ഈശ്വര….. സ്റ്റെഫിയുടേം വിശാലിന്റേം അക്ഷരയുടേം അടക്കം 36 മിസ്സ്ഡ് കാൾ…
ശുഭം…
ഫോൺ ആണെങ്കിൽ സൈലന്റുമായിരുന്നു.അതുകൊണ്ട് കേട്ടുമില്ല,,
“” ന്താ മോനെ.. ന്തെങ്കിലും പ്രശ്നമുണ്ടോ…?? “‘ അങ്ങോട്ടും ഇങ്ങോട്ടുമുള്ള ന്റെ ഇരിക്കപൊറുതി യില്ലാത്ത ഇരുത്തം കണ്ട് ആ ചേട്ടൻ ചോദിച്ചതും
ഏഹ്…. ന്നും മൂളി ഞാൻ പുള്ളിയെ നോക്കി തിരിഞ്ഞതും സ്റ്റെഫിയുടെ ഫോട്ടോ ഡിസ്പ്ലേയിൽ.. തൊട്ട് പുറകെ ഫുഡും കൊണ്ടുള്ള ആളും വരുന്നു..
“” ഏയ്യ് ഒരു അര്ജന്റ് കോൾ ചെയ്യാനുണ്ടയിരുന്നു,..
പിന്നെ ചേട്ടാ നിക്കൊരു ഹെല്പ് ചെയ്യോ ബുദ്ധിമുട്ടകില്ലെങ്കിൽ നികുടെ ഫുഡ് വാങ്ങോ വിശന്നിട്ടു കണ്ണാണാൻ വയ്യ… അതാ.. “”
അതിനെന്താ മോനെ ന്ന് പറഞ്ഞതും, ഞാൻ പോക്കറ്റിൽ നിന്നും പൈസയെടുത്തു കൊടുത്തു, ന്നിട്ട് കുറച്ച് മാറി നിന്നു,
“” ഹെലോ… “” ഞാൻ കാൾ എടുത്തതും ഒന്ന് മയപ്പെടുത്തി,
“” നിയിത് എവിടായിരുന്നെടാ…?? എത്ര നേരായിന്നോ ഞാൻ വിളിക്കുന്നു.. “”
അവള് ഫോൺ എടുത്തതെ നൂറേ നൂറിൽ നിക്കാ… ഇത് ഫുൾ കേട്ടെ പറ്റു, അല്ലാതെയവൾ വിടില്ല.
“” ഞനൊന്ന് ഉറങ്ങി പോയി മോളെ… “”
“” ഉറങ്ങി പോയി പോലും…
സിദ്ധു സത്യം പറഞ്ഞോ നീയുമാ വിശാലും കൂടെ വെള്ളമടിക്കാൻ പോയതല്ലേ… “”
പിന്നതങ്ങോട്ട് തുടങ്ങി, ഞാൻ ഒന്നിനും പോയിട്ടില്ല ന്ന് അവളെ പിടിച്ചു സത്യം ചെയ്യിച്ചു.. അവസാനം തെറിയും കെട്ട് മാപ്പും പറഞ്ഞു ഞാൻ ഫോൺ വെച്ചു, നേരെ തിരിച്ചു നടന്നു, ഞാൻ ചെല്ലുമ്പോ അവരെല്ലാം കിടന്നിരുന്നു, നന്നായി ചോദ്യങ്ങൾ കുറഞ്ഞു കിട്ടുലോ… ഞാൻ ന്റെ ബെർത്തിൽ ഇരുന്ന ഫുഡും എടുത്ത് കഴിച്ച് കയ്യും വായും കഴുകി നേരെ വന്നു കിടന്നു, ഫോൺ ഓണാക്കിയപ്പോ കുറെ മെസ്സേജ് വിശാലിനൊരു വോയിസുമയച്ചു, സ്റ്റെഫിടെ അക്കൗണ്ട് നോക്കി, ഓൺലൈൻ ഉണ്ട്…
ഹലോ മാഡം…. ഞനൊന്ന് എറിഞ്ഞു നോക്കി, ന്നാ അയച്ച പാടെ ബ്ലൂ ടിക്ക് കാണിച്ചതും ഇവളെനിക് വേണ്ടി കാത്തിരിക്കായിരുന്നോ ന്ന് തോന്നിപ്പോയി, തൊട്ടടുത്ത നിമിഷം ഒരു വോയ്സ്…
“” ന്റെ വാവക്ക് നുമ്പേ പറഞ്ഞതൊക്കെ വിഷമായോ… കാണാതായപ്പോ ഞാനങ്ങ് പേടിച്ചു പോയൊണ്ടല്ലേ അങ്ങനെയൊക്കെ പറഞ്ഞെ.. പോട്ടെ ട്ടോ വാവേടെ മോളല്ലേ വിളിച്ചേ.. ഷമിക്ക് ട്ടോ…
പിന്നെ ഫുടൊക്കെ കഴിച്ചോ..?? “‘
മുത്തിക്കും മുത്തിടെ മുത്തിക്കും വിളിച്ചിട്ട് അവളിപ്പോ ഈ പാതിരാത്രിയിൽ വിഷമം തിരക്കാൻ ഇറങ്ങിയിരിക്കുന്നു , ഞാൻ അവൾക്കുള്ള റിപ്ലൈയും കൊടുത്ത് വീണ്ടും അവളുമായി കത്തി വെച്ചിരുന്നു അറിയാതെ വീണ്ടും ഉറങ്ങി പൊയി.
പിറ്റേന്ന് ഉച്ചയോടെ അടുത്ത് ബാംഗ്ലൂർ എത്തിയിരുന്നു ഞാൻ.. ഇതിനിടക്ക് ട്രെയിനിൽ നിന്നും കേറിയോന്ന് കുളിച്ചു, ആ ഫാമിലിയോട് യാത്രയും പറഞ്ഞു ഞാൻ നേരെ ഒരു ഓട്ടോ വിളിച്ചു, നേരെ പോയി ഒരു ബിരിയാണി വാങ്ങി കഴിച്ച്, അത് കഴിഞ്ഞിട്ടേ ഉള്ളു ബാക്കി ന്ന് ഞാൻ തീരുമാനിച്ചുരുന്നു,
ന്റെ ഒരു സന്തോഷത്തിന് ഓട്ടോ ക്കാരനും വാങ്ങികൊടുത്തു, വരുന്നില്ലെന്ന് പറഞ്ഞെങ്കിലും വലിച്ചെഴച്ചു കൊണ്ടോവായിരുന്നു ഞാൻ.
അവിടുന്ന് നേരെ അവരെ വിളിച്ചു ഒരു പത്തു മിനിറ്റിൽ എത്തുമെന്നും പറഞ്ഞു കാൾ കട്ടാക്കി, ദൈവം സഹായിച്ചു വന്നു കേറിയത് ഒരു തമിഴന്റെ ഓട്ടയിലാണ്.
ഞാൻ അണ്ണന് അഡ്രെസ്സ് പറഞ്ഞു കൊടുത്തു.
“” അപ്പോ ശെരി അണ്ണാ… എങ്കയാവത് വെച്ച് പാക്കലാം…”” പൈസയും കൊടുത്ത് ഞാൻ പുള്ളിക്കൊരു സലാമും കൊടുത്ത് നേരെ കണ്ട ഫ്ലാറ്റിലേക്ക് കയറി, ഞാൻ സെക്യൂരിറ്റിയോട് കാര്യം പറഞ്ഞതും പുള്ളി ന്നോട് അഡ്രെസ്സ് എഴുതി വെച്ചിട്ട് മേലേക്ക് പൊക്കോളാൻ,
അഡ്രെസ്സ് ഒക്കെ എഴുതി വാങ്ങിട്ട് അവസാനം കെടപ്പാടം ഇല്ലാണ്ടാവോ ഈശ്വര…
ഫ്ലാറ്റ് പുറമെ നിന്ന് കണ്ടിട്ട് ഒരു കുഴപ്പോമില്ല, നല്ല അന്തരീക്ഷം.. നിക്ക് ഇഷ്ട്ടായി… ഇനി ന്റെ ഫ്ലാറ്റ് എങനെ ഉണ്ടെന്ന് നോക്കിയാ മതി.