ആദീൽ അവനെ പിടിച്ചിരുത്തി.
“നിൻറെ വായിൽ നിന്ന് ചോദിക്കുന്നതിനല്ലതെ ഒരു ശബ്‌ദം പോലും വരരുത്.”
ഭരത് പേടിച്ചു തലയാട്ടി.
ആദീൽ വായിൽ തിരുകിയ തുണി പുറത്തേക്ക് എടുത്തു.
“സാർ എത്ര പണം വേണെമെങ്കിലും തരാം ഒന്നും %^$^$ “
വായിലേക്ക് തുണി തിരികെ കയറി. ഒപ്പം അദീലിൻ്റെ വക ചെകിടത്തു അടിയും. ഭരത് പേടിയോടെ സലീമിനെ നോക്കി. മുഖത്തു ഒരു ഭാവ വ്യത്യാസവുമില്ല. സലീം ശബ്‌ദിക്കരുത് എന്ന് കൈ കൊണ്ട് ആംഗ്യം കാണിച്ചു.
ഈ തവണ വായിൽ തിരുകിയ തുണി കഷ്‌ണം മാറ്റിയപ്പോൾ ഭരത് ഒന്നും മിണ്ടിയില്ല.
“ബ്ലൂ റോസ് ക്ലൈൻ്റെ ലിസ്റ്റ് എവിടെയാണ് ഉള്ളത്?”
ഭരത് ഒന്നമ്പരുന്നു പോയി. പണം അല്ലെങ്കിൽ സ്റ്റഫ് ആവിശ്യപ്പെടുമെന്നാണ് അവൻ വിചാരിച്ചത് ക്ലൈൻ്റെ ലിസ്റ്റ് വെച്ച് ബിസിനസ്സ് പിടിച്ചടക്കാൻ പറ്റില്ല. കാരണം സപ്ലൈ മുതൽ പല കാര്യങ്ങളുണ്ട്. അവൻ അതിൻ്റെ അമ്പരപ്പിൽ ആയിരുന്നു.
വായിലേക്ക് തുണി വീണ്ടും വരുന്നത് കണ്ടപ്പോളാണ് ഭരത് ഉണർന്നത്
“സാർ ഞാൻ പറയാം ഞാൻ തരാം. എൻ്റെ ഫോണിൽ തന്നെയുണ്ട് “
സലീം ഭരതിൻ്റെ ഫേസ് ഐഡി ഉപയോഗിച്ചു ഫോൺ അൺലോക്ക് ചെയ്‌ത
“സാർ zeus എന്ന ആപ്പ് ഒന്ന് തുറക്കാമോ. പാസ്സ്‌വേർഡ് king888”
ആപ്പ് തുറന്നു കണ്ടതും സലീം അതിശയിച്ചു പോയി. മയക്കു മരുന്ന് കച്ചവടം നിയന്ത്രിക്കാൻ ആയി അതി നൂതനമായ ആപ്പ്. ആളുടെ പേരൊന്നുമില്ല പകരം അക്ഷരത്തോടെയുള്ള നമ്പർ മാത്രം. അക്ഷരം ഏത് ടൈപ്പ് സ്റ്റഫ് ആണ് എടുക്കുന്നത് എന്നതിനെ സൂചിപ്പിക്കുന്നു . പക്ഷേ സലീം പെട്ടന്ന് തന്നെ ചിദംബരൻ്റെ അഡ്രസ്സ് കണ്ടെടുത്തു. കാരണം ദുബായിൽ വെച്ച് ബ്ലൂ റോസിന് ബിറ്റ് കോയിൻ പേയ്മെന്റ് നടത്തിയ ഡേറ്റുകൾ അവനറിയാം. അത് കൊണ്ട് പെട്ടന്ന് തന്നെ ചിദംബരനെ കണ്ടു പിടിച്ചു. അല്ലെങ്കിൽ ചിദംബരനെ സൂചിപ്പിക്കുന്ന കോഡും അഡ്രസ്സും കണ്ടെത്തി. അണ്ണാ നഗറുള്ള ഏതോ ഫ്ലാറ്റിൻ്റെ postbox ആണ്. മൊത്തം നോക്കിയപ്പോൾ റെഗുലറായി വാങ്ങുന്നുണ്ട്. ബ്ലൂ റോസിൻ്റെ വിലപ്പെട്ട ക്ലയൻ്റെ. അതു കൊണ്ട് സ്ഥിരമായി ഒരു ഡെലിവറി ബോയ് തന്നെയുണ്ട് ഒരു ശരത്.
സലീം ആദിലിനെ മാറ്റി നിർത്തി ഇനി എന്തു ചെയ്യണം എന്ന് ഡിസ്‌ക്കസ്സ് ചെയ്‌തു.
തിരികെ വന്ന ആദീൽ ഭരതിൻ്റെ വായിലേക്ക് വീണ്ടും തുണി തിരുകി. എന്നിട്ട് ശക്തമായി വയറിൽ ഇടിച്ചു, താഴെ വീണ് വേദനയിൽ നരങ്ങുമ്പോഴും തന്നെ നോക്കി പുഞ്ചിരിക്കുന്ന സലീമിനെ ആണ് അവൻ കണ്ടത്. ആദീൽ അപ്പോഴേക്കും ഒരു പുറത്തിടുന്ന ടൈപ്പ് ബാഗും പിന്നെ ഒരു ബോംബും എടുത്തു കൊണ്ട് വന്നു.
“സംശയിക്കേണ്ട ബോംബ് തന്നയാണ്. ഇതിൻ്റെ റിമോട്ട് എൻ്റെ കയ്യിലുണ്ടാകും.”
ബോംബ് ആക്ടിവേറ്റ് ചെയ്‌ത ശേഷം അത് എടുത്ത് ബാഗിലേക്ക് വെച്ചു.
ബോംബ് കണ്ടതോടെ ഭരത് കൂടുതൽ ഭയത്തിലായി. ഇവര് സാദാരണക്കാരല്ല എന്ന് മനസ്സിലായി.
പിന്നെ തോക്കിൻമുനയിൽ നിർത്തി ആദീൽ കെട്ടുകൾ അഴിച്ചു. വായിൽ തിരുകിയ തുണിയും മാറ്റി. പിന്നെ ഒരു തണ്ണി പാക്കറ്റ് എടുത്ത് കുറച്ചു വെള്ളവും കൊടുത്ത്‌. ഭരത് വെള്ളം കഴിഞ്ഞപ്പോളേക്കും അദീലിൻ്റെ നിർദേശം വന്നു
“ഇനി ആ ബാഗ് എടുത്തു പുറത്തിട്ടോളു.”
ഭരത് ബാഗ് പുറത്തിട്ടതും ആദീൽ ചെറിയ രണ്ടു കയർ എടുത്തു ബാഗിൻ്റെ വള്ളി ഭരതിൻ്റെ നെൻജിൻ്റെ ഭാഗത്തായി തമ്മിൽ കെട്ടി. ഇനി പെട്ടന്ന് ബാഗ് ഊരാൻ സാധിക്കില്ല.
സലീം മുൻപിലായി നടന്നു..
പിന്നിലായി അദീലും ഭരതും. വഴിയിൽ നിൽക്കുന്നവരുടെ നോട്ടമെല്ലാം അവരിലായി. പക്ഷേ അതൊന്നും വക വെക്കാതെ സലീം നേരെ മെയിൻ റോഡിൻ്റെ അങ്ങോട്ട് പോയി ഭരതിൻ്റെ വാഹനത്തിൽ പിൻ സീറ്റിൽ കയറി ഡ്രൈവർ സിറ്റിൻ്റെ പിന്നിലായിരുന്നു.
വാഹനത്തിന് അടുത്ത് എത്തിയതും ആദീൽ പെട്ടന്ന് തന്നെ ഭരതിനെ തിരിച്ചു നിർത്തി ബാഗിൻ്റെ വള്ളികൾ തമ്മിൽ കെട്ടിയ കയറു അറുത്തു മാറ്റി. പക്ഷേ ബാഗ് ഊരിമാറ്റിയില്ല.
“മുൻപിലെ സീറ്റിൽ ബാഗ് മടിയിൽ വെച്ചിരുന്നാൽ മതി.”
അദീലിൻ്റെ നിർദേശപ്രകാരം ഭരത് മുന്നിലെ സീറ്റിൽ കയറിയിരുന്നു. ഭരതിൻ്റെ ഡ്രൈവർ അയാളുടെ മുഖത്തെ പരിഭ്രാന്തി തിരിച്ചറിഞ്ഞു. പക്ഷേ ഭരതിനെ പേടിച്ചു അയാൾ ഒന്നും തന്നെ ചോദിച്ചില്ല.
ആദീൽ രാജയുടെ വീട്ടിലേക്കുള്ള വഴി പറഞ്ഞു കൊടുത്തു. അതികം വൈകാതെ അവർ അവിടെ എത്തി.
ഭരതിന് രാജയുടെ വീട് കണ്ടപ്പോൾ തന്നെ മനസ്സിലായി.
അപ്പോൾ ഇത് രാജയുടെ പണിയായിരിക്കും. എന്നെ വക വരുത്തി ബിസിനസ്സ് കൈക്കലാക്കാനുള്ള തന്ത്രം.
വീടിനകത്തു പ്രവേശിച്ചപ്പോളാണ് ചെകുത്താനെ നേരിൽ കണ്ട പോലെയാണ് രാജ സലീമിനെ പേടിയോടെ നോക്കിയത്. രാജയുടെ മുഖത്തെ ഭയം കണ്ടപ്പോഴാണ് താൻ വിചാരിച്ചിരുന്ന പോലെയല്ല കാര്യങ്ങൾ എന്ന് ഭരതിന് മനസ്സിലായത്. അപ്പോഴേക്കും അദീലും ജാഫറും കൂടി രണ്ടു പേരുടെ കൈകൾ കയറു കൊണ്ടുവന്നു വീണ്ടും ബന്ധിച്ചു.
രണ്ടു പേരും ഇങ്ങോട്ടിരിക്ക്.
അവിടത്തെ സോഫ ചൂണ്ടി കാണിച്ചു കൊണ്ട് സലീം പറഞ്ഞു.
ഡാ ആ ഡ്രൈവറിനെ അങ്ങ് കൊന്നേരെ. കാർ വൃത്തികേട്‌ ആക്കരുത്. ID ഇല്ലെന്ന് ഉറപ്പു വരുത്തിയിട്ട് ശവം എവിടെയെങ്കിലും കളഞ്ഞേരെ.
സലീം ലാഘവത്തോടെ അത് പറഞ്ഞപ്പോൾ ഭരത് ഞെട്ടി.
കേട്ട മാത്രയിൽ ആദീൽ ഒരു പ്ലാസ്റ്റിക് കയർ മടക്കി അരയിൽ തിരുകി പുറത്തേക്കിറങ്ങി.
“ഇനി നമുക്ക് കാര്യങ്ങളിലേക്ക് കിടക്കാം. ഈ G1024. ബോക്സ് B14 അനുരാധ അപ്പാർട്മെന്റ് കോംപ്ലക്സ് അണ്ണാ നഗർ എന്ന നിൻ്റെ കസ്റ്റമേറെ കുറിച്ച് എന്തറിയാം. “
“സാർ പേര് അറിയില്ല ആദ്യം എന്തോ പറഞ്ഞിരുന്നു. പക്ഷേ ഞാൻ പേര് ഉയോഗിക്കാറില്ല. ആദ്യ കാലം മുതൽ ഉള്ള കസ്റ്റമർ ആണ്. ആൾ താമസിക്കുന്ന ഫ്ലാറ്റ് ആകണം. എങ്കിലും നേരിട്ട് കണ്ടിട്ടില്ല. കോംപ്ലെക്സിലെ ഡ്രോപ്പ് ബോക്സ് വഴി ആണ്.”
“ഡ്രോപ്പ് ബോക്സ് എന്നാൽ ?”
“സാർ അവിടെ pvt പോസ്റ്റ് ബോക്സ് ഉണ്ടാകും. എൻ്റെ ആൾ സാധനം അതിനുള്ളിൽ നിക്ഷേപിക്കും.”
“ശരത് എന്ന നിൻ്റെ കൊറിയറെ അയാളെ കണ്ടിട്ടുണ്ടോ?”
“ഇല്ല കാണേണ്ട കാര്യമില്ല. അതു കൊണ്ട് കണ്ടിരിക്കാനുള്ള ചാൻസ് കുറവാണ്”
“അടുത്ത ഡ്രോപ്പ് എന്നായിരിക്കും. “
“സാർ ഇത് വരെ ഒന്നുമില്ല. അടുത്ത ആഴ്ച്ച എന്തായാലും ചാൻസ് ഉണ്ട്. “ന്യൂയെർ ഒക്കെ വരികയല്ലേ
“അടുത്തയാഴ്ച്ച എൻ്റെ ആള് പോകും. “
“സാർ ഏജന്റ് അസൈൻ ചെയ്യുന്നതെല്ലാം മൊബൈൽ ആപ്പ് വഴിയാണ്. ഞാൻ ചെയ്യാം ഇപ്പോൾ എന്നെ വെറുതെ വിട്. “
“നിൻ്റെ G1024നെ കിട്ടി കഴിയുമ്പോൾ വെറുതെ വിടാം. അത് വരെ നീ ഇവിടെ ഇരുന്ന് ബിസിനസ്സ് ചെയ്താൽ മതി.”
കൊച്ചി:
പുതു വർഷം പുതിയ പ്രതീക്ഷകൾ കൃത്യം രണ്ടാം തിയതി തന്നെ കോളേജ്ജ് തുറന്നു. എല്ലാവരും പോയി ഹാൾ ടിക്കറ്റ് ഒക്കെ വാങ്ങി. പത്താം തിയതി പരീക്ഷ തുടങ്ങും അർജ്ജുവും രാഹുലും ജേക്കബ് അച്ചായൻ്റെ അടുത്ത് നിന്ന് തിരിച്ചെത്താൻ വൈകിയിരുന്നു.
