടെ പുറകെ ഇങ്ങനെ നടക്കുന്നു. ഇനി ഇതിൽ കൂടുതൽ എനിക്ക് എന്ത് വേണം. അതും ആ ആശ്വതിയുട മുൻപിൽ വെച്ച് തന്നെ, ഞാൻ അവളെ കോരി എടുത്തു.അവളുടെ ആ നാണിച്ച ഭാവവും എല്ലാരും കാണുകയും ചെയ്തു. എല്ലാം സെറ്റ്!, ഇനിപ്പോ പോവുക ഇഷ്ടം ആണെന്ന് പറയുക, പ്രേമിക്കുക കല്യാണം കഴിക്ക അത്രതന്നെ. ഇനി ഏതായാലും ആരും എന്നെ ധൈര്യമില്ലെന്ന് പറഞ്ഞു പരിഹസിക്കയില്ലല്ലോ.
“”കണ്ടോടാ എന്റെ പെണ്ണെന്നേ നോക്കി ചിരിച്ചിട്ട് പോയത്. അവക്കെന്നെ ഇഷ്ടാടാ, “”
മുഖം വീർപ്പിച്ചു നിന്ന അശ്വതി കേക്കത്തന്നെ ഞാൻ അവിടെ നിന്ന് ആരവം ഉണ്ടാക്കിയ നിഥിനോട് പറഞ്ഞു.
“”പൊന്നു മോനേ നീ ഇത് എപ്പോ സെറ്റാക്കിടാ. മിസ്സിന്റെ നാണം കണ്ടാരുന്നോ, മിസ്സിന് ശെരിക്കും നിന്നോട് ഇഷ്ടമാട, നിയാടാ ആ ആൺ കുട്ടി“”
അതൂടെ കേട്ടപ്പോൾ അശ്വതി വാലു മുറിഞ്ഞു ക്ലാസിനു അകത്തേക്ക് പോയി.
“”എന്നാലും അവൾക്കെന്നോട് ഇത്രയും ഇഷ്ടം ഉണ്ടായിരുന്നോ?””
ആശ്വതിയുടെ ആ പോക്ക് കണ്ടു ഒന്ന് പുച്ഛിച്ചിട്ട് തിരിഞ്ഞു നിന്ന് നിഥിനോട് ജീനയെ പറ്റി വീണ്ടും ചോദിച്ചു.
“”കോപ്പാണ്, ആ പെണ്ണ് നോക്കി നിന്നോണ്ട്‌ ഞാൻ നിന്റെകൂടെ തള്ളിയതല്ലേ. “”
ആ ഒറ്റ ഡയലോഗിൽ എന്റെ മുഖത്തു കത്തിനിന്ന ബൾബ് അവൻ അണച്ചു.എന്നിട്ട് വീണ്ടും തുടർന്നു.
”, മിസ്സിന് നിന്നോട് ഒന്നുമില്ലേലും അവക്ക് നിന്നോട് എന്തോഉണ്ട്. “
അവൻ ആ പറഞ്ഞുത് എനിക്ക് പുതിയ അറിവാണ്. എല്ലാരോടുമുള്ള പെരുമാറ്റം, അഹങ്കാരം അതൊക്കെ ഓർക്കുമ്പോൾ എനിക്കവളോട് ഭയമാണ്. അവളുടെ ഭക്ഷണരീതി, സംസ്കാരം അതൊക്കെ ഓർക്കുമ്പോ എനിക്കവളോട് തോന്നിയത് അറപ്പും. ഒരു കാരണവശാലും അവളെ പ്രേമിക്കാൻ എനിക്ക് പറ്റില്ല.
എനിക്കന്നല്ല ഒരാണിനും പറ്റില്ല.
”അയ്യേ ആ ഒട്ടത്തിക്കൊ”
ഞാൻ പുച്ഛത്തോടെ പറഞ്ഞു.
