സോറി സാർ
സാർ ഭയങ്കര ദാഹം കുറച്ചു വെള്ളം തരാമോ. .
വെള്ളമെടുക്കാൻ തിരിഞ്ഞതും ആദീൽ അയാളെ പിന്നിൽ നിന്ന് ബലമായി പിടിച്ചു മയങ്ങാനുള്ള മരുന്ന് കുത്തി വെച്ചു. പക്ഷേ കഞ്ചാവിന് അടിമയായിട്ടുള്ള അയാൾ ആദീൽ വിചാരിച്ച പോലെ അയാൾ മയങ്ങിയില്ല എന്ന് മാത്രമല്ല അദീലിനെ ശക്തമായി തിരിച്ചാക്രമിക്കാൻ ശ്രമിച്ചു. എങ്കിലും വലിയ താമസമില്ലാതെ കീഴടക്കി. അവനെ ബന്ധിച്ച ശേഷം സലീമിനെ വിളിച്ചു.
സലീം വന്നപ്പോൾ തന്നെ ഒരു കാര്യം മനസ്സിലായി. ഭരതിനെയും രാജയെയും ഒക്കെ പോലെ അല്ല അവൻ. മരണഭയമില്ല. ശബ്ദമുണ്ടാക്കിയാൽ എല്ലാം തീരും. ഇവിടന്ന് ഇവനെ കൊണ്ട് പോകാനും സാധിക്കില്ല. സലീം റൂമുകൾ മൊത്തം ഒന്ന് പരതി. ഒന്നിലധികം ലാപ്ടോപ്പുകൾ ഉണ്ട്. എല്ലാത്തിലും മദൻ എന്ന പേരിൽ ഡിജിറ്റൽ സ്റ്റിക്കർ ഒട്ടിച്ചിട്ടുണ്ട്. മദൻ തന്നയാണോ ചിദംബരൻ?
സലീം കൈയിൽ കരുതിയ crack എന്ന ഡ്രഗ് എടുത്തു ചിദംബരൻ്റെ മുൻപിലേക്ക് വെച്ച്. അത് കണ്ടതും അവൻ്റെ കണ്ണ് വിടർന്നു.
ഹെലോ ചിദംബരൻ ഞങ്ങൾ നിന്നെ ഉപദ്രവിക്കാൻ വന്നതല്ല. ശത്രുക്കളുമല്ല. നമ്മൾ മുൻപ് ബിസിനസ്സ് ചെയ്തിട്ടുണ്ട്. റിയാസിന് വേണ്ടി.
എനിക്ക് ഈ നമ്പറിൻ്റെ exact ലൊക്കേഷൻ എടുത്തു തരണം. റിയൽ ടൈമിൽ.
സലീം നിതിൻ്റെ മൊബൈൽ നമ്പർ കൈമാറി. ചിദംബരൻ തലയാട്ടി. ആറു മാസം മുൻപ് താൻ ട്രാക്ക് ചെയ്ത കൊടുത്ത അതെ നമ്പർ.
സലീം ആംഗ്യം കാണിച്ചതും ആദീൽ ചിദംബരത്തിൻ്റെ കൈകളിലെ കെട്ടഴിച്ചു. വായിൽ തിരുകിയ തുണിയും എടുത്തു മാറ്റി. എന്നിട്ട് അവിടെ ഇരുന്ന ഒരു ലാപ്ടോപ്പ് എടുത്തു കൊടുത്തു. ചിദംബരൻ പെട്ടന്ന് തന്നെ മൊബൈൽ ഫോൺ ലൊക്കേഷൻ എടുത്തു കൊടുത്തു.
ബാംഗ്ലൂർ സിറ്റിയിൽ തന്നെ cox ടൗൺ എന്ന സ്ഥലത്തു ഒരു വീടാണ് കാണിക്കുന്നത്.
ചിദംബരൻ വീണ്ടും എന്തോക്കയോ ചെയ്തു. മൊബൈൽ കമ്പനിയുടെ സെർവറിൽ കയറി എന്തൊക്കയോ നോക്കി.
“ഈ മൊബൈൽ സ്ഥിരമായിട്ട് ഈ ലൊക്കേഷൻ ആണ് കാണിക്കുന്നത്, ഇടക്ക് ഒക്കെ ടവർ മാറി സഞ്ചരിക്കുന്നുണ്ട്. എങ്കിലും കൂടുതൽ സമയം ഈ അഡ്രസ്സ് തന്നയാണ്. സലീം മൊബൈൽ ഫോണിൽ
ചിദംബരൻ പിന്നെയും എന്തൊക്കയോ ടൈപ്പ് ചെയ്തു.ആ അഡ്രസ്സിൻ്റെ ഫോട്ടോ എടുത്തു.
പിന്നെ ആറുമാസമായി ഔട്ട്ഗോയിംഗ് ഇൻകമിങ് കാൾസ് ഒന്നുമില്ല. മൊബൈൽ മാറിയിട്ടില്ല പഴയ IEMI കോഡ് പഴയതു തന്നയാണ്. മുൻപ് ട്രാക്ക് ചെയ്തിരുന്നപ്പോൾ ഈ നമ്പർ ഇന്ദ്രനഗർ വൈറ്റെഫീൽഡ് ഏരിയ ആയിരുന്നു.”
സലീമിന് അപ്പോൾ തന്നെ ഇത് കെണിയാണ് എന്ന് മനസ്സിലായി. കെണി വെച്ചവരെ വേട്ടയാടിയാണ് ആണ് സലീമിന് ശീലം.
സലീം crack bottle എടുത്തു ചിദംബരന് നേരെ നീട്ടി, അവൻ അതിൽ നിന്ന് ഒരെണ്ണമെടുത്തു വായിലിട്ടു ഉന്മാദാവസ്ഥയിലേക്ക് പോയി. അവൻ്റെ കഴുത്തിലൂടെ അദീലിൻ്റെ കത്തി കയറിയപ്പോളും അവൻ അതെ ഉന്മാദാവസ്ഥയിൽ തന്നയായിരുന്നു. അവിടന്ന് ഇറങ്ങി അവർ നേരെ രാജയുടെ വീട്ടിൽ ചെന്നു. കൂടുതൽ സംസാരമൊന്നുമുണ്ടായില്ല അദീലും ജാഫറും ചേർന്ന് ഭാരതിനെയും രാജെയും കത്തി കൊണ്ട് വെട്ടിയും കുത്തിയും കൊന്നു. പിന്നെ കുളിച്ചു വൃത്തിയായ ശേഷം അവിടയുണ്ടായിരുന്ന പണവും എടുത്തു.
“ആദീൽ നീ രാജയുടെ കാറുകൊണ്ട് ആന്ധ്ര സൈഡിലേക്ക് പോയിക്കോ. എന്നിട്ട് വാഹനം ഉപേക്ഷിച്ചിട്ട് ബാംഗ്ലൂർക്ക് ബസ് കയറിക്കോ. പിന്നെ നമ്മൾ ഇവിടെ താമസിച്ചിരുന്നപ്പോൾ ഉപയോഗിച്ച ഫോണും സിമ്മും അവിടെ ഉപയോഗിക്കുന്നില്ല. നിൻ്റെയും അദീലിൻ്റെയും മൊബൈൽ ഫോൺ മൊബൈൽ ഫോൺ അവിടെ എത്തുമ്പോൾ നശിപ്പിച്ചേരെ. വെള്ളിയാഴ്ച്ച കോക്സ് ടൗൺ മസ്ജിദിന് മുൻപിൽ 4 മണിക്ക് കാണാം. “
കോക്സ് ടൗൺ ലൊക്കേഷൻ സലീമിൻെറ മൊബൈൽ ഫോണിൽ ആയതുകൊണ്ട് അതിൻ്റെ സിം മാത്രമേ ഊരിയുള്ളൂ. സലീമിനെയും ജാഫറിനെയും ടൗണിൽ ഡ്രോപ്പ് ചെയ്തിട്ട് ആദീൽ ആന്ധ്ര പ്രദേശിലെ vizag ലക്ഷ്യമാക്കി പോയി. സലീമും ജാഫറും ഓട്ടോ പിടിച്ചു ഒരു ട്രവേല്സിലേക്കും. അവിടന്ന് ബസിൽ ബാംഗ്ലൂരിലേക്കും.
ബാംഗ്ലൂരിൽ IEM ന് ആയി കെണി ഒരുക്കിയിരിക്കുന്നവരെ വേട്ടയാടാൻ….