നിർത്തിയ ഓട്ടോയിലേക്ക് ചാടി കേറി,
ഫോണിന്റെ സ്പീക്കർ കൈകൊണ്ട് പൊത്തി പുള്ളിയോട്,
“” ബായ്… St Mark’s റോഡ്.. “” ന്നും പറഞ്ഞു ഞാൻ നേരെ ഫോണിൽ ശ്രദ്ധ കൊടുത്തു, സമയം ഇപ്പോ ആറെ കാൽ , ഇവിടുന്ന് ഒരു പത്തു മിനിറ്റ് യാത്ര…
നാളെ പോയി കണ്ടാ മതി ന്ന് കരുതിയതാ പക്ഷെ പെണ്ണെന്നെ ഉറക്കില്ല ന്ന് കച്ച കെട്ടി ഇറങ്ങിയ പിന്നെ ഞാനെന്ത് ചെയ്യാ…
ഇത് പിന്നെ അവര് ആറു എട്ട് പേര് കൂടെ ഷെയർ ആയിട്ട് ഒരു വീട് എടുത്തിരിക്കാ, അതോണ്ട് അങ്ങോട്ട് പോയാലും സീൻ ഇല്ല… പിന്നെ ഞാൻ ആരേം ഉണ്ടാക്കാൻ അല്ലലോ പോണേ… ന്റെ പെണ്ണിനെ കാണാനല്ലേ…
“” ഹലോ…. പോയോ… “” പുള്ളിയോട് സ്ഥലം പറഞ്ഞു കൊടുത്ത് കഴിഞ്ഞതും അവൾ മറുതലക്കൽ നിന്നും പിന്നേം വിളി,
“” ഞാനെവിടെ പോവാനാ പെണ്ണെ ഇവിടെ തന്നെ ഉണ്ട്… “”
ഞാൻ പുറത്തെ കാഴ്ചയിലേക്ക് ഒന്ന്കണ്ണ് പായ്ച്ചു,
“” മ്മ് ഞാങ്കരുതി പോയിന്ന്… അല്ല വീട്ടിലല്ലേ നീ, ഭയങ്കര ശബ്ദം കേൾക്കണ് വണ്ടിടെ… അതോ ജിമ്മി പോവണോ…?? “”
“” മ്മ് ജിമ്മിലോട്ട് പോവാ… അല്ല നീ കഴിച്ചോ…?? “”
ഞാൻ സംഭവം നൈസ്സായിട്ട് ഒതുക്കി, ന്നിട്ടവളോട് കാര്യം തിരക്കി,
“” ഇല്ലെടാ കഴിച്ചില്ല… ഇനിയുണ്ടാക്കണം വല്ലോം..””
അവളൊരു വിഷമത്തോടെ പറഞ്ഞതും ഞാൻ ഓട്ടോയിൽ നിന്നും ഇറങ്ങി,
“” ഇനിയതിന്റെ ആവശ്യം ഉണ്ടെന്ന് തോന്നണില്ല പെണ്ണെ, നീയൊന്ന് പുറത്തേക്ക് വാ… “”
ഞാൻ പുള്ളിക്ക് പൈസയും കൊടുത്ത് പറഞ്ഞു വിട്ടു അവൾ അയച്ചു തന്ന ഫോട്ടോസ്സിലൂടെ പരിചിതമായ ആ വീട് ഞാൻ മുന്നിൽ കണ്ട്. ഇരുട്ട് ആണെങ്കിലും വഴിയിലെ സ്ട്രീറ്റ് ലാമ്പിൽ ആ വീട് തിളങ്ങി,
“” പുറത്തേക്കോ…?? ഏത് പുറം…?? “” അവളാ ഫോണിലൂടെ സംശയം ഉന്നയിച്ചു,
“”നീ കളിക്കാതെ കതക് തുറക്കെടി..””
“” സിദ്ധുട്ടാ… നീയെവിടാ…??? ഏഹ്.. ഇവി….ടെ ണ്ടോ….??? ഏഹ് … “”
അവളാകെ പരതി, ഒപ്പം ശ്വാസം ആഞ്ഞെടുക്കുന്ന ശബ്ദവും..
“” പറ്റി… പറ്റിക്കാൻ പറയണതൊന്നുമല്ലലോ….?? “”
അവളപ്പോളേക്കും ഒരു വിതുമ്പലിന് തയാറെടുത്തിരുന്നു.
“” നീയാ കതക്കൊന്ന് തുറന്ന് നോക്കെന്റെ പെണ്ണെ… “”
തൊട്ട് പുറകെ ഫോൺ കട്ടായി, പിന്നെ ആ ഡോർ വലിച്ചു തുറന്ന് വെളിയിലെക് നീണ്ട ആ കുഞ്ഞി തല ചുറ്റുമോന്ന് നോക്കി, പിന്നെ പുറകെ അവളുടെ കൂട്ടുകാരി പടകളും,.
തിരഞ്ഞു തുടങ്ങിയ കണ്ണുകൾ മുന്നിൽ നിൽക്കുന്ന ന്നിൽ ഉടക്കിയതും അവളൊരു നിമിഷം തറഞ്ഞു നിന്നു, പതിയെ ആ വലത് കൈ ആ ചുണ്ടുകളെ മൂടി അല്പനേരം. പിന്നെ വേഗതയിൽ വന്നെന്റെ മേലേക്ക് ചാടി കേറി പൂണ്ടടക്കം കെട്ടിപിടിച്ചു,
ന്റെ അരയിലൂടെ കാലിട്ട് ലോക്ക് ചെയ്ത് ന്റെ കഴുത്തിലൂടെ കൈ പിണച്ചു ഏങ്ങലടിയോടെ പിച്ചും പെയ്യും പറഞ്ഞു കരയുന്നവളെ ഞാൻ ഇറുക്കെ ചേർത്ത് പിടിച്ചു,
ആ ഇരുത്തം പെണ്ണ് ഒരു പത്തു മിനിറ്റിന് മുകളിൽ ഇരുന്ന് കാണും, അവസാനം ന്റെ നെറ്റിയിലും കവിളിലും ചുണ്ടിലും മൊക്കെ പലകുറി ഉമ്മ വെച്ചവൾ അവളുടെ കടങ്ങൾ വാശിയോടെ തീർത്തു,
പതിയെ ഊർന്നിറങ്ങി ന്നെ വീണ്ടും വലിഞ്ഞു മുറുക്കി,
അവളിപ്പോളും കരയുകയാണ്, ചുറ്റുമുള്ളതിനെയൊന്നും വക വെക്കാതെ കരയുകയാണ് പെണ്ണ്
“” ന്നാലും ന്നോടൊന്ന് പറയായിരുന്നില്ലേ…
ശോ..ഞാൻ ന്തൊക്കെ പ്ലാൻ ചെയ്തതാ ക്കെ വെറ്തെയായി..””
അവളൊരു പരിഭവത്തോടെ ന്റെ വയറിനോരിടി.
ഞനൊന്ന് ചുമച്ചു പോയി,
“” അവനെ ഇടിച്ചു കൊല്ലാതെടി…””
മുന്നിൽ നിന്നും ശബ്ദം കേട്ടതും ഞങ്ങളു രണ്ടാളും നോക്കി, അക്ഷരയാണ് ഒരു ചിരിയോടെ നിൽക്കുന്നു, ഞനൊന്ന് ചിരിച്ചു,
“” ചേച്ചി….’” ഞാൻ അവളുടെ കൈ വിടാതെ അക്ഷരയെ ഒന്ന് കെട്ടിപിടിച്ചു, അവൾ തിരിച്ചും, ഞാൻ ബാക്കി ല്ലാരേം നോക്കിയോന്ന് ചിരിക്കാനും മറന്നില്ല