നിശാഗന്ധി 2

Nishgandhi Part 2 | Author : Vedan

[ Previous Part ] [ www.kambi.pw ]

---

 

ഒരു വെപ്രാളത്തോടെ പിന്നിലേക്ക് കൈ നീട്ടി ഞാനവളെ വിളിച്ചതും ഒരു പകപ്പോടെ

“” ന്താടി….?? “” ന്നും ചോദിച്ചു അവളെന്റെ തോളിൽ കൈ വച്ചു, മറുപടി പറയാതെ ഞാൻ ഭിത്തിയിലെ ഫോട്ടോയിലേക്ക് കൈ ചൂണ്ടി.

ന്റെ കാലുകൾ ഇടറുന്നപ്പോലെ, കണ്ണിൽ ഇരുട്ട് വന്ന് നിറയുന്നു, ജീവൻ ഉണ്ടെന്ന് തോന്നിക്കാൻ മാത്രം…. മാത്രം ഇടയ്ക്കിടെ ശ്വാസം എടുക്കുന്നുണ്ട്, ദൈവമേ നീയെന്നോട് ന്തിന് ഇത്ര ക്രൂരനാകുന്നു.
ഞബോലുമറിയാതെ ന്റെ കണ്ണിൽ നിന്നും ഒരു തുള്ളി അനുവാദമില്ലാതെ താഴേക്ക് പതിച്ചു.

“” നീ വന്നേ നോക്കാം നമ്മക്… “” ന്റെ അവസ്ഥ അറിഞ്ഞായിരിക്കാം അപർണ്ണ ന്നെ ചേർത്തുപ്പിടിച്ചു, ആ മുറിയിൽ മുഴുവൻ കുറെ ഫോട്ടോകളും കളിപ്പാട്ടങ്ങളും ബുക്കുകളും ക്കൊണ്ട് നിറഞ്ഞിരുന്നു, അതെല്ലാം ആ ഫോട്ടോയിൽ സിദ്ധുവിനോപ്പം ചേർന്നു നിറഞ്ഞ പുഞ്ചിരിയോടെ നിൽക്കുന്ന രണ്ടാളുടേം ഓർമ്മകൾ ആണെന്ന് നിക്ക് മനസ്സിലായിരുന്നു..

“” ആരാ ഇത്…?? “” അപർണ്ണ അതിലേക്ക് ഉറ്റ്നോക്കി സംശയം ഉന്നയിച്ചതും നിക്ക് കാര്യങ്ങൾ ഏകദേശം മനസിലായിരുന്നു.

ഞാൻ മറുപടി പറയാതെ നിറഞ്ഞ കണ്ണുകൾ വാശിയോടെ തുടച്ചു അവളുമായി വെളിയിലേക്ക് നടന്നു.
ഹാളിൽ അവനുണ്ടായിരുന്നു ഞങ്ങളുടെ വരവും കാത്ത്.
ഞാനത് വകവയ്ക്കാതെ ഡോറിനെ ലക്ഷ്യമിട്ടു.

“” മീനു… “” ആ വിളികേട്ട് നിക്ക് ദേഷ്യമാണ് വന്നത്, അവനെ നഷ്ടമായതിലുള്ള അമർഷം ഞാൻ പാവം അപർണ്ണയുടെ കയ്യിലാണ് തീർത്തത്, പിടിമുറുക്കിയ കൈകൾ ഞാൻ വാശിയോടെ വലിച്ചെറിഞ്ഞു

“” മീനുവോ….? ആരുടെ മീനു…. മീനാക്ഷി.. അതാണ് ന്റെ പേര്.. “”

ന്റെ ശബ്ദം അവിടെയാകെ മുഴങ്ങി. അവൻ അവിടെ നിന്നും മുന്നോട്ട് നടന്നു, അപർണ്ണ ഞങ്ങള് രണ്ടാളേം മാറി മാറി നോക്കി,

“” അപർണ്ണ… ഇത്രെയും നാള് ഞാൻ നിങ്ങളോടെല്ലാം കള്ളം പറഞ്ഞാണ് കൂടെ നിന്നതും, അടുത്തതും ഒക്കെ.. ഇല്ലെന്ന് പറയാനോ… അതിലൊരു ന്യായികരണം നിരത്താനോ നിക്ക് ആവില്ല… കാരണം തെറ്റെന്റെ ഭാഗത്താണ്…. അത് ഞാൻ സമ്മതിക്കുന്നു… ങ്കിലും നിക്ക് പറയാനുള്ളതുടെ കേൾക്കാൻ നിങ്ങള്‌ തയാറാകണം.. പ്ലീസ്.. “”

അവന്റെ വാക്കിൽ അത്രെയും സത്യസന്ധത നിറഞ്ഞിട്ടും ഞാൻ അത് പുച്ഛിച്ചു തള്ളി. കാരണം മറ്റൊന്നുമല്ല അവനോടുണ്ടായ ഇഷ്ടം അത് മാത്രം,

വെളിയിലേക്ക് പോകാൻ അപർണ്ണ യുടെ കൈ പിടിച്ചതും അവളത് ബലമായി കുതറിയെറിഞ്ഞു

“” ഓക്കേ… നീ പറ…ന്താ നിനക്ക് പറയാനുള്ളത്, “” അപർണ്ണ അവിടെകിടന്ന സോഫയിലേക്കിരുന്നു,

“” അപർണ്ണ… നീ ഇനിയും ഇവന്റെ വാക്ക് കേട്ട് ഇവിടിരിക്കാനാണോ ഭാവം…
നീ വരണുണ്ടോ ന്റെ കൂടെ.. “”

അവളുടെ വാക്ക് കേട്ടെനിക്ക് ദേഷ്യമാണ് വന്നത്.. ഇനിയും ന്തിന്…!

“” നിന്നെ ഇവിടെയാരും പിടിച്ചു നിർത്തിട്ടില്ല മീനു.. നിനക്ക് പോണോങ്കിൽ പോവാം..
ഇപ്പോളെന്നോട് സംസാരിക്കണമെന്നപേക്ഷിച്ചത് ഞാനറിയുന്ന സിദ്ധുവാണ്… നിന്നെപ്പോലെ ഇവനും ന്റെ സുഹൃത്താണ്. അപ്പോൾ അവൻ പറയുന്നത് കേൾക്കാൻ ഞാൻ ബാധ്യസ്ഥയാണ്, ഒപ്പം നീയും….!
വെറുതെ ഒരാൾ ഒന്നും ചെയ്യില്ലല്ലോ…!! അതിലെന്തെങ്കിലും കാര്യമുണ്ടാവുമല്ലോ…!
അതല്ലയിനി നിന്റെ പെർപ്പോസൽ ഇവൻ നിരസിച്ചതിലുള്ള വിധ്വാശമാണെങ്കിൽ സോറി മീനു.. നിനക്ക് പോകാം… “”

അത്രെയും പറഞ്ഞവൾ അടുക്കളയിലേക്ക് നടന്നു. എനിക്കാകെ ഭ്രാന്ത് പിടിക്കുന്നത് പോലെ… ആ ഹാളിൽ ഞാനും അവനും മാത്രം.. എന്റെ ഉള്ളിലെ ദേഷ്യമടങ്ങി അവൾ പറഞ്ഞപോലെ അവൻ പറയുന്നത് കേൾക്കാൻ കൂട്ടാക്കണം ന്ന് മനസ്സ് പറയുന്നു., ഞാനവിടെ സോഫയിൽ തലക്ക് കയ്യും കൊടുത്തിരുന്നു… ഉള്ളിൽ എന്തൊക്കെയോ തോന്നലുകൾ… ഒന്ന് കരയണം ന്നുണ്ട് പക്ഷെ…!

“” മീനാക്ഷി…. “” ഒരു കൈ ന്റെ തോളിലമർന്നു, ഞാൻ ആ കയ്യിലേക്ക് നോക്കിയതും അതവിടെ നിന്നും വേർപ്പെട്ടു.

“” നീ ന്നോട് കാണിക്കുന്ന ഈ ദേഷ്യം നിക്ക് മനസിലാകും.., അതെങ്ങനെ പറഞ്ഞു നിന്നെ സമാധാനിപ്പിക്കണമെന്ന് നിക്ക് അറിയില്ല.. “”