” ആ………….ഹ്……. ”
പക്ഷെ പെട്ടെന്ന് ആയിരുന്നു പടത്തിൽ നിന്നൊരലർച്ച വന്നത് അതോടെ അമ്മേന്ന് കൂവി ദിവ്യ എൻ്റെ മേത്തേക്ക് ചാഞ്ഞു…ഒരു നിമിഷം ഞാനും ചെറുതായി പേടിച്ചു പോയി…അത് ഒട്ടും പ്രതീക്ഷിച്ചിലായിരുന്നു ഈ ഒരു സമയത്ത്…
” നായിൻ്റെ മോള് പ്രേതം….ആ ഫ്ലോ അങ്ങ് പോയി…നിന്നോടൊക്കെ വല്ല കത്തനാരും ചോദിക്കുമെടി പുല്ലേ… ”
ഞാൻ സ്ക്രീനിലെ പ്രേതത്തെ നോക്കി പ്രാകി…അത് കേട്ടതും ദിവ്യ നെഞ്ചിൽ കിടന്ന് കുണുങ്ങി ചിരിക്കാൻ തുടങ്ങി… പിന്നീടങ്ങോട്ട് ഒന്നും നടന്നില്ല..അല്ല നടത്തിയില്ല ആ എരണം കെട്ട പ്രേതം…ഇങ്ങനെ ഉണ്ടോ ശവങ്ങൾ… അതൊക്കെ നമ്മുടെ നാട്ടിലെ പ്രേതം…ഓഹ് ആ യക്ഷിയും ഞാനിലെ ആതിര…ഓഫ്…എന്നാ ഒരു ഐശ്വര്യമാന്നേ…. ഇതൊരുമാതിരി നായിൻ്റെമോള്….ഇനി പറഞ്ഞിട്ട് കാര്യമില്ല യോഗമില്ല…. അങ്ങനെ വീണ്ടും ആ പ്രേതത്തേയും പ്രാകി കൊണ്ട് പടം ഇരുന്ന് കണ്ടു…
” ൻ്റമ്മോ….ചത്തില്ല….ഓരോ ഒലക്ക ഉണ്ടാക്കി എറക്കികോളും മനുഷ്യനെ പേടിപ്പിക്കാൻ… ”
ഒടുക്കം പടം കഴിഞ്ഞതും കഴുകൻ്റെ കൈയീന്ന് രക്ഷപെട്ട കുയിലിൻ്റെ കുട്ടിയെ പോലെ ദിവ്യ നെടുവീർപ്പിട്ടുകൊണ്ട് പറഞ്ഞു…അത് കണ്ട് എനിക്ക് കളിയാക്കാൻ തോന്നിയെങ്കിലും ചെയ്തില്ല…അല്ലെങ്കിൽ ആ പ്രേതത്തിനുള്ളത് ചിലപ്പോൾ ഞാൻ വാങ്ങണ്ടി വരും…അതോടെ മറുപടിയൊന്നും കൊടുക്കാതെ ഒന്ന് ചിരിച്ച ശേഷം അതിനേയും തൂക്കി ഞാൻ പുറത്തേക്കിറങ്ങി…
” അല്ല മാഡത്തിന് ഇന്ന് ഡ്യൂട്ടികൊന്നും പോണ്ടേ… ”
തീയറ്ററിന് വെളിയിൽ ഇറങ്ങിയതും ഞാൻ അവളോട് ചോദിച്ചു…
” ഇല്ല…ഇന്ന് ഓഫ് ആ…അതല്ലേ ഞാൻ പിന്നെ ഇയാളെ കാണാൻ പറ്റിലെന്ന് ഓർത്തപ്പൊ ഓടി പിടിച്ച് വന്നത്… ”
കൈവിരലുകൾ തമ്മിൽ ചേർത്ത് കൊണ്ടവൾ എന്നെ നോക്കി പുഞ്ചിരിയോടെ പറഞ്ഞു…
” അയ്യടാ നല്ല സോപ്പിടൽ ആണല്ലോ…സന്തൂർ മമ്മി… ”
അവളുടെ വാക്കുകൾ കേട്ട് ഞാൻ ചുമ്മാ കളിയാക്കി പറഞ്ഞു…
” സന്തൂർ മമ്മി അല്ല മെഡിമിക്സ്സ് കുഞ്ഞമ്മ…പോയി വണ്ടി എടുത്ത് വാ ചെക്കാ… ”
കളിയാക്കിയത് ഇഷ്ടപെടാത്തെ എന്നെ മുന്നോട്ട് തള്ളിക്കൊണ്ടവൾ പറഞ്ഞു…
അങ്ങനെ അവിടെ നിന്നും പിന്നെ അടുത്തുള്ള നല്ല ഒരു ഹോട്ടലിൽ കേറി ഭക്ഷണവും കഴിച്ച് ചുമ്മാ കുറച്ച് നേരം നമ്മുടെ കടൽ പാലത്തിൽ ഒക്കെ ചിലവഴിച്ചു…ഈ സമയം ഒക്കെയും എൻ്റെ കൈയിൽ തൂങ്ങിയാണെൻ്റെ പെണ്ണുണ്ടായിരുന്നത്…അതിനിടയ്ക്ക് ചേട്ടത്തിയുടെ കോൾ ഒക്കെ വന്നാർന്നു… പുള്ളിക്കാരിയോട് കുഞ്ചൂസാണ് മറുപടി പറഞ്ഞത്…അങ്ങനെ കുറച്ച് നേരം തിരയും എണ്ണി ഇരുന്ന ശേഷം അവിടെ നിന്നും മടങ്ങി…
” അപ്പൊ ഇനി എന്താ പരിപാടി ചേട്ടാ… ”
വീടിനടുത്ത് ഡ്രൊപ്പ് ചെയ്തപ്പൊ വണ്ടിയിൽ നിന്നും ഇറങ്ങിയ ശേഷം കക്ഷി ഒരു പുഞ്ചിരിയോടെ എന്നോട് തിരക്കി…ലവളുടെ ചിരിയിൽ ചില സമയം ഞാൻ അങ്ങ് ഇല്ലാണ്ടാവുന്നുണ്ട് കേട്ടോ…
” പ്രത്യേകിച്ച് ഒന്നൂല്ല മേഡം… വീട്ടിൽ പോണം ഫ്രഷാവണം ഹോസ്പിറ്റൽ പോണം അത്രന്നെ… പിന്നെ ആകെ ഉള്ള ഒരു ചടപ്പ് അവിടെ മാഡം ഉണ്ടാവില്ല എന്നോർക്കുമ്പോഴാ… “
ഞാൻ തിരിച്ചൊരു പുഞ്ചിരിയോടെ മറുപടി നൽകി…
” ആണോ…പാവം… എൻ്റെ പൊന്നുമോൻ സഹിച്ചോട്ടോ…വേറെ വഴിയില്ല…. ”
അവളുടെ സ്ഥിരം പരിപാടി തന്നെ എൻ്റെ മൂക്ക് പിടിച്ച് ആട്ടികൊണ്ട് മറുപടി പറഞ്ഞു…
” എന്നാപിന്നെ വൈകികേണ്ടാ…വിട്ടോ മോനെ ദിനേശാ… ”
അവൾ കുണുങ്ങി ചിരിച്ചു കൊണ്ട് യാത്ര പറഞ്ഞു…
” അങ്ങനെ ആവട്ടെ മോളെ ദിനേശാ… ”
അവളുടെ കവിളിനൊരു തട്ട് കൊടുത്ത ശേഷം ഞാനും യാത്ര പറഞ്ഞ് അവിടെ നിന്നും വീട്ടിലേക്ക് തിരിച്ചു…
തുടരും…..
