സുധിയുടെ സാമീപ്യമാണ് അവൾക്ക് വിട്ട് പോവാൻ തോന്നാഞ്ഞത്.. അവൾ ജീവിതത്തിൽ കണ്ട ഏറ്റവും നല്ല മനുഷ്യനാണ് സുധി..
“” എന്തേ… പോവുന്നില്ലേ… ?””..
അവൾ നിന്ന് പരുങ്ങുന്നത് കണ്ട് സുധി ചോദിച്ചു..
“” ഉം… പോകാം… സുധി… ഉച്ചക്ക്… കഴിക്കാൻ വരുന്നോ… ?..
ഞാൻ ചോറുണ്ടാക്കാം…””..
“” അയ്യോ… വേണ്ട… ഞാൻ നിന്റെ വീട്ടിലേക്കേ ഇല്ല…
ആ കാലമാടൻ പറഞ്ഞത് ശാലു കേട്ടതല്ലേ..?”..
സുധി ചിരിയോടെ പറഞ്ഞു..
“” അയാളതൊക്കെ പറയും..സുധി വാ…
ഉച്ചക്ക് അവിടുന്ന് കഴിക്കാം… “..
“” പിന്നെയൊരിക്കെ ആകാം ശാലൂ…
ഇന്നുച്ചക്ക് വീട്ടീ ചെല്ലണം… “..
“” അല്ലാ.. സുധിക്ക് വീട്ടിലാരൊക്കെയുണ്ട്….?”..
“” അച്ചനും, അമ്മയുമുണ്ട്… രണ്ട് പെങ്ങൻമാരുമുണ്ട്… അവരുടെ കല്യാണം കഴിഞ്ഞു…”..
“”സുധിയുടെ…. കല്യാണം…?”..
“” കഴിഞ്ഞിട്ടില്ല… ഒന്ന് നോക്കി വെച്ചിട്ടുണ്ട്… “..
“” പ്രേമാ…?”..
“” അല്ല… വീട്ട് കാര് ആലോചിച്ചതാ…””..
“ശരിയെന്നാ… ഞാൻ പോട്ടെ… ?””..
സുധി പോക്കറ്റിൽ നിന്നും അഞ്ഞൂറിന്റെ ഒരു നോട്ടെടുത്ത് ശാലിനിക്ക് നീട്ടി..
“” ഇന്നാ, ഇത് ശാലൂന്റെ കൂലിയാ…””..
ശാലിനി അന്തം വിട്ട് ആ നോട്ടിലേക്ക് നോക്കി.
അഞ്ഞൂറിന്റെ നോട്ട് കണ്ട കാലം മറന്നിരിക്കുന്നു..
തന്റെ പണിക്കൂലിയാണത്..
അവൾക്ക് അഭിമാനം തോന്നി..
പക്ഷേ, അത് വാങ്ങാൻ പറ്റില്ല..
അതിന്റെ എത്രയോ ഇരട്ടി രൂപക്കുള്ള സാധനം സുധി വാങ്ങിത്തന്നിട്ടുണ്ട്..
അതിന്റെ കടം വീടിയിട്ട് മതി കൂലി വാങ്ങുന്നത്..
“” വേണ്ട… ഇത് വേണ്ട… വീട്ടിലേക്കുള്ള സാധനങ്ങളൊക്കെ വാങ്ങിയതല്ലേ…
അതിന്റെപൈസ… തീർന്നിട്ട്… കൂലി മതി…””.
അവളാപൈസ വാങ്ങാൻ കൂട്ടാക്കിയില്ല..
“ അതിന്റെ കടം നമുക്ക് പിന്നെ തീർക്കാം… ആദ്യം നീ ഇത് പിടി…”..
“” വേണ്ട സുധീ… “..
“” ഇതങ്ങോട്ട് വാങ്ങെടീ… “..
സുധി അവളുടെ കൈ പിടിച്ച് അഞ്ഞൂറിന്റെ നോട്ട് അവളുടെ കയ്യിലേക്ക് വെച്ച് കൊടുത്തു..
വേണ്ടാന്ന് വെച്ചിട്ടും ശാലിനിയുടെ കണ്ണുകൾ നിറഞ്ഞു..
“”ശാലൂ… പൈസക്കെന്തേലും ആവശ്യമുണ്ടേൽ ചോദിക്കാൻ മടിക്കരുത്… വേറെന്ത് ആവശ്യമുണ്ടെങ്കിലും ശാലൂന് എന്നോട് ചോദിക്കാം…
പിന്നെ, നിന്റെ കെട്ട്യോന്റെ കാര്യത്തിൽ നമുക്കൊരു തീരുമാനമുണ്ടാക്കണം…
ഇങ്ങിനെ അടിവാങ്ങിക്കൂട്ടേണ്ട ആവശ്യമൊന്നുമില്ല..
കുറേശെ പ്രതികരിക്കണം.. കേട്ടല്ലോ..?”..
ശാലു തലയാട്ടി..പിന്നെ കണ്ണുകൾ കൊണ്ട് യാത്ര പറഞ്ഞ് തോട്ടത്തിൽ നിന്നിറങ്ങി വീട്ടിലേക്ക് നടന്നു…
അമൂല്യമായൊരു നിധി പോലെ ആ നോട്ട് അവൾ കയ്യിൽ ചുരുട്ടിപ്പിച്ചു..
.✍️✍️✍️…
ഇപ്പോൾ മൂന്നാല് ദിവസമായി ശാലിനി പണിക്കിറങ്ങിയിട്ട്..
പുലർച്ചെ സുധി വന്ന് വെട്ടിയിട്ട് പോകും..
ആറരക്ക് ശാലിനി വന്ന് പാലെടുത്ത് ഡ്രമ്മിൽ കൊണ്ട് വന്ന് നിറക്കും..
തന്റെ ജോലി ശാലിനിക്കിഷ്ടമായി..
സുധിക്കും അവളുള്ളത് ആശ്വാസമായി..
എന്നും വൈകീട്ട് അഞ്ഞൂറ് രൂപയാണവൾക്ക് കൂലിയായി കിട്ടുന്നത്.. അതിനുള്ള പണിയൊന്നുമില്ലെന്ന് ശാലിനിക്കും, സുധിക്കുമറിയാം..
നാല് ദിവസം കൊണ്ട് തന്നെ ശാലിനിക്ക് ശരീരത്തിനും, മനസിനും മാറ്റമുണ്ടായി.. അവളിന്ന് സന്തോഷവതിയാണ്..
സുധിയെ എന്നുമവൾ ഊണിന് വീട്ടിലേക്ക് ക്ഷണിക്കുമെങ്കിലും, അവനെന്നും ഒഴിഞ്ഞ് മാറും..
ഇന്ന് ശാലിനിയുടെ പണി കഴിഞ്ഞിട്ടും സുധിയെ കണ്ടില്ല..
റബ്ബർ പാൽ നിറച്ച വലിയ ബാരൽ അടച്ച് വെച്ച് അവൾ ഫാമിൽ പോയി നോക്കിയെങ്കിലും അവിടെയും അവനെ കണ്ടില്ല.. അവൾക്ക് നിരാശ തോന്നി..
എന്തിനെന്നറിയാതെ അവൾക്ക് സങ്കടം വന്നു..