പുറകീന്ന് അവൻ്റെ ചിരിയോടുള്ള മറുപടി കേട്ട് തിരിഞ്ഞ് നിന്ന് ഞാനാ തെണ്ടിയെ ആംഗ്യഭാഷയിൽ തന്തയ്ക്ക് രണ്ട് വിളിച്ചു…എന്നിട്ട് വേഗം മിസ്സിനടുത്തേക്ക് വിട്ടു…
” എന്താ മിസ്സേ… ”
” ഒന്നൂല്ല്യ തൻ്റെ ഒബ്സർവേഷനിൽ ഒരു മിസ്റ്റേക്കുണ്ട് അത് കാണിച്ചു തരാനാ…. ”
എൻ്റെ ചോദ്യത്തിന് മിസ്സ് ഇന്നലെ സബ്മിറ്റ് ചെയ്യ്ത നോട്ട് നീട്ടിക്കൊണ്ട് പറഞ്ഞു…അതോടെ എനിക്ക് കുറച്ചാശ്വാസം തിരിച്ചു കിട്ടി…
” ഇതാ ഈ വാല്ല്യു മൊത്തം തെറ്റാ… ഒന്നുകൂടി കറക്ക്റ്റ് ചെയ്യണം… ”
മിസ്സ് എഴുതിയതിൽ തെറ്റുള്ള ഭാഗം ചൂണ്ടികാണിച്ചു…അതിന് ഞാൻ തലയാട്ടി…
” തലയാട്ടിയാൽ പോരാ… വേഗം കാണിക്കണം…അല്ലാതെ പുറത്ത് വല്ലവരേയും കെട്ടിപ്പിടിച്ചിരുന്നാൽ പോരാ… ”
മിസ്സ് ഒരാക്കിയ ചിരിയോടെ അത് പറഞ്ഞപ്പോൾ ഞാൻ ഞെട്ടി ചൂളിപ്പോയി… അപ്പൊ ഇതും കണ്ടോ…
” ഞെട്ടുവൊന്നും വേണ്ട..ഞാൻ കണ്ടായിരുന്നു… അത് തൻ്റെ ആരാ…?? ”
മിസ്സ് ചിരിയോടെ തന്നെ തിരക്കി…പക്ഷെ എനിക്ക് മറുപടി ഒന്നും വായിൽ വരുന്നുണ്ടായിരുന്നില്ല…അത് പിന്നെ അങ്ങനാണല്ലോ ആവിശ്യമുള്ളപ്പൊ ഒരു മൈരും വരില്ലല്ലോ…
” അത് പിന്നെ മിസ്സേ…ഫ്രണ്ട്… ”
ഞാൻ വാക്കുകൾ കിട്ടാതെ മിസ്സിനെ നോക്കി വിക്കി…കൂടെ എൻ്റെ ഓഞ്ഞ മോന്തയും….
” മതി മതി…നിന്നുരുകണ്ട…ഞാൻ കണ്ടുപിടിച്ചോളാം…മോൻ വിട്ടോ… ”
പുള്ളിക്കാരി എൻ്റെ അവസ്ഥ കണ്ട് ചിരിച്ചുകൊണ്ട് പറഞ്ഞു… അതോടെ ഞാൻ സ്ഥലം വിട്ടു…
പക്ഷെ അപ്പോഴും ഞാൻ മനസ്സിൽ ആലോചിച്ച ഒരു കാര്യമുണ്ടായിരുന്നു…മിസ്സിന്റെ ആ ഡയലോഗ് ” ഞാൻ കണ്ടുപിടിച്ചോളാം ” എന്ന്… എന്തിനായിരിക്കും പുള്ളിക്കാരി അത് പറഞ്ഞത്….? ഓടി ചെന്ന് നന്ദുവിനോട് കാര്യം പറഞ്ഞപ്പോൾ അവനും ഒന്നും പിടികിട്ടിയില്ല… അതോടെ വല്ലാത്ത ഒരു ആശയകുഴപ്പത്തിലായി… പിന്നെ അത് തന്നെ ആലോചിച്ചാൽ വട്ടാകും എന്ന് തോന്നിയപ്പോൾ പിന്നീട് വിട്ടുകളഞ്ഞു…അങ്ങനെ കോളേജ് സാധാരണഗതിയിൽ ചിലവഴിച്ച ശേഷം വൈകിട്ട് വീട്ടിലേക്ക് തിരിച്ചു…..
വീട്ടിലെത്തിയപ്പോൾ ഉമ്മറത്ത് അമ്മയും അമ്മായിയും ഉണ്ടായിരുന്നു… പുള്ളിക്കാരി അമ്മയുടെ ചേട്ടൻ്റെ ഭാര്യയാണ് തൊട്ടപ്പുറം തന്നെയാണ് താമസം…അമ്മാവൻ ഗൾഫിലാണ്….
” ഹലോ മാഡം എന്തുണ്ട്… ”
ഞാൻ ഉമ്മറത്തിരുന്ന അമ്മായിയോട് കുശലം പറയാൻ എന്നോണം ചോദിച്ചു…
” വെറെന്ത് നിന്നേയും കാത്തിരുന്നത് തന്നെ… ഒരു കാര്യമുണ്ട്… “
അവരെന്നെ തൊട്ടടുത്തിരുത്തി മറുപടി പറഞ്ഞു… അതിന് ഞാൻ എന്താണെന്ന് പുരികം ഉയർത്തി….
” ഡാ സൂര്യയ്ക്ക് ഒരു ആലോചന…നാളെ ഒന്ന് പെണ്ണ് കാണാൻ പോകണം…ആ ചെക്കൻ അമ്പിനും വില്ലിനും അടുക്കുന്നില്ല…അവനിപ്പൊ കല്ല്യാണം വേണ്ടാന്നാ പറയുന്നേ…നീ ഒന്ന് സമ്മതിപ്പിക്കടാ മോനേ… ”
അമ്മായി അവരുടെ മകൻ്റെ കാര്യമാണ് പറയുന്നത്…എൻ്റെ കസിൻ ചേട്ടൻ സൂര്യജിത്തിനെ പറ്റി… പുള്ളിക്കാരൻ ഒരു പാവം എൻജിനീയറാണ്… ജീവിതം ഇങ്ങനെ അടിച്ചു പൊളിക്കുന്ന മൊതല്…നല്ല കട്ട കമ്പനി ആണ് ഞങ്ങൾ…അതാ എന്നോട് പുള്ളിക്കാരി ഇടപെടാൻ പറയുന്നത്…
” ഇത്രേ ഉള്ളൂ നിങ്ങടെ ബിൽഡപ്പ് കണ്ടപ്പോൾ ഞാൻ വലിയ ആനക്കാര്യം ആണെന്ന് കരുതി…ഇത് ഞാൻ ഏറ്റു… ”
ഞാൻ അവരുടെ ആവശ്യം നിസ്സാരം എന്ന രീതിയിൽ തുറന്നു കാട്ടി…
“നീ ഏറ്റോ….അത് മതി….അപ്പൊ നമ്മുക്ക് നാളെ പോകാല്ലേ…നീ പറഞ്ഞാ അവൻ വന്ന് കാണും…അതികം ദൂരമൊന്നുമില്ല ഇവിടടുത്ത് തന്നാ…പെണ്ണ് കോളേജ് ലക്ക്ച്ചററാ… ”
” മ്മ്….കൊള്ളാം…ഒരു ടീച്ചറ് കുടുംബത്തിന് നല്ലതാ…എന്താലും നാളെ പോകാൻ ഉള്ള സെറ്റപ്പ് റെഡി ആക്കിക്കോ ബാക്കി ഞാൻ ഏറ്റു… ”
പുള്ളിക്കാരിക്ക് ഒരിക്കൽ കൂടി ഒരുറപ്പ് നൽകി അമ്മയുടെ തലയ്ക്ക് ചുമ്മാ ഒരു കൊട്ടും വച്ച് കൊടുത്ത് ഞാൻ മുറിയിലേക്കോടി…
കുറച്ചു നേരം ചുമ്മാ ഒന്ന് മയങ്ങിയ ശേഷം ഹോസ്പിറ്റലിലേക്ക് പോകാനുള്ള സമയമായപ്പോൾ പതിവുപോലെ ഫ്രഷായി താഴേക്കിറങ്ങി…
” അച്ഛൻ വന്നില്ലേ ഡോക്ടറേ… ”
ഞാൻ ഡൈനിംഗ് ടേബിളിൽ വച്ച ചായ ഊതി കുടിക്കുമ്പോൾ ഹാളിലിരുന്ന് ടീവി കണ്ട് കൊണ്ടിരിക്കുന്ന അമ്മയോട് ചോദിച്ചു…