“ എന്നെ പറഞ്ഞുവിടരുത്. എനിക്ക് പോകാൻ ഒരിടം ഇല്ല.” അവള് കരഞ്ഞു തുടങ്ങി.
“ ആര് പറഞ്ഞു? ബുദ്ധി പറഞ്ഞുതന്ന മിനിച്ചേച്ചിക്ക് മാളിക തന്നെയുണ്ടല്ലോ. പോകാഞ്ഞതെന്ത്? ഒറ്റയ്ക്കൊരാണ് താമസിക്കുന്നിടത്താണോ വലിഞ്ഞുകേറി വരേണ്ടത്?”
“ അവിടെ… മിനീടെ അമ്മായിയപ്പൻ വറീതുമാപ്പിള… അയാടെ ചെല നേരത്തെ നോട്ടവും സംസാരവുമൊക്കെ…. ഒരു വല്ലാതെ ജാതിയാ… എനിക്ക് പേടിയാ അവിടെ നിക്കാൻ…”
“ നോക്ക് ചേച്ചി, എനിക്കെന്തായാലും നിങ്ങളെ നോക്കാനൊന്നും പറ്റില്ല. അതുമല്ല… അറിയാല്ലോ… പണ്ടേ ഇക്കാര്യത്തില് വറീതേട്ടനെക്കാൾ പേരുകേട്ടവനാ ഞാൻ…” അവന് സോഫയിൽ കൈ കുത്തിയിരുന്നു പറഞ്ഞു.
അവൾ ആ പൊതിയും കെട്ടിപ്പിടിച്ചു ഹാളിന്റെ മൂലക്ക് നിന്ന് പറഞ്ഞു തുടങ്ങി.
“എനിക്കറിയാം ഇയാളെ. പണ്ടത്തെ സംഭവത്തിന് ശേഷം ഇയാളുടെ മുന്നില് വരാൻ ധൈര്യമില്ലായിരുന്നിട്ടും ഞാന് മാറിനിന്ന് കാണാറുണ്ടാരുന്നു ഇയാളെ… ശിവേട്ടനെ കാണുമ്പോഴൊക്കെ മൂപ്പർ ഇയാളെപ്പറ്റി പറഞ്ഞുകരയുമായിരുന്നു. “
ശിവൻകുട്ടി. ഓ അച്ഛൻ.. വെറുതെയല്ല, ഈ വീട്ടിൽ ഇത്ര സ്വാതന്ത്ര്യത്തോടെ ഇവൾ ഇടിച്ച് കേറിവന്നത്. മോന്റെ ജീവിതം തുലച്ച കുടുംബത്തിലേതെങ്കിലും അച്ഛന് ഇവളോട് പണ്ടേ ഒരു സോഫ്റ്റ് കോണറുണ്ടല്ലോ.
“ തന്നെ ഞാൻ എത്ര കാലങ്ങളായി ശ്രദ്ധിക്കുന്നു. ആ ടീച്ചറുടെ സഹായത്തോടെ താനൊന്ന് ജയിച്ച് കേറി വന്നപ്പോൾ ഉള്ള് കൊണ്ട് സന്തോഷിച്ചതായിരുന്നു. അറിയാതെയാണെങ്കിലും ഞാൻ കാരണം തകർന്ന ജീവിതമാണല്ലോ തന്റേത്. അതിങ്ങനെ തിരിച്ച് പിടിക്കുന്നത് കണ്ടപ്പൊ ഉള്ളൊന്ന് തണുത്തതാ… പിന്നെ ഇപ്പൊ എന്തിനാ ഇങ്ങനെ അച്ഛനെപ്പോലെ കുടിച്ച് നശിക്കുന്നത്??” മേശപ്പുറത്തെ കാലിയാകാറായ മദ്യക്കുപ്പിയിലേക്ക് നോക്കിയാണ് അവളത് ചോദിച്ചത്.
“ ച്ഛീ… നിർത്തെടി… അവടൊരു ഉപദേശം…!” പെട്ടെന്നാണ് അവന്റെ സമനില തെറ്റിയത്. മായ ഞെട്ടിത്തരിച്ചു പോയി. എങ്കിലും അരികിൽ അനങ്ങാതെ നിന്നു.
“ നീയെന്നെ ഉപദേശിക്കുന്നോ! രണ്ടാഴ്ച പാഠം പറഞ്ഞുതന്നതിന്റെ അധികാരമാണോടീ…?”
അവൾ ഒന്നും മിണ്ടാതെ താഴേക്ക് നോക്കിനിന്നു.
“ നിനക്കൊന്നും അറിയില്ല, അല്ലേ…? കിട്ടാതെ പോയ അമ്മയുടെ വാത്സല്യം ഒന്ന് കണ്ട് നിന്നതിന്… നീയാ കൊച്ചിന് മൊല കൊടുക്കുന്നത് ഞാനൊന്ന് ഒന്ന് നോക്കിപ്പോയതിന്… എന്റെ ജീവിതം തൊലച്ചതാ നിന്റെ കെട്ട്യോൻ! ഞാന് നിന്റെ മറ്റേത് നോക്കി വാണം വിടുവായിരുന്ന് പോലും… അന്നുമുതൽ നാട്ടിലും സ്കൂളിലും ചാർത്തി കിട്ടിയതാടി മൊല കൊതിയനെന്ന പേര്! ആ സംഭവത്തിനു ശേഷം നാട്ടിലുള്ള പെണ്ണുങ്ങളൊക്കെ എന്നെ കണ്ടാൽ പരിഹാസത്തോടെ ചിരിച്ച് ശരീരം മുഴുവൻ പൊതിഞ്ഞു പിടിച്ചേ നടന്നിട്ടുള്ളൂ. എങ്ങോട്ട് ഇറങ്ങിയാലും നാട്ടുകാരും കൂട്ടുകാരും ചോദിക്കും, ഇന്ന് ആരുടെ ഒളിഞ്ഞു നോക്കി വാണം വിടാൻ പോവുകയാണെന്ന്. ബന്ധുക്കളൊന്നും ആ സംഭവത്തിനു ശേഷം ഈ പടി കേറി വന്നിട്ടില്ല. പ്രായം കുറഞ്ഞ പെൺമക്കളെ ഇങ്ങോട്ട് വിടാറില്ല. സ്വന്തക്കാരെല്ലാം ഞങ്ങളുമായുള്ള ബന്ധം വേണ്ടെന്ന് വച്ച് ആകെ ഒറ്റപ്പെടുത്തിയപ്പോഴാ.. വല്ലപ്പോഴും മാത്രം കുടിക്കാറുണ്ടായിരുന്ന അച്ഛൻ മുഴുകുടിയനായത്. ചങ്ക് പൊട്ടി മരിച്ചത്.” തികട്ടി വന്ന കള്ളിനൊപ്പം സങ്കടവും അടക്കാൻ അവൻ പാടുപെട്ടു.
“ ങാ… എന്നിട്ട് കേൾക്ക്.. ആ സമയത്ത് ഒരു മാലാഖയെപ്പോലെ വന്നതാ എന്റെ ടീച്ചർ… അല്ല… ടീച്ചറമ്മ… അവരെപ്പോലും വെറുതെ വിട്ടില്ലല്ലോ നിന്റെ മറ്റവൻ. നിനക്കറിയുവോ, അയാള് കാരണമാ ടീച്ചറമ്മ അകന്ന് പോയത്… ഞാനിന്ന് വീണ്ടും ഒറ്റപ്പെട്ടത്… ആദ്യമായി കുടിച്ചത്. എന്നിട്ട് ഒരുളുപ്പുമില്ലാതെ നിന്നെ ഞാനിവിടെ താമസിപ്പിക്കണം, ല്ലേ? അഭയം തരണമല്ലേ? നിന്നേം അവനേം ഈ ഭൂലോകത്ത് എവിടെക്കണ്ടാലും എനിക്കങ്ങ് വിറഞ്ഞുകേറും. പൊക്കോണം പുണ്ടച്ചി… ഇല്ലേൽ മുടിക്കുത്തിന് പിടിച്ച് പുറത്തെറിയും ഞാൻ!” തലയ്ക്ക് പിടിച്ച കള്ളിന്റെ ബലത്തിൽ അവന്റെ വാക്കുകൾ ക്രൗര്യത്തിന്റെ അത്യുന്നതിലെത്തി. പറഞ്ഞ് കഴിഞ്ഞതും അവളുടെ മുടിക്കുത്തിന് കേറിപ്പിടിച്ചിരുന്നു.