നിന്നെ ഞാനൊരു പാഠം പഠിപ്പിക്കും കേട്ടോ മനു
അവർ രണ്ടുപേരും ശരീരം കൊണ്ട് അല്ലെങ്കിലും മനസ്സ് കൊണ്ട് ഒന്നായി കഴിഞ്ഞിരുന്നു.
അതിന്റെ തെളിച്ചവും പ്രസരിപ്പും ശിൽപയുടെ മുഖത്തു കാണാം..
രണ്ടുപേരും വീട്ടിലേക്കു വരുന്നത് നോക്കി നില്കുകയായിരുന്നു പാർവതിയും രേഖയും..
അവരുടെ ആ വരവ് കണ്ട് പാർവതിയുടെ കണ്ണ് നിറഞ്ഞു..
ശിൽപയുടെ സന്തോഷവും പ്രസരിപ്പും കണ്ട് രേഖ അവളുടെ മുഖത്തു നിന്നും കണ്ണെടുക്കാതെ നോക്കി നിന്നു..
മക്കളെ കേറി വാ എന്ന് പറയുമ്പോൾ പാർവതിയുടെ കണ്ണിൽ നിറയെ സന്തോഷ കണ്ണീർ ആയിരുന്നു..
അത് കണ്ട് ശില്പ അമ്മയെന്തിനാ കരയുന്നെ..
ഹേയ് അത് നിനക്ക് ഇപ്പൊ മനസ്സിലാകില്ല മോളെ എന്ന് രേഖ അവളോട് പറഞ്ഞു.
ഹ്മ്മ് ഹലോ പാർവതി എങ്ങിനെയുണ്ട് നിങ്ങടെ മോളും മരുമകനും.
പോടീ നാട്ടുകാരുടെ കണ്ണ് പറ്റാനായിട്ട് എന്ന് പറഞ്ഞോണ്ട് പാർവതി അവളുടെ തലയിൽ തഴുകി.
അമ്മേ രേഖമ്മ പറ എങ്ങിനെയുണ്ട് നിങ്ങടെ മോനും മരുമകളും..
അത് കേട്ട് രേഖ ചിരിച്ചോണ്ട്.
ഹ്മ്മ് കൊള്ളാം രാമനും സീതയും പോലെ..
ഹോ അപ്പൊ വനവാസം മസ്റ്റ് ആണ് അല്ലേ..
പോടീ അവിടുന്ന്.
എന്ത് പറഞ്ഞാലും ഇങ്ങിനെയുള്ള തല തെറിച്ചതെ പറയു പെണ്ണ് എന്ന് പറഞ്ഞോണ്ട് പാർവതി അവളെ വഴക്ക് പറഞ്ഞു.
ദെ പാർവതിയമ്മേ ഇന്ന് പിറന്നാളായിട്ടെങ്കിലും എന്നെ ഒന്ന് വഴക്ക് പറയാതിരുന്നൂടെ
മോള് വാ രേഖമ്മയുടെ മോളു വാ എന്ന് പറഞ്ഞോണ്ട് രേഖ അവളെ അകത്തേക്ക് വിളിച്ചു..
മനുവിന്റെ നിൽപ് കണ്ട് ശില്പ അതെ ബോസ്സ് കയറുന്നില്ലേ.
അവളുടെ ബോസ്സേ എന്നുള്ള വിളി കേട്ട് രേഖ അവളുടെ ചെവിയിൽ പിടിച്ചു കൊണ്ട്.
നിന്നോട് ഞാൻ പറഞ്ഞിട്ടില്ലേ ഇനി അങ്ങിനെ എന്റെ മോനേ വിളിക്കരുത് എന്ന്..
ഇല്ല രേഖമ്മേ ഇനി വിളിക്കില്ല നല്ല അമ്മയല്ലേ പ്ലീസ്.
ഹ്മ്മ് എന്ന് പറഞ്ഞോണ്ട് രേഖ അവളുടെ നെറ്റിയിൽ ഉമ്മവെച്ചു കൊണ്ട് നിന്നു.
പിറന്നാളായിട്ട് കിട്ടിയ ആദ്യത്തെ മുത്തം എന്ന് പറഞ്ഞോണ്ട് ശില്പ രേഖയെ കെട്ടിപിടിച്ചു നിന്നു.
അല്ല അപ്പൊ മനു ഒന്നും തന്നില്ലേ മോളെ.
എവിടെ പോകുന്നവഴിക്കു ഞാൻ കൊടുക്കേണ്ടി വന്നു..
നിങ്ങടെ മോൻ വല്യ കമ്പനിയുടെ മുതലാളിയല്ലേ. അതായിരിക്കും
അത് കേട്ട് രേഖ ചിരിച്ചോണ്ട്. അവനോട് ഞാൻ പറയണോ..
വേണ്ട രേഖമ്മേ അത് ഞാൻ തന്നെ പിടിച്ചു വാങ്ങി കൊള്ളാം
എന്താണ് മനുവിന്റെ അമ്മേ അവള് പറയുന്നേ.
ഹോ ഒന്നുമില്ല പാർവതിയമ്മേ ഞങ്ങൾ അമ്മായിയമ്മയും മരുമകളും ഒരു കുശലം പറഞ്ഞതാ എന്ന് ശില്പ പാർവതിയോട് പറഞ്ഞു
ഹ്മ്മ് നിന്റെ കൂടെ കൂടി മനുവിന്റെ അമ്മയെയും നി ഓരോന്നും പഠിപ്പിക്കുന്നുണ്ടോ.
ഹോ ഇവിടുന്നു പോകുന്നതിനു മുൻപ് ഏറെ കുറെ..
അതേ മനുവിന്റെ അച്ഛന് എങ്ങിനെയാ അവിടെ നില്കാൻ തോന്നുന്നേ..
എന്താടി
അല്ല ഇത്രയും സുന്ദരിയായ എന്റെ രേഖമ്മേയെ വീട്ടിട്ട്.
ഇനി എന്റെ നേരെ ആണോടി. എന്ന് പറഞ്ഞോണ്ട് രേഖ അവളെ അടിക്കാനായി കയ്യൊങ്ങി നിന്നെങ്കിലും.
അവളുടെ ഹൃദയം അതിനനുവദിച്ചില്ല. മനുവിന്റെ അച്ഛനെ കുറിച്ചോർമ വന്നപോലെ രേഖ ആ കയ്യും പിടിച്ചോണ്ട് നിന്നു..
രേഖയുടെ കണ്ണിൽ നിന്നും കണ്ണുനീർ വടിഞ്ഞു തുടങ്ങി..
അയ്യോ അമ്മേ ഞാൻ.. അച്ഛനെ കുറിച്ച് പറഞ്ഞതോണ്ടാണോ. സോറി കേട്ടോ..
പോടീ അവിടുന്ന് എന്ന് പറഞ്ഞോണ്ട് രേഖ കണ്ണ് തുടച്ചു കൊണ്ട് മനുവിന്റെ അടുത്തേക്ക് പോയി.
പിറകെ ശില്പയും.
മോനേ എന്തൊക്കെയുണ്ട്.
ഹ്മ്മ് അമ്മ ഇവളെ കൊണ്ട് ഇടങ്ങേറ് ആയി അല്ലേ.
ഏയ് അവൾ നമ്മുടെ കുട്ടിയല്ലേടാ എന്റെ മനുവിന്റെ പെണ്ണ്.
പണ്ട് പറഞ്ഞത് നി ഓർക്കുന്നുണ്ടോ.
എന്താ മനു പറഞ്ഞത് രേഖാമ്മേ എന്ന് ചോദിച്ചോണ്ട് ശില്പ അവരുടെ ഇടയിലേക്ക് വന്നു.
അത് മോളെ ഇവൻ പണ്ട് പറയുമായിരുന്നു.
ഇവൻ കെട്ടുന്ന പെണ്ണ് അമ്മയെ നല്ലവണ്ണം നോക്കുന്നവളായിരിക്കണം അമ്മയുടെ കൂടെ എപ്പോഴും വേണം. അമ്മയെ കൊണ്ട് അവളൊരു ജോലിയും ചെയ്യിക്കരുത്.. അമ്മയെ പോലെ ഉള്ള ഒരുത്തിയെയെ കെട്ടു അമ്മയെ പോലെ സുന്ദരി ആയിരിക്കണം എന്നൊക്കെ..