അവളെ സനുവിന്റെ റൂമിലേയ്ക്ക് തട്ടും എന്നുള്ളത്,
ഇന്നലെ ആ കത്തി കാരണം ഒരുപോള കണ്ണടച്ചിട്ടില്ല.
പിന്നെ ഉരുളയ്ക്ക് ഉപ്പേരിപോലുള്ള ആ സ്വപ്നവും
അറ്റ്ലീസ്റ്റ് മനസ്സമാധാനത്തോടെ ഉറങ്ങാനെങ്കിലും പറ്റുമല്ലോ
“എന്നാലും അച്ഛാ…!” സനോജേട്ടന്റെ വാക്കുകൾ പൂർത്തിയാക്കാൻ ഞാൻ സമ്മതിച്ചില്ല
“എനിയ്ക്കു സമ്മതമാണ്, അച്ഛൻ പറഞ്ഞ എല്ലാ കാര്യങ്ങൾക്കും,
ഞാൻ സ്വന്തം കാലിൽ നിൽക്കുന്ന ഒരവസരം വന്നട്ടു മതി എനിയ്ക്കു ഒരു കുടുംബ ജീവിതം.,
എനിയ്ക്കു ഒരു പ്രേത്യേക സാഹചര്യത്തിൽ കല്യാണം കഴിക്കേണ്ടി വന്നു,
പക്ഷെ ഞാൻ കാരണം ആരുടേയും ജീവിതം തകരണ്ട.,
ഞാൻ ഇനി ഡിഗ്രി പാസ്സായി പണിയും കിട്ടിയിട്ട് മതി എല്ലാം..!”
ഒറ്റ ശ്വാസത്തിൽ പറഞ്ഞു നിർത്തി
എല്ലാവരുടെയും മുഖത്ത് ഒരു ആശ്ചര്യ ഭാവം,
സത്യത്തിൽ വീണയിൽ നിന്നും അച്ഛൻ എന്നെ രെക്ഷിച്ചെടുത്തതാണെന്നു എനിയ്ക്കല്ലേ അറിയൂ.!
ആ പ്രെശ്നം അതോടെ അവിടെ തീർന്നു,
അച്ഛൻ സുരേന്ദ്രനച്ചന്റെ അടുത്തേയ്ക്കു എന്റെ പരീക്ഷയുടെ കാര്യം പറഞ്ഞു ചടങ്ങുകളെല്ലാം ഒരു മാസത്തേയ്ക്ക് നീട്ടിപ്പിച്ചു,
ആദ്യം പുള്ളി സമ്മതിച്ചില്ലെങ്കിലും വീണയും പറഞ്ഞപ്പോൾ പുള്ളി വഴങ്ങി,.!
വീണ പെട്ടിയും കിടക്കയുമെടുത്തു സനുവിന്റെ റൂമിലേയ്ക്ക് മാറി,
എനിയ്ക്കു പതിയെ പതിയെ എന്റെ ജീവിതം തിരിച്ചു കിട്ടി തുടങ്ങി.!
ആകെയുള്ള ഒരു പ്രശനം വീണ വീട്ടിലുള്ളതാണ്.!
അവൾ നിമിഷനേരം കൊണ്ട് എന്റെ വീട്ടിൽ ഞാനൊഴികെ എല്ലാവരെയും കയ്യിലെടുത്തു,
അകെ എന്റെ കൂടെ കട്ടയ്ക്കു നിന്നതു സനുവായിരുന്നു,
വീണ ഫോറിനിൽ നിന്ന് അവളുടെ അമ്മാവൻ വഴി എന്തെക്കെയോ മേക്-അപ്പ് കിറ്റ് മേടിച്ചുകൊടുത്തു അവളെയും പാട്ടിലാക്കി.!
സത്യത്തിൽ വീട്ടിൽ ഞാൻ ഒറ്റയാൾ പട്ടാളം ആയി.!
എന്നിലും കാര്യം അവളെയായി വീട്ടിൽ എല്ലാര്ക്കും.!
ഒരാഴ്ച പറന്നു നീങ്ങി.!
ഇതിനിടയിൽ ഒരു സിഗരറ്റ് പുകയ്ക്കാനുള്ള ഗ്യാപ് പോലും അവളെനിക്ക് തരുന്നില്ല,
ടെറസ്സിലെങ്ങാനും നിന്ന് വലിക്കാമെന്നു വെച്ചാൽ ഒന്ന് പുകയെടുത്തു വരുമ്പോഴേക്കും അമ്മയെ എവിടെനിന്നെകിലും പൊക്കി പിടിച്ചോണ്ട് അവൾ എത്തും.!
പക്ഷെ വീട്ടിലെ മറ്റുള്ളവരുടെ എല്ലാ കാര്യത്തിലും അവൾ ഓടിനടന്നു പണിയെടുക്കുന്നു,
സംഗീത ചേച്ചിയെ അനങ്ങാൻ പോലും സമ്മതിക്കാതെ സഹായിക്കുന്നു,
അമ്മയെ അടുക്കളയിൽ വൻ സഹായങ്ങൾ,
അമ്മാമ്മയ്ക്കുള്ള എല്ലാം അവൾ നോക്കിയും കണ്ടും ചെയ്യുന്നു,
അച്ഛനോട് വളരെ ബഹുമാനത്തോടെയും സ്നേഹത്തോടെയുമുള്ള പെരുമാറ്റം.!
എന്തിനും പോരാതെ അങ്ങേരുടെ പട്ടാള തള്ളുകഥയ്ക്കു ഒരു വളരെ തല്പരയായ ഒരു ശ്രോതാവ്,
സനുവിനെ എല്ലാ ഹോംവർക്കിലും സഹായിക്കുന്നു.!
മൊത്തത്തിൽ വീട്ടിൽ ഒരു വീണ മയം.!
മിക്കവാറും അവളുടെ അച്ഛന്റെ കണ്ണിൽ പൊടിയിടാനുള്ള പരുപാടി ആവണം,
ഞാൻ ഹാളിലിരുന്നെങ്ങാനും ആണ് പഠിക്കുന്നതെങ്കിൽ എനിയ്ക്കു ചായയെല്ലാം കൊണ്ട് വന്നു തരും, ആരും നോക്കുന്നില്ലെങ്കിൽ അവളുത്തന്നെ ആ ചായ വിഴുങ്ങും.!
എല്ലാരേയും അവൾ കീഴ്പെടുത്തിക്കൊണ്ടിരുന്നു.!
ആദ്യമൊക്കെ ഞാനും എലയ്ക്കും മുള്ളിനും അടുത്തിരുന്നില്ല.!
പക്ഷെ പതിയെ പതിയെ എന്റെ ഉള്ളിലേയ്ക്കും വീണ പടർന്നു കയറാൻ തുടങ്ങിയിരുന്നു,
അവളുടെ ആ ചിരി, ആ സംസാരം,
എന്തിനും പോരാതെ അവളുടെ ആ സൗന്ദര്യം എല്ലാം എന്നെ തളർത്തി കൊണ്ടിരുന്നു
അവളറിയാതെ അവളെ ശ്രെദ്ധിക്കാൻ തുടങ്ങിയിരുന്നു.!
അവൾ മെല്ലെ മെല്ലെ എന്റെ സ്വപ്നങ്ങളിലേക്ക് പടർന്നു കയറാൻ തുടങ്ങി.!
എന്നെയാണേൽ പഠനമെന്ന പേരിൽ വീട്ടിൽ തളച്ചിട്ടിരിക്കാണ്.!
മൊബൈലിൽ കളിയാണെന്നു പറഞ്ഞു അവളുത്തന്നെ അമ്മയെക്കൊണ്ട് മൊബൈൽ എടുത്തു വെപ്പിച്ചു
ഉറ്റ നന്പന്മാരായ തെണ്ടികൾ പോലും വിളിക്കുന്നില്ല.!
മിക്കവാറും വിളിച്ചുകാണും, ‘അമ്മയോ അച്ഛനോ എടുത്തു വിരട്ടി കാണണം.!
എല്ലാം ഒറ്റയടിക്ക് വെല്ല വെള്ളപ്പൊക്കത്തിലും ഒലിച്ചുപോയോ.?
അന്ന് ഒരു ഞാറാഴ്ച ആയിരുന്നു സുഖമായി എന്റെ റൂമിൽ ഇരിക്കുന്ന സമയം,