“”ദാ പിടിക്ക്…. ന്നിട്ട് അവിടിരിക്ക്…””കയ്യും കഴുകി വന്നവളെ ഞാൻ അവിടെ പിടിച്ചിരുത്തി.
ഇല്ലേ പെണ്ണ് വിടില്ല.
“” ന്തിനാവാവേ വെറുതെ പൈസ കളഞ്ഞേ… ഞാനെന്തെകിലുമൊക്കെ പറയുന്ന് കരുതി…നമ്മക് കുറച്ചൂടെ സെറ്റിൽ ആയിട്ട് പോരായിരുന്നോ ഇതൊക്കെ….?? “”
അവളാ ചപ്പാത്തിയിൽ നോക്കി വെറുതെ കളം വരച്ചിരുന്നു. ചെറുപ്പം മുതൽ കഷ്ടപ്പാട് അനുഭവിക്കുന്നത് കൊണ്ടാവാം ഇന്നിതവളെ ക്കൊണ്ട് പറയിച്ചത്.
“” ന്തായാലും നമ്മക് ജീവികണോങ്കിൽ ഒരു വീട് വേണം… അപ്പോ നമ്മളൊരു വീട് വാങ്ങി അത്രേയുള്ളൂ… നിയത് വിട്ടേ… ന്നിട്ട് ദാ…. വാപോളിച്ചേ..ആ…… “”
ഞനൊരു ശകലം കീറി കറിയിൽ മുക്കി അവളുടെ വായിലേക്ക് നീട്ടി, അങ്ങനെ ങ്കിലും മിണ്ടാതെ ഇരിക്കോലോ., അവളാ കൈ വായിലാക്കി, ഒപ്പം കറി പറ്റിയ വിരലുകളോരൊന്നും അവളുറിഞ്ചി വലിച്ചിട്ടാണ് പിന്നെ വിട്ട്ത്., കഴിച്ച് കഴിഞ്ഞു വേസ്റ്റ് കളഞ്ഞു ഞാൻ ആ ബാൽക്കണിയിലേക്ക് ചാഞ്ഞു,
ഒട്ടും മയമല്ലാത്ത കാലാവസ്ഥ.. രാത്രിയുടെ ശോഭ ന്ന് തോന്നിക്കും വിധം റോഡിലെ തിരക്കുകൾ ഒഴിഞ്ഞു കൊടുക്കുന്നു. മറ്റൊന്നും പറയാൻ ബാക്കി നില്കാതെ ചന്ദ്രനും മേഘങ്ങളിലേക്ക് ചേക്കേറി.
ഒരു തണുത്ത സ്പർശം ന്നെ വന്നു പൊതിഞ്ഞു, ഞാൻ അനങ്ങിയില്ല, മുഖം ന്റെ പുറത്തേക്ക് അമരുന്നതും പിടിച്ചിരിക്കുന്ന പിടുത്തതിന്റെ ബലം കൂടുന്നതും ഞാനറിഞ്ഞു,
“” അന്നൊരു രാവിൽ നിന്നനുരാഗം
പൂ പോലെ എന്നെ തഴുകി
ആ കുളിരിൽ ഞാൻ
ഒരു രാക്കിളിയായ്
അറിയാതെ സ്വപ്നങ്ങൾ കണ്ടൂ
മിഴികൾ പൂവനമായ്
അധരം തേൻ കണമായ്
ശലഭങ്ങളായ് നമ്മൾ പാടീ മന്മഥ ഗാനം””
മൊബൈൽ ശബ്ദത്തിൽ മുഴങ്ങി, പക്ഷെ ആ പാട്ട് ഞങ്ങൾ ശെരിക്കും ആസ്വദിക്കുകയായിരുന്നു. പാട്ടിനൊപ്പം അവളെന്നോട് കൂടുതൽ ഇഴുകി,
“” ദേ പെണ്ണെ നിന്റെ ഫോണാ ഒച്ച ഉണ്ടാക്കി മനുഷ്യന്റെ മൂഡ് കളയണേ… പോ… പൊയത് എടുക്കാൻ നോക്ക് .. “”
ഞാൻ അവളിലേക്ക് തിരിഞ്ഞു നിന്ന് ആ നെറ്റിയിൽ ചുണ്ടമർത്തി.
അവളൊരു ഇഷ്ടക്കേടോടെ ആ കാളിനെ കെട്ടില്ലെന്ന് നടിച്ചു ന്റെ നെഞ്ചിൽ ഒളിച്ചു, വാടി തുടങ്ങിയ ശരീരത്തിന്റെ ബലം നഷ്ടമായതറിഞ്ഞു ഞാൻ അവളെ കോരി തോളിലേക്കിട്ടു. ന്റെ അരയിലൂടെ കാലുമിട്ട് അവളെന്റെ നെഞ്ചിലേക്ക് പറ്റി ചേർന്ന്,
✨✨✨✨✨✨✨✨✨✨✨✨✨✨✨✨✨✨
അന്നൊരു രാവിൽ നിന്നനുരാഗം
പൂ പോലെ എന്നെ തഴുകി
ആ കുളിരിൽ ഞാൻ
ഒരു രാക്കിളിയായ്……….
കട്ടിലിൽ ക്കൊണ്ട് കിടത്തിയതും ന്നെ പിടിച്ചു മലർത്തി കിടത്തി അവളെന്റെ നെഞ്ചിലേക്ക് മുഴുവനുമായി കയറി കിടന്നു, തന്റെ കുഞ്ഞിനെ നെഞ്ചോട് ചേർത്തു വെക്കുന്ന അച്ഛന്റെ കരുതലോടെ ഞാനവളെ ചേർത്തു, ആ മുടിയിൽ പതിയെ തഴുകി നിർത്തി,
പിന്നെയും മൊബൈൽ ശബ്ദമുണ്ടാക്കിയതും ഞാൻ ഫോൺ കയ്യിലെടുത്തു,
“” ചേച്ചി പറഞ്ഞോ….. “” മൊബൈലിൽ അക്ഷരയുടെ ഫോട്ടോ കണ്ടതും ഞാൻ കാൾ അറ്റൻഡ് ചെയ്തു,
“” അഹ് സിദ്ധു നിയോ…. അവളെവിടെടാ…?? “”
പ്രതീക്ഷിച്ചആളല്ല കാൾ അറ്റൻഡ് ചെയ്തത് ന്നറിഞ്ഞതും അത് പുറത്ത് കാട്ടാതെ ന്നോട് അവര് കാര്യം തിരക്കി,
“” ഉറങ്ങി… “” ഒറ്റവാക്കിൽ ഞാൻ ഉത്തരം കൊടുത്തു, പിന്നെ കാര്യങ്ങൾ തിരക്കി അവരും ഫോൺ വെച്ച്,
✨✨✨✨✨✨✨✨✨✨✨✨✨✨✨✨✨✨
“” ഇല്ലെടി… സത്യായിട്ടും ഞാനൊന്നുമറിഞ്ഞില്ല..
എന്നെയൊന്നും അറിയിക്കാതെയാ ഇവിടെ വരെ വന്നേ തന്നെ… പിന്നെങ്ങനാ… “”
ഞനൊരു കുളിയും കഴിഞ്ഞു വന്നതും അവള് ഫോണിലൂടെ വാ തോരാതെ എന്തൊക്കെയോ വിളിച്ചു പറയുന്നുണ്ട്, അക്ഷരയോടായിരിക്കും…!!
ഞാനോർത്തു.
“” ഇല്ല… പക്ഷെ നിക്ക് ഇഷ്ട്ടായിടി.. ഞാൻ മനസ്സിൽ കണ്ടത് പോലൊരണം…. മ്മ്…
ഹാ..
ഓഹ് പിന്നെ…, ശെരി…
ഇന്ന് ല്ലാരും വായോ ഇങ്ങോട്ടേക്ക്.. “”