ഞാൻ ലിഫ്റ്റിൽ കയറി പതിനൊന്നാമത്തെ ഫ്ലോറിലേക്ക് കുത്തി,
അതെന്നെയും വഹിച്ചുക്കൊണ്ട് കുറച്ച് ദൂരം നീങ്ങി, പിന്നെ നിന്നു.
“” Eleven floor “” ന്നോരോച്ചയോടെ ആ ലിഫ്റ്റ് മലർക്കേ തുറന്നു, ഞാൻ നേരെ വെളിയിലേക്ക് നടന്നു,
“” എത്തിയോ…..?? “” ഞാൻ ആ ചേട്ടന്റെ നമ്പറിലേക്ക് ഡയൽ ചെയ്തു, ഉടനെ പുള്ളിയുടെ ചോദ്യത്തിന് കൂട്ടായി ദൂരെ ഒരു മുറി തുറന്നു, വെള്ള ഷർട്ടും വെള്ള മുണ്ടും ഉടുത്തൊരു സാമാന്യം വണ്ണമുള്ള ഒരു മധ്യ വയസ്കൻ കൈ വീശി, ഞാൻ തിരിച്ചും,
“” മാത്യൂസ്സേട്ടനല്ലേ…?? “” ഞനൊന്ന് ഉറപ്പിക്കാനായി ഒന്നുടെ ചോദിച്ചതും, പുള്ളി ചിരിയോടെ തലയാട്ടി നിക്ക് നേരെ കൈ നീട്ടി,
“” യാത്രയൊക്കെ എങ്ങനെയുണ്ടായിരുന്നു… “”
നീട്ടിയ കയ്യിലേക്ക് വെച്ചുകൊടുത്ത ന്റെ കയ്യും കൊണ്ടയാൾ ആ ഡോർ തുറന്ന് അകത്തേക്ക് കയറി,
ഞാൻ കരുതിയത് പോലെയല്ല, നല്ലൊരു ഫ്ലാറ്റ്… ആരും താമസിക്കാതെ കിടന്നിരുന്നത് ക്കൊണ്ട് ഫർണിചറിലും ഫ്ലോറിലും പൊടികൾ ഉണ്ട്, പക്ഷെ കൊള്ളാം നിക്ക് ഇഷ്ട്ടായി..
ഞാൻ അകത്തേക്ക് കയറി മൊത്തത്തിൽ ഒന്ന് നോക്കി, നിക്കും അയാൾക്കും പുറമെ കണ്ണാടി വെച്ചൊരു കഷണ്ടി ചേട്ടനുമുണ്ടായിരുന്നു,
“” സിദ്ധാർദ്ദേ… ഇതാണ് വിശ്വൻ സാറ്, നമ്മടെ പേപ്പേഴ്സ് ഒക്കെ റെഡിയാക്കുന്നത് സാറാണ്… “”
ഞാൻ അയാളെ നോക്കിയൊന്ന് ചിരിച്ചു, വീണ്ടും വീണ്ടും ഫ്ലാറ്റ് ഒന്ന് വീക്ഷിക്കാൻ തുടങ്ങി,
“” ഇത് കുറച്ചൂടെ പണിയുണ്ട്,
സിദ്ധാർഥ് വേണേൽ ഫ്ലാറ്റ് മൊത്തത്തിലൊന്ന് കേറി കാണ്…””
അയാള് പറഞ്ഞതും ബാഗ് ഞാൻ തറയിലേക്ക് വെച്ചു അകത്തേക്ക് നടന്നു.
ഇയ്യാള് പറഞ്ഞ വിലക്കാണ് ഇതെങ്കി, ഒന്നും നോക്കാനില്ല കൺഫോം… ഞാനിത് ഉറപ്പിച്ചിരിക്കുന്നു.
ഞാൻ മൊത്തത്തിൽ ഒന്ന് നോക്കി അത്യാവശ്യം വേണ്ട ഫർണിച്ചറടക്കം വേണ്ടതെല്ലാം അവിടുണ്ട്.
“” ഫ്ലാറ്റ് ഒക്കെ അല്ലെ തനിക്ക്.. “” പിന്നിൽ നിന്നും ഒരു ശബ്ദം.. ഞനൊന്ന് ചിരിച്ചു
“” ന്റെന്നെ ഫ്ലാറ്റണെ… ല്ലാം കൂടെ നോക്കി ക്കൊണ്ട് പോകാനുള്ള മടികൊണ്ടാ ഇതങ്ങ് കൊടുക്കാ ന്ന് വെച്ചേ.. അങ്ങനെയാ സോണി, മോന്റെ കാര്യം പറയണേ..
സത്യത്തിൽ നിക്കിത് നഷ്ട…പിന്നെ അവൻ പറഞ്ഞതുകൊണ്ടും മോന്റെ കാര്യം അറിയാവുന്നത് കൊണ്ടുമാ ഈ വിലക്ക് ഞാൻ തരുന്നേ കേട്ടോ…. “”
പുള്ളിയൊരു ബിസിനസ് കാരന്റെ ചവർപ്പോടെ സംസാരിച്ചതും, ഞനൊന്ന് തലയനക്കി പുള്ളിയെ കെട്ടിപ്പിടിച്ചു…
ന്റെ സാമ്പത്തികം അവനറിയാത്തത് എത്രയോ നന്നായി… ഇല്ലേ ഈ വിലക്ക് നിക്ക് ഇത് കിട്ടില്ല ന്നല്ല സ്വപ്നം കാണാൻകുടെ കഴിയില്ല..
അങ്ങനെ എഗ്രിമെന്റ് എല്ലാം ഓക്കേ ആക്കി പുള്ളി താക്കോൽ നിക്ക് കൈ മാറി, കുറച്ച് നേരം സംസാരിച്ചു ഇറങ്ങാൻ നേരം.
“” സിദ്ധാർഥ് ഒന്ന് പുറത്ത് പോയി വരുമ്പോളത്തേക്ക് ഇതൊക്കെ ക്ലീൻ ആയിരിക്കും കേട്ടോ… രണ്ട് ദിവസം മുന്നേ പറഞ്ഞേൽപ്പിച്ചതാ പക്ഷെ അവർക്ക് ഇന്നേ വരാൻ പറ്റു ന്ന്… ഏതായാലും ഇത്രേം ആയില്ലേ…””
പുള്ളി ഒരു ചിരിയോടെ പറഞ്ഞതും ഞാൻ ബാഗും കയ്യിലെടുത്തു വെളിയിലേക്ക് ഇറങ്ങി,
നേരെ അടുത്തുകണ്ടൊരു ലോഡ്ജിൽ കേറി റൂമെടുത്തു, ഒന്ന് ഫ്രഷ് ആയി പുറത്തിറങ്ങി,
നേരെ റൂം വെക്കേറ്റ് ചെയ്ത്, അവരോട് തന്നെ ഒരു ഓട്ടോ വിളിച്ചു താരമൊന്ന് ചോദിച്ചു, നേരെ പോയി അത്യാവശ്യം വേണ്ട കുറച്ഛ് ഫർണിച്ചറും പിന്നെ അല്ലറ ചില്ലറ സാധനങ്ങളും വാങ്ങി, വെപ്പും കുടിക്കും ഉള്ളതൊന്നും വാങ്ങിയില്ല കാരണം അതൊന്നും ഞാൻ വാങ്ങിയാ ശെരിയാവില്ല.
വാങ്ങിയ സാധങ്ങൾ ളൊക്കെ ഹോം ഡെലിവറി ചെയ്തു തന്നു, അവരുമായി ഫ്ലോറിൽ ചെല്ലുമ്പോ പുള്ളി വെളിയിൽ ഉണ്ടായിരുന്നു,