“” ഓഹ് വല്യച്ഛനാണോ… “” ഞനൊന്ന് പുച്ഛിച്ചു തിരിഞ്ഞിരുന്നു, ആവുന്ന കാലത്ത് നിക്ക് കിട്ടാത്ത കരുതലാണ് ഇപ്പോ.. ഹഹും…
ചടങ്ങുകൾ എല്ലാം എത്രയും വേഗന്ന് കഴിഞു, രണ്ടാഴ്ച എങ്ങോട്ടോ ധൃതിയിൽ ഓടിഒളിച്ചു
ആ വല്യ വീട്ടിൽ ഞനൊറ്റക്കായി, തനിച്ചുള്ള ജീവിതം..ചോറ് വിളമ്പി വെക്കാനോ.. വഴക്ക് പറയാനോ… വൈകിയാൽ നാമം ചൊല്ലി കാത്തിരിക്കാനോ ഇന്നിവിടെ ആരുമില്ല..
ഞാൻ വന്നാൽ മാത്രം അണയുന്ന ഉമ്മറപ്പടിയിലെ വെളിച്ചം എന്നോ അണഞ്ഞു പോയിരുന്നു.
ഇടക്ക് അപ്പുറത്തെ ചേച്ചി വരും ഉണ്ടാക്കിയതെന്തെകിലും തരും… കഴിക്കും. രുചിയൊന്നും നോക്കാറില്ല.. കിട്ടുന്നത് കഴിക്കും..ജീവൻ നിലനിർത്താൻ, പതിയെ പതിയെ അവരത് നിർത്തി തുടങ്ങി ന്ന് മനസിലായതും, ഞാൻ ഒറ്റക് ന്തെങ്കിലും കാട്ടാൻ തുടങ്ങി, രണ്ട് കുടുംബത്തു നിന്നും ആരും ഞാനെവിടെ എങ്ങനെ ന്ന് അന്വഷിച്ചിരുന്നില്ല.. കാര്യമില്ലെന്ന് തോന്നിട്ടുണ്ടാവാം.. കുട്ടുകാർ വരും സംസാരിക്കും.. പുറത്തേക്ക് വിളിക്കുമെങ്കിലും പോകാറില്ല.
അങ്ങനെ വീണ്ടും മാസങ്ങൾ നീണ്ടു, ഇതിനോടകം ഞാൻ നന്നായി ഷീണിച്ചിരുന്നു, എല്ലാം മറക്കാൻ ഞാൻ വീണ്ടും ജിമ്മിൽ പോകാൻ തുടങ്ങി,
ന്നാലും എല്ലാം കഴിഞ്ഞു വീട്ടിൽ വരുമ്പോൾ ഞാൻ വീണ്ടും ഏകനാകും,
അങ്ങനെ ഇരിക്കെയാണ് പുതുതായി വന്ന ചില ആളുകൾക്ക് വർക്കോട്ട് പറഞ്ഞു കൊടുക്കുന്ന കുട്ടത്തിൽ, ന്റെ ഉറ്റ സുഹൃത്തായ വിശാല് ഒരു കാര്യം പറയുന്നേ…
“” എടാ ഞാൻ അടുത്ത മാസ്സതൊട്ട് കോളേജിൽ പോയി തുടങ്ങും കേട്ടാ… “”
ഏഹ്.. ഞങ്ങളെല്ല്ലാരും അവനെ ഒറ്റ നോട്ടം. ഞാൻ ട്രെയിൻ ചെയ്യിപ്പിച്ചുകൊണ്ടിരുന്ന ചേട്ടന്റെ കൈ ഓടിയാഞ്ഞത് ഭാഗ്യം ഇല്ലേ ഇപ്പോ കൊലക്കേസുടെ തലേൽ വന്നേനെ… പുള്ളിയോട് ഒരു സോറിയും പറഞ്ഞു ഞാൻ വീണ്ടും അവനെ നോക്കി,
“” അല്ലേടാ ശ്യാമേ ആരോ പറഞ്ഞില്ലായിരുന്നോ.. പഠിക്കുന്നതൊക്കെ വല്യേന്തോ തെറ്റാണെന്നോ മറ്റോ… നീ കേട്ടതല്ലേ അത്…?? “”
അവന്മ്മാർക്ക് ഒരു മാസത്തേക്ക് തളിക്കാൻ ഉള്ള വക ആയതിനെ തുടർന്ന് അന്ന് വിശാൽ എയറിലായിരുന്നു,
എല്ലാരും ഇറങ്ങാൻ നേരം വിശാൽ ന്റെ അടുത്തെത്തി,
“” നീ ഇറങ്ങുന്നില്ലേ…?? “” ഗ്രൗണ്ടിൽ വെറുതെ ഇരുന്ന ന്നോട് അവൻ ചോദിച്ചതും ഞനൊന്ന് ചിരിച്ചു,
“” പോയിട്ട് ന്തിനാടാ… ഓരോന്നൊക്കെ ഓർത്ത് വീണ്ടും..
ഞാൻ കുറച്ചൂടെ കഴിഞ്ഞേ ഇറങ്ങുന്നുള്ളു, നീ വിട്ടോ.. “”
ഞാൻ വീണ്ടും അവിടെ തന്നെ ഇരുന്നു, ഒന്ന് തിരിഞ്ഞവൻ ന്തോ ആലോചിച്ചെന്നെ വീണ്ടും കുത്തിപ്പൊക്കി,
“” ശെരിയാവില്ല… നീ വന്നേ കുറച്ചു പറയാനുണ്ട്. “”
തുടരെയുള്ള ശല്യമയതും ഞാൻ അവനൊപ്പം അവിടെ നിന്നും ആശാനൊരു ബൈ യും പറഞ്ഞു വെളിയിലേക്ക് ഇറങ്ങി,
പുറത്തെ അവന്റെ ബൈക്കിലേക്ക് കയറി, നേരെ പോയത് ഒരു ചായ സ്പോട്ടിലേക്കാണ്, അവിടുന്ന് ചായയും കുടിച്ചു രണ്ട് സിഗരറ്റും കത്തിച്ചു ഇരിക്കുമ്പോൾ അവനെന്റെ തോളിൽ കൈ വച്ചു,
“” എടാ… ഞാൻ കോളേജിൽ പോകുവാ ന്ന് പറഞ്ഞത് അവള് പറഞ്ഞിട്ടാ.. “”
അവൻ ചായ ഒരിറക്ക് ഇറക്കി, അവന്റെ കൊച്ചു പറഞ്ഞിട്ടുള്ള ചാട്ടം.പെങ്കോന്തൻ…
ഞാനവനെ ഈർഷയോടെ നോക്കി, അവൻ വീണ്ടും തുടർന്നു,
“” നീയും വരുന്നോ…?? “”
“” ഒന്ന് പോടാ മലരേ.. ഞാനെങ്ങുമില്ല.. “” ഞനവനെയൊന്ന് കലിപ്പിച്ചു നോക്കിട്ട് ഒരു പഫ് അഞ്ഞെടുത്തു,
“” എടാ ഫുണ്ടേ… അല്ലാതെ നീ ന്തോ തൊലിക്കാനാ പ്ലാൻ..??””
അതിന് ഞാനൊന്നും മിണ്ടില്ല, കാരണം അവൻ പറഞ്ഞത് സത്യമാണല്ലോ.. ഒരു അർത്ഥവുമില്ലാത്ത ജീവിതം..
“” എടാ ഞാൻ പറയുന്നതൊന്നു കേക്ക് നീ.. ന്നിട്ട് പറ.. “”
അവനൊന്ന് മയപ്പെടുത്തി, ഞാൻ അവനെ ശ്രദ്ധിക്കുന്നില്ല ങ്കിലും പറയുന്നതിന് കാതോർത്തു,
“” ഒരു കൊല്ലം കളഞ്ഞില്ലേടാ നമ്മള്..
ഇതാവുമ്പോ ഞാൻ നോക്കിട്ട് നിന്റെ പകുതി ഒറ്റപ്പെടലും തീരും.. നിന്റെ ഭാവിയും സേഫ് ആകും.. ഒന്നുല്ലേലും മുത്തശ്ശിയുടെ ആഗ്രഹമല്ലായിരുന്നോടാ ഇത്… “”
അവസാനത്തെ ഡയലോഗിൽ ഞാൻ വീണു..
“” ന്നാ പോണ്ടേ.. “” ഞനാ സിഗരറ്റ് താഴെയിട്ട് കാലുകൊണ്ട് ചവിട്ടി ഞെരിച്ചു,
കേട്ടതും അവനൊന്ന് ചിരിച്ചു, കൂടെ