” ഹലോ മാഡം അങ്ങനങ്ങ് പോയാലോ… ”
ഡോറ് തുറന്ന് പോകാൻ തുടങ്ങിയ അവളുടെ കൈയ്യിലേക്ക് കയറി പിടിച്ചു കൊണ്ട് ഞാൻ പറഞ്ഞു…
” അയ്യോ…വിട് ആരേലും കാണും… ”
അവളൊന്ന് കൈ കുടഞ്ഞ് മാറ്റാൻ ശ്രമിച്ചു..
” ഓ ഇപ്പൊ മോൾക്ക് അതൊക്കെ ഓർമ്മയുണ്ടല്ലേ… എന്നിട്ട് രാവിലെ ബാക്കിയുള്ളവനെ ആളുകളുടെ മുന്നിൽ നാറ്റിച്ചപ്പൊ ഇങ്ങനൊന്നും കണ്ടില്ലല്ലോ… ”
ഞാൻ ചിരിച്ചുകൊണ്ട് രാവിലത്തെ സംഭവം അവളെ ഓർമ്മിപ്പിച്ചു
” അത് പിന്നെ പെട്ടെന്ന്…അന്നേരം ഞാൻ അറിയാതെ… ”
അവൾ തല ഉയർത്താതെ താഴെ നോക്കി വിക്കി വിക്കി പറഞ്ഞു
” അറിയാതയോ…എന്നെ കൊണ്ടൊന്നും പറയിപ്പിക്കണ്ട ടീച്ചർമാര് വരെ കണ്ടു… മനുഷ്യനെ നാണം കെടുത്തിയിട്ട്… ”
ഞാൻ കപട ദേഷ്യം മുഖത്ത് വരുത്തി അവളുടെ കൈ വിട്ടു…
” ഞാൻ എന്ത് ചെയ്യാനാ പെട്ടെന്ന് ഓരോന്ന് തൻ്റെ വായീന്ന് കേട്ടപ്പൊ അങ്ങനെ പറ്റി പോയി…ക്ഷമി… തന്നത് ഞാൻ തിരിച്ചെടുക്കാം പോരേ… ”
പറഞ്ഞു തീർന്നതും അവളെന്നെ ഒന്ന് വരിഞ്ഞു മുറുക്കിയ ശേഷം തിരിഞ്ഞൊരൊറ്റ ഓട്ടമായിരുന്നു…ഞാൻ ഷോക്കടിച്ച കാക്കയെ പോലെ ഉറ്റ നിൽപ്പും…അവളുടെ ഭാഗത്ത് നിന്ന് അങ്ങനെ ഒരു നീക്കം ഞാൻ പ്രതീക്ഷിച്ചില്ല….ഇവളെൻ്റെ കിളി ഇടയ്ക്കിടെ പറത്തുന്നുണ്ട്…എത്രനേരം ആ കിളി പോയ അവസ്ഥയിൽ നിന്നെന്ന് ഓർമ്മയില്ല…പിന്നെപ്പഴോ സ്വബോധം വന്നപ്പൊ കിടന്നുറങ്ങി…പിറ്റേന്ന് നന്ദുവിൻ്റെ വിളികേട്ടാണ് എഴുന്നേറ്റത്…
” ഡാ മൈരേ കിനാവ് കണ്ട് നിൽക്കാതെ എഴുന്നേറ്റ് വേഗം പോകാൻ നോക്ക്… “
അവനെന്റെ കവിളിൽ തട്ടി വിളിച്ചപ്പോൾ ഞാൻ മനസ്സില്ലാമനസ്സോടെ കണ്ണുതുറന്നു… ഇന്നലത്തെ ഹാങ്ങോവർ വേണ്ടുവോളം ഉണ്ട്…വെള്ളം അടിച്ചതിൻ്റെ അല്ല ഒരു പെണ്ണുപിടിച്ചതിൻ്റെ…പക്ഷെ ചെറിയ ഒരു തിരുത്തുണ്ട് ഞാനലല്ലോ അവളാണല്ലോ പിടിച്ചത്…അപ്പൊ ഇനി അത് ആണ്പിടിച്ചതാവ്വോ…??ഞാൻ ഓരോന്ന് മനസ്സിൽ ആലോചിച്ച് അവിടെ തന്നെ കിടന്നു..
” നീ സ്വപ്നം കണ്ട് തീർന്നില്ലേ…അവന്മാരൊക്കെ പോയി… ”
അതുവിൻ്റെ വിളി കേട്ടാണ് ഞാൻ വീക്ഷണകോണിൽ നിന്നും ഞെട്ടിയത്… അതോടെ ചാടി ബെഡ്ഡിൽ നിന്നും എഴുന്നേറ്റ് ബാത്റൂമിലേക്ക് വിട്ടു…
” ഈയിടെയായി വീണ്ടും ഞെട്ടലും സ്വപ്നം കാണലും ഒക്കെ വീണ്ടും തുടങ്ങിയിട്ടുണ്ടല്ലോ മോനെ…മനസ്സിലാവുന്നുണ്ട്…. ”
ബാത്റൂമിൽ നിന്നും തിരിച്ചിറങ്ങിയ എന്നെ തേടി അവൻ്റെ സംസാരവും രാവിലെ തന്നെ ഒരു ഊമ്പിയ ചിരിയും കിട്ടി…
” എന്ത്… ഒന്ന് പോടാ…ആൻ്റി വന്നില്ലേ… ”
” മ്മ്…മ്മ്…ആൻ്റി ഒക്കെ വന്നോളും മോൻ ചെന്ന് പെണ്ണ് കാണ്…സോറി പെണ്ണ് കാണാൻ കൂട്ട് ചെല്ല്… ”
എൻ്റെ ചോദ്യത്തിന് കിട്ടിയ ഉത്തരം അവനെനിക്കിട്ട് ഒന്ന് കുത്തി പറഞ്ഞപോലെ തോന്നി…
” അതെന്താടാ അങ്ങനൊരു ടെല്ലിങ്ങ്…. ”
ഞാൻ ചാവി എടുക്കുന്ന കൂട്ടത്തിൽ അവനെ നോക്കി പറഞ്ഞു
” അല്ല നീ ഓൾറെഡി കണ്ടുവച്ചല്ലോ….ഇനി ഉറപ്പിച്ചാ പോരെ… ”
അവൻ വീണ്ടും ആ ഊമ്പിയ ചിരിയോടെ എനിക്ക് മറുപടി തന്നു…ഇതിനു മാത്രം ഊമ്പിയ ചിരികൾ ഇവൻ്റെയൊക്കെ ഉള്ളിൽ എവിടെയാ ഒളിപ്പിച്ചു വെക്കുന്നത്…
” ഡാ മൈരേ നിനക്കെന്തിൻ്റെ കേടാ…ഇനിയും പിച്ചും പേയും പറഞ്ഞാ നിന്റെ മറ്റെ കാലും ഞാൻ തല്ലി ഒടിക്കും… ”
ഞാൻ അവൻ്റെ പോക്ക് മനസ്സിലായപ്പോൾ ഒന്ന് കടുപ്പത്തിൽ തന്നെ പറഞ്ഞു
” ഓ… അപ്പൊ പിന്നെ കുറേ കാലം കൂടി ഇവിടെ നിന്ന് അവളുടൊപ്പം സുഖിക്കാല്ലോ… ”
എൻ്റെ ഒരു ഭീഷണി അവൻ്റടുത്ത് വിലപ്പോകില്ല എന്ന് അടിവരയിട്ട് പറയുന്നതായിരുന്നു ആ തെണ്ടിയുടെ മറുപടി…
” ഈ മൈരനെ കൊണ്ട്… ”
ഞാൻ അടുത്തുള്ള ബെഡ്ഡിൽ നിന്നും ഒരു തലയണ എടുത്ത് അവൻ്റെ നേരെ എറിഞ്ഞ് തിരിഞ്ഞു നടന്നു…വാതിലിന്റെ പടിക്കലെത്തിയതും അവൻ്റെ പെങ്ങള് നീതു വരുന്നുണ്ടായിരുന്നു…
” ഇതാരെ കൊല്ലാൻ പോകുവാ അജ്ജുവേട്ടാ ഇത്ര ചൂടിൽ… ”
അവളെന്റെ വരവ് കണ്ട് ചോദിച്ചു
” കൊല്ലാനല്ല…രക്ഷപെടുവാ…നിന്റെ പ്രാന്തുള്ള ചേട്ടൻ്റെ കയ്യീന്ന്…. “
ഞാൻ അകത്തുള്ള തെണ്ടിയെ നോക്കി അവൾക്ക് മറുപടി കൊടുത്തു…അതിനവളുടെ വക ഒരു ചിരി ഫ്രീയായിട്ട് കിട്ടി…