” കുമാരൻ നിൻ്റച്ഛൻ അങ്ങോട്ട് മാറ് മൈരേ… ”
കണി കണ്ടതൊരു കെണിയെ ആണെന്ന് ഓർമ്മവന്നതും ഞാൻ ആ പന്നിയെ തള്ളിമാറ്റി… എന്തായാലും ഇന്നത്തെ ദിവസം നായ നക്കി…
പിന്നെ പതിവ് പോലെ സമയം തള്ളിനീക്കി ഗിരിജാൻ്റി വന്നതും അവിടെ നിന്നും എറങ്ങാൻ ഉള്ള പരിപാടികളിലേക്ക് കടന്നു…പക്ഷെ റിസപ്ഷനിൻ്റെ അടുത്തെത്തിയതും കറക്ക്റ്റ് ടൈമിൽ മാതാശ്രീ അവിടെ നിൽക്കുന്നു…അതിന് പുറമെ രോഗി ഇച്ഛിച്ചതും വൈദ്യൻ കൽപ്പിച്ചതും കാടിവെള്ളം എന്ന് പറഞ്ഞതുപോലെ ദിവ്യയും ശ്രദ്ധയും കൂടി അവിടെ ഹാജരായി…പിള്ളേരൊക്കെ പുള്ളിക്കാരിയേയും മൈൻ്റാക്കി വേഗം തന്നെ പുറത്തോട്ട് വെച്ച് പിടിച്ചു…പിന്നെ അമ്മയെ കണ്ടതും ശ്രദ്ധയും ദിവ്യയും ഒന്ന് വിഷ് ചെയ്യ്തു അമ്മ തിരിച്ചും…
” അമ്മയിന്ന് നേരത്തെയാണല്ലോ… ”
അവരുടെ അടുത്തെത്തിയതും അമ്മയോട് ചുമ്മാ ഒന്ന് മൈൻ്റാക്കാൻ എന്ന പോലെ ഞാൻ ചോദിച്ചു…
” ആണോടാ മോനൂ…ശ്ശെടാ അമ്മ സമയം ശ്രദ്ധിച്ചില്ലടാ… നീ ഒരു കാര്യം ചെയ്യ് വണ്ടിയെടുക്ക്…വീട്ടിൽ പോയിട്ട് കുറച്ച് സമയം കഴിഞ്ഞ് വരാം…പോരേ… ”
ചുമ്മാ കുശലം ചോദിക്കാൻ ചെന്ന എനിക്ക് ഇത് തന്നെ കിട്ടണം…എന്നെ കളിയാക്കി കൊണ്ടുള്ള അമ്മയുടെ കിണി കൂടെ വന്നതും ശ്രദ്ധയും ദിവ്യ കൂടി അതിൽ പങ്കുചേർന്നു…. അല്ലേൽ ഇതൊക്കെ ഞാൻ പ്രതീക്ഷിച്ചതാ രാവിലെ ആ നന്ദു തെണ്ടിയെ അല്ലേ കണികണ്ടത്… ചുമ്മാ നടന്നു പോകുമ്പോൾ പറന്നുപോകുന്ന കാക്ക വരെ തൂറി എറിഞ്ഞെന്നിരിക്കും…
” ഓ കോമഡി…വൈകിട്ട് നേരത്തെ വീട്ടിൽ വാട്ടോ…അപ്പൊ സമയം ഉണ്ടെങ്കിൽ ഞാനൊന്ന് ചിരിച്ചു തരാം… ”
ഞാൻ അമ്മയെ നോക്കി ഒരു പുച്ഛ ചിരിയോടെ പറഞ്ഞു…
” മ്മ്…അങ്ങനാവട്ടെ ചക്കരേ…അല്ല മക്കളിറങ്ങറായോ… ”
എന്നെ നോക്കി മറുപടി നൽകിയ ശേഷം നേരെ അമ്മ ദിവ്യയോടും ശ്രദ്ധയോടും ആയി തിരക്കി…
” ഹാ മാഡം…ഇറങ്ങുവാ… ”
അതിന് ദിവ്യയ്ക്ക് മുന്നേ ശ്രദ്ധ മറുപടി പറഞ്ഞു…അവൾക്കെന്തോ അമ്മയെ ഫേസ് ചെയ്യാൻ ബുദ്ധിമുട്ടുള്ളത് പോലെ തോന്നി…
” അല്ല മോൾക്കെന്ത് പറ്റി…ഇപ്പൊ നമ്മളെ ഒന്നും വേണ്ടേ…നൈറ്റ് ഷിഫ്റ്റ് ചോദിച്ച് എടുക്കുവാന്ന് കേട്ടല്ലോ… ”
ദിവ്യ ഒന്നും മിണ്ടാതെ നിൽക്കുന്നത് കണ്ട് അമ്മ വാത്സല്യ പൂർവ്വം അവളുടെ നെറ്റിയിൽ തലോടി കൊണ്ട് ചോദിച്ചു…അത് കേട്ടപ്പൊ എനിക്കങ് കുശുമ്പ് കേറി… പിന്നെ കേറൂലെ…? സ്വന്തം പ്രൊഡക്ടിന് ഊക്കും ബാക്കിയുള്ളവരോട് വാൽസല്യവും…
” അങ്ങനൊന്നൂല്ല്യ മാഡം… കുറച്ച് ഡേയ്സ് മോർണിങ്ങ് വീട്ടിൽ നിൽക്കേണ്ട ആവശ്യമുണ്ട് അതാ… ”
അമ്മയോട് ആദ്യമായി കള്ളം പറയുന്ന മക്കളുടെ മുഖംഭാവം അതേ പടി മുഖത്ത് ഫിറ്റ് ചെയ്താണ് അവൾ മറുപടി നൽകിയത്…അത് കണ്ടപ്പൊ എനിക്കും ശ്രദ്ധയ്ക്കും ചിരി വന്നെങ്കിലും ഞങ്ങളത് അടക്കിവച്ചു…
” ആണോ…എന്നാ പെട്ടെന്ന് തിരക്കുകൾ ഒക്കെ തീർത്തിട്ട് വാ…നീ ഇല്ലാത്തത് കൊണ്ടിപ്പൊ ആകെ ഒരു മൂഷിപ്പാ… “
അമ്മ ഒന്നര ടീസ്പൂൺ ചിരിയിൽ രണ്ട് ടീസ്പൂൺ വാത്സല്യവും കലക്കി പറയുന്നത് കേൾക്കുമ്പോൾ സത്യം പറഞ്ഞാ പുള്ളിക്കാരി ഇതിനെ ദത്തെടുത്തത് ആണോന്ന് വരെ ചിന്തിച്ച് പോകും… മറുപടി ആയി ദിവ്യ ഒന്ന് ചിരിച്ച് കൂടി കൊടുത്തപ്പൊ അമ്മ ഞങ്ങളോട് യാത്ര പറഞ്ഞ് ഉള്ളിലേക്ക് നടന്നു…അതോടെ ഞങ്ങളും അവിടെ നിന്നും തിരിക്കാൻ പാർക്കിംഗ് ഏരിയയിലേക്ക് നടന്നു…മുന്നേ ഞാനാണ് നടന്നത്…
” നീ വണ്ടി എടുത്തോ… കുറച്ച് കഴിഞ്ഞ് ഞാൻ വന്ന് എടുത്തോളാം… ”
പാർക്കിംഗിൽ എത്തിയതും ദിവ്യ ചാവി നീട്ടിക്കൊണ്ട് ശ്രദ്ധയോട് പറഞ്ഞു…
” മ്മ്…അതല്ലേലും ഒരു പതിവാണല്ലോ…അർജ്ജുൻ ഓൾ ദി ബെസ്റ്റ്…നീ സത്ത്… ”
എന്നെ നോക്കി ശ്രദ്ധ ഒരു ആക്കിയ ചിരിയോടെ പറഞ്ഞു… അപ്പോഴായിരുന്നു എനിക്ക് തലേന്നത്തെ കാര്യം ഓർമ്മ വന്നത്…അതോടെ ഞാൻ ഒരു പരങ്ങലോടെ ദിവ്യയെ നോക്കി…ശേഷം ശ്രദ്ധ പോയെന്ന് കണ്ടതും അവളെൻ്റെ അടുത്തേക്ക് നടന്നു വന്നു…
” അപ്പൊ എങ്ങനാ പോകാം… കാ…മു…കാ…. ”
എന്നെ നോക്കി ഒരു ആക്കിയ ഭാവത്തിൽ ലവൾ ചോദിച്ചതും ഞാനൊരു പാവയെ പോലെ തലകുലുക്കിയ ശേഷം വണ്ടിയെടുത്തു…കംബിസ്റ്റോറീസ്.കോംഅടുത്ത നിമിഷം അവളും പുറകിൽ കേറി…അതോടെ ഞാനും അവളും ഹോസ്പിറ്റൽ കോമ്പൗണ്ട് കടന്ന് പുറത്തെത്തി…. പിന്നെ യാത്രയിൽ കുറച്ച് നേരം ഞങ്ങൾ ഒന്നും മിണ്ടിയില്ല…പക്ഷെ അതിന് അതികം ആയുസ്സുണ്ടായിരുന്നില്ല…തിരക്ക് ഒഴിഞ്ഞ ഭാഗം എത്തിയതും അവളെന്റെ തോളിനിട്ടൊരൊറ്റ കടി…
” ആഹ്….ഡി പുല്ലേ…. ”
കടി കിട്ടിയതും ഞാൻ വണ്ടി ഒന്ന് സൈഡാക്കിയ ശേഷം അവളെ നോക്കി മുരണ്ടു…കൂട്ടത്തിൽ ലവൾ കടിച്ച ഭാഗത്ത് ഒന്നു തൊട്ടു നോക്കാൻ മറന്നില്ല…വല്ല പല്ലും കുടുങ്ങി കിടക്കുന്നുണ്ടെങ്കിലോ…അമ്മാതിരി കടിയല്ലേ കിട്ടിയത്…
” മിണ്ടിപോവരുത്… മനുഷ്യനെ നാണം കെടത്തിയിട്ട് ഇപ്പൊ ഒച്ച വെക്കുന്നോ…ഞാൻ അപ്പോഴെ പറഞ്ഞതാ ആരേലും കാണൂന്ന്… ”
എൻ്റെ ദേഷ്യം കണ്ടതും അവളൊര് ചിരിയൊടെ പറഞ്ഞെൻ്റെ മൂക്ക് പിടിച്ചൊന്ന് പിച്ചി വിട്ടു…
” അതിനുമാത്രം അവിടൊന്നും നടന്നില്ലല്ലോ…അതിനാണോടി നീയെന്റെ ഷോൾഡറിൽ നിന്നും അരക്കിലോ ഇറച്ചി കടിച്ചെടുത്തത്…നീറീട്ട് പാടില്ല…പേപ്പട്ടിക്ക് വകഭേദം വന്ന സാധനം… “
ഞാൻ അവളെ നോക്കി പല്ലിറുമ്മി…ഒരെണ്ണം അങ്ങ് കൊടുത്താലോ…അല്ലേ വേണ്ട മുഖത്തിൻ്റെ ഷേപ്പ് മാറിയാൽ കോളേജിൽ പോകാൻ പറ്റില്ല…അതോടെ ഞാൻ വീണ്ടും വണ്ടി എടുക്കാൻ തുടങ്ങി…
” ആണോ നന്നായി പോയി….മോന് ഒന്നും നടക്കാത്തതാണല്ലോ സങ്കടം…ഇവിടെ മനുഷ്യനെ നാണം കെടുത്തിയിട്ട് പേപ്പട്ടീന്നോ… ”
ഇത്തവണ പറഞ്ഞതിന് ശേഷം കടിക്ക് പകരം സെയിം സ്പോട്ടിൽ ഒരു ഇടി ആയിരുന്നു കിട്ടിയത്…
” ഡീ കളിക്കല്ലേ… വണ്ടി ഓടിക്കുന്നത് കാണുന്നില്ലേ… ഓരോന്ന് ചെയ്ത് ബാലൻസ് തെറ്റി വീണ് കഴിഞ്ഞിട്ട് അയ്യോ പൊത്തോന്ന് പറഞ്ഞ് കരഞ്ഞാ അണ്ണാക്കിൽ ഞാൻ മണ്ണ് വാരി ഇട്ട് തരും… ”
ഞാൻ അവളുടെ ചെയ്തികൾ കണ്ട് കടുപ്പത്തിൽ അത് പറഞ്ഞതും അതിനൊന്ന് ചിരിച്ചതിന് ശേഷം ഇത്തവണ അവൾ എൻ്റെ ഷോൾഡറിന് മീതെ മുഖം വച്ചെന്നോട് ചേർന്നിരുന്നു…
” ചൂടാവല്ലടോ കാമുകാ… ”
അവളെന്റെ തോളിൽ തലവെച്ച് കുണുങ്ങി ചിരിക്കാൻ തുടങ്ങി… അതോടെ ഞാനും ചിരിയോടെ വണ്ടി മുന്നോട്ട് എടുത്തു…പിന്നീടങ്ങോട്ട് എന്തൊക്കെയോ സംസാരിച്ച് കുറച്ച് നേരത്തെ യാത്രയ്കൊടുവിൽ ഞങ്ങൾ അവളുടെ വീടിനടുത്തെത്തി…
” അല്ല സാറിനിന്നെന്താ പരിപാടി… ”
വണ്ടിയിൽ നിന്നിറങ്ങിയതും അവളുടെ ചോദ്യമെത്തി…
” അങ്ങനൊന്നൂല്ല്യ…കോളേജിൽ പോണം അത്ര തന്നെ…ഇയാൾക്കോ… ”
ഞാൻ നേരെ അവളുടെ സൈഡറിയാൻ ചോദിച്ചു… അതിനു പ്രത്യേകിച്ച് ഒന്നും ഇല്ലാന്നവള് മറുപടി നൽകി…
” എന്നാ പൊന്നുമോൻ വിട്ടോ..നേരം വൈകികേണ്ടാ…അല്ലേലെ ചേച്ചിയ്ക്കൊക്കെ നൂറ് കൂട്ടം പരാതിയാ ഇയാളെ പറ്റി…ക്ലാസിലൊന്നും കേറാത്ത ഈ തെണ്ടി ചെക്കനെ പറ്റി…. ”
