തിരിച്ചു പബ്ബിൽ എത്തിയപ്പോളാണ് കീർത്തനക്ക് നല്ല ജീവൻ തിരിച്ചു കിട്ടിയത്. അവർ രണ്ടു പേരും ചേർന്ന് അവരുടെ വിജയം ആഘോഷിച്ച അവിടത്തെ പാട്ടിൻ്റെ ഒപ്പം തുള്ളി. എപ്പോഴോ ആരും കാണാതെ ചുംബനങ്ങൾ കൈമാറി,
ഏകദേശം ഒന്നരയോടെയാണ് പബ്ബിൽ പോയവർ തിരിച്ചു എത്തിയത്. രാത്രി ആയതു കൊണ്ട് കിടക്കുന്നവരെ വിളിക്കാൻ പോയില്ല. ഓരോരുത്തരും ഗുഡ് നൈറ്റ് പറഞ്ഞു പിരിഞ്ഞു. ടോണിയും മാത്യുവും റൂം തുറന്ന് അകത്തു കയറി.
“AC ഓണാണെല്ലോ അർജ്ജു നേരത്തെ വന്നു എന്ന് കിടന്നെന്നു തോന്നുന്നു .”
ലൈറ്റ് ഓണാക്കിയപ്പോൾ ഇരുവരും ആ കാഴ്ച്ച കണ്ട് ഞെട്ടി പോയി, അർജ്ജുവിനെ കെട്ടി പിടിച്ചു കിടക്കുന്ന അന്ന. അവർക്കിരുവർക്കും വിശ്വസിക്കാൻ പറ്റാത്ത കാഴ്ച്ച. അവർ അടിച്ചിട്ടുള്ളതിനാൽ അവർക്ക് മദ്യത്തിൻ്റെ മണമൊന്നും കിട്ടിയില്ല
“ടോണി നീ അന്നയെ ഏൽപ്പിക്കാതെ അർജ്ജുവിനെ ഒന്ന് വിളിച്ചേ “
മാത്യ ടെൻഷൻ അടിച്ചു പറഞ്ഞു. ടോണി വിളിച്ചിട്ടും അർജ്ജു ഉണർന്നില്ല
“ഡാ ഞാൻ പോയി രാഹുലിനെ വിളിച്ചിട്ടു വരാം.”
മാത്യു നേരെ രാഹുലിൻ്റെ റൂമിൽ പോയി. രാഹുലിൻ്റെ റൂമിൽ തന്നെയാണ് ദീപുവും ടോണിയും. അന്നയും ദീപുവും മുൻപ് വിഷയമുണ്ടായിട്ടുള്ളത് കൊണ്ട് മാത്യു രാഹുലിനെ പുറത്തേക്ക് വിളിച്ചു.
“രാഹുലെ ഒരു വിഷയമുണ്ട്. നീ റൂം വരെ വേഗം വരണം. “
കീർത്തനയും ദീപുവും ഏതു നിമിഷവും വെടിക്കെട്ട് പ്രതീക്ഷിച്ചാണ് ഇരിക്കുന്നത്. മാത്യ സംഭവം ഒതുക്കാനുള്ള പരിപാടിയാണ് എന്ന് അവന് മനസ്സിലായി. അവൻ വേഗം തന്നെ കീർത്തനയെ ഫോണിൽ വിളിച്ചു
“ നീ വേഗം തന്നെ ബീന മിസ്സിനെ വിളിച്ചു അന്ന റൂമിൽ ഇല്ലെന്ന് പറ.”
രമേഷ് ഇതൊക്കെ കേട്ട് അന്ധാളിച്ചു നിൽക്കുകയാണ്. അവൻ വെളിയിൽ ഇറങ്ങാൻ പോയപ്പോൾ ദീപു തടഞ്ഞു.
കീർത്തന വേഗം തന്നെ ബീന മിസ്സിനെ വിളിച്ചു. കുറച്ചു റിങ് ചെയ്‌ത ശേഷമാണ് ബീന മിസ്സ് ഫോൺ എടുത്തത്. കീർത്തന വേഗം മിസ്സിനോട് അന്ന റൂമിൽ ഇല്ലെന്ന് പറഞ്ഞു.
അതേ സമയം രാഹുൽ മാത്യവിൻ്റെ റൂമിൽ എത്തി അതേ കാഴ്ച്ച കണ്ട് ഞെട്ടി നിൽക്കുകയാണ്. അവനും ആ കാഴ്ച്ച വിശ്വസിക്കാനായില്ല.അവൻ വേഗം ചെന്ന് അർജ്ജുവിനെ കുലുക്കി വിളിച്ചു. രാഹുലിന് മദ്യത്തിൻ്റെ മണം കിട്ടി അർജ്ജു ജീവൻ പോയാലും കുടിക്കാത്തവൻ ആണ്. ഇത് ചതി ആണെന്ന് അവന് മനസ്സിലായി.
അതേ സമയം ബീന മിസ്സ് തൊട്ടടുത്തുള്ള നേരെ അമൃതയുടെയും അനുപമയുടെയും റൂമിലേക്കാണ് ഓടിയത്. അന്ന അവിടെ ഇല്ലെങ്കിൽ മാത്രം എല്ലാവരെയും വിളിച്ചാൽ മതി. വാതിൽ തുറന്നതും ബീന മിസ്സ് പരിഭ്രമത്തോടെ ചോദിച്ചു
“അന്ന റൂമിൽ ഉണ്ടോ ?”
“ഇല്ല മിസ്സ് എന്താണ് കാര്യം?”
മിസ്സ് ഒന്നും മിണ്ടാതെ അരുൺ സാറിൻ്റെ റൂമിലേക്ക് ഓടി. പിന്നാലെ അമൃതയും അനുപമയും. അരുൺ സാറിൻ്റെ റൂമാകട്ടെ അർജ്ജുവിൻ്റെ തൊട്ടടുത്തുള്ള റൂം ആണ്. അവിടെ എത്തിയപ്പോൾ അർജ്ജുവിൻ്റെ റൂമിന് ഉള്ളിൽ മാത്യവും രാഹുലും ഒക്കെ എന്തോ സംസാരിച്ചു കൊണ്ട് നിൽക്കുന്നത് കണ്ട്. തന്നെ കണ്ടതും അവരുടെ മുഖത്തെ പരുങ്ങൽ കണ്ടതും ബീന മിസ്സ് അകത്തേക്ക് കയറി. കട്ടിലിൽ കെട്ടിപ്പിടിച്ചു കിടക്കുന്ന അന്നയെയും അർജ്ജുവിനെയും അവർ കണ്ടു .
അതോടെ സംഭവം പാളി എന്ന് രാഹുലിന് മനസ്സിലായി ബീന മിസ്സ് ദേഷ്യത്തോടെ നോക്കുന്നുണ്ട്. അവരുടെ കണ്ണൊക്കെ നിറഞ്ഞൊഴുകി. വേഗം തന്നെ അരുൺ സർനെ വിളിക്കാൻ പുറത്തേക്കിറങ്ങി .
അതേ സമയം അനുപമയും അമൃതയും കൂടി നേരെ പോയി അന്നയെ കുലുക്കി വിളിച്ചു. അവൾ എഴുന്നേൽക്കാതയായപ്പോൾ അനുപമ കരച്ചിൽ തുടങ്ങി അതോടെ അടുത്ത റൂമിൽ ഉള്ളവരൊക്കെ ഇപ്പോൾ വരുമെന്ന് രാഹുലിന് മനസ്സിലായി. അവന് കൺട്രോൾ പോയി
“എല്ലാ പുന്നാര മക്കളും വെളിയിലേക്ക് ഇറങ്ങിക്കേ”
രാഹുൽ ആക്രോശിച്ചു. രാഹുലിൻ്റെ ആക്രോശം കേട്ടതും അനുപമ പേടിച്ചിറങ്ങി. ഇറങ്ങാൻ കൂട്ടാക്കാതെ നിന്ന അമൃതയെ ഉന്തി പുറത്താക്കിയിട്ട് രാഹുൽ വാതിലടച്ചു. മാത്യുവും ടോണിയും രാഹുലും മാത്രമാണ് റൂമിൽ ഉള്ളു. ബാക്കി എല്ലാവരും പുറത്തുണ്ട്. അരുൺ സർ വന്ന് വിളിച്ചപ്പോൾ പുള്ളിയെ കൂടി അകത്തു കയറ്റി.
“സാറേ ഇത് ചതിയാണ് ഇവൾ എന്തോ കൊടുത്തു മയക്കിയിരിക്കുകയാണ്. ഞങ്ങൾ കുലുക്കി വിളിച്ചിട്ടും എഴുനേൽക്കുന്നില്ല.”
രാഹുൽ അന്നയെ കുറ്റപ്പെടുത്തി പറഞ്ഞു.
അരുൺ വന്ന് ഇരുവരുടെയും പൾസ്‌ ഒക്കെ നോക്കി രണ്ടു പേർക്കും കുഴപ്പമില്ല മയങ്ങാനുള്ള എന്തോ നൽകിയിട്ടുണ്ട്. പുള്ളി പുറത്തേക്കിറങ്ങി എല്ലാവരോടും റൂമിൽ പോകാൻ ആവശ്യപ്പെട്ടു. അപ്പോഴേക്കും ബീന മിസ്സ് മീര മാമിനെ വിളിച്ചു കാര്യങ്ങൾ പറഞ്ഞു. അതോടെ രാവിലെ തന്നെ ടൂർ അവസാനിപ്പിച്ച് തിരിച്ചു പോരണം എന്ന് കർശന നിർദേശം കിട്ടി.
അരുൺ സാർ റൂമിൽ നിന്നിറങ്ങി വന്ന് ബീന മിസ്സിനെ മാറ്റി നിർത്തി സംസാരിച്ചു.
“മിസ്സ് വിചാരിക്കുന്നത് പോലെ അല്ല.രണ്ട് പേർക്കും എന്തോ മയക്കു മരുന്ന് കൊടുത്ത മയക്കിയതാണ്. ഇപ്പോൾ റൂമിൽ നിന്ന് പുറത്തേക്ക് കൊണ്ടുപോകേണ്ട. അത് കൊണ്ട് നമുക്ക് രണ്ട് പേർക്കും അവിടെ ഇരിക്കാം രാവിലെ കാര്യങ്ങൾ ചോദിച്ചു മനസ്സിലാക്കാം.”
ബീന മിസ്സും അരുൺ സാറും അകത്തു കയറി എന്നിട്ട് മാത്യവിനോടും ടോണിയോട് പുള്ളിയുടെ മുറിയിൽ പോയി കിടക്കാൻ പറഞ്ഞു, രാഹുലിനെ നിർബന്ധിച്ച അവൻ്റെ റൂമിലേക്കും.
റൂമിൽ നിന്നിറങ്ങിയതും രാഹുൽ ഭയങ്കര ദേഷ്യത്തിലാണ്. അന്ന മനഃപൂർവം അർജ്ജുവിനെ കുരുക്കിയതാണ് എന്ന് അവൻ വിശ്വസിച്ചു. അല്ലാതെ അർജ്ജുവിൻ്റെ റൂമിൽ അവൾ എത്തില്ലെല്ലോ. അവൻ്റെ ദേഷ്യം കണ്ടപ്പോൾ ദീപുവിന് പേടി തോന്നി. രാവിലെ അവൻ അറിഞ്ഞാൽ എന്തു സംഭവിക്കുമെന്ന ചിന്തയിലായി അവൻ.
ബീന മിസ്സ് ഇപ്പോഴും ദേഷ്യത്തിലാണ്. അരുൺ സർ പറഞ്ഞത് പോലെയാകാനാണ് വഴി. എങ്കിലും മുൻപിൽ മയങ്ങി കിടന്നുറങ്ങുന്ന രണ്ട് പേരും വാശിയോടെ പര്യയങ്ങൾ ആണ്
“ആദ്യം നമ്മക്ക് ഇവരെ ഒന്ന് അകത്തി കിടത്തം”
അരുൺ സാർ അർജ്ജുവിനെ ബെഡിൻ്റെ ഒരു സൈഡിലേക്ക് മാറ്റി കടത്തി. എന്നിട്ട് ഇരുവരെയും പുതപ്പ് എടുത്ത് പുതപ്പിച്ചു.
അരുൺ സാറും ബീന മിസ്സും അവിടെ കസേരയിൽ തന്നെ ഇരുന്നു. ബീന മിസ്സ് ഉറങ്ങിയതും അരുൺ ജീവിയെ വിളിച്ചു കാര്യങ്ങൾ പറഞ്ഞു.
രാത്രിയുള്ള കാൾ കണ്ട് ജീവ ഞെട്ടി. അർജ്ജുവിനു മേൽ ഏതെങ്കിലും തരത്തിലുള്ള ആക്രമണം ഉണ്ടായോ എന്നായിരുന്നു പുള്ളിയുടെ പേടി. അരുൺ കാര്യങ്ങൾ വിശദമായി പറഞ്ഞപ്പോളാണ് ആശ്വാസമായത്.
“സർ ഇത് കൂടുതൽ പ്രശ്നമാകാൻ സാധ്യതയുണ്ട് ആ MLA അറിഞ്ഞാൽ പ്രശ്നമാകും. ഞാൻ കണ്ടൈൻ ചെയ്യാൻ പറ്റുമോ എന്ന് നോക്കട്ടെ.
“എന്തു സ്ട്രോങ്ങ് ആം ടാക്ടിക്സ് വേണേൽ ചെയ്തോ പക്ഷേ ശിവയുടെ ഐഡന്റിറ്റി മാത്രം പുറത്തറിയരുത്.”
