അവളെന്നെ നോക്കി കളിയാക്കി ചിരിച്ചുകൊണ്ട് പറഞ്ഞ ശേഷം എൻ്റെ തലയ്ക്കൊരു കൊട്ട് തന്നു…അതിന് ഞാൻ തിരിച്ചവളെ അടിക്കാൻ കൈയോങ്ങിയതും കുണുങ്ങി ചിരിച്ചുകൊണ്ട് പെണ്ണൊരൊറ്റ ഓട്ടമായിരുന്നു….ഇവളാരാ പി ടി ഉഷയോ….
” ഇതൊരു നടയ്ക്ക് പോകില്ല…. ”
ഞാൻ ആരോടെന്നില്ലാതെ പറഞ്ഞ് വണ്ടി തിരിക്കാൻ തുടങ്ങി…
” ഡാ പൊട്ടാകണ്ണാ…പിന്നെ ഞാൻ വിളിക്കും…ഫോണെടുക്കണം… ”
പെട്ടെന്ന് പുറകീന്നുള്ള അവളുടെ ശബ്ദം കേട്ടതും തിരിഞ്ഞ് നോക്കിയപ്പൊൾ എന്നെ നോക്കി ചിരിച്ചുകൊണ്ട് റിവേർസ് ഗിയറിൽ മന്ദം മന്ദം നടക്കുന്ന ദിവ്യ ചേച്ചി… പെണ്ണിൻ്റെ ആ നടത്തവും ലുക്കും ഒക്കെ കണ്ടിട്ട് ഓടി പോയി എടുത്ത് പൊക്കി വട്ടം കറക്കാൻ ഒക്കെ തോന്നിപോയി…പക്ഷെ അങ്ങനെ ചെയ്യ്ത് അതിനെങ്ങാനും തലകറങ്ങിയാൽ പിന്നെ കിട്ടാൻ പോകുന്ന കടിയുടേം ഇടിയുടേം കണക്കാലോജിച്ചപ്പൊ വേണ്ടാന്ന് വച്ചു… ആരോഗ്യത്തിന് ഹാനികരം….അതോടെ മറുപടിയായി ഒരു ചിരി മാത്രം നൽകിയ ശേഷം ഞാനും വീട്ടിലേക്ക് തിരിച്ചു….
വീട്ടിലെത്തിയതും പിന്നെ പറയണ്ടല്ലോ… കട്ടില് ശവം… അതെന്നെ…നല്ല വെടിപ്പായിട്ട് കിടന്നങ്ങ് ഉറങ്ങി… പിന്നെ എന്നത്തേയൂം പോലെ ഫോണ് വിളി കേൾക്കുന്നു എഴുന്നേൽക്കുന്നു…ഈ ഫോണ് കൂടി ഇല്ലായിരുന്നുവെങ്കിൽ ഞാൻ എന്നെന്നേക്കുമായി ചിലപ്പൊ കണ്ണടച്ച് പോയേനെ…നന്ദുവിൻ്റെ കോൾ ആയിരുന്നു…
” ഹലോ…ഡാ വരുവാ… ”
ഉറക്കചടപ്പിൽ ഇനി ലവൻ്റെ തെറി കൂടി കേൾക്കാൻ വയ്യാത്തോണ്ട് ഞാൻ ചാടിക്കേറി പറഞ്ഞു…
” എങ്ങോട്ട് പതുക്കെ വന്നാ മതി മൈരേ…ഇന്ന് എന്തോ ആർട്ട്സിൻ്റെ പ്രോഗ്രാം ആ… ”
ഫോണിലൂടെ അവനെനിക്ക് മറുപടി തന്നതും വിറഞ്ഞങ്ങ് കേറി… മര്യാദയ്ക്ക് കിടന്നുറങ്ങുന്ന എന്നെ ഫോണിൽ വിളിച്ചവൻ എഴുന്നേൽപ്പിച്ച് പറയുവാ… പതുക്കെ വന്നാ മതീന്ന്…എങ്ങനെ ഇരിക്കണ്…
” ഡാ മൈരേ പിന്നെ നീയാരുടെ പേറ്റുനോവെടുക്കാനാ എന്നെയിപ്പൊ വിളിച്ചെഴുന്നേൽപ്പിച്ചെ… ”
ഞാൻ ഫോണിൽ കൂടി ചീറിയതും മറുതലയ്ക്കൽ മൈരൻ ചിരിക്കുവാ…
” എൻ്റെ പൊന്നാടാവേ നിന്നോട് ഒരു 500 Gpay ചെയ്യ്തു തരാൻ പറയാൻ വിളിച്ചതാ… ”
തുടുക്കം വിളിച്ചതിനുള്ള കാരണം അവസാനം അവനെന്നോട് പറഞ്ഞു…
” എന്തിന്….പോടാ… ”
ഞാൻ അവൻ്റെ ആവശ്യം ചവിറ്റുകൊട്ടയിലിട്ടു….പണ്ട് സ്കൂളിൽ പഠിക്കുമ്പോൾ ബസിന് ST കൊടുക്കാൻ 2 രൂപ ചോദിക്കുമ്പോലാ അവനിപ്പൊ 500 രൂപ ഒക്കെ ചോദിക്കുന്നെ…കാലം പോയൊരു പോക്കേ…
” മൈരേ പിന്നെ നിനക്ക് ലൈന് സെറ്റായീന്ന് പറഞ്ഞാ ബാറിൽ നിന്ന് കുപ്പി എടുത്തു തരാൻ നിൻ്റെ തന്ത അല്ല അവിടെ കൗണ്ടർ ഇരിക്കുന്നേ… ”
സംഭവം ഞാൻ തള്ളി കളഞ്ഞെന്ന് കേട്ടതും അവൻ കെടന്ന് തുള്ളാൻ തുടങ്ങി….
” പിന്നേ… ചെലവോ എന്ത് ചെലവ്… പോടാ…. ”
” ദേ മൈരേ കളിക്കല്ലേ…ഞങ്ങളിപ്പൊ ബിവറേജിൽ വിടും…നീ വേഗം പൈസ അയക്കുന്നോ അതോ പോകുന്ന പോക്കിൽ ഹോസ്പിറ്റൽ കേറി നിൻ്റമ്മയോട് ചിലവ് ചോദിക്കണോ… ”
അവൻ ഭീഷണി രൂപത്തിൽ കാര്യം പറഞ്ഞതും ഞാൻ ഫോൺ കട്ടാക്കി… തൊട്ടടുത്ത നിമിഷം തന്നെ പൈസ അയച്ചു കൊടുത്താൽ വരുന്ന ടിക്ക് ശബ്ദം എൻ്റെ റൂമിൽ മുഴങ്ങി…വേറൊന്നുമല്ല ഫുണ്ട പറഞ്ഞാ പറഞ്ഞതാ….പിന്നെ പൈസ അയച്ച് കൊടുത്തപ്പോൾ സ്ക്രാച്ച് കാർഡ് എന്ന് പറഞ്ഞ സാധനം കിട്ടി… ഞാൻ അത് ചുരണ്ടാനൊന്നും പോയില്ല…അങ്ങനെ എന്നോട് ഊമ്പിക്കോന്ന് നീ ഇംഗ്ലീഷിൽ പറയേണ്ടടാ ഗൂഗിള് മൈരേ….
അവന് പൈസ അയച്ച് കൊടുത്തതും ഫോണ് താഴേക്ക് വച്ച് പ്രഭാത കാര്യങ്ങളിലേക്ക് കടക്കാൻ തീരുമാനിച്ചു…ഒടുക്കം ഒരുക്കങ്ങൾ ഒക്കെ മെല്ലനെ കഴിഞ്ഞതും ഞാൻ ഭക്ഷണവും തട്ടി വേഗം കോളേജിലേക്ക് വിട്ടു…
കോളേജ് എത്തിയപ്പോൾ നന്ദു പറഞ്ഞത് ശരിയാണെന്ന് തോന്നി ഒരൊറ്റ എണ്ണവും ക്ലാസ്സിൽ ഇല്ല… ഒരു മാറ്റവുമില്ല എപ്പോഴും പരിപാടി തന്നെ ഇവിടെ…എല്ലാം ഓഡിറ്റോറിയത്തിൽ ആണെന്ന് തോന്നുന്നു അവിടെ നിന്ന് ശബ്ദം കേൾക്കുന്നുണ്ട്… അപ്പോൾ പിന്നെ നമ്മുടെ പിള്ളേരെ ആ ഭാഗത്ത് നോക്കണ്ട…ആളില്ലാത്ത ഭാഗത്ത് നോക്കിയാ മതി… അതുകൊണ്ടുതന്നെ ഫോണെടുത്ത് ഞാൻ നന്ദുവെ വിളിച്ചു…
” സി ബ്ലോക്ക് ലാസ്റ്റ് ഗ്ലാസ്സ്…അല്ല ക്ലാസ്സ്… ”
ഫോണെടുത്തതും എന്തേലും ചോദിക്കും മുന്നേ മറുപടി എത്തി…അങ്ങനെ ഫോണും കട്ടാക്കി ഞാൻ അവർക്കടുത്തേക്ക് നടന്നു…അപ്പോൾ സമയം ഉച്ച ഒരു 12:30 ഒക്കെ ആവാറായി കാണണം…
” ആഹാ വരണം വരണം മിസ്റ്റർ ഇന്ദുചൂഡൻ…. ”
അവന്മാരുടെ അടുത്തെത്തിയതും ഒരു കൈയ്യിൽ ഗ്ലാസും മറുകൈയ്യിൽ ചിക്കൻ പീസുമായി നിന്ന നന്ദു പറഞ്ഞു… റൂമിൽ ശ്രീയും അഭിയും മാത്രമെ വേറെ ഉണ്ടായിരുന്നുള്ളൂ…
” ആഹാ സാറിന്ന് ഫോമിൽ ആണല്ലോ… ”
അവൻ്റെ കോലം കണ്ടതും ഞാൻ ചിരിയോടെ പറഞ്ഞ ശേഷം ശ്രീയുടെ അടുത്തായിരുന്നു…
” എൻ്റെ പൊന്നേ അൺസഹിക്കബിൾ…നേരം കുറേ ആയി ഇത് തുടങ്ങീട്ട്… ”
ശ്രീയും എൻ്റെ അഭിപ്രായത്തോട് യോജിച്ചു…അങ്ങനെ അവന്മാരോട് കളിയും ചിരിയുമായി രണ്ടെണ്ണം അടിച്ചോണ്ട് ഈരിക്കുമ്പോളായിരുന്നു ഫോണിലേക്ക് കോൾ വരുന്നത് ഡിസ്പ്ലെയിൽ നോക്കിയപ്പോൾ ശൂർപ്പണഖാന്ന് കണ്ടു… അതോടെ ഞാൻ പിള്ളേരോട് മിണ്ടല്ലേന്ന് ആക്ഷൻ കാണിച്ചതിന് ശേഷം ഫോണെടുത്തു ചെവിയോട് അടുപ്പിച്ചു…
” എവിടാണ് സാർ… ”
ഫോണെടുത്തതും അവളുടെ കിളിനാധം ചെവിയിലേക്ക് ഓടി കേറി…
” ഞാനിവിടെ കോളേജിൽ എന്തേ… ”
” ക്ലാസൊന്നുമില്ലാന്ന് ചേച്ചി പറഞ്ഞല്ലോ…എന്നതാ അപ്പൊ പരിപാടി…വെള്ളമടി ആണോ… ”
അവളൊന്ന് കടുപ്പിച്ച് പറഞ്ഞതും ഒരു നിമിഷം ഞാൻ ഞെട്ടി ചുറ്റിലും ഒന്ന് നോക്കി…ഹേയ് ഇല്ല…
” ഏയ്….ഞാനോ…. അരുതാത്തത് പറയല്ലേ…ഞാനിവിടെ സ്റ്റേജിൽ കർട്ടൻ വലിക്കാൻ നിക്കുവാ… ”
ഞാൻ വായിൽ വന്ന ഊമ്പിയ കള്ളം പറഞ്ഞതും മറുഭാഗത്ത് ഒരു നിമിഷം നിശബ്ദത…
” ആണോ…എന്നാ പൊന്നുമോനൊന്നിങ്ങ് വരാന്തയുടെ പുറത്ത് വന്നേ… ”
അടുത്ത നിമിഷം അവളുടെ വായിൽ നിന്ന് വന്ന ഡയലോഗ് കേട്ടതും എനിക്ക് അറിയാതെ എക്കിൾ വന്ന് പോയി…അപ്പോഴായിരുന്നു ഞാനും അത് ശ്രദ്ധിച്ചത് ഞാൻ കോളേജിൽ നിന്നുള്ള സൗണ്ട് അവളുടെ ഫോണിൽ നിന്നും കേൾക്കാം… എക്കിളിൻ്റെ പവറൊന്നൂടെ കൂടി… അത് കണ്ടതും…
” ആരാടാ…ഇന്നാ വെള്ളം കുടിക്ക്… ”
എന്ന് പറഞ്ഞ് നന്ദു ഒരു പെഗ്ഗ് ഒഴിക്കുന്നത് കണ്ടതും…ഞാനവനെ നിനക്കിനിയും മതിയായില്ലേടാ തെണ്ടീന്നുള്ള അർഥത്തിൽ ഒന്ന് ചൂഴ്ന്ന് നോക്കിയ ശേഷം കുറച്ച് മിനറൽ വാട്ടർ മാത്രം കുടിച്ച് മെല്ലെ ഡോറ് തുറന്ന് നൈസ് ആയി തലപുറത്തിട്ട് നോക്കി…ടോം ആൻ്റ് ജെറിയിൽ ഉള്ള പോലെ എൻ്റെ തലയ്ക്ക് മുകളിൽ പിള്ളാരുടെ ഓരോരുത്തരുടെ തലയും വന്നുകൊണ്ടിരുന്നു…
” സുഭാഷ്….കുഴി നീളത്തിൽ വെട്ടാം… ”
വരാന്തയുടെ അങ്ങേ മൂലയിൽ ഫോണും ചെവിടോടടുപ്പിച്ച് നിൽക്കുന്ന ദിവ്യയേയും തൊട്ടടുത്ത് നിൽക്കുന്ന ചേട്ടത്തിയേയും കണ്ടതോടെ വായിൽ നിന്ന് ഉടയ തമ്പുരാൻ പൊറത്ത് വരുത്തിയ ഡയലോഗ് ആയിരുന്നു അത്…
