അവൻ ഒരു കൂസലുമില്ലാതെ എന്നെ ഊക്കാൻ വന്നവളെ എടുത്ത് ഭിത്തിയിൽ ചേർത്തപ്പോൾ ഒരു കാര്യം എനിക്ക് മനസ്സിലായി… വെറുതെ അല്ല എൻ നൻപനെ പോൽ യാറുമില്ലേന്നൊക്കെ തൊണ്ട കീറി ഒരോ പാട്ട് ആൾക്കാര് പാടുന്നേന്ന്…. എന്തായാലും അവൻ്റെ ഡയലോഗിൽ അവളും കൂട്ടത്തിലെ വാലുകളും ഈച്ച പൂച്ചിയിട്ടപോലെ പെട്ടന്നങ്ങ് വലിഞ്ഞു…വയറ് നിറച്ച് കിട്ടിയല്ലോ…
” അളിയാ മുത്തേ അത് പൊളിച്ചു…. ”
ഞാൻ അവൻ്റെ തോളിലൂടെ കൈയിട്ടുകൊണ്ട് പറഞ്ഞു…
” ഒന്ന് പോടാ മതി നിന്റെ കൊണ…അല്ലപിന്നെ അവൻ ചമ്മി നാറി നടക്കുന്നു…അതിനുമാത്രം നിൻ്റേം അവളുടേം ക്ലിപ്പിറങ്ങിയല്ലോ… ”
അവൻ എൻ്റെ കൈ തട്ടി മാറ്റി മുന്നോട്ട് നടന്നു… പക്ഷെ ഞാൻ വിടാതെ പിടിച്ചു കാരണം അവൻ്റെ വാക്കുകൾ ഏറക്കുറെ എൻ്റെ മനസ്സ് ഉൾകൊണ്ട് കഴിഞ്ഞിരുന്നു…
” ഡാ എന്നാലും ആരായാലും ചമ്മിപോവില്ലേ അതാ ഞാൻ…. ”
” പിന്നെ രണ്ട് പേര് കെട്ടിപിടിച്ചാ ഇവിടെ ആകാശം ഇടിഞ്ഞു വീഴ്വോ..?? നീയൊക്കെ ഇപ്പോഴും 70കളിൽ ജീവിച്ചോ മൈരേ… ”
അവൻ എന്നെ നോക്കി ഒരു പുച്ഛ ചിരിയോടെ പറഞ്ഞു
” എൻ്റെ പൊന്നേ വിട്….ഞാൻ അവളുമാരുടെ കിണി കണ്ടോണ്ടാ… ”
” പിന്നെ അവളുമാരുടെ വീടിന്റെ തിണ്ണയിൽ കേറി നിന്നല്ലേ നീയും അവളും കെട്ടിപിടിച്ചിരുന്നെ…ഒന്ന് പോടേയ്…. ”
” എൻ്റെ പൊന്നു മൈരേ നിർത്ത്… ഞാൻ ഇപ്പൊ ഓക്കെയാ…ഇനി ഏതവള് വന്നാലും എനിക്കൊരു മൈരുമില്ല…പോരേ… ”
ഞാൻ അവസാനം സഹിക്കെട്ട് അവനെ നോക്കി കൈകൂപ്പി… അതോടെ ഒരു വളിച്ച ചിരി അവൻ്റെ മുഖത്ത് വന്നു… അപ്പോഴേക്കും ക്ലാസും എത്തിയിരുന്നു… ക്ലാസിലേക്ക് കയറുമ്പോൾ ആരുടെ മുഖത്തും വലിയ ഭാവമാറ്റം ഒന്നും കണ്ടില്ല അപ്പൊ തന്നെ ഞാൻ ഉറപ്പിച്ചു ഇവറ്റകളൊന്നും അറിഞ്ഞിട്ടിലെന്ന്…അല്ല എനി അറിഞ്ഞാൽ എന്താ…?? നന്ദു ഇസ് തി സീക്രട്ട് ഓഫ് മൈ എനർജി… അവനുണ്ടല്ലോ കൂടെ പിന്നെന്ത് പേടിക്കാൻ…
പിന്നെ ഒന്നും രണ്ടും ആലോചിച്ച് ക്ലാസിലങ്ങനെ ഇരുന്നു…മാഷ് ഇക്വേഷനുകൾ കൊണ്ട് ബോർഡിൽ സവാരി ഗിരി ഗിരി നടത്തുമ്പോൾ എൻ്റെ മനസ്സ് ദിവ്യയെ തേടി എപ്പോഴോ പോയിട്ടുണ്ടായിരുന്നു…എന്തോ ആ നിമിഷം കണ്ണിൽ നിന്ന് മായുന്നേ ഇല്ല അവളുടെ അജ്ജൂന്നുള്ള ആ വിളിയും ശരീരം വലിഞ്ഞ് മുറുക്കി ഉള്ള വാരിപ്പുണരലും ഓർത്തപ്പോൾ അറിയാതെ മുഖത്തൊരു ചീരി വന്നു…
” ഹലോ….ഏത് ലോകത്താ… ”
” അത് പിന്നെ സാർ ”
പെട്ടെന്നൊരു വിളി കേട്ട് ഞാൻ ഞെട്ടികൊണ്ട് കണ്ണ് മിഴിച്ചു…അപ്പോഴാണ് മനസ്സിലായത് മുന്നിൽ സാറുമില്ല ഒരു പൂറുമില്ലാന്ന് വിളിച്ചത് നന്ദുവായിരുന്നു…
” ഓ നീയായിരുന്നോ ഞാൻ കരുതി സാറാണെന്ന്… ”
ഞാൻ ചമ്മിയ മുഖഭാവത്തോടെ അവനെ നോക്കി
” നിനക്ക് തോന്നും…അത് നിൻ്റെ ഒറ്റയ്ക്കുള്ള കിണി കണ്ടപ്പോളെ എനിക്ക് തോന്നി… പിന്നെ പ്രേമം തോന്നിയാ ബോധം പോവുന്നത് സർവസാധാരണമാണല്ലോ… ”
അവൻ ഒരാക്കിയ ചിരിയോടെ എനിക്ക് മറുപടി തന്നു…അപ്പൊ എന്നെ ഇവൻ ശ്രദ്ധിച്ചിരുന്നൂന്ന് എനിക്ക് മനസ്സിലായി…
” പ്രേമോ നീയെന്തൊക്കെയാടാ പറയുന്നേ…. ”
” മലയാളം… മാതൃഭാഷ എന്ത്യേ…. അവൻ കെടന്ന് പൊട്ടൻ കളിക്കുന്നു…എൻ്റടുത്ത് വേണ്ട നിൻ്റെ കളി…മതി വാ പോകാം… ”
എൻ്റെ കള്ളി കയ്യോടെ പിടികൂടിയത് കൊണ്ട് കൂടുതൽ കള്ളം പറയും മുന്നേ മറുപടിയും തന്ന് കൈയ്യും വലിച്ചവൻ പുറത്തേക്ക് നടന്നു….അല്ല ഇനി അവൻ പറയുംപോലെ എനിക്കവളോട് പ്രേമം ആയിരിക്കുവോ…??ഈ കാതൽ.. പ്യാർ…മൊഹബത്ത്…?? ആ എനിക്കറിയില്ല….
” അർജ്ജുൻ ഒന്നിവിടെ വന്നേ… ”
പുറകീന്നൊരു വിളി കേട്ടാണ് ഞങ്ങൾ നിന്നത്…ആര്യമിസ്സായിരുന്നു…
” അളിയാ രാവിലെത്തെ കാര്യം ഇത് കണ്ട് കാണുവോ…അതായിരിക്കുവോ ഈ വിളിയുടുദ്ദേശം ”
ഞാൻ എൻ്റെ ഉള്ളിൽ വന്ന സംശയം നന്ദുവിനു നേരെ നീട്ടി….
” അണെങ്കിലിപ്പെന്താ…?? ”
എൻ്റെ സംശയത്തിന് പുല്ല് വില കൽപ്പിക്കാതെ അവൻ ഒറ്റവാക്കിൽ മറുപടി തന്നു…
” അണ്ടി…നിനക്കങ്ങനൊക്കെ പറയാം അന്നേ എൻ്റെ മാനം പോയതാ… വല്ല പെങ്ങളുമാണെന്ന് പറയാം…. ”
ഞാൻ ആരോടെന്നില്ലാതെ പറഞ്ഞ് മിസ്സിനടുത്തേക്ക് നടന്നു…
” പിന്നെ രാവിലെ ആങ്ങളമാരുടെ കോളേജിൽ വന്ന് കെട്ടിപ്പിടിക്കുന്നതല്ലേ ഇപ്പൊ പെങ്ങമ്മാരുടെ പണി… ”