” വല്ല പഞ്ഞിയും വാങ്ങി അവൻ്റണാക്കില് കേറ്റിക്കോ…അല്ലേൽ നിനക്കിവിടെ സ്വസ്ഥത കിട്ടില്ല… ”
ഞാൻ അവളെ നോക്കി ഒരു മുന്നറിയിപ്പ് കൊടുത്ത് പുറത്തേക്ക് നടന്നു…
” വേണ്ട..ഈ കഞ്ഞിയുടെ വായിൽ പഞ്ഞി കുത്തികേറ്റി ആ പഞ്ഞിയുടെ വില എന്തിനാ കളയുന്നേ… ”
അവനേയും ഊക്കി അവളെനിക്ക് തന്ന ആ മറുപടി എനിക്ക് വല്ലാതെ ഇഷ്ടപ്പെട്ടു…അതൊരും വൂമ്ചിക്കാ വാവാ ഷോട്ടായിരുന്നു…തിരിഞ്ഞവളെ നോക്കി ഒരു ചിരിയും പാസാക്കി…വേഗം പാർക്കിംഗിലേക്ക് വിട്ടു…
” അതേ എന്നെ കൂടി ഒന്ന് കൊണ്ടോവ്വോ… ”
വണ്ടി എടുക്കുമ്പോൾ പുറകീന്ന് ഒരു വിളി കേട്ടാണ് ഞാൻ തിരിഞ്ഞു നോക്കിയത്
” ആ ഇതാര്… വീണ്ടും കെട്ടിപിടിക്കാനാണോ… ”
ദിവ്യയെ കണ്ടപ്പോൾ അവളെ ഒന്നിളക്കാൻ ഞാൻ തീരുമാനിച്ചു…
” ദേ…ഒരു ലിഫ്റ്റ് ചോദിക്കാൻ വന്നാ കളിയാക്കുന്നത് അത്ര നല്ല ശീലമല്ല… ”
നമ്മുടെ കളിയാക്കൽ അത്ര ദഹിച്ചില്ലെന്ന് തോന്നുന്നു… പുള്ളിക്കാരിയുടെ മുഖം ഒക്കെ ചെറുതായൊന്ന് ചുവന്നു…
” ആണോ…എന്നാ എനിക്കത്ര നല്ല സ്വഭാവം അല്ല…. ”
” അതെനിക്ക് അറിയാം… ”
അവളെന്നെയും കടന്ന് ദേഷ്യത്തോടെ മുന്നോട്ട് നടന്നു…
” മ്മ് പോവ്വാണോ…വാ കേറ്… ”
അവളുടെ ദേഷ്യപ്പെട്ടുള്ള പോക്ക് കണ്ട് ഞാൻ പുറകീന്ന് വിളിച്ചു…
” ഓ വേണ്ടാ…ഈ നാട്ടിൽ ബസ്സും ഓട്ടോയും ഒക്കെയുണ്ട്… ”
നടക്കുന്നതിൻ്റെ വേഗത കൂട്ടി തിരിഞ്ഞുനോക്കാതെ അവളെനിക്ക് മറുപടി തന്നു…അതോടെ വണ്ടി സ്റ്റാർട്ട് ആക്കി മുന്നോട്ടെടുത്ത് ഞാനവൾക്ക് കുറുകെ നിർത്തി…
” ബസ്സിലൊക്കെ പോകാൻ തീരുമാനിക്കുമ്പോൾ സൂക്ഷിക്കണം പണ്ടത്ത പോലെയല്ല മോൾക്ക് വേണ്ടപ്പെട്ടവർ ഒരുപാട് ഉണ്ടവും ഇപ്പൊ… ”
ഞാൻ ഒരാക്കിയ ചിരിയോടെ അവളെ ഇന്നലെ നടന്ന കാര്യം ഓർത്തൊന്ന് പേടിപ്പിച്ചു…അത് ഏതായാലും ഏറ്റു സ്വിച്ചിട്ടപോലെ നിന്ന ശേഷമവൾ ചാടി വണ്ടി കേറി…
” അല്ല ബസ്സിൽ പോന്നില്ലേ… ”
” ടിക്കറ്റെടുക്കാൻ പൈസയില്ല….എന്തൊക്കെ അറിയണം ഒന്ന് വണ്ടിയെടുക്കുവോ… ”
പുറകീന്ന് അവളുടെ പതിഞ്ഞ സ്വരത്തിൽ ഉള്ള മറുപടി വന്നപ്പോൾ ചിരിപൊട്ടിയെങ്കിലും കടിച്ചു പിടിച്ചു ഞാൻ വണ്ടി മുന്നോട്ടെടുത്തു… പിന്നെ
കുറച്ച് നേരത്തേക്കൊന്നും ഞങ്ങൾ സംസാരിച്ചില്ല…
” അതേ ഞാൻ ഒരു കാര്യം ചോദിക്കട്ടെ… ”
കുറച്ചു നേരത്തെ മൗനത്തിന് ഞാൻ കർട്ടനിടാൻ തീരുമാനിച്ചു…
” മ്മ്… ”
മറുപടിയായി പുറകീന്നുള്ള അവളുടെ മൂളലും വന്നു
” വല്ല ലൈനും ഉണ്ടോ… ”
ഞാൻ മടിച്ചു നിൽക്കാതെ കാര്യം ചോദിച്ചു…
” എന്ത്…. ”
ഞെട്ടികൊണ്ടുള്ള അവളുടെ മുഖം മിററിലൂടെ ഞാൻ കണ്ടു
” വല്ല ലൈനും ഉണ്ടോന്ന്…ന്താ ചെവി കേട്ടൂടെ… ”
ഞാൻ ഇത്തവണ കുറച്ച് ശബ്ദം കൂട്ടി ചോദിച്ചു
” എനിക്കങ്ങനൊന്നൂല്ല്യ… ”
അവൾ തലതാഴ്ത്തിയാണ് മറുപടി പറഞ്ഞത്…അതും മിററിലൂടെ ഞാൻ കണ്ടു…എന്താലും മിററ് കൊണ്ട് ഇങ്ങനെ ഒരു ഗുണമുണ്ടായി…
” അതിന് തൻ്റെ കാര്യം ആർക്കറിയണം….ഞാൻ ഇയാളുടെ കൂട്ടുകാരി ശ്രദ്ധയുടെ കാര്യമാണ് ചോദിച്ചത്… ”
ഞാൻ ഒരു പൊട്ടിചിരിയോടെ പറഞ്ഞു… അതോടെ ആവളാകെ ചമ്മി നാറി…മുഖത്ത് എന്തൊക്കെയോ ഭാവങ്ങൾ….പക്ഷെ അവൾക്കറിയില്ലലോ ഇതെൻ്റെ ഒരുവെടിക്ക് രണ്ടു പക്ഷി കളിയാണെന്ന്….
” അതങ്ങ് ആദ്യേ പറഞ്ഞാൻ പോരേ…അവളുടെ കാര്യമാണെന്ന്… ”
പുറകീന്ന് ഇച്ചിരി കലിപ്പോടെ അവളുടെ ശബ്ദം ഉയർന്നു…
” അതിന് ഞാൻ തൻ്റെ കാര്യം ആണെന്നും പറഞ്ഞില്ലല്ലോ..താൻ ആർക്കാണെന്നൊട്ട് ചോദിച്ചുമില്ല…അതെന്റെ കുറ്റാണോ… ”
ഞാൻ പരമാവധി ചിരിയടക്കാൻ പാടുപെട്ടു… എന്നാലും കുറച്ചൊക്കെ പുറത്തു വന്നു…
” പോടാ പട്ടി… ”
പുറകീന്ന് അവളുടെ പതിഞ്ഞ വിളി പക്ഷെ ഞാൻ കേട്ടു…
” ഒക്കെ മനസ്സിൽ തീരുമാനിക്കുവേം ചെയ്യും… എന്നിട്ട് നമ്മളെ പട്ടീന്നും…എന്താല്ലേ… ”
ഞാൻ ആരോടെന്നില്ലാതെ പറയും പോലെ പറഞ്ഞു…പക്ഷെ അതവിക്കിട്ട് വച്ചതാണെന്ന് അവൾക്ക് മനസ്സിലായി…
” വണ്ടി നിർത്തിയേ…എനിക്കിറങ്ങണം…. “
എൻ്റെ ചൊറി സഹിക്കാൻ പറ്റാതെ വന്നപ്പൊ അവൾ പറഞ്ഞു…
“പറ്റില്ല…ഇതെന്താ താൻ പറയുമ്പൊ നിർത്താനും ഓടിക്കാനും ഞാനിയാളുടെ ഡ്രൈവറൊന്നുമല്ല… ”