“” ഓടി ചെന്ന് കേറാൻ
നിന്റെ മാമനല്ല അവിടെ അഡ്മിഷൻ തരുന്നേ.. നീയൊന്ന് വെയിറ്റ് ചെയ്യടാ കുട്ടാ നമ്മക് ശെരിയാക്കാം.. “”
പിന്നെ കാര്യങ്ങൾ എല്ലാം പഠിക്കാൻ ആഗ്രഹമുള്ള ഞങ്ങളു രണ്ടാളും കൂടെ ശെരിയാക്കി ചെന്നപ്പോളേക്കും ക്ലാസ്സ് തുടങ്ങി രണ്ടാഴ്ച കഴിഞ്ഞിരുന്നു.. സാരമില്ല… പഠിക്കാൻ പോകുന്നോർക്കല്ലേ അതിനെ പേടിക്കണ്ടതുള്ളു, ഞങ്ങൾക്കതില്ലല്ലോ… നേരെ കോളേജിലേക്ക് ക്കുള്ള റൂട്ട് പിടിച്ചു,
ഞനൊരു ഹാഷ് കളർ ഷർട്ടും ബ്ലാക് ജീൻസുമാണ് ധരിച്ചിരിക്കുന്നത്,
ജന്മനാ കാണാൻ കൊള്ളാവുന്നത് കൊണ്ടും നല്ല ബോഡി ഉള്ളത് കൊണ്ടും വേറൊന്നും പറയാനില്ല,
കോളേജിൽ എത്തി
പ്രിൻസിപ്പലിനെ കണ്ട് സംസാരിച്ചു ഇറങ്ങിയപ്പോ വഴിയിൽ കണ്ടൊരുത്തനോട് ക്ലാസ്സും ചോദിച്ചു മനസിലാക്കി നേരെ അങ്ങോട്ട് വെച്ച് പിടിച്ചു,
“” ബ്രോ ഈ ഫസ്റ്റ് ഇയർ ബി കോം…?? ‘”
“” നേരെ പോയി മൂന്നാമത്തെ ലെഫ്റ്റ്.. “” അവനൊരു താങ്ക്സും പറഞ്ഞു ഞങ്ങളു ക്ലാസ്സ് ലക്ഷ്യമാക്കി നടന്നു,
ക്ലാസ്സ് കണ്ടുപിടിച്ചു അതിനുള്ളിലേക്ക് കയറാൻ ഒരുങ്ങിയ വിശാലിനെ ഞാൻ കോളറിൽ പിടിച്ചു തടഞ്ഞു,
“” ഓടി ചെന്ന് കേറനത് നിന്റെ കുഞ്ഞമ്മേടെ മാപ്പളയുടെ വീടൊന്നുവല്ല… ദേ…..നോക്ക് അതാണ് മിസ്സ്..അങ്ങനെയൊരു സാധനം ഇവിടുണ്ടാവും… അപ്പൊ അവരോട് അനുവാദം ചോദിച്ചിട്ടെ കേറാവു അതിലോട്ട്…. മനസിലായാ…””
അവനത് ഇഷ്ടപ്പെട്ടില്ല ന്ന് അവന്റെ മുഖം കണ്ടപോളെ മനസിലായി, ഞാൻ അതിന് വല്യ വില കൊടുക്കാൻ പോയില്ല, സംസ്കാരമില്ലാത്തവൻ… ഹ്മ്മ്..
“” മിസ്സ്… “” അവനകത്തേക്ക് നീട്ടി വിളിച്ചു, അകത്തു നിന്നവരും മിസ്സും എല്ലാം അവനെ ഒന്ന് നോക്കി, അവന്റെ പിന്നിലായി ഒളിച്ചു നിന്നിരുന്ന ഞാൻ അവിടെ തന്നെ മാറാതെ നിന്നു,
“” മ്മ് ആരാ….ന്ത് വേണം…?’” ന്നായിരുന്നു മിസ്സിന്റെ മറുപടി…
ഒരു വർഷത്തിന് ശേഷം പഠിക്കാൻ ആഗ്രഹവുമായി വന്ന ഞങ്ങളോട് ചോദിച്ച ചോദ്യം നീ യാരാണ് നിനക്ക് ന്തെര് വേണോന്ന്…
“” രണ്ട് ചായ പറയളിയാ….!!””
ഞാനവന്റെ പിന്നിൽ നിന്നും അവന് കേൾക്കാനായി മാത്രം പറഞ്ഞതാണെങ്കിലും, അകത്തുനിന്നുള്ള ചിരി കേട്ടപ്പോ മനസിലായി ല്ലാരും അത് വെടിപ്പായി കെട്ടിട്ടുണ്ടെന്ന്, അവൻ തല ചെരിച്ചേന്നെ നോക്കി പല്ലുകടിച്ചു,
“” ആരാ അത്…?? “” ഒരു അടക്കിപ്പിടിച്ച ചിരിയോടെ മിസ്സു വീണ്ടും തിരക്കിയപ്പോ
“” മാം… ന്യൂ ജോയിൻ ആണ്.. വിശാൽ… സിദ്ധാർഥ്… “”
അവൻ ഞങ്ങളെ പരിജയപ്പെടുത്തിയതും അവരകത്തേക്ക് വരാൻ കൈ കാണിച്ചു, ഞാൻ അധികം മുഖം കൊടുക്കാതെ, അതായത് പീഡന പ്രതികളെ ക്കൊണ്ട് പോകുന്ന പോലെ അവന്റെ നിഴലും പറ്റി കേറാൻ നോകിയെങ്കിലും അവര് കയ്യോടെ പിടിച്ചു,
“” ഒരു ചായ പറയട്ടെ സിദ്ധാർദ്ദേ…. “” അവരൊന്നാക്കി ചിരിച്ചതും ആ ക്ലാസ്സ് മൊത്തത്തിൽ ചിരി തുടങ്ങി, കൂടെ ന്നെ പലക്കണ്ണുകളും ഒരുതരം നോട്ടം നോക്കുന്നതും ഞാൻ കണ്ടു.
“” കടുപ്പം കുറച്ച് ഒന്ന്… പഞ്ചസാര വേണ്ട ഷുഗർ കട്ട് ഉണ്ടേ… “” ഞാനതേ പടി തിരിച്ചും കൊടുത്തു ഉടനെ ചിരി ഉച്ചത്തിലായി,
“” സൈലൻസ്….!!!! സീറ്റിൽ പോയിയിരിയെടാ..അവന്റെ ചായ..””
അവരെന്നെ ആട്ടി വിട്ടു, ഞാൻ പിന്നെ ഓടി അവനിരുന്നതിന്റെ അടുത്തിരുന്നു. അപ്പോളേക്കും ക്ലാസ്സിലുള്ള എല്ലാരും ഞങ്ങളെ ശ്രദ്ദിച്ചു തുടങ്ങി, പ്രതേകിച്ചു ന്നെ.. കാണാൻ കൊള്ളാവുന്നതുകൊണ്ടുള്ള ഒരു ഗുണം… ഞനെല്ലാരേം നോക്കിയൊന്ന് ചിരിച്ചു.
പറയണമല്ലോ… ക്ലാസ്സൊക്കെ ഒരു രക്ഷയുമില്ലാത്ത ബോറായിരുന്നു, മനുഷ്യന്റെ സമാധാനം കളയാനായിട്ട്…
ന്തിയെ….? പഠിച്ചു കളക്ടർ ജോലി വാങ്ങിക്കാൻ കെട്ടിയെടുത്ത നാറി ന്തിയെ..?? ഞാൻ തല ചെരിച്ചൊന്ന് നോക്കി, മറ്റേ മോൻ കൂർക്കം വലിച്ചു കിടന്ന് ഉറങ്ങുന്നു.
ചെറ്റ…
‘” അപ്പൊ നമ്മക് ഇനി ന്യൂ ജോയിനിസിനെ പരിചയപ്പെടാം ല്ലേ..
സിദ്ധാർഥ്… വിശാൽ…””
ബോറടിച്ചു കയ്യിലെ പേനയും കറക്കി കൊണ്ടിരുന്ന ഞാൻ ഒന്ന് ഞെട്ടി, പിനേം വിളി വന്നതും ഞാൻ വിശാലിനെ തട്ടി വിളിച്ചു.