“” നിക്കും ഒന്ന് പറയാനുണ്ട്.. “” ഞാൻ അതെ മുഖഭാവത്തോടെ അവളെ നോക്കിയതും
അവളെല്ലാരേം നോക്കിയൊന്ന് ചിരിച്ചതും, അവിടുന്ന് ആക്കിയുള്ള ഓരോ കളിയാക്കലുകൾ ക്കിടയിൽ നിന്നും അവൾ ഞാനുമായി അകത്തേക്ക് കയറി.
അകത്ത് കയറിയതും ന്നെ പിടിച്ചൊറ്റ തള്ള്, ഞാനാ കട്ടിലിലേക്ക് വേച്ചു പോയി,
“” ഇത്രേം പെമ്പിള്ളാര് ഉള്ള വീട്ടിലേക്ക് വരുമ്പോളാണോടാ ഇതുപോലത്തെ ഡ്രെസ്സും കേറ്റി ഇങ്ങോട്ട് കെട്ടിയെടുത്തേ..””
അവളെന്റെ നെഞ്ചിലേക്ക് കാല് രണ്ടും ക്രോസ്സ് ഇട്ടിരുന്നു, ന്നെ നോക്കി കണ്ണുരുട്ടി,
“” ഇന്നിങ്ങോട്ട് വരണോന്ന് പോലും കരുതിയതല്ല പെണ്ണെ…. നാളെ രാവിലെ വന്നു കാണാന്നാ വിചാരിച്ചേ പക്ഷെ…. “”
ന്റെ നെഞ്ചിൽ ഇരിക്കുന്നവളുടെ ഇടുപ്പിലേക്ക് ഞാൻ കൈ രണ്ടും ചേർത്തു പിടിച്ചു,
“” പക്ഷെ….. “” അവളൊന്നൂടി അതവർത്തിച്ചു,
“” പക്ഷേങ്കി… ഫോൺ വിളിച്ചു.. നിന്റെ അപ്പോളത്ത ശബ്ദവും… പരവേശവുമൊക്കെ കേട്ടപ്പോ ന്റെ കയ്യിന്ന് പോയി… “” ഞനൊന്ന് നാണിച്ചു മുഖം വെട്ടിച്ചു, ഉടനെ പെണ്ണ് മൂക്കിൽ കൈ വെച്ചെന്നെ കളിയാക്കി,
“” അയ്യേ… കെട്ടിക്കാൻ പ്രയായ ചെക്കൻ കിടന്ന് നാണിക്കണ നോക്കിയേ…. ഛെ… ഛെ … മോശം… മോശം.. “”
“” അഹ് ഹാ അത്രക്കായോ…. “” ന്നും പറഞ്ഞു ഞാൻ അവളുമായി ഒന്ന് മറിഞ്ഞു അവളെ താഴെ ആക്കി.
മുഖം ഞാൻ അവളിലേക്ക് അടുപ്പിച്ചു, ഉടനെ മുഖം സൈഡിലേക്ക് വെച്ചെന്നെ ആ കൈ ക്കൊണ്ട് തടഞ്ഞു,
“” കൈ മാറ്റുന്നതാ നല്ലത്.. ഇപ്പോളണേ ഒരു ഉമ്മയിൽ തീരും ഇല്ലേ രണ്ടും വിയർത്തെ ഇവിടുന്ന് എണ്ണിക്കൂ… “” ഞനൊരു ഭീഷണി മുഴക്കിയതും പെണ്ണ് പെട്ടന്ന് കൈ മാറ്റി,
ന്നിട്ടും മുഖത്തേക്ക് നോക്കാതെ നാണിച്ചു കിടന്നവളോട്
“” മുഖത്തേക്ക് നോക്കെടി ചേച്ചി പെണ്ണെ…. “”
അവളാ ആലില കണ്ണെന്നിലേക്കേറിഞ്ഞ്, ഒരുചിരിയോടെ ന്താന്ന് ചോദിച്ചതും, ന്റെ ചുണ്ടുകൾ അവളുടെ ചുണ്ടുകളിലേക്ക് ആഴ്ന്നിരുന്നു..
✨✨✨✨✨✨✨✨✨✨✨✨✨✨✨✨✨✨
എല്ലാത്തിനോടുവിൽ അവളെന്റെ നെഞ്ചിലേക്ക് ചാഞ്ഞു, പതിയെ നെഞ്ചിലെ രോമങ്ങളിൽ വിരൽ കോർത്തു.
“” നീ എണ്ണിറ്റെ.. “” പെട്ടന്ന് വന്ന കാര്യം ഓർത്തു ഞാൻ ചാടി എണ്ണിറ്റു.
“” മ്മ് ന്താ…?? “” അവളെ നെഞ്ചിൽ നിന്നും എഴുനേൽപ്പിച്ചത് ഇഷ്ടമാകാതെ അവളൊരു നീരസം ന്നെ അറിയിച്ചു.
“” വാ… നമ്മക്കൊരിടം വരെ പോണം… “” ഞാൻ ചാടി എഴുനേറ്റ് ടി ഷർട്ട് എടുത്തിട്ടു, അവളെന്നെയും നോക്കി ആ ബെഡിൽ കൈ പുറകിലേക്ക് കുത്തി ആ ഇരുപ്പ് അങ്ങനെ ഇരുന്നു,
“” ഹാ വാ…. “” അവളുടെ ഇരുപ്പ് കണ്ട് അവളുടെ കൈക്ക് ഇടയിലൂടെ കയ്യിട്ട് ഞാനവളെ എഴുനേൽപ്പിച്ചു.
“” ഇത് നിന്റെയാണോ…?? “” ഒരു ബാഗിലെക്ക് അവളുടെ കുറച്ച് ഡ്രെസ്സ് എടുത്ത് വെച്ച് ഞാൻ ചോദിച്ചതും അവളെന്നെ സംശയത്തോടെ കയ്യും കെട്ടി നിന്നോണ്ട് തലയനക്കി,
“” നിയിത് ന്തോന്നാ ചെക്കാ ഈ കാണിക്കണേ…””
അവളെന്റെ മുന്നിലേക്ക് കയറി നിന്നു.ആ മുഖത്ത് സംശയം നിലച്ചിരുന്നു, ഞാൻ അവളുടെ തോളിൽ കൈ വെച്ചു.
“” ന്റെ കൂടെ വരാൻ നിനക്ക് പേടിയുണ്ടോ…?? “”
ഞാനാ കണ്ണിലേക്ക് നോക്കി, ഒരു സെക്കന്റ് പോലും വൈകാതെ അവളെനിക്കുള്ള മറുപടി തന്നിരുന്നു.
✨✨✨✨✨✨✨✨✨✨✨✨✨✨✨✨✨✨
“” ഇതെവിടെക്കാ കൊച്ചേ… ഏഹ്…’” പിന്നിൽ നിന്നും ഉന്തി ഞാൻ അവളുമായി വെളിയിലേക്ക് നടന്നു,
“” ആഹ്ഹ്… സ്നേഹപ്രകടനമൊക്കെ തീർന്നോ..?? “”
ഞങ്ങളു വരുന്നത് കണ്ടതെ അക്ഷര മുന്നിലെ ടീവിയിൽ നിന്നും ശ്രദ്ധ മാറ്റി,
“” ചേച്ചി…ഇവളെ ഞാൻ കൊണ്ടോവാ..!!
പിന്നെ ഞാൻ വിളിച്ചോളാം ചേച്ചിയെ… നടക്ക്… “”